2Sweetie的个人专页

今日落街搵餐晏仔食，路經見到lee 間叫魚木的menu選擇幾ok 就食下。先講食物， 我就叫左個親子丼， 其實係睇佢個電視播佢d食物相而揀的，因為張相睇就幾靚仔。個飯黎到呢，其實賣相同張相相似度達70-80%。 咁食落，佢個味道真係唔錯。 味道濃郁，唔會太咸。 最欣賞重要係個蛋，好滑，好好味，而且蛋汁係唔少。 雞肉係嫩滑，調味唔錯。 最重要係佢熱辣辣上台，打開個盒，係好香。 而老實講佢個飯嘅份量一d都唔少， 叫左少飯嘅我都食唔哂。 我相信就算男士食，叫返原本份量，都會覺得食哂整個飯係飽到嘔。 所以而40蚊一個飯黎講係堅抵食，因為佢包一包飲品，飯同餸都好足份量。 另外，唔知係咪堂食原故，呀店員哥仔送左粒炸蕃薯芋泥圓俾我食住等。 新鮮熱辣炸起，皮好脆，裡面係熱又軟又香的芋頭。 好正!其次，我想講個服務。 真心要讚樓面的哥仔。 好有禮貌，笑容親切，佢會推介下你食咩但你唔會覺得佢push你。 又會問下你覺得食物質素點呀… 最誇張係我食完走啦！ 佢會同你講多謝幫襯兼鞠躬添。 我覺得佢嘅service 係勁正。講左咁多好呢… 都要講下有d不足的地方。 就係始終係小店，所以地方不多。 如果堂食，其實得兩個位要坐高椅& bar 枱。 所以坐位舒適度呢…就真係麻麻。 我諗外賣返屋企食會舒服d。講起外賣， 因為一路食都一路有人買外賣。我發現佢嘅上菜速度都幾ok。 都係等5至8分鐘就得。總括而言， 我覺得其實野食質素&服務真係好。 值得再幫襯的小店之選。P.S 因為個open rice 唔知點解又upload 唔到相。 所以post唔到相俾大家睇。 希望遲d有機會另外再post. …查看更多

係中午幫襯過幾次這間係公司附近的餃子店， 覺得都幾好食&價錢實惠。當然佢又係小店，一定要寫返篇食評支持。這間鋪頭入面賣13款餃子，比同區係街市果間，lee間都幾多款。而且有d款都幾創意，我就未試哂全部款，所以都唔知係點呀！lee款係韮菜餃子米線， 佢個餃子其實幾足料&重手的。 而這款餃子味道普通，不過不失。 因為有其他未比佢更好食。若果推介味道: 粟米香菇餃，粟米三色椒餃 都係好食。 而有幾款味道幾有創意: 咖哩薯仔餃(未試過)， 鮮肉芝士餃(味道特別，有驚喜嫁)， 鮮肉紫菜餃(味道麻麻)都係出面少食到。除左餃子之外， 佢嘅精髓係個湯。 佢寫係淮山花膠豬骨湯，我想講佢個湯真係正，我平時出街食粉麵係唔會飲人地嘅湯底，因為通常都係咸到嘔味精野，一係好似滾水開嘅咁。 但我想講這間店嘅湯，味道真係正。唔會係咸到嘔，好香豬骨味。最重要! 你好彩的話，係會見到個湯入面係有花膠。 我食過幾次都有....所以lee 間鋪頭值得一試。 但美中不足的是，不包飲品， 餐飲另叫。…查看更多

大熱天時，真係唔想食d熱辣辣的東西。所以食日本野係幾好選擇。放lunch 就去左lee間食返個丼， 我自己都幾經常幫襯。因為， 1. 幾舒服好坐，唔會好迫。 2. 係上環日本野食嘅價錢黎講，都算叫合宜( 上環的日本野一係貴到成百幾蚊。一係四十幾、五十，但份量好少唔夠飽，加刺身少到無朋友&唔多新鮮)。3. 支持小店其實，我幾欣賞佢都擺得幾靚咁上枱。 同埋個飯嘅份量剛剛好，而且d刺身係食落新鮮，好味。唔求其，而且佢係即叫即整。所以，值得支持…查看更多

