kafixd的個人專頁

今日同屋企人嚟食飯，叫咗個四人套餐，加$30轉冬陰功湯，再加多個菜，真係食到超飽！成餐飯由頭到尾都好有水準。先講飲品已經好驚喜，芒果沙冰同水蜜桃沙冰果味超濃，口感順滑，有果肉㗎，完全係消暑神器！泰式奶茶夠香濃，煉奶調味剛剛好，唔會過甜，入口順滑又帶點茶香，飲落真係好滿足。龍眼冰透心涼，冰沙夠細滑，加埋清甜龍眼，甜而不膩，一路飲有蜜糖香味，啱晒飯後解膩。大蝦柚子沙律清新開胃，柚子清甜加埋爽口大蝦，整體感覺好清爽，但真係幾辣，如果怕辣嘅人要留意！不過我屋企都食得辣所以ok!泰式咖喱角外皮香脆，內餡濃郁，有淡淡甜味，好適合做餐前小食。冬陰功湯絕對係升級得值，酸辣味完美平衡，蝦肉爽口彈牙，加埋香茅、南薑啲香料，層次感十足，份量亦都好足夠，多過四碗。薑汁芥蘭清爽又夠鑊氣，雖然無乜薑汁味，但芥蘭爽脆，簡單得嚟超好食。甜酸鳳尾蝦金邊粉酸酸甜甜，蝦又大隻又新鮮，配埋彈牙金邊粉，一啖接一啖停唔到口！班蘭灸鳳其實係一隻燒雞，賣相一百分，同埋好大份，四個人都食唔晒。最後，彩虹椰汁糕色彩繽紛，口感煙韌，椰香濃郁，每層味道都好均衡，完美收尾！今日呢餐絕對係大滿足！成枱菜色樣樣出色，味道層次豐富，材料新鮮，啱晒一家人一齊開心聚餐，最後四個大人捧住個肚走，好滿意！…查看更多

今次同朋友第一次食呢間餐廳，整體感覺幾好，食物質素對得住價錢，環境同服務都令人滿意。先講串燒類，燒牛舌心串確實有驚喜。牛舌厚切得恰到好處，炭火控制得幾好，外層微焦香脆，內裡保持到juicy口感。加少少岩鹽同檸檬汁，簡單調味已經帶出牛舌嘅鮮味，食落完全唔韌，值得encore。日本黑豚五花腩串肥瘦比例剛好，炭燒後油脂溶化得幾均勻，配埋甜甜地嘅日式燒汁，食落香口得嚟唔會太膩。脆炸芝麻雞翼炸得夠脆口，芝麻份量適中唔會過多，咬落去"咔嚓"聲好治癒。雞肉保持到嫩滑，證明油溫控制得宜，唔會食到成口油，作為佐酒小食好適合。加拿大斧頭豬扒份量十足，肉質鬆軟唔鞋口，食到冇蓋過豬肉本身嘅鮮味。主菜方面，松露蟹膏意粉確實係招牌之作。蟹膏醬濃郁得嚟唔會過鹹，每條意粉都均勻掛汁，松露香氣突出但唔會搶味。意粉煮得al dente，整體配搭平衡，係會令人想再食嘅菜式。餐廳環境乾淨企理，座位唔會太逼。服務員態度友善，上菜速度合理。價錢方面算係中上價位，但食物質素對得住個價。整體嚟講，呢度嘅食物水準穩定，特別適合三五知己聚餐，或者想食餐好少少嘅時候嚟幫襯。…查看更多

