黄的的的个人专页

上openrice睇到呢間嘢好似幾好，於是同女友嚟試下。除咗想試佢地主打嘅龍蝦山，仲想試埋雞煲，可惜係餐單有，實際係無呢樣嘢嘅。食咗以下東西:1) 龍蝦山: 中辣。 肯定材料新鲜嘅，但係煮得普通。如纯計干煱，有太多地方做得比佢好，例如、滿江红，麻麻辣辣，人地真係色香味，呢度係唔多得。底下係菜，豆卜呢類，食完上面干煱，店員會加湯比你打邊爐，不過無得選湯底，因為呢度只得佢地秘制湯底，味道唔清楚係乜，無特點。2) 原價300幾和牛: 果日話半價194， 有牛味，但半價都覺唔值 3) 安格斯 : 188, 似好少少嘅肥牛，同一般外面食嘅安格斯有距離4) 牛丸: 普通嘢5)雪糕: 超好食！ 芝麻同薑汁味都正斗總结: 店員落力，食品中下。 又一間有姿勢無實際…查看更多

待應同㕑師都有禮貌，待應會勤力幫你換碟，酙酒，服務幾好👍👍👍食物就普通，選擇都唔算多凍海鲜: 無乜味， 石蠔好啲，但係唔會主動開比你，你唔出聲只會見到另一種較淡味嘅煎鴨肝: 煎嗰位呀姐好忙，煎唔停焗龍蝦: 無乜味燒味類: 只有豉油雞，一般羊架: 幾冧燒牛肉/燒三文魚: 燒牛肉ok熟食嗰部份，唔多選擇，蒸魚之類無，蝦仁就做咗兩款餸冷盤類: 選擇都係少咖哩類: 最好食呢樣每位69幾，加每位90幾任飲酒，汔水(紅，白酒一般，啤酒係生力) ，用hsbc visa有78折， 每位700左右。 第一次旺角區食自助餐，呢間普通，因為食品選擇少…查看更多

終於揾到間好滿意嘅台式麻辣火煱店，之前去開養心殿，不過發現越來越退步，暫且不提，呢日响openrice訂位，下午5點半就到，員工仲食緊飯，不過佢地見有客都即時招待仲好好禮貌。 睇下餐牌，好👍選擇夠多。 1) 麻辣拼雞湯煱: 麻辣湯，出嚟唔係想像中咁辣，但仍然惹味仲好香，仲飲得，令我諗起龄記同尚品呢兩間執咗嘅正宗台式火煱店，堅正。另一邊係雞湯，又係估佢唔到咁好飲，雞又滑。仲有煲到咁上下，佢哋係加番麻原麻辣湯，原雞湯，所以唔會淡咗。食完呢餐亦無出現味精口乾情況。 老實……係仲好過高峄期嘅養心殿2) 鴨血: 不得了，直情同龄記/尚品所出一模一樣，思疑都係嗰班㕑房整嘅。絕對要食3) 其他叫咗手切牛，脆鲩片，餃拼，豬潤等，都係新鲜靚材料4)酒香白肉: 酒香好夠，係好食嘅，不過我唔鍾意成舊扣肉咁厚，如果分簿同厚比客人選就好好呢間價錢同養心差不多，我埋单75折约1000蚊。個人覺得係比養心好。 即使同最初嘅養心殿比較，湯底，鴨血同員工態度都高分啲，種類又多啲。如果同近期養心比，就勝出幾個身位，而家養心啲湯底差咗，尤其麻辣同酒香白肉，偷工减料嚴重，可能分店越來越多keep唔到。而家呢間只有兩分店，希望可以保持水準…查看更多

又同女友揾麻辣火煱食，上網摷到呢間試下。 環境ok, 實而不華果種，店員都幾勤力，望下餐牌啲價錢亦都合理，剌身就例外(貴咗啲)先叫咗大辣嘅麻辣湯底，幾正，唔係死辣或太鹹。生料如下:手切牛: 厚度適中，有牛味，有水準羊肉: 同手切牛評語一樣鵝腸: 新鲜嘅又唔太肥，非常好食湯包: 首次食。 配埋湯底係幾好食龍躉皮: 咁食又係第一次，滑鵝红: 推介， 原來好食過鴨血墨魚滑包住瀨屎蝦(正式名唔記得), 外面墨魚滑夾口彈牙，入面瀬尿蝦腥嘅整體都幾好呀，果日都見好多似街坊定熟客啲人嚟食，我都回再嚟。 …查看更多

