大食星星人的個人專頁

作為一年先去得一次旅行嘅社畜，年頭去完東京，食左文字燒先發現原來我哋一家都更中意大阪燒。所以今日出到啟德就即管試下呢間賣廣島燒同大阪燒嘅御好燒餐廳。午市套餐叫左一個廣島燒套餐同大阪燒套餐廣島燒套餐跟日式沙律，正常。大阪燒套餐跟兩件南蠻炸雞，醬汁同南蠻沙律醬都係偏正宗多於港式，炸雞本體都熱辣辣多汁，有驚喜。醬汁對味，新鮮整起都幾好食。但材料就只有蔬，以呢個價錢唔太相宜，但起啟德呢個地段又唔怪得佢。廣島燒無大阪燒咁好食。但頂下癮都唔錯嘅。…查看更多

起西九商場對面 我搵到我top one嘅珍珠奶茶。話說某日帶完我女去通州街游戲室玩完行番屋企，途中發現一家新開嘅台式飲品店。這圓圓不像銅鑼灣和荃灣那兩間台灣過江龍一樣在fb瘋狂洗板，但卻已出現人潮，我只好掏出銀包買一杯試試。我叫左圓圓烘焙烏龍奶茶 少冰少甜。冰量和甜度合格，而令人出乎意料的是它的黑糖珍珠和烏龍茶香都好outstanding! 奶茶造好後一拿上手，便摸到珍珠是溫熱的，這可以令珍珠柔軟煙韌的口感保持在最長狀態，且黑糖珍珠甜度足夠，每咬一下都品嚐到黑糖的甜美，另烏龍奶茶也不是蓋的，反之茶香縈繞在口腔內久久不散，更有回甘效果，是我嚐過眾多台式飲品店中唯一一間如此正視茶底品質的店。唯美中不足的有二：一是黑糖珍珠每日準備的量有限，黑糖珍珠飲料只限中杯size, 想要大杯size的我就只可以選購黑糖珍珠+黃金珍珠的「圓圓」系列，黑糖珍珠好味，但黃金珍珠卻味淡，相比之下更為失色，就算要求店員走黃金珍珠也被拒絕，甚是可惜。二是等待時間長，每次都不下二十分鐘。這記於店家的出品系統甚為奇怪:-/ 就算你的次序有幾前都好，店員也會優先處理黑糖珍珠鮮奶的order，使得買了烏龍奶茶的我係咁被眾多買黑糖珍奶的人瘋狂打佔🙄我也是醉了🙄…查看更多

88蚊一set ge burger combo在現時嘅香港，話佢貴，又貴唔到好似BLT burger 百幾二百咁貴；但又無話平到老麥咁三四十蚊個餐，咁88蚊到底算貴定平，就要睇下佢究竟值唔值：服務泥講，order counter 個姐姐唔算殷勤，用語有禮但語氣死板，無目光交流亦無笑容；食物泥講，我叫左 單層松露漢堡排漢堡包 跟細薯條同凍檸茶，落單後等候時間不長，食物一整起就有專人送到，但我就算已經係九秒九即刻打開諗住食個包，包裹起牛皮錫紙（？）入面個包焗到好諗😥而我期待烘烤出來嘅面包、剛剛煎好嘅嘅牛扒，則完全無左佢地應該有嘅crispy；蜜桃色嘅醬汁亦並不出眾，絲毫不令人印象深刻，質地水水的，令人好不論盡；主角松露漢堡排有應有嘅松露香氣，但亦沒有為整體加上很多分數，肉排是薄的那種，所以並沒有豐富肉汁；生菜絲和番茄焗在牛皮錫紙內變得過熟，斷送了身為沙律應有嘅清新爽脆；唯一出色在夾在漢堡包內的兩塊香濃的溶化芝士，芝士質素不低，入口後芝士濃厚得包裹著你整條舌頭，把口感昇華不少。凍檸茶不過不失，就是紙質吸管太厚，吸吮凍飲時咀唇沒辦法感受冰涼，甚是奇怪。扁型薯條感覺新穎，外脆內軟，可以一試。包裹漢堡包的牛皮錫紙保溫力強，但對堂食的客人來說，真是一件必要的好事嗎？還是我的漢堡包是先前客人錯點，而我剛好經過遇到的一個不新鮮的它？（因為我後來看到鄰客漢堡內的生菜絲比我的新鮮爽脆得多👀）整體而言，食物並不出色，$88的這個套餐⋯⋯嗯，試過就好。唔好話俾首領知我又敗家食好西啊🙈…查看更多

