QQQQQ太郎的个人专页

想黎呢間試下係因為睇到openrice啲相見到都幾靚所以放工就飛到過去希望唔使等位，去到真係唔使等順利入坐。環境就間間九龍城泰菜都係咁上下迫，泰籍員工都算友善。我哋兩個人叫咁3樣野，諗住邊食邊加，第一樣上枱嘅係炸蝦餅，熱辣辣又彈牙係正嘅，第二樣就係燒雞翼，因為喺泰x閣食開所以就試下呢間嘅水準…點知一上到枱就知龍與鳳，你明明係寫燒雞翼，但好明顯係炸嘅，你真係估人哋唔知咩係燒咩係炸咩！！呢刻就知呢間野咩料，唔怪之得個燒爐咁細都可以應付到咁多燒烤嘅單啦，攞去炸就一定快過慢慢燒啦，冇誠意可言！唉😮‍💨最慘係我第三樣嘢係叫咗燒魷魚…上到枱白雪雪一啲燒過嘅痕跡都冇，如無意外都係白烚多，仲要調味搽唔勻循，一啲就冇味一啲就咸到死！呢刻已經冇興趣再試佢任何嘢，咁啱員工見我哋食到7788已經急不及待隊張單埋黎，我哋前後坐低都冇45分鐘，但牆上明明寫用餐限時80分鐘，不過你唔趕我都諗住走，以後請都唔會黎！唔明點解咁嘅質素都做到。…查看更多

大閘蟹季節當然要幫襯下，但上年尖沙咀分店不開心經歷依然歷歷在目所以今次選擇銅鑼灣分店。食物水準跟上年差不多，至於大閘蟹今年質素比上年好！連服務質素都比尖沙咀店好很多，無論知客姐姐，送菜姐姐，主任經理都很友善！又會主動幫忙跟進上菜，今次我地都食得好開心傾得好盡興！以後一定會再來。…查看更多

為大閘蟹而來，食物水準不錯但服務真是強差人意，但大家不要以為枱枱都無服務！只要你是熟客就要乜有乜，加水加茶換碟紙巾唔使叫都有，亦唔會喺你食緊蟹嘅時候無啦啦同你上晒其餘所有嘅菜！但生客的話就眼尾都唔會理你！怪不得分店越來越少。請還我八十多元服務費，因我一啲服務都無！…查看更多

兩人點了3樣野，打正旗號叫牛肉麵心諗一定唔會差得去邊，點知就瀨晒野！兩碗牛肉麵一齊到，先試一啖湯，咦！二人都覺得唔夠熱又無味但色水十足架！算繼續吃，大家都點了幼麵，啲麵淋到唔使牙咬都得。牛腩同牛根同牛肚都夠淋，但唔知點解全部都無味架囉！自問已經唔係重口味嘅人，如果口味重啲都唔知點算。好彩蚵仔煎係熱嘅，味道又係 淡茂茂，所以一定要點佢跟比你嗰個醬先好食。好耐都未遇過難食嘅店鋪，呢間可算係難得一遇。員工態度都ok，環境可接受嘅，只係食物真係差差差…查看更多

