food.locker的個人專頁

環境都幾簡潔，位置安排上唔算好逼。 餐牌有不少選擇，除左手撕雞飯外， 仲有小菜同all day breakfast, 總有一種啱口味晚餐一於食手撕雞飯，夜晚要有飯氣到肚😂手撕雞面頭灑左芝麻好香口，飯嘅份量大，女仔嘅胃口嚟講食唔晒。另外叫左個豆腐湯，清清地，天氣乾燥，感覺要飲湯滋潤一下。除此之外，仲叫左一條清蒸黃花魚，落單後先蒸，所以魚喺最後先上。亦叫左木耳做小食，味道清爽，口感爽脆。整體來講，價錢合理，如果想簡簡單單，又唔想食快餐，係一個唔錯選擇…查看更多

喺北角想平平地食個快飯，大家都唔想諗，一於叫個套餐，有小菜、小食、油菜、飲品，旨在樣樣都有😂鹽焗手撕雞份量足足有半隻，幾惹味，應該嗌白飯，送飯應該唔錯鵝油撈麵跟住上枱嘅係兩大碗撈麵，顏色濃郁，不過入口唔會過咸，亦怕會好油膩醬皇冬菇豬手醬汁濃郁，而冬菇同豬手都入味，豬手共有四大件，對於二人嚟講，份量足夠鹽焗雞腎 + 酸辣木耳雞腎同手撕雞醬料差唔多味道，本身以為揀咗雞腎就冇木耳，上菜先知原來兩樣都有，木耳幾開胃阿華田五穀雪山特飲餐廳特別推介炯記餐室 📍北角英皇道376-380號美麗閣地舖…查看更多

今日同男朋友去灣仔行利東街，見到Tesla陳列室爭論緊換唔換電動車😅見短期內都冇結果，不如去隔離NINETYs食咗飯先算！餐廳嘅燈光用昏暗色調幾有氣氛又幾chill，牆上放咗自家roast嘅咖啡豆，自己本身係NINETYs咖啡豆嘅常客，入到餐廳聞到濃濃嘅咖啡味即刻叉滿電🤩餐廳環境幾安靜，整體食物質素唔錯，而家dinner menu有半價優惠，如果想同朋友傾吓偈食吓野係一個唔錯選擇🥳✤ Siu Wan RiceNINETYs版本嘅modern叉燒飯🤟🏻厚切嘅半肥瘦叉燒肉質爽口又juicy，肥嗰part都係爽嘅唔油膩，醬汁偏甜，可能偏多少少savoury side會更balance🤔 兩隻大大日本蘭王蛋，熟度啱啱好，切開有流心效果✨蛋汁鮮甜，配埋甜甜嘅叉燒汁，煙韌嘅珍珠米，新鮮微辛嘅葱花，將呢幾樣elements加埋一齊，每啖都係令人滿足嘅perfect bite!✤ Ocean Trout in JP Style一上枱已經聞到炭燒嘅香氣，本身鱒魚味道比較淡，而teriyaki paste冇overpower鱒魚嘅味道orange jam嘅citrusy flavour 完完全全brighten up魚肉，同rich and buttery fish十分match🙆🏻‍♀️ 賣相幾精緻，但份量比較少🥺🍴NINETYs📍灣仔皇后大道東222號地下2號舖…查看更多

終於開返晚市，疫情下好耐冇同朋友聚吓，一於食返餐火鍋放題，可以坐得耐啲慢慢傾又可以任飲任食，開心～第一次試嘅放題餐廳，保守嘅我揀咗中價位嘅套餐，中價都已經夠哂多選擇！個人鍾意食牛肩胛，肥瘦啱啱好，雖然相對上冇佈滿油花嘅牛肉咁嫩滑，但牛肉味較濃，而且廚師切得薄身，淥一淥就食得，亦唔會好un👌🏼對於放題火鍋嘅湯底本身冇乜期望，不過呢度豬骨湯底都幾濃郁套餐包埋海鮮同埋刺身無限次追加，刺身款式選擇幾多，有三文魚、帶子、赤蝦、希靈魚，海鮮都係任食。值得一讚，職員服務態度唔錯，上菜快手。其他嘅配料，例如蔬菜、菇類、炸物等等都係自己去自助Bar枱揀。埋單嘅時候，我問最近有冇咩著數，侍應提醒我地網上預約C3餐有買一送一嘅優惠，早知預約咗先😂📍八幡屋涮涮鍋 旺角彌敦道628號瓊華中心12樓…查看更多

