vvlam的个人专页

母親節晚餐套餐，居然大部份是炸物，老人家因不懂點餐給待應遊說了，前菜都是炸物，炸豆腐，炸茄子，炸魚皮，炸蝦角，魚也是炸的而且椒鹽魚骨是很腥的，很差的一條雪黃立倉，整個餐完全不合適母親們，一點潮州食物也沒有，而且此套餐價錢真不太合理，坐的位置很逼，背對背的跟旁邊檯的食客貼住很不舒服，食物等待時間又長，7時40入去，8:20才有小食出來，而且沒有人換碟的整個檯都很污糟，好像只有魚翅及壽包是好一些的。一個食過最差的母親節套餐。…查看更多

去食生日飯，無咩人理都算啦，香港特色黎，叫左都唔小野，有一魚2食係西星，食落梅梅地，搵經理問，佢回覆係"西星係梅既，你唔係食緊龍躉喎"咁就走左，呢d 香港飲食界經理特色推卸責任，搞到我以為係我錯咁。生日蛋糕呢，問打火機個眼神好唔情願，拎把刀個待應直接隊住你差d 嚇親，當然唔會同你切啦。其實酒樓本身有無管理層去提醒下員工既服務水平客人黎食野唔係搞事只係消費者應有待遇？不過生日流流費事掃興，請著呢d 趕客經理祝好運。…查看更多

環境ok,但每件扒都用燒到出煙rosemary, 周圍氣味太強，而且店員單手拎，有時仲睇手機，坐路邊位要小心，生蠔兩款都唔太好，而且店員唔會講係邊款周食邊款先，唔太適合售賣生蠔pizza 亦比較差，邊位咬唔到，無口感，料又小，ribs 同steak 都只有醬汁味沒肉味，仲有最重要兩樣事，open rice discount 入內時問清楚，最後埋單無，問店員黑面的一句不說走去問同事，最後先比番但態度唔好，同問拎清水2次後仲要過好耐差唔多食完至比，服務真心差。…查看更多

幾日前用apps book 昨晚6:30, 5人被安排在樓下的又窄又高身bar 檯，又沒冷氣，平時沒見給客人坐的，只是員工在準備刺身位置。中午我打電話去確認檯時有說明有人生日帶cake 及同意切餅費，為何當時不告訴我此安排？最重要係黎到時，女負責人好不悅眼神話"用呢d 特價就係坐呢度架啦" "不嬲都係無得選擇"咁我5個人又有老人家樓下又熱而且張檯無可能share 野食，又唔係食拉面根本無可能坐呢張檯架，老闆叫我考慮下我話唔坐啦，仲叫佢同番apps 講我唔係無show off 係唔想坐呢張檯剛收到apps 話，餐廳當我 no show off, 尋日都同佢地老闆講左，安排咩唔緊要但要通知客人，客人有權選擇可以唔用特價或唔黎，呢間餐廳又想apps 推廣一有人book 又不公平對待用apps 的客人，真係怕怕，生日仲要拎住蛋糕周圍走，感覺好難受，唔通安排廁所或廚房都算係位嗎？…查看更多

昨晚5人去食晚餐，服務好，食物好，環境好。乳豬好好食，生蠔幾好，一般如沙律，意粉的分量又大，海膽唔錯，燒雞都好正5人先食左$1300 好抵， 帶cake 唔駛受費仲播生日歌一起唱，好小餐廳咁做了，愉快的晚餐…查看更多

係12月20日見到報紙登廣告有一些餐, 就打電話去訂位,寫明2日前訂有88折, 問店員就話要3日前才有,但係報紙寫明, 佢都唔認, 要揾經理問, 仲好似唔多信,講到如果你見到係就係啦. OK, 咁BOOK位, 佢話要8點.咁就以為佢有2輪囉.我地未夠8點上到去. 實在嚇人, 企滿人… 原來好多訂左7點既都未有位, 原來佢地根本無同早一輪既客人講明要分2輪, D人唔走, 唔走係正常, 因為佢地無講明. 咁我地即係有排等? 個個客人嘈晒, 好似完全失控一樣… 但係都已經來到,附近又沒有什麼酒樓, 都沒辦法了. 我地一直等到8:30, 因為有張門口細TABLE無人坐, 所以到我地, 我地都唔理3721坐左至算. 到落ORDER, 先黎個雞, 之後樣樣都等… 一碟成10分鐘,而且翅係最後到, 期間問服務員佢就不停話… “人地好多都未到,有咩你食咩好了, 追都追唔到, 有就算….” 真係激死人.我地坐門口位, 見到好多人發晒脾氣, 都有D人真係等到火都黎走左去, 咁既安排真係失當, 訂位黎做咩? 佢唔係SET 2輪要人地走就唔好夾硬接咁多ORDER, 再唔係見到情況有問題, 揾人打TEL比訂左位既人, 問佢地可唔可以遲小小到之類, 尋晚好多老人家, 小朋友, 等到傻晒咁… 呢間野又唔係新開, 咁既安排真係係人都怕怕…. D野又唔好食, 又唔係平, 真係唔敢再去.而且雖然好旺, 但D員工, 有D真係睇見都唔想食, 檯又唔執係到傾計, 搞到要門口個帶位去執又無人理, 經理真係唔知做咩既呢?…查看更多

