Yuki小妹的个人专页

今年生日多謝一班好友為我送上 Smile 既Earl Grey Garden! 蛋糕賣相雖然簡約, 沒有華麗豪裝, 但不失高貴優雅! 而且海綿蛋糕味道帶有淡淡Earl Grey 茶香, 極討我歡心! 多謝給我一個微笑既生日!…查看更多

一向鍾情日本, 對日本人主理既餐廳格外有信心, 知道呢度仲會用一啲有機蔬菜煮食, 已經想嚟試好耐! 咁啱有同事生日, 當然提議嚟呢間日式小店試試! 一行10人嚟到已經似包場一樣, 好彩一早有訂位! 呢度環境簡約, 雖然採用 Open Kitchen, 但唔會攪到大家一身油煙味! Lunch Menu 有十多款選擇, 仲有詳細簡介, 已見日本人既細心! 定食會錢約 $90 - $120, 亦算合理!可能人多關係, 上菜唔算快, 可能係慢工出細貨! 當其中兩個同事既魚生定食送到0既時候, 大家都起哄, 因為眼見魚生飯個樣真係好生鮮, 好吸引! 大家都熱切期待自己個定食! 總括嚟講, 呢度既魚生同牛柳粒最合大家心意! 真係色香味俱全, 份量仲好夠, 係一間值得返轉頭既餐廳! ^^…查看更多

同友人去完大坑食日本野之後, 再轉戰銅仔血拼, 諗起呢間新開 Via Tokyo, 而友人又喜愛抹茶糕, 便提議到呢度試試! 店子細細, 只有約10個位, 選擇唔算多, 價錢有點貴! 最後選脆米白玉牛奶雪糕及生果抹茶雪糕餡蜜脆米白玉牛奶雪糕 - 牛奶味濃, 喜愛牛奶味0既朋友可以試試生果抹茶雪糕餡蜜 - 抹茶味唔及 Sweets House Cha Cha 咁好味, 雪糕份量唔多整體嚟講, 只可以話一試無訪!…查看更多

韓國熱衝到香港 ~ Time Square 食通天都要嚟襯熱鬧, 將韓風 School Food 帶到香港! 經過幾次都見人頭湧湧, 幸好今日午飯時間, 等10分鐘就可以入到, 終於可以一試!今次試咗烏卒卒同埋卡邦尼年糕, 前者係一個小辣既尤魚小飯卷, 尤魚唔硬, 加埋小小爽口辣泡菜, 口感味道唔錯! 反而卡邦尼年糕就無乜特別, 可能食慣咗辣汁年糕, 此終覺得佢同辣汁係夾啲!School Food 地方唔大, 座位同食品選擇亦算少, 如果當一至兩個人開飯0既時候可能先會諗起佢, 如果人多食飯, 都係會搵返啲等位方便啲0既餐廳會好啲!…查看更多

今年生日同友人嚟過海賀一次, 因為覺得食物同環境唔錯, 決定媽咪生日再嚟一次! 同上次一樣, 我都係要咗龍蝦牛肉套餐:先嚟一個沙律清一清味蕾前菜有熟帶子, 味道可以主菜: 半隻波士頓龍蝦配麵豉汁 - 賣相靚之外, 龍蝦肉新鮮可口主菜: 鵝肝 - 外脆內軟薄燒美國肉眼牛肉 - 半生熟剛好, 肉味濃迷你魚生飯 - 大部份餐廳通常會係炒飯, 但係呢度係迷你魚生飯, 以我而言, 魚生飯比炒飯更好食! 媽咪要既三文魚扒加帶子, 色香味俱全!整體嚟講, 環境同食物質素都唔錯, 以三百多元就可以食齊龍蝦, 鵝肝同牛肉都算係實惠之選! 順帶一讚就係當日餐廳其中一位 in-charge既服務態度, 因為當日細佬開車嚟到商場時, 停車場剛剛 full 哂, 我地唯有先到餐廳. 當個位in-charge 知道之後, 好熱心咁幫我地通知商場安排車位俾我地, 我地雖然唔係熟客, 但仍然咁主動幫我地, 咁0既服務態度係值得一讚!…查看更多

