kafung223的个人专页

今日約左朋友去食位於大角咀食泰式野,  係奧運站行過去都要D時間, 大約10至15分鐘左右。入到餐廳覺得裝潢都幾有特色, D卡位係模擬緊泰國D篤篤車,同牆身都掛左D波衫係到做裝飾, 都幾特別, 好有泰國feel。坐低之後我同朋友都煩惱緊食咩好, 因為呢間餐廳D食物款式都頗多。經過一番討論之後, 我地叫左三樣野食同兩杯野飲。 芒果芝士沙冰同火龍果芝士沙冰兩杯野飲都係用新鮮生果整成, 飲落有滿滿既生果香味, 而甜味都岩岩好, 加埋芝士奶蓋飲完好有滿足感。炭燒豬頸肉平時係出面食D豬頸肉又貴份量又少, 但係到食份量好足夠 而且又好食, 加埋用蠟燭一路加熱, 打卡影相一流。香葉肉碎炒飯呢個炒飯真係真心好食, 炒到有香葉肉碎既香味又辣辣地,食得好過癮,師傅有功架, 而且呢碟炒飯份量都好足。招牌焗黃咖喱麵包軟殼蟹食埋呢舊磚頭真係飽到一個點, D軟殼蟹浸落香濃既咖喱入面, 而麵包索晒咖哩汁,非法惹味, 咖哩汁唔算辣,帶有少少甜用椰奶香。…查看更多

朋友話好耐冇食過泰國野，同埋好掛住係泰國食過既船麵，咁岩我地係荃灣見到有間泰式餐廳主打係船麵，咁我地就入左去試下，可能時間都比較早，店入面都冇乜人，唔洗等位真係太好啦，但到我地食到一半既時候望返差唔多滿座，原來都幾多人幫襯。打開餐牌揀野食啦，見到都有好多款麵，小食可以揀，真係花多眼亂。我地就叫左一個前菜，一個小食，兩碗麵同兩杯飲品。同朋友傾多一陣計，食物好快就到，"慢煮牛柳濃湯船麵"好大陣黑椒味既香氣瓢入鼻入面，香濃既牛骨湯底配金邊粉係一個唔錯既配合，而豬肉丸亦十分彈牙同多汁，加埋九層塔同辣椒令到碗麵既味道更添色彩。"泰色式鹹蛋木爪沙律"木瓜咬口爽脆味道清甜，加左醬汁同其他配料，酸酸甜甜有少少辣，爽口開胃。"泰式滷水豬手船麵"豬手味道入味而且好有骨膠原，仲大大件好多舊TIM抵食。"四式拼盤"有春卷、庶蝦、魚餅、蝦餅，每款小食都有兩件 上桌時熱度足夠，蝦餅庶蝦非常彈牙，魚餅帶辣 帶點香茅味，春卷脆口大件 ，加埋泰色甜辣醬，完全滿足到我食炸野既需求。"青檸梳打"正正常常，不過不失。"泰式奶茶"我就冇試到，朋友就話比一毬飲開既港式奶茶較甜。…查看更多

今日收工約左朋友去旺角行街, 行左一陣覺得有少少肚餓, 又想打下邊爐, 就上網睇下有邊間好食, 比我上網見到附近有間樓上火鍋有好多好評就一於上去試試, 一開LIFT門見到好大個缸有D魚游黎游去都幾治癒, 都幾吸睛。行到入店入面環境比較暗,  落地玻璃可以望到旺角既景色, 咁岩我地黎到既時候係黃昏仲有D晚霞睇到, 都幾有情調。咁我地坐低左, 坐位都算幾闊落, 坐得幾都舒服。而職員都提我地可以落左個湯底先之後再落其他配料,因為制作需時。我地ORDER左個麻辣重慶雞煲BB辣, 期間我地就整醬油同配料, D醬料都有好多款。等左十幾分鐘左右, 個雞煲就黎到啦, 聞到好香既麻辣味, 撈下D醬汁煮多陣我地就試下D雞啦, D雞食落非常惹味, 原來BB辣都幾辣,唔洗再加辣, 而D雞都大大件食落啖啖肉。之後我地再ORDER左紅薯粉同自制即炸芝士響鈴, 食完個雞就叫職員幫手加湯,之後湯滾起我地就加入紅薯粉, 紅薯粉煮左一陣就食得, 食落煙煙銀銀, 薯粉吸收晒麻辣湯底既味道好惹味。食到咁上下個即炸芝士響鈴都黎到, 響鈴岩岩炸起熱辣辣, 咬落好香脆,再加埋入面有D溶左既芝士,令到味道層次更加升華,而浸落湯底到幾秒又係另一個食法。自制即炸芝士響鈴係必食之選。…查看更多

