CurryTam的個人專頁

連續三日光顧，海南雞(據說是每天新鮮來貨)依舊鮮嫩，水準穩定，油飯有進步，香味比上次濃厚; 巴東牛肉飯同樣沒叫人失望— 塊頭大，份量頗多，肉質軟腍不柴口(不是鬆肉粉那種) 。醬汁辣度極微(像十小辣)，帶香料味、少許甜(低於泰國咖喱); 喇沙豬扒飯則不過不失(店主給多了飯餸，總算人情味搭救)— 四大塊豬扒肥瘦適中，味道開胃但與一般喇沙有點出入。別看餐廳位置較僻，飯餐經常早早售罄！這也許是唯一的美中不足吧...…查看更多

上外賣平台發現附近有新泰菜，口碑一般但見幾抵食，一試無妨。姑且抱觀望態度買個海南雞飯連餐飲。雞件多，胸髀各半，嫩滑而厚肉，鮮度足且香料調味頗豐。雞皮爽脆，厚度適中，冇走地雞咁薄，亦不至過肥。皮下薄薄一層啫喱，應該有過冷河。油飯未算頂級，但有淡淡香味，酸辣醬層次豐富，簡直係菜式靈魂，連平日食雞唔沾醬嘅我，淨用汁同薑蓉清碗！伴碟仲有充滿滷鴨味嘅豬紅&煙韌彈牙嘅鴨腎，的確有啲驚喜。本來諗住食得過就算，睇嚟係我先入為主... 嗯，回頭見。…查看更多

見價錢抵到爛(4-6人) 本身期望一般 諗住食得過就算 點知十分足料兼好食難怪去到大排長龍 要等 不過都值嘅皇帝蝦 king size! 蝦頭爆膏 爽彈鮮甜花膠又多(有六七件)又厚(約半邊手掌大)鮑魚大小適中 肉質軟帶唔韌 略帶鮮味花菇隻隻飽滿厚肉 爽滑且菇味濃厚巨型鯪魚球彈牙富陳皮香 成功令我對鯪魚改觀墨魚丸多粒粒 有咬口兼爽彈鮮味完成以為兩款丸係一般平價嘢 但觀乎口感同唔太平滑嘅表面 似係手打魚腐好多件 索湯一流 豆腐咁滑豬皮豬手媲美花膠 入味兼軟滑到離骨 食極都有鵝都唔錯 肉味濃郁 芋頭蘿蔔兩盒另上 墊埋落底大盆到就瀉倒落隻32吋鑊燜煮 堆到座山咁好震撼芋頭超綿入口即溶 蘿蔔冇渣清甜入味 仲有零星魷魚蠔豉 同一隻鵝掌 意外驚喜湯膽好特別 與傳統盆菜相比偏淡 但好鮮甜 當湯飲都唔渴 (兩杯珍奶咁多)整體而言水準平均 樣樣都好出色外叫多半隻雞 嚿嚿厚肉 OK有雞味即使髀位雞皮薄到透光 令人驚艷皮肉之間有啫喱 睇嚟有過冷河老老實實齋食盆菜已經夠飽 唔洗特別加料物超所值 遠超期望 成家人都讚好正唯一缺點係不設送貨服務 (加錢都冇)石頭咁重 要跨區自取辛苦過舉鐵必定會回頭 希望你哋堅持熱誠…查看更多

Had my bday dinner here few days ago and it's been a real blast. Ordered 3 thalis altogether plus $20 mango lassi & $10 masala chai. The menu for $65 thali changes from one day to the next, so won't do it here. All I could say was that they all tasted exceptional - flavouring's on point- not too hot, not too mellow, and the blend of spices gave a very rich taste. My family and I absolutely loved them and were all stunned by the surprisingly huge portion (2 Rotis+rice). It's a pity thay they didn't provide any doggy bag, my mom couldn't eat it all and had no choice but to left some in her plate...Staff's really friendly and we had a laugh too. Good food, amazing service, excellent value at under $70 w/o svc in TST. Will visit again for sure!…查看更多

