le chaton的个人专页

行到謝斐道尾已見到呢間店。門囗超搶眼。
門口掛滿燈籠。仲有一大幅昭和壁畫。末入去已feel 到懷舊味！入去裹面真係好似入咗去昭和時代居酒屋，牆身黐滿 昭和年代海報/廣告牌，昏暗燈光，好懷舊，店內仲有唔少日本顧客。🍲酒盗炒山藥
*酒盜夠鹹香，山藥炒到好脆身，估唔到山藥可以咁香口咁好味。🍢煙肉蠔
*煙肉炸到脆卜卜，包住入面隻蠔仲要係爆汁！鹹香 ＋ 鮮甜，超邪惡。🐓雞橫隔膜
*爽脆過食雞軟骨！燒得夠香口，咬落開索索聲，正👍🦑 炸北海道魷魚絲
*鱿魚味濃，好香口，好特別，食到停唔到口。🐟 炸海鰻魚骨
*第一次食鰻魚骨，好幼身，好酥脆，好惹味，好食。🍗 南蠻醬炸雞
*炸雞夠嫩,個醬酸酸地好開胃，好味。🦑 海膽魷魚卷
*海膽超甜 又Creamy，外面包住煙韌魷魚，口感好特別👍🍣燒三文魚鵝肝卷*三文魚超肥美。輕輕燒過。油脂香味出哂，配合內裹鵝肝，好甘好香，夾埋壽司飯食。一啲都唔肥膩👍愛總結：昭和佈置夠吸引，全部都好味又喏送酒！呢間居酒屋可以再嚟👍…查看更多

好耐冇嚟呢度食。依然係咁熱鬧咁好氣氛。樓下滿座。原來有樓上。所以安排坐樓上。樓上清靜啲，傾偈最啱。芝士火腿雜錦拼盤拼盤款式多，有齊唔同芝士同火腿，啱晒同朋友分享。芝士軟硬都有，火腿夠惹味，加埋啲餅乾同生果，正！煙三文魚牛油果粒沙律沙律菜好fresh，牛油果熟度剛好，加埋煙三文魚、荔枝肉、車厘茄同醬汁，開胃又健康，好清新。原條蒲燒鰻魚飯原條鰻魚鋪滿成個飯，仲加埋滿滿嘅蛋、大粒魚子、紫菜。鰻魚燒得香口，醬汁甜甜哋，啖啖肉，飯底吸晒鰻魚汁，撈埋一齊食，完美！Pistachio French Toast W/Vanilla IceCream法式多士外脆內軟，面頭鋪滿開心果碎及開心果醬，咬落去香到不得了！加埋雲呢拿雪糕一齊食，冰火口感超正。甜度啱啱好White Sangria 清甜白酒配上生菓，飲落淡淡菓香，好飲👍…查看更多

同男朋友去咗旺角食自助海鮮放題，去到門口見到好多人。一坐低點完火鍋底，就拎枱上提供嘅桶仔去海鮮區揀海鮮。好熱鬧，好似去咗海鮮市場咁。入邊有職員幫客人劏蟹。即揀即劏。海鮮扎扎跳好新鮮。以下系我心水必食：蝦類:基圍蝦：爽口彈牙。大頭蝦：蝦頭爆膏，蝦膏夠流心，肉質結實唔霉。草蝦：肉質比基圍蝦更嫩滑。貝類:沙白：肉夠鮮甜。蜆：仲有好幾款蜆，放埋落火鍋湯底裡邊。個湯好鮮甜蟹類：藍花蟹：雖然唔算巨型，但肉質清甜，蟹蓋嘅蟹膏唔算多但夠香°其他：鮑魚：鮮鮑唔系好大只，但系夠新鮮，滾熟後咬落煙韌得嚟唔韌。蠔：美國桶蠔，肥美又夠豪味。花膠：厚身花膠任拎，放落我煲雞湯火鍋底索盡精華。今次我主力食海鮮，冇乜食熟食。😂以下系我個人精選：鐵板鵝肝多士：鵝肝煎到外脆內軟，入口即化。川味燒鮮蠔：蠔肉肥嘟嘟，燒得啱啱好，川味辣醬好惹味。燒香草羊鞍：羊鞍燒到外皮香脆，肉質嫩滑又多汁，香草味好出。皇牌燒乳鴿王：乳鴿燒到皮脆肉嫩，調味恰到好處。其他心水精選：美國牛肩胛片：牛肩胛片肉味濃郁，油脂分布平均。澳洲 M5和牛：油脂豐富，入口即化。海燕膏椰汁燉木瓜：海燕膏滑溜，椰汁香濃，木瓜清甜。飲品、汽水選擇夠多，連酒類都多，我呢啲酒鬼就啱曬，draft beer, sake, 紅、白、梅酒任飲👏🏻總評：人均三百零蚊玩，海鮮種類夠多，補貨速度夠快。👍…查看更多

