picazzo的个人专页

剛巧經過這麵包店,見包包特價.買菠蘿包5元3個. pizza3.5一個.其實沒甚麼期望.怎知一吃之下,那pizza足料又好食,係堅好食.好過7仔好多好多.不過凍左.我估新鮮出爐個陣更掂.菠蘿包普通,不過好多地方d好普通的包包都賣成3-4元...材料貴租貴,而家係香港要做到咁既價錢已經好難.難得仲要落足料,咁有良心的店舖已經買少見少.:)雖然一個幾亳生意,嬸嬸態度也很親切,真是敬業.一路行去炮台山地鐵店,都見幾間連鎖和高價麵包店.味道平平,但售價就貴幾陪.無奈......相久奉,賣相跟其他食評一樣.…查看更多

之前係openrice買左coupon,三月尾到期,所以見今日經過糖百府就用左佢.買左個3.6藍苺撻同芒果撻.撻不算大,直徑約三吋,補少少錢.計埋16元一個.先講味道.兩個撻都幾好食.生果幾新鮮.不過同美心d果撻分別不太大.最主要分別在於那大約2.5cmx2.5cmx1cm的北海道奶凍底.不用coupon的話,要28元一個.美心的只要10元.相差18元.應該是招牌關係.個人覺得正價的話就太貴了.再說態度,這是最不可取的,全程無態度,當我不在似的(我又不是靚女).用coupon買野.那些人(尤其是那疑似老細的)覺得我不是幫襯,因為沒有真金百銀交易.感覺像是二等顧客.但是我之前是用錢買了coupon的,餐廳已收了我錢.老實講,不想攪團購的話就別用低價coupon做招倈.我在旺角總店也用過coupon,那裡的職員和老細態度還好.是不是觀塘店主打西式甜品,就覺得自己高人一等??!!單是這劣等態度就要給喊.價錢貴,食物質素不錯也是對整體於事無補.可惜....…查看更多

一向對triple o的食物質素都好有信心.個包好大好食.薯條又正.點知而家已經.......:(早前係團購買左coupon, 25蚊當50蚊用.所以一心覺得好抵..點知赫然發覺原來加左價.最離譜是薯條,13加到17元....一個餐正價7x元,已經唔抵了講番d食物食了original burger, chicken burger, all day breakfast burger, fish burger 同 薯條original burger:.... 唔知點解塊肉好乾,個包好淋.係中環站問題定整體將貨就價....定係我用coupon關係???!chicken burger: 做得幾好, 塊雞幾好食.清清地all day breakfast burger: 試下, 不過本人唔識欣賞..一次就夠..:(fish burger: 最好係呢樣.味好,魚滑且脆.不過原價49元的話就太貴了.薯條: 以前好好多,而家淋左又貴左20%.整體來說,如果用半價coupon的話,其實價錢還可接受,得閒食下. 不過沒有coupon的朋友,就要好好三思.本人覺得太貴了.如果我上年評triple o, 我一定給5分. 不過今日見它水準直線下降,仲要加價.深深感覺到我們可能又少了一個好既開餐地方....所以我給喊,天真的希望餐廳會反省.....相片久奉,不過食物賣相都係同其他食評朋友相片差不多 …查看更多

shakey's的門面幾好,一直都好想試.終於等到這機會.由於我地少人,所以唔駛等就有位.叫左至尊肉醬意粉,半份baby back rib 同芝士焗西蘭花.相片久奉,不過賣相普普通通.至尊肉醬意粉: 本人幾喜歡吃肉醬所以叫了.其實同大家樂,美心的肉醬意份差唔多.分別係shakey's賣百幾元一客.而份量少過快餐店一半.....唉.baby back rib: 這客真是一絕.味道和肉質都差勁.個baby rib肉不夠嫰,份量更不用說.我知道食rib係食骨多過肉,都唔使咁. 同tony romas的rib比,大概差九十幾條街.芝士焗西蘭花:正常頭兩樣份量真的少.西蘭花都多少少. 節食一流.兩個人食完埋單二百幾,終於明白點解pizza hut咁多人排隊.整體來說,這餐廳值兩分,我已經好慷慨.…查看更多