原本打算淨係post相，但個豬軟骨飯真係好味到要寫食評讚賞。下午茶但份量無減，仲有餐飲。家人對$34 咖喱牛肋條飯評價一般。咖喱偏稀，味道尚可，但牛肋條肉質稍韌，似乎過熟了。$28 豬軟骨飯，件件都好厚肉，大細平均。肉質軟滑，連住塊筋膜食冇得頂！肉汁嘅滋味難用筆墨形容— 肉香濃郁調味自然，濃淡適中，肉汁滲入薯仔同紅蘿蔔，回味無窮！講真淨係個汁香到可以撈晒成盒飯，每次搭車經過都有想落車買飯嘅衝動。至於環境... 唔想食塵的話，外賣就好。…查看更多

食過超過十次午餐來個總結。食品公司只做外賣/自取。位置有點隔涉，但不至太難找。員工態度友善有禮貌，值得一讚。試過眾多菜式 — 川味椰菜炒腩片、腐乳豆卜蒸雞 、蝦醬豆卜腩片、雞湯雞件米線、蕃茄豬扒、醉雞、枝竹蘿蔔排骨、墨魚蝦餅炒飯、爆多蔥油雞、鹹蛋任你魚肉等等。其中推介以下幾味：紅酒燴牛肋條(件數多，肉厚腍滑入味香氣逼人)獅子頭娃娃菜(獅子頭約三個拳頭大，肉味濃郁)墨魚蝦餅娃娃菜(兩者都鮮甜得很)菜脯肉碎煎蛋(份量十足，用料豐富煎得香口)香蔥爆辣雞件(醬汁非常惹味，雞件鮮嫩)鹹魚雞粒豆腐(魚香不太突出但調味良好，雞粒嫩滑)一餸一飯一湯不過四十元，份量足包裝精美。可惜便當經常未到一點就售罄，有點失望。建議：欣賞廚師少鹽少油的健康煮食，但湯水或可再鹹些少。(蟲草花燉雞湯例外💯 )另外所用米線似乎不太掛湯。最重要餐湯膠袋包裝撕位總是印錯在封口之上，望加改善。…查看更多

孖寶一份108，點了兩份。驚人的份量，肉厚嫩滑，皮下帶一層透明啫喱，鮮味可以。未知辣度所以要求辣汁另上，不算太辣，但未必人人能忍受。口水汁調味不俗，提鮮不少，個人認為味道稍勝海南雞。推介的菜式。魚大小尚可，難得的是肉非常鮮嫩，帶滿滿孜然香氣。醬汁💯，鹹鹹酸酸極之醒胃，跟魚肉很搭。埋單時問老闆娘，說是魚露混合香茅之類。件數不少，連醬油燒得香口，入口盡是甘香，肉味濃郁。幾滿足的晚餐 點了一整枱菜連兩碗白飯盛惠$240，物超所值！經過的話會回頭光顧。…查看更多

Had my first ever chicken kebab here 2 years ago and it had absolutely stolen my heart (esp the savoury orangey masala sauce) - great flavors & fragrance, large serving and everything else on point.Guess they've now changed their recipe a bit into some white salad sauce, seasoning was fair though. Still, I was rather disappointed with its presentation- meat was so little that barely existed, not to mention the incredible portion shrinkage.Fries and longan tea were good as usual, overall quality was up to bar.…查看更多