情人節前上網揾定資料，到情人節決定帶女友嚟呢間試下佢至爱嘅麻辣火煱，入到舖頭都幾好環境，醬油架選擇多，侍應話有兩選一優惠 1)好似1蚊湯底加龍蝦 2) 7折。 我就7折。 因為呢度食材唔平，不過物有所值。叫咗咁多樣嘢都無嘢好彈。重點都放番佢主打重慶麻辣度，果然幾好，我同女友都好麻辣，呢間一致應為唔錯 小插曲，食食下可能比麻辣湯彈到眼(一個謎)，痛到飛起，即刻去厕所外洗手盤洗眼，侍應，經埋，啤妹都幾好人，買洗眼水比我。情人節食到睇医生係掃慶咗。 不過呢間嘢我會再嚟，因為店員好，又好味…查看更多

琴日見呢間嘢新開，我同女友都係台式麻辣迷，所以一定要試下。我先到先攞位，一入去男男女女好大陣江湖味加倫敦金味，因為入面好多可能老闆嘅朋友撐場，圍住幾張枱都係呢啲人，生客如我大约有三張左右。食食下佢地各枱抽臨記埋位拍嘢，乜都贊到天上有地下無，實質係點以下解說！食品1) 麻辣/精選養生鍋: 完全唔係台式麻辣，失望。 /養生鍋還可以。。。不過加一兩下水都無味2)小牛排: 半份都好多。正常牛小排味3)桶蠔: 好似88蚊。 3隻4)鹅腸: 非鲜鵝腸5) 蝨目魚: 無去魚油…… 好腥。 佢地拍嘢仲攞嚟做主打……6)貢丸:正常7)桂花蚌: 正常8)雜菜:正常店員老實係幾好嘅，係盡力！第一日較亂又拍嘢，店員見我等久了就送支啤洒。食完又問意見，我好老實答麻辣湯底真係唔掂，根本係普通街邊麻辣醬加水，入面亦無任何配料，基本一舊鴨血都無……非台式……甚至比一般麻辣都要差。希望呢間嘢嘅厨房正視吓。 個人現時見都係養心殿似樣，不過佢哋員工態度就參差啲。 好耐無post嘢，但今次太失望，所以手痕！ 埋單二人810,唔貴！ 但可有更多選擇…查看更多

第一次試呢間嘢，當日人唔多，约有四枱客，同女友一入去就有男侍應安排安二人细枱，正常吖！跟住有位高級啲可能係老闆娘嘅人出現安排我她坐四人枱，話多兩張櫈比我吔放啲袋，幾细心呀跟住到點餐，先叫主打豬手，然後本來叫1/4燒乳豬嘅，男侍應會話二人食埋乳豬可能太多，幾好喎於是我叫個平時無食過嘅炸豬耳做小食。 另外叫特飲，位男侍應定經理都好好笑容咁介绍食物到，兩杯飲品都好，餐湯好，沙律正常。 個炸豬耳，熱即食，ok嘅，但放涼一點就有豬so味，所以係一般！ 炸豬手就普通，有啲似較好大排擋質素，可能我試過長洲間艾堡嘅豬手，所以覺得呢度有距離！……會再嚟嘅因為未試乳豬同斧頭扒，呢度環境唔錯，店員又好，我諗食嘅嘢要識囉，都值得嚟下…查看更多