第一次發現呢間鋪頭係散步嘅時候經過，住喺長沙灣嘅我成日都好希望長沙灣可以開返間我喜歡嘅台式飲品店，而呢間舖頭輕輕滿足左我呢個要求。點解咁講呢？因為呢間並唔係主打台式飲品嘅小店，餐牌上除左珍珠奶茶，亦有以咖啡、紅茶、朱古力為基底的特飲，價錢由20至30左右不等。我叫左杯珍珠奶茶，盛惠$20。珍珠奶茶$20是常見價格，可是佢地嘅珍珠奶茶並唔係台式飲品般巨大，而（目測）似係星巴克tall size咁上下，所以相對起泥價錢都幾貴；奶茶是一早調較好一jar放在雪櫃，茶味夠濃郁奶味亦夠重，有著絲襪奶茶的影子，我喜歡！少冰少甜達到要求，make sense。而最令我歡喜的是它的珍珠：珍珠要好食，一定要夠甜夠入味，否則同食橡膠車胎無異👀，而呢杯奶茶嘅珍珠每𡁻一下都感受到令人滿足嘅甜味，外層微微溶化，似無還有，口感軟糯無硬芯，係個人最中意嘅程度，飲到最尾都無被冰茶嘅溫度硬化，比天仁嘅珍珠有過之而無不及。是以進駐 珍珠排行榜首位。但整體而言，輕輕滿足我要求嘅點係：好飲係好飲嘅，但$20只得咁細杯 心理上覺得實在太奢侈😩如果我成日買而俾供養緊細佬我嘅首領知道左，細佬我嘅命仔肯定不保啦😣所以如果店主你見到嘅，不如考慮下加多兩三蚊加大到貢茶咁大杯啦，我會日日買咖😋留名等睇其他食評 睇下其他飲品飲唔飲得過先😋…查看更多

聖誕長假期無特別節目，特登慕名而來。渲染自小女子娘親嘅愛好，我都中意飲茶，以至飲珍珠奶茶都對茶味呢一part有頗高要求。店家一樽樽茶葉sample放起收銀旁邊，可見佢地對自己嘅茶葉相當有信心。我一去到就主攻伯爵茶葉，sample入面有一點點藍色嘅花，傳出好真嘅伯爵香氣，所以我都無8掛其他茶葉，直接就走去落單：伯爵奶茶 少冰少甜茶濃加珍珠（+$5 requested黑珍珠only）因為佢係用茶葉即叫即沖 所以就算我前面並無其他order, 等待嘅時間都較為耐。其間我望到poster 有伯爵茶軟雪糕（$22），問準首領後就要左支試下。雪糕茶味香濃，甜度適當，味道泥講係高分嘅，但敗筆於質地過油，無左食雪糕嗰份 爽 嘅感覺。我就唔會再買🙃。到到我杯茶到手 出品夠大杯 雖然落單時要求少冰，仍稍嫌冰量過少，冰量有如 天仁 嘅「去冰」程度。所以下次我唔會要求少冰嚕。珍珠方面 珍珠係𡁻得耐會溶嘅安心珍珠，夠煙韌亦夠軟糯，口感同 天仁 相似，但味道稍嫌清淡，無 天仁 所擁有嘅黑糖優勢；茶味方面 口感濃厚，濃度同甜度都令人十分滿意，呑咽過後口腔內仍有突出嘅伯爵茶香逗留，比 貢茶 那薄薄稀稀的雷格奶茶出色甚許，亦更比西式餐廳的伯爵茶包加奶的成品贏9條街。係我暫時榜首嘅伯爵奶茶同我一樣係伯爵茶粉絲嘅你 值得一試啊！…查看更多