早期都有去呢間野食, 不過d飯越食越差, 每個汁都只係有甜味, 好難頂.而且, 凍0茶係唔可以叫走甜架, 因為無喎.仲有d雪花冰, 同人地比佢真係差得緊要, 一堆堆唔知咩咁, 又貴.店員既態度亦唔好呀, 自己帶酒去飲, 唔比唔緊要, 唔需要出言罵人架嗎!總知以後都唔會再去食呢.…查看更多

呢間野既前身, 我食過一次就唔想再食but老媽接左手後, 我就成日幫襯, 一來甜品特別2來佢地真係對客人有heart架...呢樣野真係做食店好緊要既野, 態度唔好幾好食都無用.佢地會接受意見, 亦會傾下咩好咩唔好...好友善.呢度既雪花冰唔係好多地方有得食, 綠茶味真係好正..另外蛋白亦係超好食, 其他大路既紅綠豆就反而一般啦.…查看更多

呢間野食左好多年, 由最初1間, 到2間, 又到番1間牛油雞翼真係, 無一處可以比佢好食不過最近好似差左, 另外生牛河都差左唔好, 唔夠熱之餘亦無牛味.以前一定要等位, 而家好多時都唔駛等了, 又可能係上左樓係唔多d.呢度有一樣真係最.........唔好既.就係唔人齊唔比位, 3人table, 2個人到了都唔比, 真係企晒係度咩,好多都係半數已經okay架嗎, 咁樣亦搞到好多人不滿走左去唔食呢樣應該改一下囉~ 門口個細老闆娘態度真係唔多友善架, 有時好似比$都仲要受氣, 不過佢就咁平, 所以實係咁.…查看更多

呢度d蛋治真係好食但通粉就真係一般, 好多舊式茶餐廳都好過佢另外燉蛋/奶都係義順好d囉不過呢度人多真係唔好來有次sat pm來, 真係10分鐘都好似好阻佢地, 排隊又要比人話排得唔好..所以假期真係咪搞lu.…查看更多

本來呢間野食物出品都唔差曾經我當呢度你飯堂早餐及晚餐, 以為都當我地係熟客仔點知....話說有次同朋友一齊去食4個送, 20分鐘出一個, 都係d簡單既出左3個, 之後最後一個半個hour都未到,追問幾次都說整緊, 我說不要了, 之後, 女店員好不禮貌地走入廚房跟老闆娘說再不弄出來就取消, 跟住老闆娘出來說因為其他人趕住返工故先煮給他們那有這樣? 每每有人入就都不煮我們都算了, 送終於來了, 但我們都飽了, 飯亦涼了, 故要求包走.跟住結帳時, 要收我2蚊外賣盒$以往包走都沒有收過, 但今次要收,我就跟那女店員理論, 之後那女態度實在...激氣, 2蚊就當掉左, 為了這2蚊我決定呢一世都唔會再去食野叫埋所有朋友親人都唔好再去!那是他的損失而已.…查看更多

此間食店應是鯉景灣最旺場的一家假期真係唔book唔方有table架甜品真係好正, 餐有包, 另加都係10蚊一款, 好精緻.d送就都幾住家feel, 不過幾細碟.我最like係佢既咸牛利, 真係整得好好.d湯就有時都幾咸, 唔知係唔係太多料價錢方面都唔算平, 人均消費dinner都100以上.不過最衰就係d店員既態度真係唔多好架問多2句唔太like, 睇落都只係老闆娘最好.不過佢都係睇你食得多唔多野同係唔係常客既.叫平野佢都唔多so你.…查看更多