WanLokTung的个人专页

簡直係垃圾放題~野食得無樣得,其他野食唔係凍就係硬,蟹柳有臭水味,甜蝦唔ok完全唔OK,連食雪櫃既雪條都係溶架!!!!!!炸物叫左幾次都唔黎,成日有漏單,但重點係食夜晚10點,得3-4檯都漏D侍應趕收工,食左1個鐘就已經last order,第1round都未依食完,我點叫下一round...食食下檯面有蜘蛛曱甴行過,即刻唔食, 真係蜘蛛曱甴一齊同檯食,超級恐怖~呢間餐廳完全可以執得!!!!!真係唔會再幫襯…查看更多

今次第一次食Charlie Brown Cafe, 當然少不免要試試佢既high tea set同pizza啦🤤🤤首先佢既high tea set既鹹點同甜點比例適中，1️⃣底層：三文治食落好fresh😍，炸蝦又香又脆🤩，薯仔沙律有啲膩😟，芝士火腿tart都太膩啦😖2️⃣第二層既鬆餅完全唔好食，又膩又硬身，唔夠牛油香😔，果莓啫喱太甜😰，Cheesecake好好食，又軟身又好濃郁既芝士味🤤，3️⃣朱古力蛋糕幾好味，一陣薄薄既朱古力配上鬆軟既蛋糕底，好夾😋不過瑪卡龍就甜左啲，入面既cream好軟身好味，不過食左都唔知佢想整咩味道☹️4️⃣千島醬海鮮pizza😍大愛😍餅底又脆又香口，配埋甜甜地既千島醬，加上足料既海鮮，食落口覺得口感好豐富，又滿足啊🤩🤩🤩整體分數：🤤😋🤤😋🤤好味：🤤😋🤤環境：🤤😋🤤😋服務：🤤😋🤤…查看更多

即興走左落去紅磡食宵夜🤣🤣🤣好正既就係我地可以坐係路邊食，別有一番風味😚😙😚______________________________估唔到一間小本經營的店竟然都有驚喜，就係😎招牌燒茄子🍆🤓秋刀魚😎烤雞皮（限量）😍😍😍燒得好香，腌得好入味，落左不少蒜蓉、蔥同孜然粉，真係未食都已經估到好好啦🤤🤤🤤雞皮燒得好脆口，一啲油膩既感覺都無😆😙😆其實仲食左其他串燒🍢🍡🍢😎牛肉餅🐂🤓羊肉串🐑😎牛脷🤓台灣腸但係呢幾款有啲乾同肉有啲靭，完全唔好食😖😖😖不過深宵飲住啤酒送串燒，一齊吹水@，好爽啊😝不過由於少人做，經常都會出現漏單同埋要等好耐😖______________________________整體指數-🤤😋🤤😋🤤好味：🤤😋🤤環境：🤤😋服務：🤤😋…查看更多

韓式炸雞同烤雞一直係香港吹啊吹😚😚😚搞到度度地方都係😌😌但係講真個句有邊間可以keep到好既質素啊~😌Goobne Chicken就係其中一間仲keep到岩岩黎香港開業既質素😃夠穩陣🤘🏻 隔左一段時間無食，見到menu又出左新口味既烤雞 – 果味蒜香烤雞😍梗係二話不說即刻叫黎試下啦😋1.果味蒜香烤雞一上菜見到烤雞有啲偏黑，以為落左黑醋😂哈哈~唔理咁多啦🙈等左咁耐一於食啦~食落去既汁濃甜度適中😍，甜甜地，試真啲真係食到果香味😋，有少少既蘋果香😙，加埋蒜片係雞肉上面，味道果然好夾😎~除左醬汁之外，雞肉烤得好嫩😚😚，而且雞皮烤得又脆又香口，食到停唔到口😋😋😋 2.蜜糖咖喱烤雞呢度由開業到而家都係必叫既，清甜既蜜糖😝，加上香噴噴咖喱粉香😙舖滿係又脆又滑lulu既雞肉上面，外脆內軟，咖喱粉配上淡淡既既蜜糖，食落完全唔膩~果然無失準😋，無令我失望😎😎 3.韓式炒粉絲雞蛋卷雞蛋卷整得又香滑又鬆軟😆，用雞蛋包住香氣十足既韓式炒粉絲簡直一流😍，炒粉絲唔會因為俾雞蛋包住左而變得腍身😉~除此之外，雞蛋卷上面灑左上茄汁同埋獨制醬料🤤😍🤤，食落口所有醬料同雞蛋卷融合左一齊，真係好夾🤤不過食多一至兩件就已經好膩了😫所以建議多D朋友一齊去食先叫黎share啦👫👭👬 …查看更多