妖！明明上篇食評入面打左！但剛見到刊登左嘅食評少左burger張相💢（我啲食評打左起張相度咖嘛😞！！）！又要我再打過！！！！！🤕呢個app幾時先無Bug啊😒💢因為唔可以於同一次光顧之下連續提交多於一次食評😒OK,實不相暪 今次係我另外一次食嘅。（😬）（深呼吸🗿）個包好脆好香牛油味！大㕑烘到個包好脆之後，有淨係起中間塗上甜美的自家醬汁，好聰明地只塗在內圓，而外圓維持香口酥脆，睇得出係有落過心思。加分。而且被美味的醬汁包裹住嘅爽脆生菜同蕃茄，都為成個漢堡提味不少。牛肉扒唔知係咪特登做到好似日式漢堡扒嗰種綿綿嘅質地（但比日式傳統漢堡扒 無！加！洋！蔥！，呢點好重要！☺️👍🏻），所以佢嘅口感比美式漢堡鬆軟， 肉扒中間有更多空間俾嘅肉汁走出來，幾好幾好 唔錯唔錯。雖則首領命令我唔可以走洋蔥(😒) 但好彩啲洋蔥係caramelised, 無曬洋蔥陣味，反而食得出佢本身嘅甜味提升左，再有埋個醬遮一遮，所以無扣分。P.S. 本身每個burger都會跟一份薯角同肉醬，不過因為我有叫埋 芝士肉醬薯條（見於另一篇食評），所以我落單時要求唔洗上肉醬免得浪費（又俾首領鬧🙄）78蚊（好似係）份burger 已經平，再跟埋薯角同肉醬真係好抵，我呢個新晉師奶 真係覺得賺很多🤑 隔左咁耐今晚諗翻起個漢堡，對個包皮、醬汁同好新鮮嘅蕃茄生菜最有印象，呢個包唔會好肥膩，適合夏天食，因為個感覺好refreshing而又營養豐富，打破左漢堡＝ junk food ge概念, 好啱配上一杯冰凍啤酒（！！！！我餵人奶唔飲得啊😫。😒）同場加映 我兩個老細：宜家夜媽媽諗翻起個包皮好出色又標口水⋯⋯為何深夜總是餓😫！（下次一定要食佢個雞翼同Crabcake Burger）Burger 對我泥講，幾時都係最好嘅Comfort Food😋💕…查看更多

上個星期 首領有事要起大坑開OT會, 我當然要好好地利用呢個機會衝出長沙灣食翻個靚飯啦😌 我化完個靚裝煮埋bb飯 9秒9 帶住百厭星星人出門口 👭首領話佢老細recommend新開嘅呢間餐廳 食晏好正，又g我崇洋😛 （係愛啊哈利）所以我今次unun腳等食就得🌝食評可以起相片入面搵到💁🏻餐廳好細，得三張4人高枱同吧枱（好彩我地泥到時啱好有一張吉枱🌝我地之後嘅客都要等位🙈🙈），入面連大㕑先生total 3個人一手包辦，佢地好細心留意每個客人嘅需要，我同首領食完野叫左杯peanut butter chocolate milk Shake (好叉好飲) share, 邊傾計邊餵我個百厭星星人食粥仔（所以唔得閒影相😐），佢地無黑面不特止 仲keep住幫我清走枱面抹過bb咀同粥啲大量紙巾，又叫我唔洗急慢慢餵 當俾bb chill埋一份😂實在窩心。我見到隔離枱嘅crab burger 同雞翼都好吸引😣我已經決定左下次要食佢地（加多杯peanut butter chocolate milk shake, 自己飲 唔share !）其中一個哥哥原來兼任Bar tander ，望住佢fing shaker fing到出神入化，其中一樣 又有茶壺又有short liqueurs 😩 佢啲調酒好靚我好想飲😣 但我女仲需要我嘅breast milk... 我連1664 都唔飲得😭😭😭仲有 黑板上面寫啲野好搞笑😂 類似係「soup of the day: Kronunburg」😂仲有 厠所好光猛好乾淨 塊鏡好靚👀仲有仲有 飽到咩咁 兩個人先食左260蚊，真係好surprise 👀…查看更多