久唔久諗起烤肉就心郁郁，最就脚就嚟呢間。果日同女友嚟已三點，所以舖入面得幾枱客。食物到咗至發覺個鐵板啲火熄咗，揾店員攪攪，攪完轉頭又媳，叫人再攪完又熄。跟住叫男經理換枱，佢又係攪下啲火，所以同佢講係第三次喇，位經理表情態度都唔多順咁換咗另一張枱比我！ 啲舖頭初閞時服務一定好，到咁上下又或者分店多咗就會有啲走樣。 不過都係某一兩位心情唔好嘅員工做成！另外是日首次試酱汁鱿魚，點知來碟八瓜魚，店員死頂話比啱。我於是叫佢對單又叫另一店員睇係魷魚定八瓜魚，最後終於換番啱嘅。 整體大部分店員都好兼正常嘅嚟到例牌都係食果啲，品質一直保持到，好味呀！今次先叫兩個午餐再加想燒嘅肉！計條數抵啲…查看更多

打風前夕，下午嘅沙田市廣場都係超多人，臨睇戲前嚟呢度食嘢，因為人多，所以吧枱位都要住先 。 啲服務員好有禮貌。嚟到例牌都叫下煱貼同小籠包，真係好食喎，最欣賞係水準唔會時高時低！亦唔會玩花臣又金網又加蝦的不倫不類。腐皮卷，皮脆又唔會太油！醉雞、青瓜，好多度都差唔多！剁椒魚頭就唔係周圍都做得好，呢度唔錯！酸辣湯都唔錯！又係擴充二佰字嘅時候，呢間嘢呢市廣場轉位都幾次，差點忘記呢間嘢，佢又會失驚無神响你面前出現。…查看更多

今日下午行過呢頭，首次走入去呢間粥店食碗粥，見有位四眼恤衫西褲男經理好有禮貌，臨走都同你講多謝，見佢好留心呀姐做嘢，寫嘢呀姐好似有啲緊張，我食完隔兩個鐘行過己唔見位經，估緊佢今日係咪嚟巡舖叫咗1) 碎牛粥: 好足料，粥又綿，食完都唔覺口喝2) 咸肉糉: 熱，有綠豆香，咸肉佔好少，都幾好食3) 炸兩 : 下午食仲脆呢度啲位夠濶，坐得舒服，嘢食又平，呢嘢出嚟都夠熱！無乜特別！ 呢頭粥舖少，食下咯！冬菇亭粥舖差不多绝跡，果啲味道食唔番。…查看更多

同女友再嚟旺角分店下午打邊爐，今次叫麻辣(中辣) / 鴨湯。 麻辣好似失色咗，有點死辣，亦唔夠之前香( 不過依然好過好多舖頭 ). 鴨湯就依然咁好飲。 另外叫咗:1) 手切牛: 近排幾處打邊爐啲牛都唔级呢度2) 猪腸 : 巧肥！我麻麻3) 酒香白肉: 好香酒味，配麻辣都夾4) 蝦滑: 彈牙5) 豆皮: 必叫6) 水蓮: 今次佢同你剪咗，唔知係咪咁失咗水份，所以無平時食嘅咁爽甜7) 曲奇味雪糕球: 10蚊粒，好味8) 仲有雞子: 補身用下午時間人手會少啲，難免無笑容，不過店員都盡責嘅。 而家旺角同馬鞍山分店都試咗幾次，遲下去埋其他嘅。 呢間真係值得介紹比老友…查看更多

行完街女友話好想呢間嘢，check埋Openrice, 地址，營業時間。話收零時，即0000hrs 啦！ 晚上10點到！樓面老叔叔，四眼肥哥哥，燒乳豬嘅大叔都好nice嘅，坐嘅地方又舒服。點完菜约二十分鐘已出單叫埋咗先，無所謂啦，想收工明白！啲嘢出咗嚟都當快餐食，但係估唔到晚上11點有說話聽，收銀嘅呀姐不停重覆話收工，叫四眼肥哥换衫，執枱呀姐又眼啤啤同收銀唱双王，女友都嬲嬲地就問呢度係咪收12點，我地睇openrice至嚟。 兩個呀姐又扯貓尾話一向收11點，老闆未响openrice改時間？？？最後我都食慾，晚上11點15分離開！ 班友11點25分落閘走人。 隔一日fb彈出呢間嘢嘅專頁，……咪又話收12點食物，樓面，厨房都幾好！多得你呢個女收银同位收枱呀姐……唔想做咪做啦人地10點坐定點嘢，嘢未到齊先埋單，食一半即說話客聽，晨早講比人知你11點要走啦，我等你乳豬都十多分鐘啦。真係千幾蚊二人快餐咩食物如下1)乳豬 : 好食，即燒2)鹽焗蚧: 流浮山，三聖，元朗西裕街某打令擋更好，而且呢度略貴3) 蒸飽魚仔: 收咁嘅價，算正路，都略貴4) 餅: ok5) 潮洲翅: 我少食翅，女友話似佢食開嘅，話ok…查看更多