雖然平日係銅鑼灣返工, 但係咖啡弄一定唔會係我午飯選擇! 要嚟咖啡弄, 當然要選一個好時間! 週末係佢開舖前嚟等一陣, 就可以係第一輪安然入座, 早少少起身係值得!冰凍水果茶 / 玉米肌起可頌一向大愛酸既食物, 水果茶入面加有新鮮生果同埋熱情果汁, 感覺幾fresh! 半溶芝士加牛角包, 味道唔錯, 但如果包身再熱一啲會好味啲!士多啤梨鬆餅幾乎每枱必叫既鬆餅, 士多啤梨新鮮, 再加上雪糕鬆餅, 一凍一熱, 好食! 雖然友人覺得餅身唔夠脆, 但我覺得整身都算唔錯! 香橙煙鴨沙律暖暖鴨肉一啲唔嚡, 好食! 沙律菜亦夠新鮮, 無苦澀味, 份量仲好多! 如果唔駛排長龍的話, 咖啡弄必係我經常到既地方!…查看更多

上次到過 102 試過下午茶, 今晚應朋友要求, 去到118樓最高0既空中酒吧 Happy Hour! 7點到達人唔係太多, 但好似位置都未能安排, 只好先坐室內, 幸好15分鐘後可以安排window seat! 可以欣賞住咁靚0既夜境同朋友把酒談心, 心情多好!…查看更多

每逢生日, 表姐同表妹都會同我食飯, 雖然平日各有各忙, 唔係經常見面, 但係感情其實都唔錯! 多謝你地唔駛我生日獨唱零時十分, 哈哈! 先送上welcome drink, 清一清口腔, 味道清新, 為忙碌0既一天打打氣!煎鵝肝 ~ 半點都無過火, 好味蟹肉蕃茄 ~ 鮮甜Parma Ham + Melon ~ 一幅精美圖畫, 個個爭住影相羊架 牛柳 ~ 香濃肉味哈哈, 表妹要求每碟加上 Happy Birthday, 為呢餐生日飯寫上完美句號!…查看更多

媽咪間中都係我0既食伴, 今日襯住週未當然做下孝順女同媽咪去試食! 經過媽咪兒時常來0既藍屋, 當然要聽下佢講下歷史啦! 餐牌選擇唔多, 不過嚟之前已經同媽咪鎖定目標, 當然要試下响螺雞湯鮑魚麵啦! 媽咪平時都有煲呢個湯, 不過佢就無諗過會有人做成湯麵賣, 所以佢都有少少懷疑! 整體嚟講, 主角雞湯味道唔錯, 起碼無味精, 最終將湯飲清, 反面鮑魚唔係太入味, 麵質亦唔算彈牙, 不過一試亦無妨! …查看更多

友人一向係咖啡精, 一日唔飲過都唔安樂, 今日閒逛中環就順路同友人上嚟飲杯咖啡, 滿足一下佢肚入0既咖啡虫虫!去到室內已經爆滿, 室外雖然仲有空位, 但因為太熱所以諗住等室內0既位, 但係店員都好好, 特登係靠窗口位加設兩個座位俾我地! 對於唔係咖啡迷0既我, 經店員解釋之後, 選擇較重朱古力味既咖啡, 雖然唔大杯, 價錢亦唔算平, 但味道真係唔錯, 相信之後一定會常來! …查看更多

放工相約舊同事敍舊, 選擇公司附近 Hysan Place 誠品入面0既 Tea Room. 誠品入面雖然堆滿好多人, 但係 tea room 係一個例外! 坐低之後一看餐牌, 發現選擇不多, 價格亦較高, 最後選擇一個鵝油雞肉燉飯, 朋友就點一個蕃茄意粉. 鵝油雞肉燉飯看樣子不錯, 但其實食唔出有鵝油之外, 雞肉及飯0既味道亦比較淡! 而朋友0既蕃茄意粉份量亦少得可憐, 但索價百多元, 感覺不值! …查看更多