去完鴨寮街，想食過快飯，見到有燒味，身為地道香港人試試先😎 叫咗嘢食之後，發現隔離好幾枱都叫燒鵝飯，下次要試吓😂叉燒飯叉燒雖然偏瘦，但肉質爽口，唔硬唔鞋，如果再肥少少，同埋燶啲會香口啲。例牌燒腩仔肥瘦相間，六十幾蚊嚟講，份量還可以麻辣口水雞飯辣汁撈飯惹味，雞有一個例牌嘅份量，呢個餐包埋老火靚湯，今日個湯係紅青蘿蔔煲雞腳，飲完唔算口渴醬皇豬手豬手炆得腍，而且入味，切得好大件，入口滿滿膠質，豬皮補充下骨膠原😂😂😂📍炯記手撕雞深水埗汝州街257號地舖…查看更多

去開竹園，夜媽媽搵個地方食嘢，新南苑又有小菜、又有點心、又有鐵板餐，啱同行人士唔同口味，一於試吓。去到舖頭門口，見到餐廳入面差唔多滿座。等咗一陣，就有得入座。Menu冇唔同類型嘅選擇，去到夜晚都仲有得飲茶食點心。二話不說，叫咗一籠紅棗糕試下先～紅棗糕上枱熱辣辣，三層分明。上下兩層好香紅棗味，中間白色嗰層則充滿梛香甜味。其後就分別叫咗兩個小菜，分別係水煮牛肉同埋麻辣鴨血煮海鮮。水煮牛肉幾大盤，牛肉片放喺上面，下面放有大量芽菜、薯粉、木耳等配料索湯汁。至於麻辣鴨血煮海鮮，鴨血完整唔易散，大概有6至7塊。而海鮮種類有蟹柳、魷魚、帆立貝、蝦等食材，每樣有啲😂除咗兩個小菜，我哋好random地想試下鐵板餐，叫咗黑椒汁雞扒拼帆立貝😅 鐵板喳喳聲上枱，雞扒大大塊，雞皮煎得有啲脆口，切落去雞肉會有少少雞油滲出。帆立貝有兩隻，比起剛才鴨血海鮮入面嘅帆立貝更爽口，配菜有薯條，而加5蚊就有兩塊新鮮出爐嘅牛油豬仔包！鐵板餐額外送餐湯＋飲品，鐵板餐七十幾蚊，價錢算可以。…查看更多

今日嚟到炮台山嗰邊 諗唔到有咩買返屋企食好，就揀咗去金鶴拉麵店🍜🍜有多間分店 想食隨時都好容易搵到一間👯‍♀️金鶴拉麵呢間舖頭有好多拉麵同小食選擇今次我就揀咗以下呢幾樣:◦雞白湯拉麵◦唐揚炸赤雞◦日本明太子雞翼◦黑椒燒牛舌串◦抹茶軟果 (點會少得甜品呀!😍)雞白湯拉麵🍜拉麵軟硬度適中 雞湯味濃，仲包含埋紫菜同溏心蛋 份量充足，員工安排得好好👍🏻 分湯裝，返到屋企都唔怕啲面淋哂唐揚炸赤雞同明太子雞翼炸雞一小碟 每一舊雞都好大舊😍唔會係平時出去食開好細舊嗰啲明太子雞翼有少少辣 刺激味蕾🔥口感幾得意😎最啱鍾意食辣嘅朋友仔黑椒牛舌串推介！！牛舌厚度啱啱好，牛舌一向都好難拿捏控制火候 ，燒得好食一定要有技巧！廚師燒到軟硬度適中 口感極佳👍🏻👍🏻 估唔到除咗拉麵主打連小食牛舌都幾好抹茶軟果(4粒) 飯後甜品又點少得啊！金鶴拉麵又真係貼心，了解到客人嘅需要(˶‾᷄ ⁻̫ ‾᷅˵) 有埋甜品供應！抹茶味好濃 食完個拉麵有埋甜品，真係大滿足🥰========================金鶴拉麵 📍天后炮台山蜆殼街6-16號寶榮大廈地下E號舖…查看更多