咁啱經過，上網搵吓附近有邊間出名食雞，又咁啱大廈喺我隔離。三點去到，冇人。唔入都入咗，好彩員工又幾好禮貌。我食嘢講求原味，食白切雞多。但見太爺鷄先係signature dish, 決定give it a try。返到屋企一打開... 嘩! 如圖所見，成盒都係髀、翼、翼髀，而且飯量適中。（女仔可能食唔晒）菜唔止兩條，係一堆，但就淡口咗啲，冇咩味。蓮藕湯唔算濃，但至少足料，飲完唔怕口渴。太爺鷄即係豉油雞，皮薄脂肪少，豉油微甜。肉質鮮嫩滑溜，雞味好濃郁，冇被豉油蓋過，掂喎！燒味飯嚟講$42(+$1盒)價錢中等啦，但外賣通常得雞頭雞尾，今次有咁嘅質量真係好驚喜。有機會去觀塘嘅話一定會試埋貴妃雞！…查看更多

自從外婆家七隻貓咪往彩虹橋後一直冇接觸過貓，琴日把心一橫一支公黃昏去食lunch。入門前要穿鞋套同消毒雙手，保障貓貓健康，抵讚。(+$8) 南瓜湯濃厚稠杰，而且佈滿粒粒瓜蓉，甜度適中，五粒星。可惜份量得半碗，美中不足。沙律一向並非我杯茶，所以評價不能作準，只能說不怕太酸，還可以。熱檸水Ok，只是溫暖，裝在塑膠杯裏不怕過熱。餐湯/沙律如果可以二選一就好了。 值得一提上菜幾快。($49) 冬蔭功蜆肉忌廉意大利飯，賣相頗吸引，risotto來說份量幾大。坦白講冬蔭功味不明顯，間中幾口先食到，但勝在辣香誘人而且辣度得宜。飯粒配合醬汁綿軟濃滑，適合港人口味，不俗。（剛好我有胃病不能吃硬飯）初次到訪，有以下發現：- 員工同貓咪互動頻繁，雖然貓隻數量驚人，但仍能記住每隻貓嘅名，厲害。密切留意貓隻安全，不錯。- 貓咪好乖，跑跳玩樂頗為好動 (薯片&雞蛋仔呢對孖寶頻頻跳上出菜位😂)，但甚自律，未有隨處大小便/騷擾人，衛生優良。- 室溫不足二十度半，有點冷，但諒及貓隻可以接受- 收碟速度有待進步，幾見貓咪覬覦leftover，始終不太好- 貓咪肥肥白白毛髮乾淨，好放心- 見貓隻頸圈有紅有藍，不知是否男女之分？加多塊板介紹每隻貓咪就更好了。有幾隻貓咪經常躲喺餐車孤立自己，希望下次帶埋貓奴家人嚟情況有改善。…查看更多

由中學畢業開始到依家大大話話都嚟過十幾次，每次去完QE覆診都會行過嚟。由最初好正嘅兩塊肉眼配烤南瓜同冇得彈嘅薯條水牛雞翼襯大大壺花茶，都後期水準直線下降魚柳鞋口意粉汁乾冇味，仲有牛扒全熟韌口配菜發黃，曾令我一度卻步冷落。前幾日見菜式幾吸引，差唔多五點仲有午餐供應，於是下決心俾多次機會佢，果然冇令我失望。先講講餐湯，濃郁煙肉味加上粒粒南瓜蓉，香濃幼滑唔怕稀，掂！多士條咬落去「卜」一聲咁脆口，但有點硬，有淡淡麥香。餐包同牛油如果served warm就更好。阿根廷紅蝦龍蝦汁扁意粉，啱晒我呢個大蝦狂粉。扁意粉相對意粉更有咬勁，好入味。龍蝦汁頗香口，但蒜味略重蓋過原味。菇菌味濃，成功令我對菇類改觀。主角紅蝦真係jumbo size手掌咁大，仲有兩隻，香氣誘人到我連殼都損埋，蝦頭爆滿橙紅嘅膏，蟹肉亦充滿鮮味。美中不足嘅係肉質，可能係因為落鑊油溫唔夠，其中一隻有些少霉，但尚可入口。餐飲普普通通就唔多講，想起往日打卡就有花茶飲，懷緬時時其實還有。不過點都好啦，$50唔駛免加一有晒成set而且質素幾好，抵到爛啦。下次等我早啲去，攞埋個八折先！PS. 嗰日有首歌幾啱聽，但因為環境太嘈聽唔清楚歌詞，上網又揾唔到。如果可以畀個playlist我就好啦哈哈!…查看更多

