kellylamws的个人专页

今日去咗西灣河一間叫「Pizzeria Italia」嘅意大利餐廳食晚餐，餐廳嘅裝修好有外國小餐館嘅特色，紅白格仔嘅餐枱布配木凳好有feel~ 另外，餐廳職員都非常熱情，將生日蛋糕送上枱嘅時候會圍埋一齊唱生日歌，氣氛非常歡樂！🍊 Mix Antipasti二人套餐嘅前菜食材好豐富，包括煙三文魚配酸豆、炸新鮮魷魚、自製雞肉炸丸子、烤麵包配自製番茄莎莎醬同意大利咸魚配多士，味道偏向濃味，煙三文魚配檸檬汁同橄欖油好滑身，雞肉丸子炸得好香脆，意大利咸魚配多士嘅味道好有特色🍊 雜錦海鮮意粉配白酒汁意粉嘅口感好煙靭，唔會煮到太腍身，海鮮嘅種類豐富，包括大蝦、三文魚腩、大蜆，三文魚腩嘅魚肉肥美，大蜆嘅味道鮮甜，醬汁可以揀蕃茄醬或白酒，我哋揀咗白酒炒意粉，味道帶點蒜香、香料味同橄欖油香，調味啱啱好🍊 Parma Ham Pizza呢個Pizza足料，一個圓形分為8份，每一份都有一整片巴馬臣火腿，中間夾住大量哥根蘇拿芝士同洋葱，Parma Ham有好重嘅鹹香，拉絲嘅芝士味道濃郁，洋蔥粒味道清甜，薄餅嘅餅底偏薄身，口感煙靭🍊 Tiramisu呢個Tiramisu味道唔算太甜，底層嘅咖啡味同Barley酒味嘅味道好出，上層嘅鮮奶油口感順滑，一啖咬落去嘅蛋糕口感層次豐富📍 西灣河鯉景灣太康街55號蘇豪東A期地下GA01-03號舖位置就腳：🍊🍊🍊🍊餐廳環境：🍊🍊🍊🍊🍊食物味道：🍊🍊🍊🍊🍊整體CP值：🍊🍊🍊🍊🍊…查看更多

今日去咗中環一間叫開「ODDS」日式餐廳食晚餐，呢度逢星期六日及公眾假期會有特別Dinner Feast，每人$648就可以食到一份主菜、無限量高質日式小食同一杯餐飲，主菜有12款可以選擇，有兩個半鐘可以free flow任叫小食，啱晒同朋友一齊聚餐，一邊傾偈一邊品嚐美食。🍊 A4黑毛和牛三食A4黑毛和牛嘅肉質幼嫩，口感入口即溶，半生熟嘅熟度升到和牛嘅油脂味最突出，而且每片嘅厚薄偏薄身，用嚟做三食啱啱好，可以齋食和牛去突出鮮味，或者沾上洋蔥汁、芥末、配炸蒜片食，最後仲可以加入高湯去製成茶碗漬，多種食法令黑毛和牛嘅層次變得豐富🍊 特選火炙壽司8款火炙壽司最容易食到魚生刺身嘅油脂香味，八款廚師發辦壽司包括帆立貝、三文魚腩、鯛魚、中拖羅、海鰻、魷魚、赤海蝦同玉子，每件壽司經過火炙燒過之後嘅鮮味都好突出，食材新鮮🍊 Free Flow日式小食餐單上一共有35小食，可以喺兩個半鐘頭內任嗌，主要分為頭盤、刺身、卷物、串燒、炸物、蔬菜、甜品幾個類別，總有一款啱大家口味。刺身嘅油甘魚、真鯛魚、北海道八爪魚、帆立貝都係必嗌，刺身食材新鮮，味道鮮甜，而且配上蕃茄香草汁、香蒜橄欖油同白梅醬等特色調味，質素同單點刺身差不多；卷物中嘅天扶良蝦卷同芝士火炙三文魚卷都幾足料；串燒嘅雞軟骨、免治雞肉棒、魷魚串等等都燒得啱啱好，充滿炭香味而且唔會好乾身；甜品仲有日式和菓子同蛋糕，既有鹹點又有甜點🍊 餐飲每人可以叫一杯餐飲，包括汽水、咖啡或茶，我哋嗌咗一杯凍齋啡同熱latte，兩杯嘅咖啡味都好香濃📍 中環德輔道中4-4A號渣打銀行大廈地下G2號舖位置就腳：🍊🍊🍊🍊🍊餐廳環境：🍊🍊🍊🍊🍊食物味道：🍊🍊🍊🍊🍊整體CP值：🍊🍊🍊🍊🍊…查看更多

