jessicajessjess的个人专页

朋友生日，食豪啲。揀左間喺銅鑼灣嘅高級度法日fusion 餐廳。餐廳裝修好靚 睇得出每個角落都落足心思。我哋揀左set lunch 開始就有餐包，熱辣辣，仲係用日文北海道麵粉，好鬆軟！配上海鹽生油 更加好今！前菜就有日本魷魚，鵝肝同燒鮑魚帆立貝，超好食！特別係鵝肝，煎得好好，入口即溶！ 鮑魚帆立貝都燒得啱啱好，唔會鞋口！主菜係A4和牛，牛面珠墩同燒鱸魚意大利飯。牛肉肉得好淋，和牛更加係成個lunch最好食嘅一味菜！一入口 就feel 到啲牛脂爆哂出嚟！十分難忘！。燒鱸魚意大利飯都好食。魚煎得嚟都好嫩滑！最後甜品蜂蜜蛋糕，甜甜地，一口食哂。仲仲有日本哈蜜瓜 非常青甜可口雖然成個lunch 每人508蚊 但環境 服務 食物質素 都有非常高水準，完全值回票價！有機會都會再嚟食！…查看更多

今日放工餓餓地咪諗住去揾間正啲嘅餐廳打邊爐，竟然俾我發現新大陸。餐廳內裡充滿懷舊風味的裝修, 環境新凈又企理, 感覺上有啲似回到民初時期, 令我即時諗起大台啲劇集。 終於有返晚市 出動去覓食！今次去元朗，發現呢間超正邊爐！環境舒適 乾淨服務好食物質素高價錢合理 唔貴邊到有咁筍？真係有！QR code落單。我地叫左個招牌花膠雞湯鍋。湯味道濃郁 雞肉嫩滑 花膠大大舊又爽口 超正食物方面 我地叫左蟹黃餃！真材實料 真係有蟹粉 超濃味丸方面就叫左三重芝士腐乳牛丸 重芝士味 連埋腐乳 味道好夾仲有個手打鵝肝墨汁墨魚丸同手打黑松露墨魚滑 非常彈牙 我地都叫左炸黃金響鈴新鮮炸 熱辣辣 好多鹹蛋黃 就咁食好味 點下個花膠雞湯食都好食！打邊爐點可以冇牛肉！我哋叫咗一個日本黑毛和牛牛胸腹。和牛嘅油脂分佈非常均勻，一食就feel 到油脂喺個口到 非常推薦。牛舌亦係厚切，好重牛肉味，咁嘅價位 咁高質素 冇得彈！其他食物包括菜，鯇魚片，金菇，稻庭烏冬，都係正常水準。唔錯！食物以外 呢度員工服務超好 時不時都會行過嚟使唔使加湯 服務周到今次體驗很好 10滿分 下次一定再嚟！…查看更多

今日出到尖沙咀 想食壽司 咁啱見到有間新開嘅omakase喺海港城，就去試下。一試難忘，午餐12件壽司 800幾蚊，質素高，完全值回票值！壽司大廚係日本人，精於手握壽司，手勢非常正宗。壽司材料非常新鮮，全部都係日本空運到港，而且都係季節食材，非常好食。。壽司包括有大呑拿魚 ，蟹肉壽司，秋刀魚，海老壽司，魚子軍艦等等。熱食包括海膽炒飯，海膽味好濃一口玉子燒，食落好似食蛋糕咁，非常鬆軟！味噌湯味道亦好濃郁，真材實料！最後甜品有wasabi雪糕，味道非常特別，估唔到wasabi同雪糕係咁夾！呢到環境坐得舒服，侍應服務貼心，周不是都全主動加茶，壽司師傅都成日同食客交流，講解唔同食材。再加上食物質素，今次體驗非常好。下次一定再幫襯！…查看更多