呢幾日轉涼打邊爐最啱！Openrice見到九龍城同撈同煲個名幾特別，呢晚試吓～餐廳走懷舊路線，綠白相間嘅街磚、綠色窗花，仲播住八、九十年代張國榮、林憶蓮嘅歌，營造舊香港嘅感覺，最啱帶外國朋友嚟食飯感受吓舊時香港。火鍋湯底以港式味道為主，火鍋料種類選擇都唔少，有全份或半份選擇，兩個人嚟唔怕份量太多，可以叫多啲品種，亦有懷舊小食同自家製涼茶。落order之後侍應姐姐送上醬料盤，有保鮮紙封好比較衞生，而且仲用熱水幫我地淥一淥餐具，幾周到。=========================🔹胡椒豬肚少爺雞湯 $238凍凍地叫胡椒豬肚少爺雞湯暖吓身～ 有胡椒香，少少辛辣，唔會太辣易接受😋豬肚腍滑入味，冇雪氣味。少爺雞雞皮薄脂肪少，而且雞味濃，雞肉結實有口感，鍾意食雞嘅朋友必試！值得一提，侍應姐姐會主動幫手「遍」走湯底面頭嘅泡泡，好細心。🔹極級封門柳 $248打邊爐必備牛肉！牛肉色澤紅潤新鮮，肉味濃，雖然脂肪唔多，但入口滑唔鞋，放入湯底淥十秒左右就食得🤤🔹黑柏葉 $68黑柏葉每一塊都完整、唔會碎濕濕，侍應姐姐好細心，同我哋講淥八秒就可以，果然爽口彈牙🔹蟹籽蝦滑 $98手工蝦滑彈牙，裏面蝦粒好大粒又爽口，呢個蝦滑有口感，唔會太多粉感太重🔹脆鯇骨腩 $88份量大，幾新鮮🔹清甜蘿蔔 $38略嫌切得薄，淥耐少少會冇口感🔹糖不甩最後餐廳送啫喱同糖不甩做甜品，因為太飽我哋話唔洗啦，侍應姐姐介紹呢個糖不甩幾特別，要放湯底淥一淥，一於飽都試吓😂鯉魚造型嘅糖不甩放入湯底淥大概3－4分鐘，侍應姐姐剪開，再點滿花生同糖碎。本身覺得將糖不甩放落鹹味嘅湯底會好奇怪，原來食唔出鹹鹹嘅味道，好似麻薯texture口感煙靭，唔錯唔錯！呢間餐廳服務幾好，侍應姐姐主動換骨碟、「遍」走湯底面頭嘅泡泡、加湯底，仲會介紹某啲食材煮嘅時間，抵讚！=========================九龍城同撈同煲 (堅拿道西) 📍銅鑼灣堅拿道西10號冠景樓2樓B號舖…查看更多

這間的雞煲串燒和牛火鍋放題非常吸引，而且不限時免加一，就約了朋友收工之後一起去！串燒方面，每人可以選擇四款，外面比較少見的蒲燒雞泡魚乾這裡也有，部分的邊還燒到有少少焦，更加好吃😋生蠔和扇貝個頭不算大，好在沒有腥味，蒜蓉也夠多。吃完串燒雞煲就端上檯了，我們點了中辣，辣得很過癮！雞件嫩滑大件，沒有雪味，雞煲醬的味道也煮得很入味，值得encore！吃完雞肉我們就叫店員加湯打邊爐了，有五種湯底可以選擇，因為我們希望可以吃到原汁原味的和牛，所以選擇了較為清淡的花膠雞濃湯。沒想到湯裡有四五塊非常大的花膠，非常驚喜！必吃的火鍋配料自然是不同部位的和牛，小編最喜愛安格斯牛肩胛和牛板腱，這兩個部位都偏瘦，但油脂分佈非常漂亮，肉的顏色紅潤，看起來很新鮮。牛肉淥十幾秒就可以吃，牛香味很重而且沒有怪味，encore了好幾次🤣至於其他配料都是正常發揮，蔬菜好新鮮，略嫌生蠔有些腥味。飲品方面都是自取，啤酒也是任飲👍🏻下次有機會會再黎！==============================金凱小廚 (大圍)📍大圍美田路30號美林邨熟食亭1-4號舖…查看更多