第二次黎呢間分店, 上一次嘅經歷淨係要等咗陣位, 如果唔係打咗個電話連等位嘅幾會都無~ 點知今次由一入門口就被木口木面知客求其帶到一張台, 惡夢原來才剛開始..發誓以後請也不會再黎此分店. 照顧我地嘅侍應不是中國人, 面對著隔離台兩位外國人就四萬咁口, 對住我地就黑口黑面, 家下我地無得罪妳啫, 我最唔鍾意咁樣比人對待, 唔通我地食野唔使比錢架咩..事到如今我已經盡量唔叫佢落單, 點知我同另外一個中國人侍應生叫完哂食物飲品之後, 隔咗陣佢居然收哂我地台面嘅兩款芥末, 初時以為拿去refill, 奈何一去不返..我地叫咗一個豬手, 一個薯餅拼meatloaf. 食豬手點可以無芥末, 點知係個黑面神送我地嘅豬手黎, 我好有禮咁叫佢比D芥末我地, 過一陣後芥末送到, 唔係原本用精緻容器放喺台面嘅兩樽, 取而代之嘅係兩個膠杯仔...妳而家好趕住收工咩, 十點幾咋喎, 妳仲有客入緊架喎, 有無攪錯呀, 乞兒咩...真係火都黎埋, 唔使旨意我會比tips..上次食都有叫呢個薯餅, 上台時侍應生說小心碟邊會熱, 但係點解薯餅一食入口只係微暖而且仲有陣怪味, 唔通唔夠熱真係會難食D, 中途見到好似廚師嘅人, 有D衝動想去問吓佢, 但係又唔想食人D口水鼻涕, 所以都係算吧啦. 塊meatloaf同兩隻旦係無問題架, 但最後都食剩了薯餅~~豬手水準算是不錯, 係咸咗少少喇, D汽水唔係好夠凍同淡咗D, 諗極都唔明點解會咁淡, 冰都唔多粒啦已經..真是莫名其妙~~順帶一提D碟同D刀叉都唔係好乾淨..咁大個集團唔該檢討吓啦..呢D已經係最基本嘅野!!一向都好欣賞呢間德國菜, 但係只限於灣仔同赤柱了!!…查看更多

等個朋友放學,所以十點幾先上到去.一入到去已經無人理,貌似經理嘅坐哂喺度食宵夜見到都當見唔到,服務果然周到!坐低叫湯底畫野食,點知十樣無五樣,蝦無我當你賣哂,但係連最基本嘅芝士腸都無就死得啦..張order紙有好多樣已經預先打咗交叉話無,我已經唔係好開心,而家叫乜無乜咁你係咪應該話聲比D客知呢?!!完全無人同我地講過任何野,永遠都唔知D伙記去哂邊,有無攪錯架?以後唔使旨意我地再幫襯你!!!!!…查看更多

今日boxing day同愛人遊車河, 一早諗好咗再同佢嚟多次~~同埋我有啲掛住佢嘅沙嗲同啲醬..去到都已經3-4點, 佢地有提供泊車服務, 但係我唔鐘意假手於人, 所以我就泊咗喺無幾遠嘅公眾停車場. 馬路都未過就已經有好多人向我地招手, 佢地隔離都開咗好多間食店, 有西餐有泰國菜, 我諗我下次會去試吓, 唔知會唔會好似西沙咁貴呢..我地一坐低打開餐牌就知佢又加價了, 乜啲租好貴咩, 以前啲價錢都已經好高, 仲學人加價, 你估真係好好食咩, 啲座位又唔舒服, 我比啲咁嘅價錢真係唔需要嚟呢度囉.. 愛人叫咗個椰青, 而我就叫咗薑啤. 我地叫咗個二人餐, 包括海鮮粉絲湯(淡而無味, 全煲野最多係椰菜, 2隻蝦仔加幾舊魷魚就叫海鮮), 泰式拼盤(一般啦, 魚餅, 蝦餅, 唔知咩雞各二件, 係個唔知咩雞炸到好硬同好乾啫, 其餘嗰兩款都ok嘅), 泰式豬頸肉(嘩, 最差都可以話係呢個囉, 一來個賣相已經唔多好, 陣味仲怪怪地, 好似臭臭地咁, 我平時都好鐘意食呢個小食, 呢度可能係最難食嘅一間, 唉~失望), 炒什菜(呢個反而做得幾好, 個味道ok, 又真係咩菜都有, 好平均, 唔似一啲餐廳比哂啲至cheap嘅菜你), 甜品(名我就真係唔知嘞, 好似蕃薯嘅野淋咗啲椰奶上面, 無咩特別, 我地食咗兩啖就無食嚕), 話明今次係為咗啲沙嗲而嚟, 又點會唔叫番半打呢, 個醬依然做得好, 但係啲沙嗲今次好似好乾同埋縮了水, 真係要趕走我呢個客嗎?!) 個餐係唔包野飲架..…查看更多