今日嚟到銅鑼灣 想食日本野 醒起之前上網上網見到話銅鑼灣有間香港最大型廚師發板餐廳，就同朋友決定去食！入去空間感十足，睇得出餐廳喺裝修落左唔少心思，感覺氣派十足！餐廳除左壽司之外，都有鐵板燒區、爐端燒區、Sake Bar 及Wine Room。之前睇上網介紹餐廳特意喺日本請左個經驗豐富唧師傅嚟，聽聞師傅擁有四十多年做壽司經驗，精於季節食材及手握壽司。最近比較熱氣，所以就揀左壽司！1600蚊omakase 唔算貴！前菜蕃茄沙律🥗🥗🥗有豆腐 有啲醋調味 ，新鮮開胃！之後 就有 北海道生蠔 非常肥美 仲有海水味！🦪🦪第三道菜就係我最期待嘅刺身！包括有 大吞拿魚，象拔蚌，牡丹蝦 同左口魚包住嘅北海道海膽等等！食材新鮮，唔使點豉油都好好味！壽司環節🍣🍣🍣就有秋刀魚，黑鱸魚，大呑拿魚，瀨尿蝦，海膽軍艦，鮑魚等等。非常好食，特別係鮑魚，師傅將鮑魚一開二，再加鮑魚肝醬。第一次咁樣食，但一食難忘，味道勁夾，鮑魚亦非常有咬口。之後就有天婦買🍤包括青椒，草蛄同龍蝦。龍蝦🦞非常足料 啖啖肉！而且天婦羅炸得好好，香口之如，一啲都唔油，好明顯師傅功架十足！最後就有玉子，好滑！味噌湯就用左頭先刺身嗰蝦頭煮，所以鮮味飯後果就有日本哈密瓜，非常清甜，好味！今次的晚飯超滿足！食物質素高之餘，服務亦十分好！侍應很有禮貌而且體貼！整體用餐體驗十分良好。雖然要1600蚊，但以呢個食物質素，環境同服務嚟講，絕對超值！下次一定會再嚟啊！…查看更多

今日嚟到灣仔，同個好耐冇見嘅朋友，想坐得舒服啲，又想食日本野，就揀左板神食鐵板燒！無論服務同食物質素都係5星級！每人一個一人前，全個餐連甜品一共八款食物。前菜 - 沙律豆腐魚子，蒜頭，配搭新鮮，味道出奇地好，而且非常開胃之後有三款刺身，包括吞拿魚赤身，味道鮮甜，完全唔洗點任何醬汁都好好食。而且師傅喺我哋面前砌出刺身，仲可以欣賞刀打！再嚟就係南非鮑魚，配上秘製醬汁，味道超正，而且好有咬口，一試難忘。第四道菜係白甘鯛，係我全晚最鐘意嘅菜式。師傅將魚鱗爆一爆，再將魚塊煎香。最好食嘅地方係 魚肉依然非常嫩滑 鮮甜，再加上煎香左嘅魚皮，真正做到外脆內滑！之後仲有日本大蝦，師傅拆肉，然後將蝦膏同肉一齊煎香。蝦嘅香味同味道都非常濃郁。食鐵板燒當然唔少得牛！今餐個menu有日本A5和牛薄燒。和牛有牛味，雖然未到入口即溶，但都算中上水平。再配合爆香左嘅蒜片同葱，令食物味道提升，更有層次！最後仲有個炒飯。鐵板夠熱，炒得勁香口，好好食！ 仲可以添食添！最後就係味憎湯同甜品！味噌湯味道濃郁，飲得出唔係出面啲罐頭湯。甜品係自家梨蛋糕，味道出奇地好，唔太甜，好食！除左食物外，環境同服務都係用餐體驗非常重要嘅一環！環境非常寬敞，坐得舒服！服務質素就簡直係一流！服侍周到，又細心！師傅喺面前煮食，就好似欣賞表演咁，仲會耐心解釋每道菜嘅做法同食法，令整個用餐體驗提升。 綜合各方面，呢個價錢，有6星級食物質素，環境同服務，一啲都唔貴！下次一定會再嚟！…查看更多

成日好想食日本野今日出到尖沙咀 當然都係揀日本菜朋友就介紹嚟鮨一果然冇失望！前菜。我地叫左個 長野縣高糖度蕃茄沙律唔係得個名 啲蕃茄真係好甜連平時唔食蕃茄嘅我 都食到停唔到口沙律菜都十分新鮮！另外 亦叫左個魴鮄魚刺身從未食過呢款魚 質感爽口特別 味道鮮甜 壽司方面我哋就叫左油甘魚 吞拿魚腩 深海池魚飯 溫度 同軟硬度都適中 整體亦好新鮮另外亦都點左 帶子海膽反卷兩樣都係我至愛 夾埋一齊 一次過滿足哂兩個願望！炸物方面就有明太子釀雞翼同吉列炸蝦兩樣都香脆可口 而不油膩食到飽 但都忍唔住叫多2個小食燒鱈魚乾甲鑼燒 勁多蟹膏 超香 好好食用多士沾蟹膏食 真係一流！今次用餐體驗非常好下次一定會再幫襯！…查看更多