話說住沙田朋友帶我去食平價扒餐。本來諗住平價嘢唔會有期望，點知有驚喜…. 平民價錢，性價比高，份量夠大火焰波士頓芝士龍蝦（半隻）-套餐$156 （主餐牌鐵板，可任加飯或意粉）店員會喺你面前點火，龍蝦肉彈牙，芝士夠濃，撈埋蝦膏，意粉一齊食，抵食夾大件，套餐超值，跟埋薯條、磨菇忌廉湯（綿滑creamy，蘑菇碎都多）加$6 有香水檸檬鴨屎茶。都好香檸檬味。煎焗三文魚$88外皮脆卜卜，魚肉嫩滑，啖啖油香又唔腥酥炸軟殼蟹$38炸得夠酥脆，成隻連殼啱啱好入口，食到蟹膏甘香味。芝士煙肉大啡菇$28一咬爆汁！煙肉鹹香夾流心芝士，大啡菇厚肉 Juicy👍…查看更多

朋友喺中環返工，佢話佢公司附近有間法國餐廳做緊$699 2人dinner, （原價$1398），所以星期日就去咗呢度食晚飯，食完後我覺得係性價比高。值得介紹。🥗 香草魚茸薯仔沙律配檸檬醬薯蓉夠綿密，檸檬醬清新醒胃，簡單開胃又好味。🐮 澳洲M8和牛他他(+$28)和牛他他夠香滑。配埋麵包好味。🥣 野菌忌廉湯香滑濃郁，菌香十足。🍝 低溫慢煮雞胸扁意粉雞胸超嫩滑，冬陰功醬汁酸辣惹味, fusion 意粉好特別👍🐌 法式香草焗蝸牛蝸牛煙韌，香草牛油味濃，配萼蓉好正😊🦆 紅館薑母鴨鴨肉夠淋甜，食時撈埋伴碟嘅薑菓醬。味道好夾。🥭 芒果拿破崙酥皮夠酥脆輕盈，芒果夠鮮甜，好好食🫐 鮮菓芝士揵濃滑芝士配酸甜藍莓，細細個一啖一口。好滑好香。**仲包tea/coffee, 真心抵…查看更多

第一次去牛站，8:00pm 去到。多人等位。等咗一陣就安排入座。原來做緊大頭蝦，乳鴿，haagen-dazs任食。唔怪得咁多人。地方夠大。鍋底選擇多：冬瓜瑤柱豬骨鍋、牛駅秘製麻辣鍋、滋補豬筒骨鍋、清甜椰子雞鍋、香濃蕃茄豬骨鍋、香辣沙嗲鍋、胡椒豬肚鍋、龍蝦頭鍋、金湯花膠雞鍋、蟹皇海鮮鍋等…… 最近好熱氣。所以揀咗「冬瓜瑤柱豬骨鍋」，冬瓜清甜解暑，瑤柱夠鹹香，個豬骨湯熬到奶白色，飲一啖好鮮甜，打邊爐前一定要飲碗湯試下味😊肉類我就揀咗呢啲食：美國豬梅肉片、澳洲羊肉片、美國牛肩胛片、封門柳美國安格斯、牛板腱、SRF美國極黑、和牛片總結下：美國豬梅肉片：脂肪雪花分佈均勻，淥熟咗仲keep到嫩滑，豬肉味濃唔羶！澳洲羊肉片：羊味夠香但唔騷，肥瘦啱啱好，滾兩滾入口即化~美國牛肩胛片：肉質軟淋帶嚼勁，牛油脂夠香！封門柳（安格斯）：牛味濃、肉質超腍滑。SRF極黑和牛：入口即溶、油脂甘香👍其他我覺得特別好食：燒乳鴿皇、蘭花蚌、台北鴨血、大頭蝦、脆鯇魚斤、海螺片、脆鯇魚片、海螺片、鮮甜海蝦、帆立貝、燒乳鴿皇：皮夠脆多肉汁，醃得入味，我仲encore咗幾次•蘭花蚌：爽脆鮮甜冇砂，好味。·大頭蝦：蝦頭爆膏！蝦肉彈牙。•脆鯇魚片：魚片切得厚薄適中，爽脆冇骨，魚夠鮮味。・海螺片：囗感爽脆鮮甜唔韌。· 帆立貝：肉厚鮮甜，夠新鮮。出面自助區。飲品、蔬菜、生果、丸類選擇都好多。質素都唔差。由其是Häagen-Dazs任食😂性價比高。下次會再嚟👍…查看更多