今日同呀媽黎到健生邨食中午飯, 見到係輕鐵站附近有間CAFE, 都好少見屋邨入面會有CAFE, 咁我同呀媽就決定入去試下。 我地入去既時候係下午3點, 店入面都差不多坐滿人, 好彩都仲有一張空, 唔洗等位。店鋪既裝修都好WARM, 令人有種放鬆既感覺。之後我地就望下餐牌睇下有咩叫, 有比較平D唔同款色既熱狗,意粉,飯等等, 飲品就有咖啡檸茶等等。咁我同呀媽都各自叫左個飯同意粉SHARE黎食,同埋叫左兩杯凍飲, 因為天氣真係太熱, 唔係都會試下咖啡既。溫泉蛋卡邦尼煙肉意粉 $65卡邦尼意粉上菜既時候隻溫泉蛋搖搖下咁,好動L,賣相滿分,一碟賣相好既食物相當吸引人,增加食慾。食之前再將溫泉蛋同意粉撈勻, 意粉食落生熟程度剛剛好, 唔會太硬同太軟, 而醬汁都調配得好好,濃度岩岩好,D醬汁掛到係意粉到,同好香奶油味。黑松露配大大雜菌忌廉配燴飯$78而黑松露燴飯亦好好食, 飯唔會太硬同醬汁有黑松露味, 令人驚喜係咬落去肥肥既大啡菇個一下,D汁係隻肥菇到爆出黎,食到大啡菇既鮮甜。凍檸茶+$9 有機會會再黎試下。…查看更多

今日呀媽打電話黎話今晚唔煮飯屋企冇飯食, 咁我就約朋友去試下位於屯門Vcity一田既天魔, 我地8點左右黎到, 同朋友坐低左就睇下叫咩食啦, 睇唔好以為間鋪頭細細地咁, 原來都幾多種類既食物提供, 主要提供西式菜式, 有意粉, 漢堡包, 三文治, 豬肋骨等等,仲有唔同既小食同咖啡, 而價錢亦相當平民價。我同朋友諗左一陣就行去收銀處落單叫野食, 等左一陣, 野食好快就送到我地眼前。我就叫左杯堅果咖啡,杯咖啡飲落好順滑仲帶有少少香堅果味, 而朋友就唔係好好咖啡所以就點左杯凍朱古力炸雞翼都帶比我一D驚喜, 岩岩炸好熱辣辣既雞翼上面加上自製既酸辣韓式醬汁, 咬落去雞翼多汁嫩滑,驚喜係雞翼同炸醬之間竟然有泡菜係入面,增加左一點風味。老闆仲話D雞翼係慢煮過, 所以咁嫩滑。朱古力布朗尼食落濃濃既朱古力味, 同平時食開個D唔同, 唔算太多油。韓式三文治入面好多餡料, 入面有火腿,蛋,餐肉,蕃茄,泡菜,咁多樣野夾埋一齊食起黎都幾夾, 份量十足。老闆好好問我地如果想同朋友SHARE黎食可以叫佢幫手切開個至尊漢堡想, 咁我地影完相就搵老闆幫手啦, 漢堡食落好香牛肉油香味,包皮有烘熱脆口, Very Good。…查看更多