今日慶祝男朋友生日，去咗尖沙咀一間叫「壽喜燒 樹」嘅日式餐廳食席前壽喜燒套餐，餐廳由日本主廚打理，師傅會為每一枱客人親自烹調關西風壽喜燒，每一道菜都會細心解釋菜式嘅名稱同食法，成個用餐體驗都好好！晚市套餐有分兩個，Yoshi同Itsuki嘅分別在於前菜、牛肩數量同甜品，大家可以視乎喜好去選擇🍊 和牛雲丹一口呢道前菜係Itsuki先有，壽司飯上有生和牛同鮮甜嘅海膽，一啖放入口嘅鮮味爆棚，口感軟熟，入口即融🍊 松茸菇菜碗蒸茶碗蒸嘅蒸蛋蛋味濃郁，松茸菇散發住濃烈嘅菇菌香味，而且松茸菇煮熟嘅程度啱啱好，唔會蒸到太腍身🍊 黑毛和牛雲吞用日本嘅食材配搭港式嘅飲食文化，將和牛造成雲吞餡料，牛肉嘅味道非常濃郁，雲吞皮好薄，配上用牛骨熬製而成嘅牛骨湯，好有特色🍊 熊本縣A4黑毛和牛套餐使用手切嘅熊本縣A4黑毛和牛，人工手切可以保持纖維嘅完整性，減少和牛嘅肉汁流失，令到黃牛嘅口感順滑柔嫩；套餐嘅部位有肉眼、西冷同牛肩，肉眼嘅雪花分布較平均，油脂感較重，入口即溶，西冷嘅肉味香濃而帶有少許嘅油脂，牛肩嘅肉味最為濃郁，而且口感較前者結實；和牛可以沾上生日本蘭王蛋漿，去減低和牛嘅油膩感，而珍珠米白飯可任加🍊 日本蔬菜盤壽喜燒會將唔同部位嘅和牛之間用蔬菜相隔，去減低和牛嘅油膩感，令食客可以感受唔同部位之間嘅變化；日本冬菇、京都燒豆腐、麵筋、白菜、淡路島洋蔥、皇帝菜等嘅蔬菜，用料非常新鮮，除咗吸收晒壽喜燒汁嘅醬汁味，食材本身都帶鮮甜味；日本蒟蒻麵口感乾爽，可以配五香粉去加強調味🍊 和牛滑蛋炒飯炒香嘅黑毛和牛粒粒加入日本蘭王蛋，炒滑蛋嘅質地鮮嫩，蛋味濃郁，炒飯嘅珍珠米口感煙靭，飯粒分明，而且混合和牛嘅油脂香味，非常惹味🍊 甜品呢間餐廳好適合慶祝生日，席前和牛壽喜燒嘅氛圍好好，可以預先同餐廳溝通去畫碟，日式焦糖燉蛋同芝士蛋糕都好好味，味道唔算太甜📍 尖沙咀漆咸圍10-12號意酒店式公寓1樓位置就腳：🍊🍊🍊🍊🍊餐廳環境：🍊🍊🍊🍊🍊食物味道：🍊🍊🍊🍊🍊整體CP值：🍊🍊🍊🍊🍊…查看更多