星期日同愛人嚟左沙田行街, 搵左好耐都唔知食乜好, 見佢啲午餐都幾吸引所以就決定一試~~午餐都有好多選擇, 我就要左個牛肉生薑燒, 我不嬲都食開豬肉生薑燒, 牛肉真係第一次試, 至於愛人就要左個鯖魚..我地呢兩個餐仲包埋三文魚刺身, 麵鼓湯, 前菜, 白飯, 飲品同甜品添..由於是日十分之餓, 所以我仲加左兩款小食, 就係蟹子沙律同埋餃子,每款都係十元啫. 首先講吓嗰兩款小食, 個蟹子沙律都叫做幾好食嘅, 起碼佢啲菜都叫做新鮮. 相反個餃子就唔得喇, 個賣相都幾好, 但係完全無味. 個三文魚刺身就一般喇, 麵鼓湯我就唔多喜歡, 硬係好似怪怪地咁, 我飲左啖就唔要嚕, 至於愛人條鯖魚都燒得好香, 啲皮食好耐都仲脆卜卜, 啲魚油好正. 我個牛肉生薑燒就唔多好喇, 無乜味之餘啲牛肉都幾un吓, 下次再嚟會試吓佢個豬肉, 睇吓會唔會做得好啲先. 六七十蚊就包晒咁多野食, 而且啲食物大部份都幾好, 都幾值得一試嘅. …查看更多

今晚拖住疲累嘅身軀去太古食EXP, 都嚟左好多次囉, 如果住得近我一定當佢飯堂. 之前同朋友嚟食先知原來佢同佢bf都好鍾意嚟呢度食野. 言歸正傳先, 同愛人點左2樣食物...包括第一次試嘅蟹肉蟹子pizza同埋我嚟襯都一定要食嘅菠菜三文魚帶子意粉, 仲一人叫左一柸果汁添.個pizza我地叫左普通批, 的確無pizza hut咁油, 唔可以話佢好好食嘅, 不過一定好過CPK囉. 個pizza又唔會太多汁, 啲料都叫做幾平均, 下次可以"安哥".個意粉啲料確實係比我第一次幫襯嘅時候少左好多, 我好記得第一次食嘅時候啲帶子真係好大粒, 啲三文魚都係, 但係當我幫襯第二, 三, 四, 五次嘅時候就已經唔係嗰回事嚕, 不過佢嘅味道就無變過, 如果唔係我都唔會次次去都一定要叫呢個意粉.至於佢啲果汁就可以唔使特登去試, 可以話係全無特別, 完全飲唔到果汁味嘅, 唯一我唔多滿意就係呢度.…查看更多

尋晚同我嘅愛人同埋另一個朋友去行吉之島, 朋友一早講咗話好想食 KFC, 但係我覺得太熱氣, 正在討論去邊度開飯之際, 就比呢間店嘅甜品模型吸引住, 大家決定入去試, 點知就真係後悔莫及囉. 愛人同朋友叫咗一樣嘅set dinner,包括湯(無味又唔熱嘅cream of corn and ham),主菜(吉烈豬扒飯:皮又厚又細件又唔脆都唔知食緊乜,最衰就係又係唔熱嘅, 鍾意食唔熱食物嘅人一定好愛呢間野),甜品(自選蛋糕:一般啦)同餐飲(兩人都叫咗熱飲但係都係唔夠熱嘅)價值$88+10%, 至於我就想食咖哩, 所以就叫咗個咖哩牛肉飯$6x再加$4x轉做餐, 其餘嘅野同佢地一樣. 我個飯又係唔熱嘅, 份量又少,差唔多成舊水比d咁嘅野人食真係無良, 我地都唔係好高要求嘅人黎, 但係呢間野真係以後請都唔會再黎囉. 有位男侍應仲成日用d不友善嘅眼光望我地, 難道入門口時踩親佢條尾?!…查看更多