人生成日為工作而忙碌，係時候搵個weekend去郊外relax下啦😌😌😌今次休息我地揀左中西合壁既南丫島搵食同行山，一黎多café/ bar選擇，二黎又可以行下簡單山路睇下風景，傾下計😜真係好舒服架🤤🤤🤤一落船就一路探索邊個café值得試下，見到Hideout café 門面都係簡單decorations，木椅同木檯既擺設都好精緻~於是就決定入去試下🤓一睇到Menu就二話不說揀左Everything同 U.S. Beef Patty with Orange juice and Apple juice啦😎😎😎值得一提係你落左order老闆先會入廚房整，可以話即叫即整架😍😍😍所以假日去，等既時間可能會耐少少架😚😚😚 1.Everything嘩嘩嘩😵話到明everything，即係咩都會有啦🤗~Everything入面有烘底麥包，薯餅，香噴噴既牛油炒蘑菇，煙肉，香腸，滑滑炒蛋，茄汁豆，紅卜卜既大蕃茄，時令水果~😍多士烘得又熱又脆，搽上一層牛油即溶，入口鬆脆😙😙薯餅炸得好香口好脆，完全唔油膩😚牛油炒雜蘑菇好重牛油香氣係每一件蘑菇上，又唔會太稔，仲有少少爽口~🤤煙肉我覺得煎得太耐，肉質較靭😢，不過佢就無一般係街買既煙肉咁油膩香腸煎得唔夠香脆😥，稍為遜色炒蛋加入牛奶同牛油炒香，所以十分香滑😋紅卜卜既大蕃茄用少少黑胡椒同香草烤過，除去左生蕃茄既腥味，值得一讚😍😍😍2.U.S. Beef Patty一見到個burger好夠份量，仲有配角 – 洋蔥圈，薯條黎陪襯~未食已經流哂口水啦😋🤤😍Burger真係好足料，入面有酸瓜，生菜，洋蔥，蘿蔔絲，芝士…當然唔少得主角 – 牛肉漢堡~漢堡用左鹽同黑胡椒腌得好入味🤤，但係煎得太乾身😓，做唔到juicy既感覺😢洋蔥圈炸得幾出色，炸粉同洋蔥無分開，咬落去又鬆脆又香口🤤🤤🤤如果份量再多D就好啦~😢粗薯條好脆好香，一食落去就知用新鮮薯仔去整，外脆內軟🤤______________________________整體分數 – 🤤😋🤤😋🤤為最高好味：🤤😋🤤環境：🤤😋🤤😋服務：🤤😋🤤😋 值得一提老闆好貼心，將醬汁分開上，無搽落burger，等客人可以食到最原始既味道👍🏻👍🏻👍🏻，唔會俾sauce蓋過肉汁既鮮味~ 仲有環境一流😽，望住南丫島海景一路傾計一路享受美食，真係又寫意又舒適😍😌😍😌😍😌…查看更多