最近行完啟德SOGO thankful week，上咗雙子匯14樓一間叫「UnME」嘅法日fusion餐廳食午餐，呢度附近好多辦公室，平日嘅lunch time座無虛席，想過嚟食嘅朋友記得預先訂位去避免排隊！🍊 蘋果木煙燻法式鵝肝煙燻法式鵝肝會用玻璃蓋住香煙，上菜後職員會拎走玻璃蓋，散發着濃郁嘅煙熏香味，鵝肝兩邊煎得香脆，而且非常厚身，咬落去油膩感同肥美感滿滿，配上伴碟嘅士多啤梨醬、草莓片、焦糖香蕉片一齊食，可以中和鵝肝嘅油膩感🍊 海鮮配茶壺龍蝦湯龍蝦湯嘅質地好濃稠，鮮味濃郁，口感順滑，海鮮有大虎蝦、帶子、蜆肉、螺肉等，味道鮮甜，口感彈牙，配上龍蝦湯好夾🍊 鮮蟹肉牛油果酥炸脆球擺盤非常精緻嘅前菜，有食用乾花做伴碟令到外觀顏色好鮮艷，一碟有五件炸脆球，上面放咗牛油果蓉、黑魚子、蟹肉等材料，一啖放入口感覺到鮮甜味爆棚，口感層次豐富🍊 烤龍蝦尾海鲜汁燴飯龍蝦尾嘅蝦肉鮮甜彈牙，帶點鹽嘅輕輕調味，令到龍蝦嘅鮮味可以提升，燴飯嘅飯粒煮到好腍身，醬汁帶有濃郁嘅龍蝦味同芝士味，混合蘑菇、蕃茄仔等材料，令到味道酸酸甜甜好開胃🍊 杜拜朱古力開心果提拉米蘇極度嗌推介大家嗌呢款甜品！外層係雪到好硬身嘅杜拜朱古力，朱古力的可可味超級濃郁，咬落去係雪到好似雪葩口感嘅tiramisu同開心果雪糕，食落去有濃郁嘅開心果果仁味道，tiramisu嘅咖啡味唔算突出，整體嘅朱古力味好香濃🍊 抹茶維也納雪山呢杯雪山飲品嘅外觀好吸引，有漸層嘅視覺效果，上層係打到好棉滑嘅奶泡，下層係抹茶鮮奶，望落就好似一座雪山，抹茶嘅味道唔會太苦澀，甜度亦都啱啱好🍊 京都柚子酒 Takara呢杯來自日本京都嘅柚子酒嘅柚子香味好重，酒感較輕身，味道偏甜，容易入口📍九龍城啟德協調道12號雙子匯1期崇光啟德店食匯堂14樓1401號舖位置就腳：🍊🍊🍊🍊餐廳環境：🍊🍊🍊🍊🍊食物味道：🍊🍊🍊🍊🍊整體CP值：🍊🍊🍊🍊🍊…查看更多

今日去咗中環一間叫「好易食 Holy Eats」嘅餐廳食晚餐，餐廳嘅裝修好有酒吧特色，酒吧上方有個霓虹燈牌，牆身用咗大量嘅特色畫去裝飾，令到成間餐廳嘅裝修風格好有特色🍊 Angus Tartare on Roasted Bone Marrow一定要嗌呢一個主菜，上層係安格斯牛絞肉他他，肉質細膩鮮嫩，混合青蔥、洋蔥粒、特製嘅他他醬一齊食好惹味，最特別係牛骨髓嘅口感好似奶油咁順滑，食落口好似脂肪咁滑，味道非常濃郁惹味，配上脆法包有豐富嘅層次🍊 Scallops Carpaccio薄切生帶子嘅口感入口即溶，單食嘅時候味道清甜，配上旁邊酸酸甜甜嘅蕃茄醬汁、橄欖油、檸檬汁、香草等調味料，味道輕盈而且開胃，而且擺盤非常精緻，好適合做前菜🍊 Crab Cake蟹餅嘅外層金黃酥脆，內裡充滿鮮甜嘅蟹肉，啖啖蟹肉簡直係鮮味爆棚，伴碟有洋蔥粒、紅椒粒、青蔥同他他醬，食落去唔會太乾或太油膩，簡單又精緻🍊 Meat Fries有別於一般嘅炸薯條，餐廳將免治豬肉嘅肉碎、芝士、香草、紅椒粒、洋蔥粒等材料混合一齊，配上口感順滑嘅沙律醬汁令炸薯條口感有變化，香脆得來亦都好惹味🍊 Bacon Mac Zaddy & Cheese升級版嘅Mac and Cheese有大量半溶嘅芝士同奶油，口感好creamy好濃稠，內裏拉絲而表面烤得香脆，中間混合咗好多煎得香口嘅煙肉碎，煙肉嘅油脂同芝士嘅奶香令到通心粉好好味📍中環蘇豪伊利近街23號地舖位置就腳：🍊🍊🍊🍊餐廳環境：🍊🍊🍊🍊🍊食物味道：🍊🍊🍊🍊🍊整體CP值：🍊🍊🍊🍊🍊…查看更多