朋友話帶我去食串燒。原來系油麻地商廈上面嘅居酒屋，小店裝修好日式。吧枱坐滿人。我哋就坐2人枱。menu食物選擇都多，兩個人食呢啲：🐓雞心：爽口唔韌，燒得啱啱好，唔會乾爭爭。🐓雞肝：燒到剛剛好，肝味濃。🐓免治雞肉棒：口感正，點蛋汁超夾。🐓阿波尾雞翼：肉厚多汁，燒皮香口。🐓鹽燒雞肉串：雞肉夠juicy, 好味。🐓原塊雞皮：燒到超脆，似食緊薯片，好香好味。🐖 芽蔥豚肉卷：蔥段清甜解膩，豚肉焦香夠油份。🐖 煙薰五花腩：熏香突出，肥瘦勻循，食落唔膩。京都炸豆腐：外脆內嫩，豆味濃，醬油夠香。🐷 手造餃子：皮薄餡多，煎得香脆，肉汁爆出。🦑 原條魷魚筒：爽彈鮮甜，燒得唔韌，點椒鹽辣粉更惹味。🐟 原條日本白鱔：皮脆肉嫩，油香滿溢，啖啖肉，超好味。總結：串燒火候夠，調味啱啱好，款式多。大㕑仲親自介紹特色食材，心機煮法，有heart👍…查看更多

行過白加士街。比呢間食肆嘅門面吸引到。好有日本小店居酒屋嘅感覺，所以入咗去食個lunch。午市定食都幾抵食。我哋兩個人食咗呢啲：刺身定食$118有三文魚、帶子、吞拿魚、蝦及墨魚片。款式多夠新鮮。另外追加咗$20 拖羅魚蓉。撈落啲飯度食，真係好好味。 *加$5有汽水😊原條鰻魚丼$88－鰻魚成條上，夠肥美，勁足料，鰻魚汁正，日本米好食。好滿足。追加墨魚咀+$20有炸墨魚咀，香口脆身。有咬口又juicy👍…查看更多

去官塘駱駝漆大廈睇野。經過呢間米線店。真系排哂長龍，望下個menu，原來好抵食。一於跟隊排。🐓 招牌花膠雞米線一大碗有好多花膠、雞件，雞湯底夠濃郁鮮甜，雞夠滑嫩，配料有蟲草花、木耳等⋯米線份量夠又滑。好足料好味。金磚豆腐 豆腐外脆內嫩，帶有小小椒鹽味，一口一件，唔覺意就食哂🐔 藥膳黃酒花膠雞米粉 香濃藥膳香帶有淡淡黃酒味，花膠夠大舊，煮到好腍，三黃雞肉夠滑，索曬啲湯汁好入味。個米粉吸曬啲精華，啖啖都系藥膳同酒香，好足料，抵食。**總結：性價比夠高。…查看更多

幾個朋友又嚟食放題，貪佢乜都有。實有啱食。唔怕有D 朋友又話唔食得呢樣果樣☺️每樣試吓，真係超值。刺身拼盤必叫，帶子、吞拿魚夠新鮮，鮮蝦又大又甜。其他個人心水必食：*金湯花膠花膠夠稔又入味，膠質豐厚。*紅燒海參翅海參夠爽彈，翅針索晒汁。*海燕高椰汁燉木瓜椰香爆棚，燕窩滑嘟嘟，木瓜夠淋甜。*燒金枕頭榴槤王外脆内流心 ，甜到漏，榴槤控必食。*榴槤炸彈脆皮一咬爆榴槤蓉，熱辣辣好味。*金蒜炭燒廣島蠔炸蒜超香口，炭燒味突出，蠔大大粒，夠蠔味。*牛油果蟹肉中餅凍蟹肉沙律＋熱脆多士，牛油果滑溜。好香好好味。*海膽魚籽拖羅蓉中餅海膽甘甜+魚籽卜卜脆，拖羅夠綿密，海鮮三重奏，味蕾衝擊。*松葉蟹腳蟹腳肉超鮮甜。*醉鮑魚花雕酒香入晒肉，鮑魚超彈牙。整體抵讚*海鮮新鮮冇得輸*榴槤甜品夠驚喜*貴價料落足本* *其他食物、甜品及飲品一如過往keep 住水準，同埋都好多選擇，仲有生啤、任飲。…查看更多