今日同朋友黎到位於荃灣既人氣西餐廳CHALET同佢補祝生日, 7點鐘店鋪入面都FULL晒咁濟, 好彩我事先都BOOK定左位。問個侍應想坐入面都冇位, 事關入面裝潢好似再靚D(有氣氛D)同坐得舒服D。坐低左個侍應都比左個信封我地放口罩比放低左個MENU, MENU有分兩個, 一個係FOR飲品, 一個係FOR食物。咁我地點單點左個飯,一個SET DINNER 同兩杯野飲,(6-9係HAPPY HOUR時段) 同一支有氣既樽裝水(餐廳係唔提供水既), 個侍應問我地D野食係咪SHARE黎食, 可以逐個上同可以上得慢D。咁我地都話OK呀。咁等左一陣, 就黎左兩杯野飲,PASSION $68我地叫左兩杯, 係一杯有熱情果同芒果汁既野飲, 酸酸甜甜幾好飲, 最特別係佢裝野飲個杯, 幾得意。黑松露薄片意大利飯配美國大啡菇牛肝菌泡沫 $248呢個意大利飯煮得岩岩好, 飯粒唔會太硬, 而且好香黑松露味, 唔係間間餐廳都做到咁香既黑松露味, 大啡菇咬落爽口彈牙, 朋友都大讚好食, 開頭仲以為個泡沫係有味既, 原來冇味既, 係份量比軟少左D。Set Dinner $428南瓜忌廉湯加麵包(是日餐湯)南瓜湯飲落好香好滑, 加埋個包香脆有D似牛角包咁暖暖地幾好食。法式肝醬配脆片(頭盤)肝醬加脆片呢個組合配合得唔錯, 肝醬食落好香肝味同好滑身口感CREAMY, 加埋脆片一齊食增加口感上既層次。頂級韓牛封門柳(主菜)第一次食韓牛, 少左一份平時食和牛既油香, 但肉味重過和牛好多, 感覺都唔錯, 但對於我呢D食肉獸, 得3件牛有D唔夠喉。 食完個牛侍應即刻俸上牙籤,非常貼心。麵包布甸(是日甜品)不過不失既甜品, 可能本人唔係太好麵包布甸, 但呢到唔會食到好似出面D麵包布甸一PETPET野咁。都OK既。朱古力心太軟配雲尼拿雪糕 $68侍應突然同我地講呢個心太軟FREE比我地, 呢個心太軟真係值得一讚, 切開外皮見到朱古力漿流出黎個下真係幾治癒, 朱古力漿好香濃朱古力味, 微微既熱力加埋冰凍既雪糕, 有一種冰火交融既感覺, 亦為呢一餐畫上一個完美既句號。總結 : 呢間食物質素高, 擺盤亦好精美, 但份量比較少。另外, 侍應們既服務非常好, 食完每樣野會問食完未同換過隻新碟, 好貼心, 第一次覺得個加一服務費係值得比, 值得一讚。…查看更多

今日Lunch同同事嚟到香港仔到食日式菜，去到門口度問有冇位，唔使等位就可以入得去，咁我哋就坐咗bar枱。可以睇到啲師傅切魚生整壽司。我哋都一樣叫咗同一個Set。因為呢個set最高CP值。呢個set有沙律、日式蒸蛋、烏冬、同埋六件壽司，個沙律就普通啦，個日式蒸蛋蛋味非常香又整得好滑而且入邊仲有啲配料，值得一讚。烏冬都非常好食個湯底好香昆布味，清清地唔錯。而壽司都大大件，上面既魚肉都好新鮮。大家都一致讚好。…查看更多

今日早上同同事去咗南朗山熟食市場度食早餐。入邊其實有好多間食店嘅。今日我哋就試吓未食過既店。坐低咗我就叫咗個豬扒煎蛋公仔麵加杯凍檸茶。等咗一陣個面就嚟到啦豬扒麵都唔錯正正常常。但同事就話杯凍檸茶啲茶味唔夠，唯一讚嘅係杯檸茶份量比較大杯，話隔離嗰間啲檸茶好飲啲。…查看更多

今日同同事去到金鐘嘅shake shack食漢堡包，其實之前都食過兩次，一直都好掛住佢哋嘅漢堡包，所以今日再嚟食，咁我地就叫左classic嘅double shack，milk shake同埋薯條仲有蘋果汁，點完餐就入去入邊搵位。店入邊嘅裝修都幾潮，天花板有啲弧形嘅裝飾條同燈槽。其實呢間野都幾難搵位，因為都好多人食。咁我哋等一陣位，終於搵到位坐低啦，之後就出去攞嘢食啦。嘩😍一見到個漢堡包就非常開心，好想大啖大啖咁咬落去，個漢堡包一咬落去塊漢堡d啲肉汁流晒出，有好香濃嘅牛肉味。暫時係我食過最好食嘅漢堡包。炸薯條炸得好香脆，薯條加上波浪紋有好口感。而奶昔就好香奶味同好full body，同事話個蘋果汁就太甜，大家食完都好滿足。…查看更多