識左好多年既一班朋友請我食生日飯，以我成日抱著試新野既心態一於試下朋友推介既The Chop House先啦~😌😌😌1.USDA Prime Grain Fed Rib Eye (12 oz)美國殼飼肉眼扒 (好味指數: 3.5/5)一見到覺得份量好大，而家切落去好juicy，肉質鮮嫩，見到入面啲肉仲有少少紅色，但絕對唔會流血水，感覺好好！一食落口雖然好嫩口，但係略鹹，俾鹽味奪走肉質既味道…….建議大家如果係屋企煮落好少好少既黑胡椒同海鹽煮牛扒就可以啦2.Spicy Chicken Wings (10 pcs) 香辣雞翼 (好味指數: 4/5)雞翼未上檯之前已經傳黎香氣，一放低已經急不及待食番一隻先。雞翼炸得好脆口好香，用辣既配料腌製過亦滲入左雞肉度，仲要唔會辣到食唔到先好😌，辣味剛剛好😚，真係超級好味！用黎同朋友吹水飲野食呢個小食一流啊😝😝😝3.Chop Chop Salad with grilled prawns 招牌沙律配烤蝦 (好味指數: 4/5)烤蝦超級入味😋，佢完全入哂烤既味道落蝦度，而且仲要爽口，加埋用黑醋為醬汁既沙律一齊食😌😌😌，食完唔會覺得膩，好fresh好開胃😚，作為前菜食係一個唔錯既選擇😙4.Full Slab of Smoked BBQ U.S. Baby Back Ribs低溫焗美國豬肋骨伴BBQ汁 (好味指數: 4.5/5)今餐最出色既就係呢個豬肋骨啦，BBQ汁舖左落豬肋骨上面好夾，我估佢焗緊既時候已經將BBQ汁搽左幾層係豬肋骨上面，所以食落已經好入味😋😋😋😋😋簡直食完一舊會再想食！入味之餘，由於佢用左低溫焗保持肉質既鮮味，而且肉質鮮嫩😍😍😍5.Onion Wings洋蔥圈 (好味指數: 4/5)食洋蔥圈最驚佢一咬就成條洋蔥咬左出黎，而炸粉就擺左係度…但係呢度既洋蔥圈做得幾出色，佢既炸粉同洋蔥無分開，咬落去又鬆脆又香😋，值得一試總括黎講，呢間餐廳既食物唔錯既，除左肉眼扒我覺得係需要改善一下，都係一個吹水好去處~😗😗😙題外話，我自己覺得呢間餐廳既燈光太暗，而且有啲嘈😫不過有樣野都要讚賞一下就係佢會幫生日仔既朋友同你地影番張即影即有作為留念架~🤓🤗😎整體好味指數：4/5 😋😋😋😋…查看更多

而家介紹一間係深水埗既pizza & cafe先啦😚😚😚等大家唔好覺得深水埗剩係得茶記同小食既選擇今次同同事食晏去試左呢間既set lunch，價錢$50左右啦🙈有湯有沙律有野飲😍沙律 （好味指數：😋😋😋）菜好新鮮，配上黑醋酸酸地，口感都幾清新，幫個胃打開食慾😙但係我覺得係底落得太多醋，所以食到底都唔敢食太多啦😖😖😖羅宋湯 （好味指數：😋😋😋）佢蕃茄味好重好濃，都有唔少配菜，酸酸甜甜都幾好味，不過如果有少少微辣會更好😌意式蕃茄烤麵 （好味指數：😋😋😋）上面舖滿左芝士，亦有唔少蕃茄，溝埋意粉黎食感覺唔膩，而家佢用鐵穫上可以保持住佢既熱度，唔錯唔錯😚不過我自己自己覺得意粉醬汁太少，偏乾身😫同埋如果有少少肉碎就會更perfect😌呢間餐廳可以俾你地係深水埗多一個選擇，而且環境唔錯，可以坐下同朋友傾計都幾好架…查看更多