今日去咗沙田一間叫「Butlery」嘅餐廳食晚餐，餐廳嘅裝修簡約整潔，座位寬敞，令人感覺好舒服。而且喺新城市廣場呢個咁多餐廳嘅地方，平日夜晚都座無虛席，建議先預約訂位以免等位。🍊 White Wine Mussels前菜我哋嗌咗白酒煮青口，份量可以嗌細份或500g，藍青口嘅口感肥美，醬汁配上白酒、小茴香同忌廉，口感順滑而味道充滿奶香，酸種麵包質感煙靭，用嚟配白汁幾夾🍊 Iron Grilled Flank Steak & Chips牛扒五成熟煎得啱啱好，仍然保持到肉汁而唔會煎得太乾身，醬料有香蒜青醬同黑椒汁，兩種醬汁同牛扒都好夾，牛扒嘅牛味濃郁，旁邊嘅配菜有炸薯條、煎翠玉瓜、煎蕃茄仔同煎粟米仔，蔬菜同肉嘅比例平均🍊 Sea Urchin & Scallop Tagliatelle呢個闊條麵鮮味濃郁，頂層有香濃嘅海膽同軟熟嘅帶子，中間有鮮甜嘅蟹肉，口感煙靭嘅闊條麵條配上香滑濃稠嘅海膽醬汁同海苔絲，成個配搭好好，推介大家一試📍沙田沙田正街18-19號新城市廣場一期4樓479A號舖位置就腳：🍊🍊🍊🍊🍊餐廳環境：🍊🍊🍊🍊🍊食物味道：🍊🍊🍊🍊整體CP值：🍊🍊🍊🍊🍊…查看更多

今日去咗北角一間叫「太元樓」嘅上海菜餐廳食晚餐，餐廳位於北角同鰂魚涌中間，餐廳環境光猛，座位寬敞舒適。而且餐廳最近做緊推廣優惠，只要堂食惠顧滿$200 ，就可以用$1優惠價去追加小菜一款，星期一至日都有唔同款式，真係好抵食！🍊 炒齡乳鴿乳鴿肉嘅肉質嫩滑，外皮烤到好香脆，咬落去仍然保持到肉質同油分，唔會太乾身🍊 水晶肴肉肴肉賣相晶瑩剔透，入口好似啫喱咁，肉質肥瘦適中，食到酒香同肉香，冰涼嘅口感作為前菜好開胃🍊 太元手撕雞半隻手撕雞半隻嘅份量都好多，雞肉非常嫩滑，特製醬油混合蔥、蒜、辣椒，味道濃郁而惹味，整體嚟講唔算太鹹🍊 糖醋魚塊魚塊嘅魚肉鮮嫩，外層裹上薄薄嘅脆漿後炸到香脆，配上酸酸甜甜嘅醬汁同菠蘿片，非常開胃🍊 排骨擔擔麵擔擔面嘅湯底花生醬味道唔算太濃郁，芝麻嘅香味同辣椒嘅麻辣好平衡，唔太食得辣嘅朋友都啱食，排骨炸到好鬆脆，上海麵嘅麵條彈牙，輕鬆掛住擔擔麵濃稠嘅湯汁🍊 小籠包、窩貼小籠包可以選擇一籠四隻或六隻，即叫即蒸，小籠包嘅外皮透薄，一咬落入面有好多鮮甜嘅湯汁；鍋貼嘅外皮煎得黃金香脆，做到底脆內軟，咬落去入面爆出湯汁，兩者用嘅餡料都係一樣有菜有肉，調味適中，份量充足📍北角炮台山電氣道233號城市花園1, 2及3座部分平台地下24-49號A及C號舖位置就腳：🍊🍊🍊🍊餐廳環境：🍊🍊🍊🍊🍊食物味道：🍊🍊🍊🍊整體CP值：🍊🍊🍊🍊🍊…查看更多