今日特登去到K11 musea入邊嘅喫麵到試吓，黎到門口度問吓個職員點樣點餐佢話門口到有部自動售賣機可以買飛嘅，咁我哋喺個自動售賣機度望吓個Menu，睇咗一陣都見到有好多款式嘅麵，咁我哋就揀咗個海南雞喇沙麵同埋一個泰式船麵。入到去店裏便搵位坐店入而既位置都好大好闊落，而且裝修都好靚。店入面冇乜人，咁我哋就求其揀咗個位坐低。等左一陣個職員就嗌我哋個Number，我哋就自己出去拎嘢食。首先講吓個海南雞喇沙麵，個湯底好濃喇沙味好好味，而個海南雞呢佢就可能俾咗啲雞胸肉我哋就有少少韌，都唔錯。咁講埋另一個泰式船麵個湯底呢就有偏甜嘅，都幾好味。加啲檸檬汁落去呢又變咗另一隻味，都唔錯。我最欣賞就係碗麵上面嗰啲炸豬皮浸林左呢又唔同食法煙煙韌韌，而冇浸過湯嘅豬皮呢就非常香脆，牛腩就好入味好冧，豬肉丸就普普通通。不過呢個價錢食一碗麵呢我就覺得唔夠飽啦。份量可以再調整下。…查看更多

今日夜晚嚟咗葵涌廣場嘅唯一麵家度食晚餐。其實以前見到呢間舖頭都想入去試吓，入到去坐低望吓餐牌見到啲嘢食價錢都幾平民化，咁就叫咗幾樣嘢食。叫咗個北京餡餅個餡餅味道好香韭菜味，肉汁好濃郁。北京煎餃煎到外皮香脆，熱辣辣好好食，咬開餃子外皮有好多肉汁漏出嚟，仲有好香韭菜味。天津烤豬肉菜飯個烤豬肉有驚喜，豬肉有好香嘅香料味，味道調得啱啱好，非筆墨能所形容。小籠包皮厚咗少少但味道唔錯嘅。凍豆漿好香豆味甜到啱啱好。呢間舖頭食得好滿足，而且CP值好高，有機會會再去食。…查看更多

今日lunch去咗鴨脷洲嘅小炒王度食，豉汁炒蟶子啲聖子皇大大隻啖啖肉非常之鮮甜。豉汁炒蜆正正常常，燒乳鴿非常香口沙拉骨酸酸甜甜好開胃。椒鹽牛腩煲個湯底好龍濃。蒜蓉粉絲蒸扇，西蘭花炒帶子，霸王豬手炸得好香脆，驚喜嘅係佢加咗啲芥末，冇違和感同埋咬落去豬手啲骨膠原幾有口感，臘味飯好香口。…查看更多

今日見有少少肚餓就去咗公司附近嘅B.I.T. 食堂食下午茶，我同事就介紹我食魚柳包。咁我就叫咗份魚柳包加杯熱檸茶。等咗一陣佢嗌冧巴咁我就出咗去拎野食返埋位食啦。魚柳係啱啱炸起嘅熱辣辣。個包係類似法包煙煙韌韌嘅，個包皮焗到好趣，加埋沙律醬汁夾埋黎食好好食。…查看更多

今日見有少少肚餓就去咗公司附近嘅新坤盛食堂度食下午茶啦，咁坐低就叫咗個牛腩河同炸魚旦加杯凍檸茶。佢哋嘅牛腩河既湯底味道都唔錯，牛腩炆得幾冧唔會太韌仲好入味，加少少辣椒油落去食就更好味。再來就講下個炸魚旦，魚旦外皮炸得非常香脆有少少鹽喺個外皮度，個鹹味提升咗個魚蛋嘅鮮味。咬落去非常之彈牙好好食，杯凍檸茶正正常常咁啦。…查看更多

話說今日又經過元朗，我每次經過元朗都會去幫襯元朗燒賣皇后妙舒嘅冬菇豬肉燒賣，而且每次都會叫10粒，過吓口癮。呢間店舖喺元朗都非常之出名，每次都見到門口大排長龍。佢哋嘅燒賣係自家製，食落非常彈牙有口感，有好香冬菇味，加埋佢哋啲辣油同埋豉油超級好，啲辣又好香，值得一讚。成日都好掛住佢哋嘅燒賣。…查看更多