今日去咗個住粉嶺聯和墟朋友屋企玩，玩到咁上下有啲肚餓，落咗樓下街行下睇下有咩好食，見到有間新開張嘅餐廳有烤魚酸菜魚之類可以食，太耐無食，所以拉住個朋友走入去食先～入面都唔算太大，個裝修好young，有d似cafe咁，睇下個menu有咩野可以揀先，原來佢朝早有d 焗飯 burger賣，係夜晚先至有果d烤魚酸菜魚雞煲連埋邊爐嘅餐，我哋唔太餓，淨係叫咗個小辣麻辣烤魚再加咗杯豆漿同西洋菜蜜。個烤魚無耐就送咗上嚟，侍應哥哥放咗佢係枱上面個Gas爐上面熱住，佢會話如果想有較辣d淡d都可以同佢講，真係好細心！呢個係烤鯰魚，都幾大條，我估都有成斤幾重，成個盤都林林總總嘅配料，有豆卜、百頁豆腐、大豆芽菜、腐竹、木耳、金菇、鴨血同埋薯粉。我哋一開始試下個魚先，個魚無乜骨，一夾就夾到大大塊肉，d肉好滑，個魚皮炸過吸到d辣汁，好好食~筆咗啖辣汁試下，咸香辣，好過引🤟 食完都唔係好頸渴，唔重味精成條魚炸到脆卜卜，可以食埋魚旗同魚頭～之後夾咗舊豆卜同百頁豆腐，超吸汁，好邪惡呀～個麻辣鴨血都一樣入味，正呀！d配料食極都仲有，超級足料～最後食埋個底嘅薯粉，已經吸收晒成個烤魚嘅精華～個魚兩個人食真係好夠，呢個價錢真係超級抵食，我諗多d人可以再追加d配料，佢有個手切安格斯牛肉添！食完之後，我哋打算約下次再嚟食酸菜魚😻 一定一定要再食過～==============================飯飯包掂 (粉嶺)📍粉嶺和豐街28號囍逸地下G03B號舖…查看更多

之前去過Pickabowl覺得食物唔錯，魚生同沙律都好fresh，心思思再訪！Menu有唔少預設嘅配搭選擇，亦都有得DIY自己揀鍾意嘅魚生、肉類、配菜。Base除咗常見嘅白飯、糙米飯、沙律，Pickabowl有黃薑椰菜花同埋烏冬。揀飲擇食嘅我，可以自己配搭就最啱，高自由度係鍾意poke嘅原因😋==============================🔸DIY自選 ($88) 🔹經典吞拿魚➕煙薰辣味三文魚➕慢煮天多利雞 (+$18) ➕牛油果 (+$12)賣相吸引，因為想多啲品種加多咗半份雞，protein份量幾多，大概骰仔大細有口感，惹味嘅微辣醬汁加埋沙律，一濃一淡～彩虹配菜除咗有青瓜、蕃茄、三色椒，多種口感好crunchy🔹 煙薰辣味三文魚➕薑汁松阪豬➕中華沙律 (+$8)松阪豬好juicy嫩滑，上次食完今次要encore；魚生大大粒，質感新鮮，加埋白飯補充protein之餘夠飽肚😎Rabit Wish $35食poke加35蚊就有即整冷壓果汁。試下rabit wish，因為見到呢種果汁多d生果，好怕有好大陣菜青味。飲落非常重香蕉同蘋果味，蓋過椰菜嘅味非常好飲又健康，仲可以抗氧化同幫助消化，一舉兩得！==============================Pickabowl 📍楊屋道18號荃新天地2期地下G06號舖…查看更多

呢排睇到東京奧運，思鄉病更強烈，好想去日本呀～！經過夢の丼門面幾光猛，好似近期先見到，今次同屋企人去夢の丼扮下去日本先😋餐廳環境寬敞，設計以木為主，配上柔和燈光，帶有淡淡日系氣氛。Menu除咗有刺身海鮮丼，亦有迷你丼，仲有刺身、壽司、串燒等。餐廳有晚市套餐，set dinner $118起，風儉由人。==============================夢の丼 $29店員推薦嚟到必試❗️丼嘅面頭鋪上牡丹蝦、拖羅、三文魚子、左口魚邊、松葉蟹肉、帆立貝同炙燒三文魚蓉，而且幾新鮮。配有香橙果醋on side，店員熱心推介淋喺刺身上面，帶出鮮味。用上比較特別嘅赤醋飯，而且調味唔會過酸過濃，唔洗加醬油都夠味。花錦魚生丼 $188材料有角切三文魚、三文魚子、蟹肉、白身魚、赤蝦、蟹子、櫻花蝦、蟹膏豆腐、玉子。對我喺講，重點係玉子漬～蛋黃金黃色，個樣好晶凝。呢個什錦魚生飯魚生種類多，每啖有唔同嘅魚生。真鯛➕深海池魚 ➕磯燒帆立貝 ($68/each)是日廚師推介～刺身厚切，質感新鮮有彈性有鮮甜味。真鯛以火炙處理過，魚油香突出。蟹皇醬燒蟹膏豆腐 $58蟹膏有鮮甜味唔腥，配埋豆腐，一濃一淡幾balance火炙左口魚邊壽司 $56之前喺另一間壽司店試過左口魚壽司，今次見到左口魚邊壽司專登叫嚟試吓。魚邊比魚肉更滑，而且火炙過更多油香夢の丼嘅食材以火炙、醬油漬、汁煮等唔同方法處理，食物質素唔錯，亦見到廚師心思，以呢個價格來講，cp值合理。==============================夢の丼 (西環)📍西環西營盤皇后大道西513號尼斯花園地下A舖…查看更多