麵類$20-25，有滷蛋滷豆腐滷水蛋牛展肉燥日式叉燒燻蹄生菜魚肉鯪魚球酥炸雞扒等等，多數清湯底。想樣樣有啲所以叫左個喇沙湯麵, $25有1)半隻好濃蛋香好入味嘅蛋、2) 一嚿好厚嘅豆腐、3）兩塊手掌大嘅厚叉、4）一小塊雞扒。湯底其實係清湯有啲辣油浮面咁，唔係正宗喇沙，但都帶點椰香&香料味，中和埋辛香尚可。麵條幼細帶滑不黐牙，而且份量幾多，雖未算極之入味，但亦未至於麵湯分離。講真，今時今日廿蚊除咗兩串魚蛋同頹飯之外真係冇乜選擇。呢碗麵味道稱不上好，但尚算不俗，而且價錢超值大碗又足料，可再光臨。見到又人買滷水燻蹄斬料，厚薄均一好大盒。仲有滷水鴨飯，都係廿蚊鬆啲，似乎不錯，下次再訪或可一試。…查看更多

買咗個肥腸湯米線(走芫茜)外賣做晚餐。返到屋企，發現漏左個湯，打電話去店主都幾有禮貌。去到攞返個湯，送多兩隻水餃，仲話下次請我食，算係咁啦。講返食物質素，麵底超多，淨米線已經裝滿隻(大)膠碗。一打開，肉碎香氣撲面而來。湯好香，香濃惹味，好似有d花椒八角味。味道自然但唔淡麵冇特別，掛湯唔錯且幼滑。肥腸八大件，棉軟得嚟幾彈牙，唔怕韌，冇異味，肉香配埋湯一絕也！整體幾好，滿意之上。唯獨新店開張，甩漏方面可加改善。…查看更多

一向麻麻東南亞菜系，但呢兩日胃口麻麻，下決心一於試試味道清新嘅越南菜。五點九趕及下午茶尾班車$36，原本想叫牛骨湯，但好似酸辣湯同豬頸肉夾啲。外賣+$2，有一小盒辣椒青檸。青檸提線，令湯粉昇華不少。酸辣湯同泰式冬蔭功類近，好多洋蔥香葉，同樣醒胃但清新得多！(溫馨提示，辣椒落晒都幾辣吓，有啲後悔）豬頸肉份量極多，撥開面層底下仲有一層。厚切有咬口，大大塊唔切其他食店將貨就價細細條肉絲咁。熱飲好多選擇，柚子蜜薏米水都有，我要咗熱百香果。食完好後悔以前咁排斥越南菜。Perfecto! 好好好滿足的一餐，下次試埋牛骨湯先！後記：畀完錢先發現原來like fb page有甜品送，但小小嘢唔好意思麻煩人，算啦。…查看更多

我真係好鍾意幫襯用心經營嘅小店，簡單食堂係其中一間。吊腳，但絕對值得！開始時擔心飯好細碗安，好彩係用大碗裝。雞超正，皮薄、肉鮮嫩唔怕霉而且好入味，唯件數可更多，始終細細件。醬汁調味好得，唔怕超辣剛剛好，濃郁叫人食指大動。 唔記得走青😲招牌菜不負所望！大碗，湯微辣，有花椒八角味好味到成碗飲晒都唔覺口渴。牛肉大大舊，好腍軟，索晒湯汁果真一絕！蘿蔔好腍冇渣極之入味，麵條ok彈牙，基本功做得幾好。至於餐飲... 奶茶有待改善。今次無緣叫小食，下次一於試埋雞絲腸粉同擔擔麵！…查看更多