〈食評見於相片💁🏻〉Never again!!本以為 身為拉麵排行榜首位：鰹之一滴 嘅家族成員，海老名吳會差得去邊，誰不知 真係差到無下次😒 我又令到首領中伏，首領又怪罪落泥ˊ_>ˋ 第一次食海膽沾面嘅經驗咁樣樣，我真係無信心再試第二次😭 我係全宇宙最不幸嘅美少女啊！地方又窄，見住師父起開放式廚房內將啲好似 巴老坦星人 嘅急凍蝦頭 一包包咁倒入攪拌機打碎，應該係攞泥煮沾面湯。首領見到真係無曬胃口，佢叫左蝦湯沾面，本以爲係耐心淆制，但原來係 咁環保 咁省工夫制作，大失所望！ 事後首領同我講，廚房個女師父用同一對手套處理完啲急凍蝦頭，手都吳洗直接將我嘅海膽同雞肉（btw 難食無味溫度曖昧）舖放於我嘅面上⋯⋯ 諗起又驚😩…查看更多

今日暪住首領，放縱一下自己的銀包，便決定試一試這美式漢堡店。但遇着大小姐開恩可以比我瞓到一點半所以醒咗之後就嗱嗱聲擦牙換三出門口衝去佢個lunch set。講就容易，要氹掂大小姐，去到已經兩點半，所以餐廳內只有幾枱吃到尾聲的客人，只點一人份的我和安坐橋內的大小姐也不避嫌覇佔了人家靠窗的四人卡位🌝我的漢堡排行榜第一位是BLT（BLT burger + extra BlueCheese）, 其次為Beef & Liberty （black pepper) ，第三位一直懸空，卻一直未有挑戰者取得寶座（我以為自己係乜水咁巴閉🌚）貴為天后Texas Burger（太遠一直未有機會試）近親，對The Americano 都有相當大期望咖。〈食評見於相片💁🏻〉兩個哥仔服務都一流，但因為佢漏左替我走洋蔥，而令我吳能夠享受呢一餐，甚至令到我對佢地出品嘅評價咁低，實在可惜😩（重申，浪費左我128蚊☹️）我會再俾多次機會佢嘅（儲儲錢之後🙍🏻）。…查看更多

話自己最強燒賣，挑戰我咁話？🌝就睇下你咩符fit~$10/5粒魚蛋 魚蛋呈現米白色細細粒夠彈牙，略有少少甜味，未食得出佢係來自魚肉定還是添加糖，入邊有少少魚骨，凍左有鯹味。配搭沙嗲醬（或咖哩醬），可惜沙嗲醬唔係好沙嗲，唔辣。味道值6分，但作為$2粒嘅魚蛋，無下次！$7/6粒燒賣 燒賣的確好食，潮式辣椒油加埋甜豉油，加分，唔係Hea做。黃色嘅外皮唔會過硬，整體好軟熟，鹹甜適中冇粉味，可encore!魚蛋收得檔！我堂食車仔面加份魚蛋$10都嫌貴啊，外賣更接受唔到囉！海洋公園都唔會咁貴啦😾！燒賣唔是最強，但的確頗強。（達哥tone）完！…查看更多

真係好濃好濃好濃好濃朱古力味（在只有蛋糕體，沒有任何忌廉或慕絲的情況下來講。）。質地好實淨硬身，比Brownie更甚，係你用叉拮一啖放入口，要將你雙唇抆到好緊好緊，都未必可以乾淨地抽翻隻叉出泥嗰種😂。不過並不是壞事就是了。在只有蛋糕體，沒有任何忌廉或慕絲的情況下來講，它很濕潤不會吸乾你口水，不過比較容易膩，容易飽。首領生日當晚我地食左四份一，其餘我要自己一個用多4日先食得曬😂😂不過整體來說，味道幾好，配上一杯熱茶或黑咖啡是一個享受^_^。賣一百多少少，性價比算高，適合大伙兒一同分享。不妨一試（如果仲有得賣的話喇🙈）…查看更多