前幾日和朋友在這裡吃飯,由於朋友即將到歐洲學藝,所以今次要食餐好的.一行三人在晚上九點幾先到,叫了魚翅帶子餐.有燒腩和肴肉,蟹黃翅,蟹份小籠包,帶子皇,豉油王大蝦,炒雜箘,楊枝金露,紅豆糕和白兔先來燒腩和肴肉肴肉一貫水準,質地和味道都不錯.燒腩沒試.跟住就來蟹黃翅以為是飲宴的size,怎料到是double size,(過左九點學麥記??)用個大碗,好似裝湯咁.不過佢係碗翅! 味道很好,不馬虎,用料足,有蟹黃,翅,魚肚等. 食完碗翅都幾飽,感覺很好.蟹份小籠包,感覺不到很強的蟹味,蟹份不多.可能係晒碗翅度.利苑做的好好多.帶子皇,大隻,厚身,好似鋸排咁.好食.豉油王大蝦,到這道菜時,已經飽了.不過見隻蝦好吸引.再食.這也是做得好的,豉油味和蝦味並存.最後飲埋楊枝金露(用酒杯盛著)三人已經食不下紅豆糕和白兔.加上冷氣好大.吃完怱怱埋單走了.(建議大家去這間鴻星的話帶多件外套)一開始見這個餐每位338.心想都幾貴,不過有幾何.抱住一試心態.想不到喜出望外.可以說是物有所值.尾中不足是沒有叫碗白飯放落魚翅中,歎下魚翅撈飯.(如果食埋飯,兩個餐就夠三個人食).等朋友回港之時再去吧.…查看更多

昨日在新世紀見到這餐廳,印象中是在openrice看過相關的食評,於是進去一試.由於有點累,只想吃頓簡單的.點了個二人餐,有蘑菇湯,法包,蟹肉沙律,田螺,rib,同大蝦天使麵.蘑菇湯,煮得不錯,有很多蘑菇蓉,不過本人不太好菇類,所以不太會評論.法包,質地是不錯的,內軟外硬但不脆.蟹肉沙律,最差是這個,那蟹肉不好吃,沙律中的菜就ok.田螺,一般西餐廳水準.豬肋骨,也挺好吃,肉質較實,沒有tony romas那種軟熟.不過一份錢一份貨嘛.大蝦天使麵,普通的天使麵.蝦幾好食,不過得兩隻.是否大蝦見仁見智.其實個餐幾大份,我估要兩個幾肚餓的人先至食得完.也見到隔日的人叫了不同的菜色及飲品,看來不錯.服務ok,上菜也快.環境就一般,餐廳像一條綠色的隧道,望得耐有點眼花.以一間西餐廳來說,它是中規中矩.價錢一般. 聽說尖沙咀那家法國餐好吃. 有機會會試下.…查看更多

今年生日在這裡度過.這餐廳聞名已久,不今天終於可以一試.侍應推介蟹肉薯片,芝士加薯仔,三文魚排,牛面頰.全都叫了.先來的是麵包,有三種(有一種包好像有一層皮包着,不知是甚麼包,其餘兩種是法包和圓形芝麻包),一般般,不是太軟熟.牛油的質素不俗.吃了兩個之後有點飽.....頭盤是蟹肉薯片,蟹肉很好,薯片就是普通薯片.份量不多.芝士加薯仔,來到的時候,熱氣騰騰.味道不錯,但吃完已經差不多飽了6成.主菜來了.先是三文魚排,叫的時候初以為很少,但事實卻不是.分開兩碟上枱也有一點份量.三文魚很嫩滑,味道調較得剛剛好.很出色的廚師.再來是牛面頰配薯蓉,兩者配合得很好,飽都要繼續食.兩主菜都是水準極高.最後也試試馳名的甜品,chocolate mousse. 是今晚最出色的.那朱古力真的很滑,很濃郁.味道是好得不得了.以前也在不同餐廳試過朱古力甜品,這個算是超高水準了.喜愛朱古力的一定要試.餐廳氣氛好,招呼周到,回想起來自己也很回味.價錢是高,但真的物有所值.這個生日很高興.…查看更多