如果做野做到好攰，想走出下過office 飲杯野，呢間係唔錯嘅選擇。今日同同事下午拎d野去左 茶。家 度做， 叫左杯聖誕版的印度奶茶。好正咁過左個星期五。先講下個環境，佢係上環，上山的位置。而且係一條巷仔度，唔算多人，好清靜舒服，同好闊落，因為佢係3個鋪位嘅鋪頭。我同同事都order左杯聖誕版嘅印度拉茶飲。 黎到個賣相都幾好。上面仲有d橙皮， 幾香橙味。但飲落呢，我就覺得無咩味，太淡。又或者係d橙皮搶哂味，雖然佢入面仲有成支肉桂，但都係俾橙皮蓋過哂。所以，我覺得杯野飲就真係一般。題外話， 我地坐果間係第3個鋪位。裡面有焗爐，應該係佢地整蛋糕嘅地方。我地入去剛好係佢地焗緊蘋果派，整個空間都充滿住超香嘅味道。真係好正，絕對係嗅覺嘅享受。佢仲有本catalog 講佢地有咩蛋糕（可惜唔記得影），睇落去好吸引。有機會真係要試下....…查看更多

今日放左工得自己一個食，又未夠鐘去下一場。就黎左觀塘東廣場搵下有咩食。行左一圈，見佢d餐都幾ok同埋都想靜靜地坐係度食，於是就試下佢啦。我叫左個咖哩牛肋條飯，跟飲品同湯(揀左南瓜粟米湯，只係$54。都幾經濟.....一上菜，其實睇落都幾“精緻”。不過食完就覺得，lee個分量對女士黎講算叫剛剛好。不過對男士黎講應該唔夠飽。 我睇隔離枱d野食都係唔大份...講下個牛肋條飯，我覺得都ok。咖哩唔算辣，啱哂d唔食得辣嘅人。牛肋條煮得幾稔，仲有肉多個薯仔。lee個幾好，因為平時食可能薯仔多過牛肋條。跟住就係個湯，本來諗揀個南瓜薯仔湯食無死。但係，竟然敗筆係個湯度。佢飲落好甜，唔係d食材煲出黎嘅甜味，我覺得佢似係落錯，將糖當鹽咁落。 成個湯味道好怪總括黎講我覺得一般，而且唔算太好坐。 不過一個人食，同簡單咁食個飯，我又覺得無所謂嘅。…查看更多

依家香港嘅食肆大部分都俾連鎖式經營嘅餐廳佔據哂。講真越黎越少小店生存到，係較為新嘅新市鎮更甚。所以遇到一間小店而又好食嘅，應該要俾返個正評以作支持。係寶琳就有一間正野啦！ 今次係第2次幫襯lee間叫良記嘅鋪頭仔。第一次發現係因為係慧安園lee個商場入面行下hea下時間，行到一個位聞到超香，跟住個氣味就搵到「良記」，望入去鋪頭細細，一個呀叔同呀嬸係間鋪。賣嘅除了有燒賣、腸粉之類外，仲有煎餃同蒸餃。 咁見煎餃出面少食就叫份試下，食完真係念念不忘。所以今日下午見有d肚餓就走去再幫襯下。一去到，已經要排隊等3，4個人。當然今次我都係食佢嘅煎餃啦！我講下點解咁正先，首先佢真係好香， 佢個皮好薄同佢煎得好香脆。 入面包住應該有紅蘿蔔，韮菜同筍。 食落去一d都唔覺得好油膩。 而且佢$12/5隻，價錢都算幾抵。 所以好多人排隊幫襯。我買完都仲有5，6個排緊隊。 勁…查看更多

星期日放假就去下新地方搵野食。同屋企人黎食lee 間餐廳， 講真環境都真係幾舒服。係一個公園入面，所以你從餐廳望出去，見到公園d花草樹木同埋佢裡面裝潢幾闊落。放假黎真係幾好.....雖然環境就真係勁正，但我覺得d野食真係有待改進。我地一行4人叫左個牛肉烏冬，芝士汁鮮蝦意粉同兩個English brunch, 芝士肉醬薯條. 第1個到嘅係意粉，見到嚇窒左。個碟好大，但個粉唔多。味道普通。跟住黎左我叫嘅烏冬，樣望落幾正，但食落我就幾失望。我本身係好鍾意食烏冬，而且見佢話燒牛肉再加讚岐烏冬，心諗應該無死。 首先，湯頭其實都唔差。但敗筆係烏冬，我諗佢煮得太耐，食落去嘅烏冬唔彈牙加有一pat pat, 滑潺潺。非常難食.....仲有舊牛肉好韌，好難咬斷。之後個Brunch 同薯條都黎。我只可以講brunch 係無咩特別。係個薯條叫幾好食，同埋個飲品(蘋果蜜桃綠茶)係幾好飲。 大致上黎講如果放假黎同朋友飲杯野，hea 下就幾好。但食就一般般啦！…查看更多