今日去咗大角咀利奧坊一間叫「Restoran SAYA」嘅餐廳食晚餐，呢間餐廳連續三年獲得香港米芝蓮推介，餐廳嘅環境舒適，有大量嘅卡位同圓枱，無論少人或多人聚會都適合，而且職員嘅態度親切，會主動介紹餐廳嘅招牌菜俾客人🍊 泰式芒果柚子沙律呢間餐廳嘅柚子沙律味道偏向濃味，大量嘅芒果同柚子肉令到沙律好開胃，底下嘅沙律菜都好新鮮，適合做餐前小食🍊 炭燒豬頸肉豬頸肉嘅份量好多，食落去有濃郁嘅炭燒香氣，加上泰式酸甜醬好開胃，豬頸肉燒得啱啱好，肉質唔會太乾身，仍然保持到豬肉嘅肉汁同脂肪嘅油分🍊 辣椒膏炒花甲花甲嘅份量充足，而且每隻花甲都吸收大量嘅辣椒膏同泰式香料，食落好惹味，非常適合鍾意食辣嘅朋友🍊 泰北咖喱金麵配燒雞泰北金麵好有特色，一邊係炸到香脆嘅麵條，另一邊係軟腍腍嘅麵條，口感好唔同，咖喱汁香濃惹味，帶有濃郁嘅椰奶味同泰式香料嘅辣味，燒雞嘅雞肉用咗雞髀，肉質非常嫩滑🍊 芒果糯米飯咁啱有朋友生日嘅話可以嗌生日版嘅芒果糯米飯，擺盤超級精緻，將芒果片切成一朵大嘅玫瑰花，中間放滿香濃順滑嘅椰漿，底層鋪滿暖暖嘅斑斕汁糯米飯，預先同餐廳講定仲會有生日牌同生日蠟燭，儀式感滿滿📍大角咀嘉善街18號利奧坊地下G701號舖位置就腳：🍊🍊🍊🍊餐廳環境：🍊🍊🍊🍊🍊食物味道：🍊🍊🍊🍊整體CP值：🍊🍊🍊🍊🍊…查看更多

今個週末同朋友去咗將軍澳Crowne Plaza Hotel入面間尚廚食下午茶自助餐，用餐時間兩個鐘，食物種類豐富，而今次嘅重點係有鮑魚同燕窩，食材尚算新鮮，而且refill嘅速度都算快，性價比極高！🍊 鮑魚有幾款用咗鮑魚做食材嘅熟食，鮑魚蟹肉慕斯泡芙上面嘅鮑魚爽口彈牙，中間夾住蟹肉絲拼沙律，底層有酥脆嘅撻皮；鮑魚雲吞雞燉湯入面都好足料，每一碗都有一隻鮑魚同一大粒鮮蝦雲吞，雲吞嘅蝦肉非常彈牙，燉湯亦都好重雞味同花雕酒嘅味，我一個人飲咗三碗；鮑魚汁花菇炆鴨掌嘅鴨掌炆到好腍身，而且吸收曬鮑魚汁嘅味道🍊 燕窩燕窩做食材嘅大部份都係甜品，例如法式燕窩啤梨撻、燕窩亞麻籽鮮果凍、燕窩草莓蛋糕、燕窩白桃乳酪蛋糕、燕窩香印提子芒果酥條、燕窩蜜瓜慕絲蛋糕、燕窩黑芝麻豆腐布甸等等，甜品嘅賣相全部都好靚，而且味道唔算太甜，值得一試；另外仲有一款燕窩雞蛋沙律多士係前菜，味道清新🍊 Haagen-Dazs雪糕另外值得一提嘅係餐廳有八款Haagen-Dazs雪糕可以選擇，職員會幫忙整雪糕球，當中最吸引嘅係開心果果仁同Tiramisu味，平時喺自助餐比較少食到📍將軍澳唐德街3號香港九龍東皇冠假日酒店1樓位置就腳：🍊🍊🍊🍊餐廳環境：🍊🍊🍊🍊🍊食物味道：🍊🍊🍊🍊🍊整體CP值：🍊🍊🍊🍊🍊…查看更多