今晚出銅鑼灣好耐冇打過邊爐 就決左同朋友去烚一烚朋友中意食辣野 就決定去食渝味曉宇呢到最出名就係重慶麻辣火鍋啦坐低後 店員就首先俾左兩碗糖水我哋潤一潤 亦係為咗保護腸胃 因為預左你之後食麻辣鍋 好貼心！之後我哋就點餐 湯底就係鴛鴦鍋 有辣有唔辣辣嗰邊超多辣椒 啱哂越辣越興奮ge 朋友打邊爐當然唔少得肥牛質素唔差 有雪花仲叫左牛骨髓 第一次食 口感幾特別另外亦叫左 手打蝦滑 四寶丸 桂花蚌 牛筋丸全部都好爽口 彈牙蔬菜方面 就有炸芋頭 超好食 好粉 芋口味重超好食今次體驗不錯店員服務 態度都很好份量夠價錢合理會再幫襯！…查看更多

好耐冇出街食飯 今日朋左生日 疫情亦到穩定左啲 就去左旺角食生日飯揀左間西餐廳環境充滿美式風情 仲有live band 添氣氛好好食物方面 我地就點左餐廳signature beef wellington 同龍蝦汁海鮮意粉個龍蝦汁好濃 好鮮味 撈埋意粉食 非常好食beef wellington 用左慢煮澳洲m5和牛慢煮方法令塊扒 好林 唔會煮到太鞋 保留肉汁beef wellington 當然唔少得酥皮呢度啲酥皮好鬆脆 又唔油 配埋塊扒就一流！今次體驗不錯 味道很好 價錢適中 下次一定會再嚟！…查看更多

今日出到銅鑼灣又係時候出動去搵黃店食今次就嚟到熊本燒肉晏晝除左燒肉放題外仲有定食因為夜晚仲有飯局 就廢事食咁多今次就揀左兩個定食鰻魚定食鰻魚汁夠杰鮮甜入味 甜度剛剛好 拌飯一流鰻魚夠肥 冇碎骨另外叫左和牛扒定食生熟到剛好 肉味夠 油脂亦適中 夠香另外之追加左吉烈炸蠔 炸得乾身 亦唔腥 好好食所有定食都有沙律 同 有罐裝飲品 仲有好多款揀添鋪頭每個位都有抽氣所以即使食定食 隔離燒肉 都唔會搞到一身油煙味 價錢呢到都唔貴下次一定會再嚟…查看更多

好耐冇去大埔 今日入到嚟就去大埔超級城行下lunch time 想食東南亞野 就揀左呢間船皇同朋友 分別叫左船皇撈麵 同炒金邊粉之前喺其他分店試過湯麵今日就試撈麵 有秘製醬汁 非常惹味啲餸都唔差 特別豬皮非常脆 好好味！炒金邊粉都唔錯有時喺出面食嘅金邊粉 會好酸 但呢到嘅金邊粉 酸甜度適中 啱哂胃口！而且炒得非常乾身餐飲點左 泰式紅豆冰 同 青檸梳打泰式紅豆冰 椰汁味濃 而且有沙冰 飲落夠哂冰涼青檸梳打 亦不會太酸或太甜 另外 我地都叫左啲小食有炸春卷，炸蝦卷 同 豬頸肉串燒春卷脆皮好薄 超鬆脆蝦卷 第一次食 幾好食 兩份炸物都唔會太油豬頸肉串燒都好正 好有炭燒味 今餐體驗很好 性價比又高 一定會再幫襯！…查看更多

今晚冇煮飯 見富臨有48折 非常抵就打去叫左幾個外賣 48折真係超抵 平時7 80蚊一個餸 依家半價都唔使 3 40蚊就有自己煮都唔只呢個價！ 抵！我地就叫左兩個餸 一個伊麵大澳香蝦骨用大澳蝦醬餣嘅豬扒 再炸 非常香口惹味！ 餣得剛剛好 唔會太鹹再叫多個 黑椒薯仔牛柳粒好夠鑊氣 薯仔炸得脆 牛柳粒夠林之餘 都唔覺有鬆肉粉味 加埋黑椒汁 真係食到停唔到啊 最後就係瑤柱金菇炆伊麵煮得幾好 食左2碗都唔會太油膩 好味啊抵食又方便 就打個電話 行到去酒樓就有得拎！…查看更多