從來食任食火鍋都唔會有咁大既期望，因為知道任食仲要百幾可以有咩要求呢🙄點知我今次試到一間勁好食既高質素任食火鍋，仲可以食2.5小時🤗🤗🤗都只係168加一，我直頭一定一定要推介俾朋友仔試下首先佢有啲前菜，包括泡菜、綠菜蕨餅同埋紫薯，食落好新鮮而且泡菜都好爽口，好舒服😙😙😙我地叫左兩款湯底，包括藥膳湯同埋蘿蔔粟米豬骨湯😋未落火鍋料梗係試一試湯底先啦😍湯好清好甜，完全唔似加左味精落去，我都忍不住飲多幾啖😋😋😋由於叫左太多野食，我概括一下啲食物質素先😝羊肉片切得好薄，而且鮮嫩，食落去仲有一陣騷味😙😙😙仲有手打墨魚滑好爽口好滑，而且打得好企身，唔會散😚當然仲有安格斯肥牛，唔似一般既肥牛有好大既膏，佢非常新鮮，而且好有牛肉既味道，完全唔似一般低質既急凍肥牛😝😝法式鮮牛非常入味同鮮嫩，好滑，食完一片會想繼續食多幾片😌鮮蝦腐皮卷一定要叫黎食，佢入面既蝦膠爽滑，而且蝦滑好鮮甜😋餃子皮既厚度剛剛好，餡好新鮮，絕對唔會一夾就散😌貢丸絕對係好食過我地平時任食既火鍋餐廳，佢啲丸絕對係高質素，而且爽口，唔似出面急凍既無味丸😙鮮蝦非常新鮮爽口，而且好鮮甜😋😋😋另外呢間餐廳服務周到，除左有好多種類既飲品俾你選擇之外，佢仲有一個雪櫃放唔同既蔬菜俾客人揀，十分貼心，而且仲可以慢慢自己揀，唔使落單要咩咩既菜👏🏻👏🏻👏🏻最後，建議各位想試呢間餐廳要大約1600-1630黎排定隊等入去食啦，因為呢間好難打得通電話book位架😖呢間係我暫時評分最高既一間好味指數：😋😋😋😋😋😋😋😋😋…查看更多

Jaspas @Kennedy Town今之同同事做完野之後去左試一間西餐廳，見門面裝修得唔錯，環境都幾岩傾下計，所以一於去試下🙈佢一個set lunch 都要118(未計加一同埋唔包野飲)，我覺得價錢偏貴1. 薯仔湯 （好味指數：4/5）呢個湯值得一讚，佢啲薯仔煮得好溶，而且用湯去滾味道源淡地都唔錯，加上佢無加忌廉落去煮，所以唔太膩，十分滿意😚😚😚不過飲完呢個湯已經會有啲飽肚既感覺啦😖😖😖2. 西冷牛扒配薯仔沙律 （好味指數：2/5）我地叫個陣侍應完全無問過我地要幾多成熟，所以牛朳黎到有啲老，而且黑椒汁有啲鹹同濃味，搶走左肉既鮮味。但係薯蓉好好味，有淡淡既牛油香而不太膩，食完一啖都想繼續食落口😋3. Oero Cheesecake （好味指數：1/5）呢個甜品係我覺得最差，話明oero cheesecake，完全無oero cheesecake既味道，得用左好多鹹牛油整既餅底味道，完全唔合格，成件蛋糕同佢既名完全唔夾，好失望😫😩😫呢間餐廳勝在環境好，for傾計係唔錯既，但係食品質素有待改善啦😖😖😖好味指數：😋😋😋😋😋…查看更多

本身夜晚好少落樓下食飯，但係有親戚黎左而母親大人唔想煮，所以試下幾款茶餐廳既小菜啦首先講下啦，呢間茶記做早餐啲質素已經大不如前啦，阿姐態度又差，啲多士又唔脆口，公仔麵無味，仲有個早餐menu已經cut左好多款啦但係今次試完啲小菜之後，覺得夜晚可以再黎食過1. 土魷蒸肉餅 （好味指數：4/5）肉餅同土魷既味道好夾，雖然腍左少少，但係味道好入味，而且淋上自家豉油突出肉既鮮味，送白飯一流😚2. 紅燒班腩豆腐煲（好味指數；：3.5/5）一上菜個煲熱辣辣，班腩炸得唔錯，唔太厚粉，啲汁都覆蓋到每個班腩上面，豆腐同班腩都好多，但略嫌個個醬汁未夠突出😩3. 椒鹽骨 （好味指數：4/5）一上碟已經聞到好香好香既炸蒜同小辣椒味道，試落口骨炸得都幾鬆脆，而家份量好多，骨都好大舊，食到有啲停唔到口🤤4. 粉絲雜菜煲 （好味指數：3/5）湯好清，加上蝦米既味道，令到啲菜唔會過於清淡，配左唔同既菜如菜心，芥蘭，西蘭花，口感唔錯既☺️整體黎講，我第一次食呢間茶記既小菜令我對佢改觀左，下次唔煮飯既都可以再試下其他款式先😆😆😆好味指數：😋😋😋😋😋😋😋…查看更多

