DuoLonGi的个人专页

呢間餐廳好好坐，環境寬敞、裝修靚、而且夠光猛，衛生都唔錯。服務員好有耐性，我上次去食嘅時候都有講解個餐牌上面嘅食物。嘢食方面，佢哋嘅菠蘿雞扒漢堡包好好味，個包皮好脆，雞扒煎得好香又有肉汁。個薯條調味幾好，唔會太咸又有燒烤既香味。唯一可以改善嘅就係如果嘢飲嘅選擇種類可以更多（例如有無糖可樂俾我哋呢啲減肥人士選擇）咁就更好啦！整體而言，呢間餐廳環境好，服務好，衛生好好，嘢食都唔錯。好適合約埋朋友喺假日嚟食嘢傾偈。…查看更多

呢間餐廳我食過幾次。環境方面，間餐廳好chill又坐得人好舒服，好岩晚上同朋友飲酒傾計，bonus係佢會送枝豆比食客（仲要都幾好味）。食物方面，佢選擇品唔算話好多，但勝在食材真係夠新鮮：刺身好肥美，牛都好香！佢既鍋物都好好味，材料多份量大，而且味道佳。今次我點左個安格斯牛既壽喜鍋，佢既牛係燒香左之後再放入熱湯入面既，但都可以keep著半生熟既狀態，非常滑！佢酒既選擇都好多。價錢方面，區內佢算偏貴，但咁高既食物質素絕對值得比呢個價。…查看更多

間舖頭四四正正，坐得幾舒服，又光猛又乾淨，入面既員工都nice既，我見好多街坊坐低都同員工吹到幾嘴。食物方面，我今次點左個鯖魚飯加三文魚壽司。個壽司好好食，三文魚又厚又大份👍🏻 個飯都幾足料，魚燒得好香，加埋佢本身既油脂同暖暖地既飯，感覺岩岩好。整體感覺幾好，唯一可以改進既係個面豉湯同個前菜。面豉湯有d d死咸，而且如果可以多少少配料就好啦。前菜如果可以多d花款就更正。總括黎講呢，間野都幾抵食同品質唔錯，下次會再去。…查看更多

間野好靚已經唔洗多講，佢地個afternoon tea係真係好出名既，但我今日先知原來佢地bar個邊都幾出色，我下次應該會試下。 講返食物方面，佢地afternoon tea既鹹點唔錯，配scone既醬都好好食，但個scone本身質地太散，我個人麻麻地鐘意。我同朋友叫左earl grey同peppermint tea, 好香好refreshing. 整體黎講佢地性價比都好高，好岩一班人黎食野吹水同chill下！…查看更多

Casa曾經、曾經、曾經係我同朋友好鍾意去消費嘅餐廳，佢以前個格調好好，牛扒又好食，我哋仲會開生蠔、飲啤酒。但係今日再幫襯，我發現店內衛生差咗好多。個地板癡lup lup，仲有一達達黑色污跡。我叫左杯熱奶茶，放左糖先發現杯邊好多白色污跡，我叫佢換過杯俾我，隻杯竟然仲污糟左。我飲一啖發現係甜嘅，原來佢根本冇換過杯新奶茶俾我，佢只係將舊嘅奶茶到落去新嘅杯（仲要新杯都係好污糟）明明以前呢間野又好食又好服務，點解而家會變到咁🌚 我食熟食都覺得好唔乾淨，所以都唔推薦大家食佢生蠔啦。…查看更多

老實講，跟野既食物唔係特別好食，但我好欣賞佢既細心。間餐廳係社企，有部分員工弱聽，所以佢地張墊枱紙有好詳細既選項，比客人指著落單，唔怕員工聽唔到。我食嘅時候，旁邊有幾個客唔知間野原來係社企，所以對員工都幾冇禮貌... 格局方面，間野乾淨，坐得都舒服，性價比都幾高。食物雖然唔算好好食，但勝在種類多，而且大大份，煎牛扒帶見到我食唔晒。個西湯就係普通嘅南瓜粟米湯，食落去有少少似罐頭湯不過都幾好味嘅。希望呢間社企可以愈做愈好啦！…查看更多