今日約咗朋友食晚飯見呢間餐廳喺mikiki 新開 就去試吓啦呢度有個好抵食嘅二人套餐$458有湯+前菜+粉/飯+主菜+甜品+飲品啱晒選擇困難症嘅人啦！是日餐湯：磨菇湯磨菇湯有好多磨菇粒粒 真材實料👍🏼前菜：八爪魚天婦羅平時最怕勁多粉漿佢係做得好好薄薄地一層 食落唔會好油膩粉飯：北海道帶子松露野菌意粉龍蝦配龍蝦汁意大利飯都好吸引但最後揀咗餐廳推介嘅意粉完全冇失望呀忌廉汁好濃稠主菜：炭燒澳洲肉眼牛扒揀咗七成 雖然係七成熟 但係一啲都唔嚡口或者老啊仲係一樣咁淋 仲要好有牛味配埋個焗薯其實已經好滿足是日甜品：檸檬芝士餅我哋就另外加$48要咗心太軟同雪糕Share食試多幾款吖嘛朋友大讚心太軟好好食真係做到外脆內軟 配埋雪糕係一流嘅享受檸檬芝士餅就正常發揮係硬身嗰種芝士餅 我都幾鍾意飲品都係平時嘅咖啡或茶亦可以加錢轉特飲佢嘅責任都有好多選擇㗎最後揀咗特濃朱古力同埋焦糖咖啡兩杯飲品都為成餐飯畫上完美嘅句號😁…查看更多

今日放工獎勵自己 去咗食好嘢！完全冇令人失望 整個食飯嘅過程都好舒服先要讚嘅係員工服務態度好好 見我哋食完就好快收碟之餘 見我哋隻碟有汁又主動換新碟（確保食物味道唔會撈埋） 保持乾淨 👍🏼講返食物先1. 生蠔兩隻 用OpenRice訂位送嘅 生蠔好大隻 仲好Creamy 配返少少蟹籽同埋酸酸地嘅醬 好好食！2. 燒牛沙瓜 亦即係牛其中一個胃 味道同平時嘅牛肚差唔多 但比金錢肚煙韌 口感特別 唔係度度都有 值得一試3. 仙台味噌牛筋 好淋好入味 有蒟蒻配埋 份量亦都唔少 食落有少少藥材味 4. 味淋魚干 最愛之一 個人認為係必點之選 甜甜地配埋沙律醬 味道好夾 5. 荔枝豚肉卷 推介 荔枝酸甜解豬肉片嘅油膩感 好fresh好食6. 雞頸肉 正常發揮 一向好愛雞頸肉好滑嘅質地7. 澳洲特級龍蝦 肉質爽彈牙 個龍蝦汁帶出鮮味 推介8. 鵝肝 推介！好大件嘅鵝肝 平時係一片 但佢係三片 size大過塊包好多 熟度又啱啱好 好滿足！9. 牛脷 最好食 當然係我偏愛 佢係燒得好好 而且牛味濃 又好淋 真係比牛舌芯客人食 正👍🏼10. 雞腿肉 兩舊好厚肉 配檸檬汁 有口感 10. 白鱔 油脂好高 肥美 新鮮 必叫之選朋友叫咗菠蘿梳打 我偷飲咗一啖 唔錯我就叫咗清酒🍶 呢度好多清酒揀 有啲花多眼亂 我就揀咗空藏愛山生原酒 仲可以俾人揀杯 酒好易入口 配返串燒邊飲邊食就啱晒😁但要留意返嘅係某啲串燒要兩串起 如果唔多人嚟食就要注意啦…查看更多

今日去咗尖沙咀食日本野見到呢間有咁多好評就嚟食吓啲招牌野啦佢嘅甲羅燒好出名我哋叫咗招牌 有一粒鵪鶉蛋喺中間員工會拎個爐去我哋張檯幫手燒全程唔洗自己動手 啱晒啲閨蜜嚟傾偈可以淨係等食😛另外嗌咗燒蜆同鮑魚鮑魚係新鮮到啲肉仲郁緊😱蜆就好有海水味另外仲分別嗌咗海膽帆立貝同木魚絲帆立貝都係要燒嘅我自己個人就比較鍾意木魚絲帆立貝因為個汁惹味啲刺身係一個驚喜 因為佢超級厚切漁師2人前盛食落口好有口感 冇筋 同埋好新鮮刺身係必叫推介最欣賞赤貝同埋拖羅！三文魚壽司拼盤個人認為三文魚籽同海膽比較出色😄其他都正常我哋嗌咗白桃梳打同菠蘿梳打兩杯都唔錯菠蘿梳打係有一整條冰菠蘿喺入邊好正🤭…查看更多

