dedebbie的个人专页

琴日晏收工去咗荃灣見到呢間串燒店開到12點咁就啱啦，可以當晚餐加宵夜！一掃QR code見到超級多選擇眼花撩亂好似乜都有得食咁好開心🤭先嚟咗個前菜八爪魚好開胃，叫咗柑桔薑蜜好飲呀，跟住就到食物方面清酒煮蜆好驚喜呀，好濃嘅清酒味啲蜆都好新鮮。雞皮餃子超級熱，爆曬啲汁出嚟。有我最愛嘅燒青椒辣辣地咁好香口。之後就嗌雞啦，有雞肉串雞腎雞軟骨，全部都好爽口又惹味！有個燒帶子超級香蒜蓉味呀。之後嚟咗個原條肉碎茄茄子，幾特別喎上面係肉碎好香口！之後就到牛肉串啦，鍾意食牛嘅唔好錯過，全部都好多汁彈牙唔會韌！再嚟一個特別嘅厚燒牛舌，咁厚嘅牛舌都係第一次食啊好足料！最後嚟多個雲呢拿千層蛋糕幾清甜！今餐就完美結束啦晏收工想食宵夜嘅朋友千祈唔好錯過啦,仲有好多酒類飲品花多眼亂下次一定要再試下d酒!…查看更多

收工約咗朋友想食泰菜見到呢一間大排長龍，喺網上有好紅嘅泰菜，好想試吓😛環境超級似去咗泰國夜市，全場爆滿好熱鬧。叫咗個推介嘅燒豬頸肉，好入味口感好加埋個醬汁好惹味😝再叫一個推介嘅大大炸蠔餅，嘩！嚟到見到超大盤好夠份量，每啖都有大大粒嘅蠔😳😳😳好抵食！甜品叫一個招牌芒果糯米飯，芒果超甜加埋啲椰汁一流，真係食泰菜必食🤗咁耐冇去泰國，梗係要整返兩杯泰奶🤭甜度好適中，啱晒香港人嘅口味大大杯超級解渴！食泰菜一定會encore佢🤭…查看更多

琴日銅鑼灣行街，行行吓落大雨！見到有間食芋圓綿綿冰嘅甜品舖即刻入去睇吓。間舖頭有好多種類嘅嘢食，全部都好吸引。我哋叫咗Tiramisu蛋糕冰，啲冰好綿，Tiramisu超級夠味好有驚喜，中心有啲朱古力，同埋底層有手指餅吸晒啲咖啡味好好食😋再叫咗個紫薯串串試吓啦，嘩大大嚿麻糬超煙靭超好食，加埋個面嘅紫薯同埋仲有啲奶蓋嘅味道，好中我哋口味，勁想食多串🥴傾偈傾到好口乾，想飲杯嘢飲，就叫咗芋見泥珍好，一飲即刻好驚豔🤪因為入面係超足料嘅芋圓，珍珠，紅豆，仲有西米露！口感非常豐富，每啖都食得好幸福。另外環境都唔錯，可以睇到街邊風景，又可以慢慢坐傾吓偈，真係下午茶嘅好去處😍去開銅鑼灣都會encore😌…查看更多

個日行開太子見到呢間未試過嘅餐廳，外面睇好有日本cafe feel，幾靚幾舒服。決定一個人入去試吓佢個lunch ！因為唔係太肚餓，所以叫咗比目魚配薯皇，蘑菇餐。條比目魚燒得幾香口，個汁甜甜地幾開胃，份量都夠食，個薯仔都好食高質！嗰餐有送沙律，份量岩岩好，另外我叫左個水果茶都幾清新消滯，可以落個柚子糖漿，唔會怕太甜！加小小味道啱啱好👍環境小小暗，都好啱幾個朋友一齊飲飲食食同傾吓計！下次可以再試下dinner…查看更多