約好耐冇見嘅舊同事食飯講吓八卦，搵間舒適嘅餐廳，同事推介試吓位於奧海城嘅Nathanhouse。餐廳位置隱蔽，Food Republic大食代嘅盡頭，喺戲院隔離。環境闊落有空間感，部分座位分可以望到outdoor，感覺開揚。晚餐有Set Dinner，約百幾蚊左右起，包埋餐湯/沙律同熱飲。主menu有扒類、海鮮、pasta & risotto、burger、小食、甜品等等。同朋友order咗一人、二人dinner set share~==============================生蠔 (+$33/隻)店員介紹今日新鮮運到澳洲Smoky Bay生蠔，肉質薄身爽口，鹹味適中易入口特色沙律前菜可以揀是日餐湯或者特色沙律，今日係烤雞沙律，擺盤有心思，沙律淋上日式芝麻醬，雞肉仲好嫩滑餐湯南瓜湯creamy，略嫌南瓜味偏淡脆炸洋蔥圈店員話洋蔥圈蘸上黑啤粉漿去炸，所以顏色偏深色唔係overcooked😂 入口真係有少少麥味😮烤豬腩肉配紫蘇葉生菜豬腩肉烤到脆卜卜，配搭生菜好似食韓燒虎蝦香濃芝士意大利飯Risotto嘅芝士濃郁，忌廉蘑菇汁rich同creamy，每粒米都沾滿醬汁有咬口，蝦仁彈牙美國黑安格斯肉眼扒肉眼扒大塊，肉質幾嫩滑，肉汁鎖住喺中間西京燒比目魚柳比目魚柳外層焦香，西京燒甜甜嘅醬汁伴碟嘅菌類、椰菜、紅蘿白平衡返醬汁嘅甜度是日甜品係雪糕整體來講，餐廳嘅環境幾清靜，價格唔貴，適合同朋友慢慢食，傾偈聚會。==============================Nathanhouse📍大角咀海庭道18號奧海城二期1樓103號舖…查看更多

文青cafe越嚟越越多，特別係深水埗，覺得呢一年間數量倍增。好鍾意飲咖啡嘅男朋友，帶我去到呢區，一間開啟佢尋覓冰手沖之旅嘅咖啡店😂flow嘅面積比較細，大約十多個座位，不過因為限客令座位減半，等咗九個字先可以入座。環境幾靜幾開揚，適合悠閑嘆啡，感覺舒服😌呢度有比較少見嘅冰手沖，而且barista手勢好，沖到咖啡豆嘅flavour notes出嚟，我呢啲咖啡新丁都飲到唔同flavours，飲過其他cafe嘅冰手沖，就明白點解客人喺flow門口等咁耐都願意🙊==============================Iced Hand Drip $75Barista健談，會同客人分享佢哋沖咖啡心得，近距離睇住barista做每一杯手沖好療癒～呢次揀Lilo Coffee Roasters嘅Dominican Ramirez，入口有生果酸味，順滑唔澀容易接受👌🏼黑芝麻卷蛋 $35卷蛋偏硬身，cream幾滑甜度啱啱好，個人比較重口味，覺得黑芝麻味唔突出，不過不失，卷蛋唔係flow最出色嘅地方。==============================flow 📍深水埗大南街195-201號興基大廈地下3號舖…查看更多

Project C只做咖啡，定期更換咖啡豆 menu。今日咖啡豆有9款選擇，放咗喺cashier俾客人慢慢聞慢慢揀，有適合espresso，亦有適合手沖，照到唔同preference嘅客人。呢間coffee shop 行型格工業風，裝飾、咖啡用具有種實驗室嘅感覺🧪店鋪面積唔大，只有企位，主要做grab and go，如果想坐低慢慢嘆咖啡，Project C未必適合。呢度有比較少見嘅冰手沖，能夠近距離睇住咖啡師沖咖啡，感受到咖啡師認真對待每杯咖啡。==============================🔸Iced Filter Coffee - Colombia Tarqui $65介紹咖啡豆嘅card寫上豆嘅產地、品種、處理法、tasting note。入口有蘋果tasting note，微微酸。等我再訓練下味蕾，可能試得出更多咖啡豆風味😆==============================Project C📍銅鑼灣希慎道29號地舖…查看更多