近來很少和太太出外活動，某日到大嶼山大澳旅行後，來到東涌東薈城名店倉吃飯，看到一間新店名【六小館】的食店，主打”性價比高、懷舊有特色、幾抵食“等主題。一到門前已感覺到殷勤的招呼。座後又推介一些特別的菜式。稍後點了一客大排檔二人套餐。包括1⃣️私房老火湯2位（青紅蘿白瘦肉湯)、清甜冇味噌。2⃣️冷盤泡椒爽脆魚皮，魚皮很新鮮爽脆有些辣。3⃣️薑蔥斑腩豆腐煲，夠火喉、香味十足、斑腩有鮮味、冇雪味:豆腐很滑有口感。4⃣️胡麻醬明蝦球，很特色，由6個盆仔載著6件原隻大蝦球，上面加上胡麻醬汁，有微辣、但很開胃。再加上一客招牌【六小館】乾炒和牛吋半河，夠鑊氣香口，和牛鮮嫩滑，伴上芽菜及吋半闊河粉蔥段，特別有口感及飽肚。飯後再逛其他新開張的商舖，幫助消化，才乘地鐵回家。這是一間值得推介的特色懷舊食店【六小館】。…查看更多

生日當然去食我至愛嘅日本野！今次就嚟到尖沙咀 (美麗華隔離) 嘅漁道樂裝修好靚 好有日本風情呢間日本餐廳 唔同種類嘅日本料理都可以品嘗到 包羅萬有刺身三文魚同油甘魚厚切又肥美 壽司三文魚 蟹肉蟹膏壽司 玉子壽司濱燒蟹甲羅仲有店員幫我地燒添 燒完雖然一片灰色 但一食就停唔到蟹味勁濃郁 炸物雜錦天婦羅🍤非常香口 粉漿唔會太厚 亦唔會太油燒物明太子燒玉子明太子一啲都唔腥 仲好柔嫩細致同玉子味道好夾 非常好食鍋物泡菜豚肉鍋 泡菜辣度剛好 好惹味 豚肉自己落 好似食緊shabushabu 添！食到棒住個肚 好滿足嘅生日飯！…查看更多

去完旅行返嚟 好想食返asian food今日喺北角做完野 好肚餓 所以食埋晚飯先走 經過呢間小店 見個名叫九份飽 應該食台灣野吧 就坐低左叫野食我就點左紅燒牛肉麵 朋友就叫左懷舊魯肉飯 雖然兩款都係經典台灣菜 但味道依然有驚喜 紅燒牛肉麵 個湯非常濃郁 牛膿炆得很淋 魯肉飯 望落冇乜特別 但一試難忘 魯肉肥瘦適中 唔會太肥膩 再加埋醬油 非常惹味！另外我地仲叫左個肉鬆蛋餅 餡料十足 蛋 很薄 但亦煎得十分香口 超好食！飲品放面 我地就點左仙草奶茶 茶底好濃 最後仲叫左個仙草芋圓添 芋圓非常q彈 好食！雖然係小店 但質素絕對唔差 再加上說台灣腔普通話嘅店員 真係好似置身於台灣一樣啊！…查看更多

在奧海城遇見一位久未見面的同學，傾談間大家都未午膳，他介紹我到鄰區大角嘴一間餐廳下午茶。此區是一個舊區，大多建築物等待重建。此時遠望見一處外面裝修很特別的地方，外貌像一架747飛機。內進時得到侍應的殷勤招待，安坐後觀望四週的佈置，裝修細緻及雅潔，十足一架7⃣️4⃣️7⃣️飛機內部的結構和設備，連座位都一樣，唯一是不能將椅背向後移，十分舒適。我們選了A燒紐西蘭牛肉眼扒＄1⃣️5⃣️8⃣️，包配菜1⃣️田園素菜沙律、2⃣️芝士忌廉焗薯、3⃣️炒什菜、4⃣️香辣粉炸薯條，跟㕑師手工湯（西蘭花忌廉湯）及奶茶。B蒜香辣椒鮮蝦意大利粉$7⃣️8⃣️，同樣跟餐湯及㗎啡。初到兩客餐湯，清甜香濃。田園素菜沙律新鮮翠緑清淡，增加稍後的食慾。主菜紐西蘭牛肉眼扒3成熟，鮮嫩多汁。加上芝士忌廉焗薯，脆口的炸薯條和蕃茄什菜。而蒜香辣椒鮮蝦意大利粉，辣椒鮮甜爽翆，蝦很大隻及新鮮無雪味，意大利粉蒜味香濃及爽口。再細嘗香滑濃郁的㗎啡及奶茶，十足乘飛機到了西歐國家旅行進餐。…查看更多