同朋友仔一齊去食飯吹水，想搵啲大眾化既餐廳試下，睇黎近年來Euro go go為求得到多啲顧客幫襯，出既餐係就係快左，可惜質素大減，令人失望☹️☹️☹️1. 蜜糖雞翼5隻雞翼雖然甜味足夠同埋少許脆口，但係燒得太濃😔，而且蜜糖甜味未能滲透落雞肉裏面☹️2. 鮮茄煙肉腸仔蘑菇意粉汁好稀，唔夠濃郁，而且意粉煮得太腍身😔腸仔煙肉只係一般3. 法式薯茸焗田螺呢個依然尚算保持水準，田螺肉鮮味，薯茸混合香草同埋忌廉令到更香更滑更好味，兩個加埋一齊味道好夾4. 焦糖燉蛋焦糖唔夠脆唔夠濃，下面由於用得太多忌廉而令到蛋味唔突出，變左食忌廉蛋，而家太軟身，好流😔5. 梳乎厘梳乎厘熱辣辣，口感軟綿綿，但味道感覺上唔似全部用哂蛋白黎做，有少少麵包味道，所以覺得一般😞經過今次之後，我覺得質素下降左好多好味指數：😋😋😋😋…查看更多

完全令人失望既Green tea latte，綠茶粉落左勁多，搞到杯野勁苦勁難飲，就算有落奶都中和唔到個苦味奶泡雖然整得靚，但係無奶香既感覺，扣哂分，而且仲要唔甜仲要價錢同Starbucks差不多，但bricklane呢杯好細杯，唔太抵飲😭😭😭好味指數：😋😋…查看更多

照燒雞朳飯 $52除左雞皮脆之外，雞肉較為老，佢採用左黑椒汁，實在太辣了食唔落就算佢想用牛油粟米中和番辣味，但我覺得太辣😫紅色絲更加同呢個飯唔搭另外價錢以午餐黎講有啲貴，唔太推介呢間好味指數：😋😋😋…查看更多

吉豚屋和風汁吉列雞朳飯之前好怕食炸野會好厚粉，而家好快就唔脆😖呢個完全唔會有呢啲感覺，佢皮肉分離，而家搽係肉上既天婦羅粉並唔厚，肉汁好鮮，加上佢採用既雞朳唔係雞皮好厚個種，薄薄既雞皮食左都唔會覺得膩仲有值得一讚就係佢既珍珠米，佢唔係黏而且有咬口，粒粒分明和風汁同炸物好夾，以後曬左汁會令炸物唔脆，點知完全無呢種感覺如果唔夠汁檯上仲有和風汁比你添加，所以唔洗怕叫人加汁俾你啦值得一提就係呢間日式餐廳並沒有港式化，同大家去既日本快餐店好相似😎好味指數：😋😋😋😋😋😋😋😋…查看更多

決定去天后附近既餐廳試下先，今次覺得抵食之餘而且仲幾有家既味道尚囍1. 臘腸排骨煲仔飯臘腸好香好入味，啲汁流落啲飲度，而且排骨好軟身，加少少煲仔飯豉油已經好入味2.窩蛋牛肉煲仔飯佢採用左生蛋，利用煲既熱力去整熟隻蛋，仲有牛肉非常嫩口，火喉剛剛好，而且飯開頭食唔會太硬，慢慢再變飯焦既感好好3.瑤柱朳豆苗個茨好夾，但我覺得瑤柱較散，如果實啲口感會仲好4.豉汁蒸鎗魚豆豉舖滿魚身，所以豆豉味完全充分反映係魚肉度，但我認為蒸既時間耐左少少，魚肉較為實5.清湯蘿蔔牛腩煲牛腩好軟腍，而家湯頭清香，不過胡椒味好濃，覺得會少少辣6.紅燒豆腐煲覺得呢個好一般，豆腐較易散，個茨一般，菜都好少7.菠蘿鎮江骨鎮江骨好腍，並唔難嚼，而且醬汁可以完全包圍啲骨度，好入味8.霸皇雞（半隻）雞好嫩滑，不太肥膩，但啲汁我覺得同啲雞唔太夾好味指數：😋😋😋😋😋😋😋…查看更多