前菜水雲菜 - 酸酸地 醒胃 令成餐飯有個好嘅開始螢光魷魚配面豉醬 - 有口感麵豉醬調味啱啱好 唔會搶咗魷魚嘅鮮味 燒腩肉 - 薄片相對鹹啲 燒完可能逼過啲油份 食落仲冇咁油添刺身深海池魚腩 - 超級肥美 我好鍾意食油脂豐富嘅魚類所以覺得好正依佐木 （雞魚） - 最有驚喜 超新鮮肉質好彈牙 吞拿魚正常 不過不失壽司鯛魚黑松露黑松露同鯛魚又幾夾喎本身覺得鯛魚冇乜味配咗黑松露反而帶咗佢嘅鮮味出嚟沙甸魚肉質唔錯 正常發揮由於已調味 所以基本上用Wasabi豉油都OK蜆湯好濃味嘅清湯但感覺唔係味精主菜前飲湯清一清是常識吧燒銀鱈魚脆皮 啱啱好個人本身偏好銀鱈魚所以覺得好好味不過如果可以再厚身少少就更好啦我覺得食落個口感會再好啲蟹腳汁燒 個汁好稠 蟹腳好厚肉調味剛好帶出蟹腳嘅甜又唔會搶咗鮮味牛肉好香牛味 又夠腍身唔會煮得好老 冇筋軟而有牛味煙肉蛋炒飯正常發揮炒飯粒粒分明蔬菜同甜品蔬菜正常甜品係類似冰粉嘅質感凍凍地又唔會過甜👍🏼為成個餐畫上完美嘅句號…查看更多

Happy Friday又同個女出去拍拖食吓野佢話想食粉麵 就同佢去食越南嘢啦我哋叫咗兩碗粉 再追加一個小食 同埋兩杯嘢飲 碗粉嘅份量係超多 我哋兩個加埋係一碗嘅份量都食唔晒 所以男士都唔驚唔夠食😂扎肉河有五片 今次係佢第一次食扎肉 佢覺得好好食呀 比咗一個好嘅第一印象佢😁香茅豬扒河豬扒好食 好腍 又入味 佢唔鍾意豬扒試食咗都想再食 同我爭食😅追加兩隻雞翼都好食 因為係香茅醃嘅關係 同豬扒差唔多味道👅我哋仲分別叫咗青檸梳打同熱情果梳打比較之下我會鍾意熱情果梳打多啲因為我一路加汽水 成杯嘢都依然有熱情果味反而青檸就會淡啲…查看更多

今日同小朋友一齊去撐枱腳見到水門雞飯都好似幾吸引就入咗去試啦全場座無虛席 超多人我哋食咗雞肉串 好厚肉燒得啱啱好 好好味我哋仲叫咗豬肉串同埋牛肉串豬肉串有驚喜 一啲都唔韌 牛肉串配嘅醬汁係有啲唔同嘅招牌水門雞飯好好味我哋加咗錢叫雞髀 望落個樣好似好乾但其實係好滑又唔肥 減肥之選啲飯都唔錯㗎粒粒分明仲有個湯送埋芒果糯米飯啲芒果超甜糯米飯正常發揮糯米飯溝咗啲脆米 令口感層次更加豐富我哋仲飲咗青檸梳打同椰青青檸梳打味道偏酸明明正常糖 懷疑嚟錯咗走糖不過小朋友超鍾意酸 所以佢好開心怕酸嘅人就建議加糖啦椰青正常 食泰菜必備…查看更多