第一次呢度飲茶，好鬼多人。美心集團啲酒樓都仲見啲推車仔賣點心，都幾盞鬼，無乜酒樓保留推車仔lu. 雖然今日勁多人，不過啲經理，點心呀姐，侍應都keep到有禮貌又笑笑口喎！EQ都幾高點心叫咗1) 帶子腸粉: 已經下午兩點，不要求咁高2) 鼓汁鳳爪: 未係最好未级數3) 牛栢葉: 幾好味4) 南瓜馬拉糕: 好味5) 炸雲吞: 脆卜卜，又係正燒味6) 燒鵝例牌: 例牌比翼嗰忽，鞋到不得之了，肉又黑黑地見到另有餐牌係星洲嘢，叫咗兩款奶哂嘢7)鹵水什: 有豬粉腸，豬手，豆腐，no gd8)老巴刹肉脞麵: 幅相影得好，見真身就凉一截，食兩啖，淡得很，豬肝鞋得很，成碗失敗得很呢度服務同點心都可以嘅，叫其它嘢就咪攪差啲唔記得，我坐張枱，其中一張櫈底有埋排骨飯，即時提呀姐執走佢，啲人點飲茶嘅，倒瀉小事啫，叫人執囉，側側膊閃咗去…查看更多

早一年第一次呢度食嘢，仲比位呀姐氹到做富豪酒店會員，可惜啲卷好多限制唔好用，所以唔再買lu, 不過呢間 龍門客棧啲食品同服務有水準嘅。一定比同在酒店內嘅西餐同酒吧好。 今日見仲有少啲限制嘅200蚊現金卷，又就夠期，所以今日嚟呢度午餐用咗佢，其它卷燒毁算了！今日套餐食品如下1) 小籠包: 掂2) 煎煱貼: 一流3) 津白 : 無得頂4) 蝦餃: 皮薄餡靚5) 上海炒年糕: 本身唔鍾意6) 蘿蔔絲酥餅: 首次食到好嘅7) 燉湯: 個湯好清好味，似煲翅嘅湯底8) 桂花糕: 太飽……無食到9) 脆皮素鴨: 差啲唔記得呢樣，幾好食另叫: 麻婆豆腐煮魚: 真係好好食，豆腐滑，魚味重 : 香蕉高力豆沙: 普通。唔難食店員服務係幾好，環境都舒服！ 係啲櫈舊咗啲，梅梅地仲有啲污糟, 換吧…查看更多

琴日經過見呢間係新店，好似話開咗兩星期。入到去己有靚靚女店員招乎，佢地5点45分至營業，仲有10分鍾至夠鐘，店員已安排對窗位坐住先，又介紹店嘅特式嘢，到用嗰個木桶打邊爐，經理又會介紹典解用木桶！女友去洗手間要過兩度門，因為扯風門又重，店員又自動幫下手。食蘿蔔餃唔知入面材料，男店店員即入㕑房問，啲嘢好有交帶，好細心。因為新開係人都送碟安格斯，仲有九折！不過食物可以再好啲，例如手切牛，鵝腸。材料靚啲自然吸引到客。今次試四川什菌湯，聞落望落似冬蔭公，食落都ok嘅。如果做到正宗重慶或台式嘅麻辣湯底就更好餐單嘅套餐可以例明有啲乜，唔驶下下問。聽經理講佢地一路修正緊，遲下用電子手賬落單…查看更多