今日中午係小西灣附近做野，經過見好耐無食過lee間車仔麵就入去食個lunch.間鋪頭的裝修簡約得黎都幾有style, 同附近d舊鋪頭比。應該似後生仔開嘅鋪頭。佢個menu相比附近既車仔麵, 其實係幾多餸揀。 同埋佢轉左計錢嘅方法，見三餸都31蚊，都唔算太貴就試下啦！最後我叫左雞翼，韮菜餃，娃娃菜，油麵。 lee 3款菜真係必食，雞翼好入味。韮菜餃係自家製，都幾重手。娃娃菜索哂d湯超正。除左lee 3款，佢既蠔油冬菇同炸魚餅都係好味嫁....無食左幾個月佢嘅水準都仲係度，味道仍然係好食。 價錢就一般啦！如果叫佢只限外賣嘅套餐，我個人覺得係抵d。 入面裝修係幾靚相對附近既鋪頭，至於服務方面就麻麻，個樓面姐仔好cool 同無咩禮貌。如果只係take away食，其實都無咩野嘅。…查看更多

每逢放假，我都會去食下lee間日本餐廳（漁之部屋）的午餐。 每次食完都有一種滿足感，因為佢既午餐 1. 抵食， 2. 食物質素不錯， 3. 可以食到好飽。今日我同老公又去食佢既午餐。 首先，有驚喜發現。原來最近有新promotion.....1. 玻璃蝦刺身（10蚊 5隻）2. 2蚊件壽司（當然指定）我地二話不說，當然叫個玻璃蝦刺身，同叫左幾件2蚊壽司（甜蝦，虎蝦，櫻花蝦，象拔蚌，龍蝦沙律）仲有叫左一個蘭之壽司定食同埋菊之壽司定食。首先刺身黎到，老實講10蚊5隻都諗住未必會好正，因為咁平，只想過下口癮。點知食落幾彈牙，同味道幾鮮甜。個刺身幾新鮮....之後黎既壽司，d蝦類既幾好食，有鮮甜味。但可惜佢黎錯左個蟹籽沙律，無黎龍蝦沙律壽司。同埋果d包壽司的紫菜好似擺左好耐咁，軟淋淋既。跟住我地個set lunch 黎， 真係好豐富。 一個烏冬加6件壽司＆日式卷餅（個卷餅超好食＆有創意）加沙律加飲品加啫喱仔。大約$6X。 其實我覺得幾ok, 佢個烏冬真係幾好食，係扁身的烏冬，彈牙的。連我唔鐘意食烏冬嘅老公都話只會食lee間d烏冬。lee 一餐我地總共食左$166，但真係好飽同好滿足。最重要d野食味道＆質素唔差, 同埋午餐食物選擇蠻多。我地都食過佢地晚市放題，但都係覺得佢午餐好食同抵d。不過lee間野有一樣唔好，就係坐位＆枱相對窄，唔擺得太多野食。同埋如果煩忙時間，會坐得唔太舒服， 太迫。 但為左食佢係值得encore. …查看更多

估唔到第一篇寫的係關於食到伏野本來放左工想食返個甜品慰勞下自己一個星期工作。 見到松記有位又唔想排隊等其他，於是就去食下。 我同老公各自叫了一個甜品， 雪糕抹茶冷麵同紫薯芋圓仙草。個抹茶冷麵黎到個賣相都唔差，個抹茶雪糕都幾有抹茶味。 再食個抹茶冷麵就出事，個味係酸嘅仲有d怪怪地味又“叔”。 於是問個店員個麵係咪本身個味係咁， 但個店員答唔到我，最後係咁四圍搵個老闆娘先問到答案。 個店員走黎話個麵係酸嫁，就走左。 但lee個答案都有d hea。 所以我都係夾走哂d綠茶冷麵， 但搞到下面d 生果都酸哂。可能老闆娘見我夾走哂d野，都好好主動走黎解釋返。因為個麵浸個蔗糖所以會有d酸味。鐘意食嘅人會好鐘意，唔鐘意嘅就好唔鐘意..... 雖然佢都算解釋得過去。但我心諗唔鐘意嘅人多過鐘意囉！最後只係食左碗野d雪糕同生果就算，食到最後一啖雪糕。可能已溶左d怪味落去嘅關係，係落口係難食到打冷震同feel 到個頭好似有綠色從喉嚨湧想頭蓋頂咁。😵本來諗住好好食個甜品開心下，點知食完仲躁左。俾左$4X 食一碗難食到震嘅甜品。而我老公食果碗甜品都唔見得好食，個芋圓唔好味，仙草食落口有粉，唔滑加無味。貢茶d仙草都好食過佢。只可以講明白點解會無人排隊食。…查看更多