我真係好鍾意食泰國嘢泰然我一向都好滿意最近先知原來觀塘開咗分店 就嚟試吓水準唔知係咪最近推出嘅套餐呢？超級抵食我咁鍾意食海鮮 毫無懸念地揀咗咖喱蟹隻蟹列明超過一斤重 今晚全日海鮮餐生蝦刺身一打金不換炒大蜆仲有蒜蓉包四條再加青檸梳打先講最主打嘅咖喱蟹真係好大隻 啲蟹新唔新鮮真係一食就知 好多肉 肉質鮮甜彈牙 配埋咖喱汁 非常滋味上菜同時上埋蒜蓉包好有誠意嘅係六邊都沾有蒜蓉牛油 真係外脆內軟 就算唔係點咖喱汁都好好食金不換炒大蜆就正正常常可能豆豉味太重 有啲似食豉椒炒蜆 金不換嘅味道唔多 但勝在啲蜆都好新鮮 所以都係好食嘅 生蝦刺身擺盤一如以往係有兩款口味紅色辣啲 綠色香料味重啲兩款同生蝦都好夾 生蝦肉質都好爽口 $118有一打其實幾抵食青檸梳打係用返泰國嘅梳打水酸甜程度適中 最後好想讚嘅係服務員嘅態度佢哋會好主動嚟換碟 我一晚都換咗三次服務好殷勤👍🏼…查看更多

今日放工好想食打邊爐巧遇一間有得邊唱k邊打邊爐嘅餐廳可以預約房間或者坐大廳咁我冇訂檯就坐大廳啦今晚主要播歌為主 間唔中有人試吓咪但最後都冇唱😂講返食物先餐廳嘅鍋底有好多選擇但我想清清地 又見啲食評都幾多人揀蕃茄湯 所以叫咗蕃茄薯仔魚湯 睇張圖就見到係超！多！蕃！茄！我覺得我足足食咗兩個蕃茄落肚👍🏼食物質素唔錯吖我最鍾意貴花蚌 超新鮮 好彈牙 完全冇腥好好食其次係我至愛嘅響鈴 索晒啲湯嘅精華 正 份量亦兩個人啱啱好 牛栢葉都好食 份量係好多 食極都有咁😂朋友係粟米王 打邊爐必點 佢係超甜粟吖 無失望最後亦係佢呢度最主打嘅牛肉！呢度唔係淨係得肥牛或手切牛肉佢係有好多部位揀 所以要肥啲有牛味啲或者有口感啲都得！我哋揀咗牛頸脊 油脂分佈唔錯 佢都切得幾薄身 所以輕輕灼吓就食得 重牛味 唔老冇筋👍🏼兩個人食五碟都已經捧住個肚一班朋友又想唱k又想食火鍋嘅好選擇😁…查看更多

今日放工同朋友喺公司附近輕鬆吓見到呢間西班牙菜好似幾特別就入去試吓啦餐牌好簡潔 另外仲有drink menu 不過我同朋友都唔飲酒 所以就冇嗌款款食物都好似幾吸引咁最後揀咗青蘋果柚子漬帶子配沙律 法式明太子意粉 同慢煮黑毛豬配杏脯醬成餐飯都幾有驚喜呀沙律好新鮮 帶子亦都比我哋想像中多 配埋酸酸地鹹鹹地嘅醬汁 非常醒胃 肚餓感立即提升🤣之後就上明太子意粉睇個樣好似好普通 但個醬汁係好好食醬汁有好香嘅牛油味 配埋檸檬汁同明太子 稠稠地撈喺意粉上面 可能有加上好肚餓啦 5分鐘內極速清碟🥰最後係慢煮黑毛豬配杏脯醬杏脯醬嘅甜味啱啱好分解咗豬嘅油膩感唔好以為側邊啲花瓣只係裝飾佢哋嘅味道同埋成道菜都好夾更加豐富咗味道嘅層次豬肉又煮得好腍 完全唔靱我哋兩個比較細食 份量就啱啱好啦下次嚟都會再試其他！…查看更多

今日放工同朋友出去輕鬆吓去到ELEMENTS睇戲，入場之前搵間嘢食天天海南雞飯都幾多分店上次食已經係幾年前？所以今次特登去試吓其他野餐牌上面樣樣都好似幾好咁最後我哋揀咗黑磨豉牛筋牛腩煲 因為唔知黑磨豉係咩就叫嚟試吓😂幾好食 😋 味道冇豆豉咁鹹咁強烈感覺上同柱候牛腩差唔多牛筋同牛腩煲炆得好琳 應該係有落冰糖😂蝦頭糕金湯炆豆腐煲 呢個我好鍾意因為佢係用滑豆腐整佢先炸咗豆腐 然後先攞去炆咁就保留咗佢豆腐入邊嘅軟滑但又唔會煮到爛晒👍🏼豆腐吸咗蝦頭上湯嘅鮮味 好正新加坡蟹肉粉絲煲蟹好新鮮 啲肉好爽甜粉絲吸咗蟹肉嘅鮮味今日同朋友極速清晒😋咁啱三個都係煲最貼心嘅係啲煲個底係有火一路慶住所以唔會凍食到尾都係暖暖地…查看更多