叫左$298個餐，冇QR code落單已經好差好唔方便！黎左一次啲肉，已經冇人手落單再叫野食！叫左個女職員落單一次，食物冇黎！再叫個女職員跟，佢話會跟，食物冇黎！我哋要自己行去counter搵個男職員落單，見佢即刻落左單，但食物都冇黎！貴餐多嘅食物全部無！唯有叫個男職員改翻平餐，佢態度都幾好，接受嘅。但個女職員就態度惡劣，大大聲話自己有跟，但冇貨賣又唔出聲，0交代，推卸責任俾廚房，0服務態度，好差！冇下次！劣呀～俾錢買難受～…查看更多

收工同朋友想食日本菜，大山喺旺角，地點又方便就試一試佢啦！我哋叫左黑松露三文魚沙律，黑松露味夠出，三文魚幾正幾新鮮同份量都好多，沙律整體幾好食同開胃喎另外有叫到牛肉壽喜燒，湯底入味夠哂多料，有菜又有爆汁蛋再叫左芝士鰻魚卷，份量超多好食😋另外又有叫燒雞軟骨串同牛舌，牛舌好爽口彈牙，兩樣都好食！牛舌愛好者要試下啦！位置都坐得舒服，晚市都好多人食下次會再試下剌身飯，賣相幾吸引要食日本野下次都會揀依間番啅…查看更多

中午lunch好想食辣野，喺旺角見到依間店，落一層見到裝修好有太空feel，好cyber好靚好大 環境坐得舒服叫左lunch set 有主食，小食，飲品價錢幾抵食叫咗個牛肉香鍋，配麻辣豬耳，飲鮮綠茶珠珠奶上菜速度幾快，服務唔錯。牛肉香鍋好夠辣，入面好多配料有蓮藕，洋蔥等，牛肉足料，好惹味！麻辣豬耳份量夠多，夠爽口，辣辣地好開胃！飲品唔會太甜，岩岩好可以解下辣。下次如果人多想試下其他鍋或者酸菜魚，睇落都好吸引…查看更多

我收工去到新泰門口大排長龍，好彩我同朋友有book定位入到去環境幾大，坐二人枱好闊落冇壓迫感可以好好傾偈慢慢坐。叫咗好想飲好耐嘅泰式奶茶少甜，係我鍾意嘅泰式奶茶味道，又唔會太甜幾唔錯朋友叫咗杯梳打都好清新好Fresh!先叫咗個柚子海鮮沙律，第一次食好清新好好味有驚喜！再叫咗必食嘅生菜包大大份幾好味！之後叫咗個青咖喱豬肉配蒜蓉包，咖喱味唔錯唔會太辣，蒜蓉包夠脆夠香口。最後食埋蒜蓉炒菜同菇，夠晒有蒜味性價比好高嘅泰菜，會再嚟食…查看更多

有人放工想同朋友食台灣菜，去到深水埗見到古早牛肉麵裝修唔錯餐牌吸引，我哋兩個人叫咗一個牛筋牛肉撈麵 ，撈麵麻麻辣辣凍冰冰好野味開胃，牛肉牛筋份量夠多，牛筋好彈牙口感一流！再叫咗屙仔煎份量夠大入邊夠多蠔，質地唔會太濕，啱返香港人口味！再叫咗芝士蛋餅，外面夠晒脆，入面cheese分量剛剛好，幾香口美味！飲品方面芝士岩鹽奶蓋紅茶，唔會太甜入口香濃非常高質好味！位置幾好坐，服務唔錯，下次可以再戰，試吓其他食物！…查看更多

依日好想食泰國嘢，同朋友去到依邊發現有新餐廳！終於有人一齊share生蝦！生蝦好新鮮呀，加辣椒同生蒜頭，又辣又爽夠大大隻蝦，啖啖肉，2人食剛剛好！我地仲叫左青咖哩加薄餅，咖哩好味，啱我哋中意重椰味，點好脆嘅薄餅好滋味！之後仲叫左至愛嘅生菜包，大大份又好味，夠辣夠多肉粒同洋蔥小食有好脆口嘅蝦片！飲品都幾多選擇我地飲左杯芒椰奶，唔會太甜，好飲！總結食物份量大，味道不錯，服務都幾好，價錢都平均！下次會再食…查看更多