每次去長沙灣。經過呢間小店都俾佢昭和風嘅裝修吸引住。今次終於約到朋友一齊去食晚飯，入到去原來個裝修真係好日式復古feel，好特式。今次我哋兩個人，所以我哋揀咗二人餐：招牌鍋料理二人餐$598主食、小食都有唔同選擇。我就揀咗呢啲食：*壽喜燒黑松露燉飯壽喜燒（濟州島豬悔肉 ）。因為我唔食牛。所以我就揀咗豬梅肉，waiter 全程在客人面前煮呢個壽喜燒，豬梅肉油花勻稱，脂肪甘甜唔腥又juicy, 加上生蛋液，食落好嫰滑又帶小小甜，有驚喜。另外用鑊內餘下的醬汁煮野菜、豆腐等。。將所有精華𠳖收哂，野菜、豆腐甜甜地又帶豬梅肉味，好味。*黑松露燉飯：我哋食完壽喜燒個蔬菜之後。waiter繼續用個湯底煮黑松露燉飯。個飯好creamy, 食落有淡淡黑松露味。有d 似食緊Risotto, 有咬口。我自己就好喜歡😊*關東煮：鰹魚湯底關東煮幾豐富，有蘿蔔、日式魚餅、油豆腐、冬菇、獅子狗等等，湯底夠甜，煮到好入味，份量剛好。味道唔錯套餐包小食兩款，選擇夠多。想食好啲可以加錢升級。*甲羅燒多士：蟹殼裝滿蟹膏，鮮甜中帶鹹香，配上外脆內軟嘅多士，好惹味，如果可以有多幾塊多士更加perfect 😍*明太子玉子燒熱辣辣嘅玉子夠滑又鮮甜，面鋪滿明太子醬，一齊食，鹹鹹地又小小甜，又有蟹子嘅粒拉爆發, 好味 👍…查看更多

第一次去長沙灣海邊搵食。今次食韓式fusion 菜，原來環境真係唔錯，有靚景。坐得又舒服，人又唔多。其實好方便，南昌站行幾分鐘就到。下次約朋友都會選擇呢個地方👍雞蛋多過飯的蛋飯卷 $118鐘意食蛋嘅一定鐘意，韓式飯卷有10件，內裹包滿鷄蛋，配埋瓜菜，蛋比飯份量多。食落滿滿蛋香，啱哂我怕肥會食多咗飯，食多件都唔會有罪惡感。最突別伴碟除了沙律。仲有一件甜橙🍊泡菜豬肉炒年糕 $88炒年糕入面有豬腩肉片、泡菜、韓式年糕，豬腩肉薄薄，年糕炒得夠煙靱。食落有泡菜酸辣味。好惹味，好開胃。L.A.牛肋骨 $198牛肋骨有4件，醬汁甜甜地，食落好juicy, 配合附上嘅沙律菜一齊食。可以減輕油膩感。比初戀還要甜的蜜瓜窩夫 $108叫咗餐廳新出品。用韓國當做蜜瓜造，賣相超靚，蜜瓜超甜，份量夠2人食，夾埋忌廉同窩夫一齊食，好香好味。呢個窩夫必食。圜碌碌蜜瓜沙冰 $58超多蜜瓜。有得飲有得食。又清甜。飲完唔會手指指餅咖啡$58面好多cream, 咖啡夠香濃，cream上面有個手指餅。點下cream, 點下咖啡。有啲似飲得嘅Tiramisu**（Green Monday, Melon’s on!)6月份逢星期一，點選蜜瓜系列。即送「初夏青柑柚子梳打」一杯…查看更多