<菜色評價起相片中可以搵到💁🏻>呢間野喺長沙灣開咗兩個月左右，居酒屋應該本身係主打夜市生意，不過佢嘅價位係區內來講頗高，所以佢嘅午市係由十二點去到五點都有得食。我食過三次：第一次食薑汁豚肉定食，覺得好好食只係份量太少，普通女仔嘅食量都可能未必夠。我食得出嗰啲材料好靚，心諗可能佢係啱啱開咗無幾耐所以分量未必控制得好好。因為果次係我自己一個人去食所以我嗌左走洋蔥，廚房要單獨幫我煮呢碟餸，印象中入邊有10零片中指長度嘅肉，心入邊覺得都係份量都係少架喇😥誰不知第二次同首領去食嘅時候，撞着午市時段，亦冇走洋蔥，廚房一出出幾碟，我哋黑仔，相信係最尾上碟嘅果一份，所以份量係侍應盤中幾碟入邊最少嘅。數過得得7塊肉😥😥😥首領好嬲好嬲即刻就black list左佢🙈以後吳會再幫襯😣第三次去已經冇左姜汁豚肉定食，菜單上面我對鯖魚定食同埋燒豚肉配野菜定食比較有興趣，我問侍應燒豚肉嗰個份量會唔會好少佢答我：「會咖，得3塊左右。」所以我最終揀咗鯖魚定食（心諗：🙄🙄🙄🙄🙄🙄🙄）。今次比上次多左個冷奴，個鯖魚好好食，但係白飯依舊煲得唔好，而且分量都實在係太少嘞。如果我唔係擔心夜晚陪首領食晚飯食吳落，我未必會再幫襯。平心而論呢間餐廳出品係有誠意嘅，presentation ok，味道水準以上，材料質素水準以上，唯獨是份量實在要扣掉太多分，感覺太小氣，味道再好都好，若果食唔飽唔通叫兩份咩？新菜單上面仲要寫到明追加白飯幾多幾多錢、茶碗蒸只限新張期內免費等等，咁小家子氣只會令人印象吳好，下次幫襯之前都三思在三思，生意想好都幾難🙈…查看更多

<菜色評價起相片中可以搵到💁🏻>提到印度咖哩，你地一定都諗起重慶大廈。該處咖哩價格不低，但我踏足多次都未能找到令我和首領滿足的店。這份遺憾，在近兩年圓了。長沙灣街市入面有一間傳聞中的隱世咖哩，我和首領雖作為長沙灣之友，卻係起某經典的香港討論區內得知呢間餐廳，一食翻尋味，呢度已經成為我地主要飯堂之一。以前多數待假日去食較抵嘅set lunch,而最近發現連晚市也供應套餐，套餐定價由三十多到五十多不等，也有很多新奇但地道的印度菜式，我和首領更是每星期食佢兩三次方得解饞。但死啦，佢會吳會係因為賺吳到錢先轉營呢ˊ_>ˋ好吳想佢執粒😣佢地無裝潢無廣告，家族經營但卻很用心，對食用有潔癖的我留意到他們的食具洗得相當乾淨，而咖哩醬汁及配料也下得十分大方。可惜咖哩始終為香港市場中，很有個性的一類，並非大路菜式，在我暗地歡喜晚市也能用非常相宜的價錢享受到正宗印度菜式的同時，卻也不自覺地為店家生意和如此足料的美食感到懮心ˊ_>ˋ店裡面，咖哩爸爸負責做菜，咖哩媽媽和咖哩女女負責招呼，她們比重慶大廈的印度朋友更平易近人，但始終礙於膚色和面孔，相信不少街坊惧怕言語問題因而卻步，其實佢地中文好好，而亦好有耐性同好親切，大家如果想食到又平又好味嘅咖哩不妨過泥試下！長沙灣站c出口直行10分鐘就到街市咖喇！咁平咁好食嘅餐廳，真係希望佢地可以長久地起香港立足。小店難生存，靠街坊大家多支持🗣🗣🗣…查看更多