週未嚟個hea lunch, 細佬開車到大坑, 好彩有車位, 總算 lucky! 上一次經過門口, 我同細佬已經鎖定呢間pizza 店, 難得有人放棄減肥一天, 當然食個肥pizza 開心一下! 店子細細只有5張枱, 幸好嚟到時候已經2點幾, 只得兩枱客! 餐牌選擇唔多, 沒有海鮮0既pizza, 友人只好選擇 Hawaiian($130), 再加一個白酒蜆扁意粉($150)!Hawaiian 無令我地失望，仲係我最愛０既薄餅底pizza, 料０既份量都足夠，加上重芝士，Yummy!反而白酒蜆扁意粉令我地失望，可能蜆欠新鮮，有少許怪味！翻炒０既完因可能只為 Pizza!…查看更多

每年必同同月生日0既好友慶生, 今年都唔例外, 當然要食好啲開心一下! 初試雪舟, 當然要試鐵板燒啦! 各點一個商務套餐 ($480), 坐係鐵板面前, 靜待廚師來臨, 心情真係好開心! 師傅帶住食材, 好快就嚟到鐵板面前, 一場表演準備開始!係師傅準備前, 先送上前菜! 友人同我都好欣賞前菜簡單精美0既 presentation, 為一餐個鐵板燒有一個完美0既開始!吞拿魚刺身鮮甜, 海膽沒有任何怪味道, 加上一個似花三文魚波型sushi, 女生必讚!食前菜時候, 師傅已經開始煎鵝肝, 小妹至愛鵝肝, 所以必寄予厚望! 等咗一陣, 師傅將制成品交俾我, 試一試鵝肝, 外脆內軟, 一啲過火都無, 然後再試一個伴碟0既無花果, 真係令我驚喜, 因為呢個無花果出奇地好味!係我心目中式蒸煮方法先岩鮑魚, 無諗過一個鐵板燒鮑魚會好食, 但係師傅可以將鮑魚整到軟硬適中, 雖然無濃濃0既醬汁, 但係可以食到鮮味, 不錯!接者一個簡單炒雜菜清一清味蕾牛柳選擇五成熟, 師傅都無失手, 肉味濃又夠 Juicy, 真係十個讚! 食到呢度, 其實都好飽, 一向對鐵板燒0既炒飯都唔會欣賞, 但係呢度0既炒飯, 令我再一次改觀, 尤其0個一片飯焦, 係成碗飯0既靈魂之處友人話呢個奶凍超濃奶味, 可措我唔太喜愛奶味, 無試到!總括嚟0既, 我地對呢度0既鐵板燒都好滿意, 除咗食材新鮮美味之後, 師傅對於每一碟菜0既 presentation 都好重要, 睇得開心自然都會食得開心! 呢度一定會令我再返嚟!…查看更多

襯住11日0既長假期, 當然唔會放過High Tea 試新野0既機會啦! 嚟到 JW 0既 Dolce 88 因為唔係太肚餓所以只係叫左一件cheese cake 同朋友share, 另外要左兩杯咖啡! Cheese cake 對我嚟講我就好滿意, 芝士味較淡, 易入口, 相對如果比較鐘意重芝士味0既朋友, 就可能會失望啦 (正正就係我朋友0既食後感), 雖然地方同心目中有少少分別, 但係呢度都幾舒適, 服務員好有禮貌, 咖啡都好飲, 不過如果飲品再多返少少選擇就更加好! …查看更多

每年都會同好友相約新一年開始之前食餐好, 今年決定放棄洲際, 試下其他地方, 最後決定去 Whisk 試下佢地0既 Business Lunch!試錢要咗鴨肝醬, 都幾大塊, 一啲都唔少家 味道都唔錯, 不過, 如果係香煎餓肝會開心啲朋友試左吞拿魚他他, 味道較清淡主菜又係加錢要咗牛, 不過, 無乜牛味, 肉質較乾, 失望反而朋友0既鴨腿就皮脆肉嫩, 唔錯最後食埋個雪芭加雪糕總括嚟講呢餐普普通通, 不過最緊要係同朋友可以開心渡過一個中午 …查看更多