前晚去銅鑼灣行街。 諗唔到食乜。上openrice搵到呢間有live band嘅餐廳，好耐冇去過d 有live band 嘅餐廳。一於揀呢間😊去聴下歌。一開lift 門就係餐廳。全綠色佈置。有好多波波吊燈，好有舞台感覺。發現今晚好多枱來慶祝生日。侍應安排我哋坐bar 枱位置，如果早些訂位坐梳化位應該舒服啲。** Live Band 每晚由7:30 - 9:30開始。🐑 寶雲酥焗紐西蘭羊鞍伴時令蔬菜配紅酒汁$360 我哋揀咗（Medium)5成熟，羊架有3件，做得唔錯，羊架外有小小麵包𤎖。所以食落外面酥脆。內裹肉質嫰中帶小小juicy,配埋紅酒汁好味。配菜有厚薯蓉餅、沙律菜。配合羊鞍唔錯。蒜香帶子烏魚子意粉- ＄168意粉煮得軟硬適中，食落有烏魚子香味，內有三隻厚肉大帶子。食落彈牙。整體好味道。SIGNATURE COCKTAIL$98Apple Iced Tea內有 Gin, Rum, Vodka, Tequila , 檸檬汁+其他果汁。 呢個cockrail唔會有一股藥水味。幾香果味。**Open mic 9:30 -11:30，waiter會比紙大家填歌名，每枱輪流上去唱歌。因為我哋第二朝要早起身。所以冇玩open mic, 下次weekend要留夜啲。玩下open mic 先。**結論：少去呢個型式酒吧/餐廳，感覺好特別，好氣氛。鐘意唱歌就啱😊…查看更多

韓式居酒屋初體驗，朋友推薦 fashion walk 入面呢間高檔居酒屋，重點係佢哋由韓國大廚主理及研發菜式，全部用濟州新鮮食材，睇吓我哋食咗咩：先嚟前菜三款：蒜蓉菠菜、辣味茄子同豆芽菜。一食落口。就feel 到新鮮，醬汁醃製到位，連我平時唔食茄子 🍆都食唔停。水芹菜煎餅🫓煎餅外脆內軟，上菜時已切🔪好，每一口都有蝦同水芹菜，食落小小juicy又香脆，點埋附上的醬汁，估唔咁好味。黑松露生牛肉石頭飯Waiter 會在你面前將石頭飯所有材料撈埋，有韓國嫩牛肉、芽菜、黑松露…. 食落熱辣辣、每一啖飯都有牛肉絲嘅。食落重好香松露味。好味。白切豬頸肉豬頸肉上面鋪滿蒜粒，做到邊皮少少脆。食落口感唔錯，肉質夠鮮嫰，一定要點佢個醬汁，兩個醬汁。一個辣一個唔辣。點完醬汁味道更加出。Cocktail: Red Enchantment韓國酒精加士多啤梨嘅cocktail, 杯邊鋪滿加入糖粒嘅煉奶，賣相夠靚，飲落似有酒味嘅士多啤梨奶昔。好香又好飲。…查看更多

同媽咪出去晚飯。佢又想食小菜又想食點心。最後決定去呢度$215 ：無限時任食數十款小菜點心放題。另外每客送一份蠔皇扣鮑魚+蒸雙皮奶。**小菜及點心用枱上點心紙。另外出面有自助區可以自取。有花雕醉雞、叉燒、油鹽雞腳、豬紅、炸排骨、豬腳姜等….我最欣賞佢個豬腳姜，煮到好入味。甜甜酸酸帶少小辣，豬腳又夠腍。食完覺得自己充滿骨膠原。每客奉送的蠔皇扣鮑魚更是今晚最超值之選，超大只鮑魚，煮得軟身又彈牙，蠔汁夠入味，食完已少少飽肚。任食小菜我挑選咗：咕嚕肉、樟茶鴨、醉雞、豆腐、上海年糕、豉汁蒸魚雲及京式賽螃蟹…..剔✅了2人份量，原來都好大蝶，下次應該✅1人份量😅就唔使咁飽日快樂，仲可以試多啲款式。小菜我最欣賞佢個上海年糕，好腍好入味。食落煙煙韌韌。配料有豬肉、冬菇一齊炒。好惹味。另外一道最特出系賽螃蟹，炒得夠嫩滑，配埋附上的醋一齊食，更加好味。食完小菜已經好飽，所以點心都系點咗小小試下，蝦餃燒賣必叫, 蝦餃皮夠薄，蝦夠大只。夠新鮮。 燒賣大大粒，豬肉撈埋啲蝦肉。夠彈牙又鮮甜，好味。甜品除了可以出去在自助區揀選糕點、豆花。每客都有一份雙皮奶。雙皮奶熱辣辣，食落帶少少姜味。好滑好味。**另外加＄12就可以任飲啤酒、汽水，有樽裝維他奶、韓國真露等，選擇都唔少。總結：以呢個價錢有咁多中式小菜、點心。其實系抵食嘅。…查看更多