首領又到左應酬嘅季節，今日拋低我去左鯉魚門嘆海鮮，雖然佢食到厭，我又聽到厭，但我聽到始終都係恨到牙痕痕😾😾😾既然佢去左食好野，我都吳執輸:> 基於平時首領吳肯食魚生嘅關係，我自己一個食通常都會食日本野過飽癮長沙灣日本餐廳吳少，但暗總是藏不少伏！今次係我第二次泥金鮨，兩次都係食呢個三文魚海膽帆立貝刺身飯，今次我豪過上次，三文魚轉腩，每塊加3蚊，亦加多左10蚊轉餐跟三文魚面豉湯同辣味螺肉。除此之外，仲要求走蔥同要暖飯，師傅細心地滿足曬我所有要求不特止，仲幫我將丼飯拆開如圖，估佢係怕暖飯嘅溫度加速魚生嘅退鮮程度，好似係。三文魚面豉湯：很多三文魚肉，面豉味不濃，反而讓三文魚的鮮味更加特出。三文魚肉連著魚皮，是有有較多魚脂的部分，因此入口肥美，且新鮮非常，特意伴著飯一起吃，喝到最後一口湯時溫度已經下降不少，卻沒有一點鯹味。讚！這個$10加得很值得喔！若然大家吃的是冷醋飯配冷刺身，這更能夠幫大家暖一暖胃喔！螺肉：一般貨色，同出面食開嘅無分別，勝在很能下飯:3三文魚腩：看著不肥，吃落卻很對味，有著三文魚腩足夠的油脂鮮甜，亦有濃郁的三文魚味，雖然每一塊要加3蚊有啲貴的說:-/帆立貝：size普通，鮮甜無雪味，水準以上，好食。海膽：偷聽到大size的加拿大海膽無貨，轉左今次呢種，上次食加拿大嗰隻無咁好食，有丁屎咁多怪味，顏色較灰沉，相對地呢個細size海膽質感較watery，入口即溶，鮮甜美味迅速起口腔爆發，良久不散。Yum！唯一美中不足係個醋飯，酸味太重，飯的質地亦都太黏太濕，我臨走前問師傅係咪因為我要求暖飯所以即刻調味，點知係我想得太多😅即係太家食到嘅味道應該差不多，師傅啊師傅，我咁煩你應該記得我掛，下次嘅醋飯可吳可以調得淡口啲👲？ 另，醋飯吃暖的，胃會比較舒服和滿足，大家下次不妨一試😎anyway，小店經營，值得支持，加上刺身新鮮好食，相信佢會在小區站得穩的。加油哦！…查看更多

今年我同首領家人去萬發食團年飯。你可以打電話去book位，但係book位唔代表你一去到就即刻有位。一行五人有老有嫩，叫咗5個餸萬發小炒皇：必點，材料有炸魷魚仔，蝦干，9菜，腰果等。相當夠鑊氣，9菜吳老，腰果仲脆，最正係啲走過油嘅魷魚仔，又咸又香口。黑椒薯仔牛柳粒：每次食都唔同味，今次好唔好彩撞正太甜，d牛柳粒俾肉粉乸得太西利，好難食。但係d薯仔都仲係好好食，脆卜卜。黑椒吳夠，差咁d。希望下次好彩。椒鹽鮮魷：必點。魷魚好嫩，炸漿夠薄。好快青囇。黃金蝦：用咸蛋黃汁炒嘅大蝦，好意頭，但我吳中意咸蛋黃，d蝦又無去蝦屎，倒胃口ˊ_>ˋ朱油渣炒豆苗：豆苗太老，但都好好食。豆腐咸蛋肉片芥菜湯：豆腐好滑好滑，芥菜夠淋，肉片同咸蛋冇食，個湯好清好解渴。正評。全餐飯食得好開心好滿足。快樂團年飯。…查看更多