間餐廳個位置幾好，近地鐵站，而且入面環境唔錯，唔嘈又幾好mood，大約十點又會dim燈，所以都幾岩我地girls talk haha. 價錢方面佢一個set包左兩杯野飲（冇錯係兩杯），甜品同main course都只係二百幾蚊仲要大大份，過左十半個生蠔套餐連酒都係百幾蚊jar! 食物方面，個味道唔錯，份量又大，同埋我好鐘意食大啡菇所以都幾buy佢menu好多大啡菇既野食。cocktail都幾好，美中不足係cocktail唔夠靚，不過整體都好好…查看更多

間餐廳好大，裝修好靚（雖然聽講裝修前其實更靚😂），同埋最緊要坐得舒服。我同男朋友係星期日食dinner，餐廳冇加一不特止仲可以任坐，同朋友聚會傾下野應該會幾正。野食方面，沙薑雞同個三文魚便當幾好。碟雞大大碟，便當又多配菜，我自己覺得好抵食質素又ok（不過又係聽講裝修前更好😂）。服務方面，個人認為唔錯，如果有得用Apple Pay/ 八達通比錢就更好啦。總括而言我同我男朋友都好鍾意間餐廳，應該會再黎。…查看更多

今日同男朋友黎食黑松露醬芝士薯條，兩份漢堡包，同一份沙律。個黑松露芝士薯條好香口，就咁薯條都好好味，加上啲黑松露醬佢落好多好多，所以好夠味。至於兩份漢堡包，佢煎得個扒好好，唔會太老，再加上菠蘿嘅配搭，佢將成件事由油膩嘅漢堡包變成清爽嘅漢堡包。個沙律都好抵食，店員上菜速度好快，嘢食新鮮熱辣辣又好味，份量又大，而且啲嘢食好好食，價錢又平民化，裝修好有型，好啱小聚。最重要係店員都好Nice ,而且好好禮貌，間野嘅裝修唔錯，值得一試再試。👍🏻👍🏻👍🏻…查看更多

今日我地點左三碟炸野食，其中兩碟係同款食物，一共點左一碟炸魚薯條同兩碟炸脾薯條。我地叫左足足半個鐘之後先上一碟炸魚薯條同一碟炸脾薯條，仲要未有野飲😳 d炸野仲要炸過頭，食落好硬，又好乾😂 第三碟遲遲未上，仲要明明係同款食物，唔知點解咁遲都未上🌚 我地想再催，點知個waitress既態度好不耐煩😂 最後第三碟終於上台，但薯條竟然未熟既🌚 食落就係生生地，可能佢地真係太唔夠人手去做廚房🙈 希望大家幫襯前要三思😂 …查看更多

Amaroni's真係我由學生時代食到畢業出黎做野既一間餐廳，本身都充滿好多回憶，好多大時大節我都會黎食飯。今次我同男朋友又黎食，係門口見到個新裝修已經極失望。個氣氛差晒，音樂又嘈，連樓上EXP都好mood過佢 我明佢依家可能走新路線，但個餐廳將佢最大既賣點砍掉重練，真係令舊食客好sad既。食物方面同以前都差唔多，份量都好夠，但個氣氛差晒真係食咩都冇味。我以後都唔會再黎食架啦，真係好失望 .___.…查看更多

第一次入元朗食金記，因為佢既豬好出名，而且有個幾特別既菜叫「金錢雞」，我咁大個人都係第一次食😂 熱辣辣咁食甜甜地好惹味👍🏻 個豬都好皮脆！油雞都唔錯，好鐘意佢皮滑得黎唔會太肥。值得去食！…查看更多

因哥哥推介關係，昨天和朋友去了試麻辣火鍋。火鍋的款式和名字都很新奇。我們點了Benz鍋，麻辣湯底很香濃且辛，鮮椒湯底非常過癮，魚湯底更是清甜美味。本身湯底好，大家跟本不用點醬汁也吃得津津有味。另外，店的服務態度也不錯。總而言之，值得一去再去！…查看更多