今晚同媽媽去撐枱腳天氣凍凍地 就去咗食打邊爐因為我哋都唔係食得之人 所以唔揀任食呢間都可以話係最近食過咁多食材，最新鮮最好嘅一間先講個醉雞鍋佢好貼心 有職員幫我哋整埋雞 預埋時間 所以唔會過熟 食晒雞件先開始響鈴好脆又唔會一陣油味 一睇就知唔係用萬年油整啦餃子有西洋菜冬菇餃同木耳鮮蝦雲吞兩個都好好食 調味啱啱好牛肉好新鮮 有牛味 肥瘦適中菜籃媽媽就好鍾意佢話個湯底好甜 所以煮咗啲菜都好正最後係四寶丸 肯定全部都係自己整 好彈牙好足料另外一樣要讚嘅係 我平時成日都會畢起鍋面嘅油同泡 而呢度嘅職員係會幫你做埋另外我哋再嗌咗一楂青檸梳打酸酸地幾開胃 配合埋打邊爐 一絕呢餐飯好滿意 …查看更多

今日下晝同同事出去食lunch 最鍾意食中菜嘅我 捉咗同事陪我去食星記喺繁忙嘅工作入面叉叉電午市有好多款小菜揀 仲有炒粉麵飯不過我就最鍾意食小菜千挑萬選 最後都係揀咗生炒骨同埋鹹魚雞粒茄子煲本身都會送例湯 正常水準 唔會好重味精 咁已經好好㗎喇先講菠蘿咕嚕肉好明顯佢係有二炸因為只有二炸過嘅咕嚕肉先可以一直維持脆口喺呢度去食到最後一舊都仲係脆嘅👍🏼另外鹹魚雞粒茄子煲我都諗咗好耐先叫 因為啲茄子通常都好油膩 油浸嗰種 好似好唔健康 但最後都係揀咗點知嚟到又唔係喎睇得出佢啲茄子係烚咗先炒 當然可能有啲人覺得冇咁惹味 但我反而覺得好好心理上食得好安樂 因為如果係生炒嘅茄子煲 基本上成條茄子都係用油浸熟 係好香口呀 不過都食咗好多油落肚但佢呢度唔係 有驚喜🤩最後食晒飯仲有糖水送添係紅棗杞子燉雪耳 好潤 冬天飲啱晒 加分！…查看更多

今日收工同朋友去咗食飯行到NINETYs門口，見到個餐牌好似幾吸引就入去試吓呢度嘅食物款式都幾多選擇有pasta有steak最後揀咗牛面頰同埋龍蝦意大利飯先講咗龍蝦，意大利飯先啦龍蝦肉鮮甜個頭又有膏上面有芝士焗對於最鍾意食海鮮嘅我當然係食唔停口啦意大利飯，好特別唔係用，平時嗰啲米 好似蕎麥米咁有種煙韌嘅口感我自己好鍾意食煙韌嘢所以覺得好啱 朋友就話鍾意傳統意大利飯各有喜好啦 但我地一致嘅係個汁都教得唔錯嘅另外就係牛面頰配薯蓉牛面頰嘅size不大 但絕對夠食好林身 有啲似林身版嘅牛展好有肉味亦唔會好鞋 個人認為唔錯下面嘅黑松露薯蓉 更加係朋友嘅至愛佢一路話肥但又一路畢嚟食好搞笑😂呢度環境都幾唔錯因為座位同人哋唔近全程都感覺好舒服好放鬆整個體驗唔錯…查看更多