skymk的个人专页

呢期特然想食餃子，就係openrice睇下有咩餃子店。見到呢間，同另一間近太子站出口。諗住試下，就兩間各買一份。去到係中午食飯時間，得果幾個客。落單時問阿姐，十隻可唔可以選兩款，佢話可以。選好到最後比錢，印埋張單，問佢點解貴左，佢先話你雙拼貴d過，一早唔講。10隻餃子等半個鐘，另一間只係20分鐘。份量又細過人，又貴過人，但係仲冇另一間咁好食。試過一次就唔會再黎。…查看更多

70蚊一個中式下午茶，雖然話有野飲有甜品，都可以做好d下麻。乾炒牛河係炒出黎既，個樣係亂既合理，不過d牛肉好難咬。羅宋湯雞扒湯意粉，拎到黎已經係亂到，求其到一個點，雞扒都唔係好食。最見得人應該係檸檬意米水，同埋薯條，專心做西餐吧。…查看更多

黎到上水諗唔到食乜，搵間之前食過，又方便就腳既。叫左小籠包，回鍋肉，乾煸四季豆。小籠包之前都食過，保持水準。乾煸四季豆係食個汁同四季豆，都唔錯。但係回鍋肉，個名都冇個菜字，點解要炒到半碟以上都係菜，叫番時菜炒肉片把啦。…查看更多

一行入黎差不多坐滿，坐左係近門口角落位置。落完單等左15分鐘以上，開始有吉枱，同佢講想轉枱，可以坐得舒服d。叫左半隻麻辣雞，雖然少辣但係都幾野味。至於個茄子，係大量乾蒜，好香口，但係好咸。羊肉串同雞軟⻣串都好味，下次可以叫多d串燒。最後食完雞煲叫佢加湯，叫左個加拿大特級牛肩肉，脂肪較少，要用多d牙力。…查看更多

周末都要開OT, 黎呢類cafe做野係唔少人既選擇。當然唔會白坐既，叫左杯凍mocha少冰。個樣係幾靚既，但係飲落就淡左d啦，等到果少少冰都融埋，就只係一杯有味既水。坐得佢個位，唯有比d錢佢賺啦。…查看更多

個人幾喜歡佢用個火熱住d餸，食到底都唔會凍。呢期新聞講好多素肉，以為淨係超級市場有得賣，原來呢度都有得食。係餐牌見到呢個茄子素肉，一於試下佢。食落口感同平時既肉醬差不多，不過係少左一d動物肉既油香。牛根腩保持一向水準。…查看更多

之前做左會員，都冇乜點用，係附近食完飯，又想食甜品，就黎睇下。原來有電子優惠劵，又幾抵。叫左個set，入面有芒果雪糕小丸子，士多啤梨凍餅，同薯條。基本上冇乜疑問，芒果就係好食。士多啤梨凍餅，唔使咁凍下馬，凍到牙都軟。最後個薯條，等左差不多半小時，要提佢先肯上。睇黎芒果以外既野，有待改善啦。…查看更多

係粉嶺站出黎，諗住食飽去睇戲，每次都係食呢間。上次黎食仲有個煲仔，順口叫左粉絲肥牛煲，點知阿姐話係小菜用碟上。跟住叫多個翠玉瓜炒豬頸肉。粉絲肥牛煲都係野味既，不過最好都係用煲上啦。翠玉瓜炒豬頸肉，落足料，炒得唔錯。…查看更多

呢日去左尖沙咀，係紅磡站天橋落黎，諗住近近地食個lunch就去坐火車回程。星巴克旁邊本來有兩間食開既餐廳，原來剛剛開始裝修。四圍望下，見到平時少食既太興，就走過黎試下。係門口排隊唔夠5分鐘就有位。睇完餐牌，平時食得太多燒味飯，轉下口味叫個乾炒牛河，順便試下師父手勢。飲品先黎，係平時唔多見既咸寧水，感覺幾清新。跟住黎乾炒牛河，味道夠，牛肉唔算好多。…查看更多

剛剛踏入10月，呢個商場正式開業無耐，得幾間餐廳，加上晚上9點先入黎，已經關淨兩三間。源電梯上來，見到呢間係眼前，就坐低左。睇完餐牌，價錢都係90至100蚊附近，有d貴，叫個炸醬麵黎試下。個麵黎到，係冇湯既，第一次食到冇湯既炸醬麵。肉醬既肉質比較老，辣道夠，冇湯真係唔知想點。希望過一排可以見到其他餐廳。…查看更多

周末晚上8時以後，人不多，馬上就有位坐。 個人特別喜歡吃雲吞雞，除了能夠飽肚，還有湯可以喝，對於平時少喝湯水的人，確實是好選擇。上菜時，店員把雞肉放到碟上，再分好湯。這個湯喝得出材料的鮮味，仔細一看原來有金華火腿在裏面，而且雞肉吃得出幾新鮮，難怪這麼好喝。然後吃了擔擔麵，有點辣不過幾野味，吃得出花生的香味。最後吃這個黃金四季豆，黃金當然就是邪惡的咸蛋黃，炒香了幾野味，還增加了口感。這樣子兩個人吃已經夠胞了。…查看更多

晚餐諗唔到食咩，就入黎food court走一轉。其中幾間蒸飯，燒味，蛋包飯都試過，冇乜特別。行過呢間見到有雲吞雞，平時出面都唔多有得食，就算有都要百幾蚊。呢度價錢親民，一於試下佢。湯底清清地，雲吞同雞既份量都唔少，仲有木耳配菜，同埋個菜飯，整體黎講係好健康既一餐。…查看更多

經過門口好多次，第一次走入黎食lunch。門口係日式裝修，令想食日式野既人，自然會走入黎。平時都幾鐘意食豬軟骨，佢呢個日式烏冬配番茄汁，我呢d番茄控緊係要叫黎試下。個汁唔算好濃，不過都夠味。豬軟⻣都幾大塊，汽水選擇多，值得一讚。…查看更多

上次第一次食呢間，午餐時間超多人，等成10個號碼。今次晚餐時間，放左工一兩個鐘，唔使等就有位了。總共點了五樣食物，有炸雞麻辣麵，豬軟骨內燥麵，肉燥茄子，酥炸大排，同百香果qq茶。炸雞麻辣麵叫左小辣，適合想過下口癮，又唔食得辣嘅朋友。豬軟骨內燥麵，肉燥唔知係咪浸左湯入面，感覺較少，豬軟骨真係每一舊都有軟骨，好有咬口。兩個麵都係適合女士既份量，男士想食得飽，就要叫個酥炸大排啦。肉燥茄子正常，無乜驚喜。百香果qq茶，就係果汁加d珍珠同埋椰果，如果想飲到百香果肉，都係要去番專賣店啦。…查看更多

好多次經過門口都冇入黎，今次終於啱時間，入黎食個晚餐。見到厚豬扒套餐，心諗網名黎啫，兩塊厚豬應該緊緊夠飽，就試下佢。等到上菜，真係唔係講笑，兩塊咁大塊，一路食一路驚食唔完。最終食完兩塊扒，飲埋汽水飽晒，冇食過d飯。美中不足頭頂冷氣出水，希望有改善啦。…查看更多