同朋友行街食飯想食下日本野 天氣熱會開胃d去到荃灣依間店一到即有位 唔洗等叫左2個飯，一個三文魚🍣一個海膽飯好快上菜！海膽好厚鋪滿面 賣相好好飯份量正常！海膽入口鮮甜好味😋好滿足呀！三文魚都幾多份量，鮮甜！夠哂2人share食！環境唔嘈，可以慢慢食慢慢傾。另外叫左2杯飲品紅豆冰都好正！仲叫左小食芝士波波，有3塊大大份。好正呀芝士十足！又炸得唔錯服務幾好，成日會湛茶，又快上菜！下次會再試下其他飯同小食！…查看更多

等朋友放工之後食個tea當晚餐我哋叫咗一個飯一個意粉飯就係蟹肉南瓜飯而意粉就係黑松露菇意粉每個餐都有餐湯係忌廉蘑菇湯都幾濃郁入味而飲品方面就叫咗一杯綠茶latte同青檸梳打梳打好清新可以消暑，綠茶latte唔係太甜剛剛好幾好飲個飯都好驚喜蟹肉加埋南瓜飯幾好食喎！個飯味道適中，咬落口感幾！意粉亦都夠黑松露味又多菇！整體份量都算多會食到幾飽環境方面幾清新優雅後面有啲綠色嘅草都幾有渡假旅行嘅感覺餐廳唔太迫 可以慢慢食慢慢傾偈下次可以再試其他餐！…查看更多

依間串燒嘅爐係自動轉轉咁燒好啱懶人坐係度等食呀老闆好好介紹點用爐同調味料我地叫左大部分食物例如：和牛，豬，雞軟骨，雞腎，另外會有菠蘿，秋葵，菇，綿花糖，雞蛋仔等。飲品任拎，有可樂，無糖茶等。和牛入口好軟好好食，雞腎同牛舌幾爽口彈牙！肥豬肉入口即溶，雞軟骨同墨魚咀都好有咬口。秋葵同墨魚丸燒左特別好食，菠蘿就可以消下濟。食完咸嘅，再食甜嘅綿花糖，雞蛋仔，仲有甜蕃薯中和翻，食得好滋味調味方面好多款，有韓式醬，辣粉，海鹽，孜然粉，個人最愛落孜然粉好襯串燒！另外仲有魚露都好惹味呢！慢慢自動燒一路食一路傾，真係幾chill食完仲有haagendazs雪糕，超滿足喎！落左單好快上菜，整體食物質素好，服務好，可以再食！…查看更多

放工同朋友行葵涌廣場食咗啲小食之後大家都好想飲手搖飲品之前有聽朋友介紹話nuttea特別好飲見葵涌廣場都有分店就即刻去試吓飲品店有好多唔同選擇但係同朋友都比「蘋果脆脆焦糖堅果奶蓋茶」吸引！落單之後好快有得飲，一試難忘！個奶蓋超厚，比平時其他店厚一倍有多，將佢搞落飲品度都唔會溶到冇晒。奶蓋口感好好，加埋d nuts碎唔會太甜太濟。加上蘋果飲品好清新，飲完唔會太飽。真係好欣賞個奶蓋，點解可以咁厚，加埋上面有啲脆脆令到成件事好好飲…查看更多

等朋友收工一齊食永年，平時食lunch食得多，今次想食哂d小食試下！叫左超多小食，有蝦多士，牛三寶，魚肉生菜，魚旦豬皮，煎釀三寶，豬耳，南乳雞翼，樽仔奶茶，綠茶紅豆冰等！2個人叫禁多都食得哂！朋友好中意個蝦多士，所以仲encore叫左2次！蝦多士炸到好鬆軟，新鮮出爐口感超正！我地都好中意個豬耳，個汁好味又係涼食，好醒胃。其他食物我個人就中意南乳雞翼，魚肉生菜可以揀辣度，我叫左小辣，個永年辣汁好好味！下次會再encore樽仔奶茶好香滑，綠茶紅豆冰同之前飲過一樣甜度啱啱好，飲完唔會濟！六點入去食剛好唔係太多人，可以坐到卡位，坐得舒服，可以慢慢食慢慢傾偈。上菜時間好快速，食物新鮮熱辣辣，質素幾好叫左禁多都係200幾蚊，食到好滿足。…查看更多