今日同朋友去咗圓方Civic Sqaure入面一間叫「Luigi’s」嘅西餐廳食午餐，餐廳有室外同戶外嘅座位，週末深受一家大細同外國人嘅喜愛，餐廳做緊針對八歲以下小朋友嘅特別推廣，一星期七日只要一位成人惠顧一份主食，一位小朋友就可以免費享用一份餐牌上嘅兒童餐。🍊 Luigi’s Beef Sliders Slide dish我哋揀咗mini cheese and beef burgers，兩個迷你漢堡頂頭印有餐廳名Luigi’s，漢堡嘅麵包非常軟熟，中間夾住充滿肉汁嘅牛肉漢堡扒，配上炒香左嘅清甜洋蔥絲、車打芝士同新鮮蕃茄，食落去口感層次豐富，充滿肉汁同半溶嘅芝士🍊 Crab Linguine Linguine嘅口感好煙靭，唔會煮得太腍身，而且用咗大量鮮甜嘅蟹肉，攪勻之後每一條意粉都會沾上蟹肉，醬汁用咗爆香嘅蒜頭、橄欖油、洋蔥、紅辣椒、青蔥，調製得非常香口惹味，味道帶有微辣，蒜油令到意粉好滑身，成個意粉嘅配搭都好好，推介大家一試🍊 Tiramisu呢間Tiramisu質素唔錯，咖啡味同酒味非常平衡，餅底嘅酒味唔會太重，亦都唔會太濕，整體口感非常順滑creamy，味道嘅甜度啱啱好🍊 Drink 我哋揀咗Luigi’s Fresh Lemonade同Peroni，兩款飲品都好適合夏天飲，lemonade有種清新嘅感覺，味道酸酸甜甜好開胃；Peroni嘅麥味好重，飲完感覺舒暢📍尖沙咀柯士甸道西1號ELEMENTS圓方金區演薈廣場頂樓R001號位置就腳：🍊🍊🍊🍊🍊餐廳環境：🍊🍊🍊🍊🍊食物味道：🍊🍊🍊🍊🍊整體CP值：🍊🍊🍊🍊🍊…查看更多

茶大椰灣仔分店最近新開張啦，開張期間有多個打卡購物嘅嘅限定優惠，餐廳環境闊落，出面有一幅好大嘅壁畫，畫咗一隻榴槤貓貓同一隻椰子貓貓，兩隻貓貓嘅造型非常可愛，展示咗餐廳最出名嘅榴槤同椰子兩款產品，壁畫啱晒大家打卡！🍊 椰皇貓山王以馬來西亞頂級貓山王榴槤與椰皇嘅搭配為亮點，原個椰皇印有茶大椰嘅標示，頂層鋪香氣濃郁嘅榴槤肉，份量多到鋪滿晒成個頂層，每食一啖都散發住強烈嘅香味，啱晒鍾意榴槤嘅朋友； 椰皇入面有晶瑩剔透嘅椰果肉同椰果果凍，味道清甜淡雅，口感清爽，配合厚重嘅榴槤肉就啱啱好🍊 焙茶鮮椰乳將日式焙茶結合新鮮椰奶，視覺上帶有淡棕色茶香同乳白椰奶的漸層美感，味道上有焙茶嘅穀物焦香同椰奶嘅甜潤，椰奶嘅濃度比例啱啱好，唔會蓋過咗焙茶嘅香味，而且底層有大量嘅椰果果凍，口感清爽，為飲品增加層次，好適合夏天飲🍊 鮮椰蛋撻單叫一件$22，惠顧一杯嘢飲可以加$10換購一件，呢款蛋撻嘅內餡混合咗鮮椰漿同鮮蛋漿，令到蛋撻內餡焗完之後充滿椰子香味，口感較用純蛋漿嘅蛋撻結實，撻皮焗到酥脆但唔油膩，食落充滿牛油香📍灣仔灣仔道228號Plaza 228地下G02號舖位置就腳：🍊🍊🍊🍊餐廳環境：🍊🍊🍊🍊🍊食物味道：🍊🍊🍊🍊🍊整體CP值：🍊🍊🍊🍊🍊…查看更多

The weather is so hot, making it perfect to enjoy some icy cold desserts on the street! Today, I went to a takeaway dessert shop called “Drool Froyo” on Tsing Fung Street in Wan Chai to try their froyo. This place offers a wide variety of flavors, sauces, and toppings, allowing customers to freely mix and match to create their perfect froyo dessert!🍊 Matcha GardenThis is one of the restaurant’s preset combinations. The yogurt ice cream has a very creamy texture and is super smooth in the mouth. The matcha milk sauce is rich but not bitter, with just the right amount of sweetness, delivering a strong milky and matcha flavor that’s perfect for matcha lovers! It’s topped with crispy puff pastry for added texture, juicy large blueberries in the middle, and matcha mochi that’s soft, chewy, and delightfully springy, offering a great bite.🍊 Froyo Croissant CupFor this one, we went with a custom combination, choosing chocolate crumbs and pistachio crumbs as toppings. They’re crunchy and delicious, with the sweetness of cocoa beans and the nutty aroma of pistachios. We still chose the matcha milk sauce, and for the add-on, we picked the recently famous flat croissant. It’s super crispy with a rich buttery flavor. The combination of textures and flavors is well-layered, and everything is made up of my favorite ingredients!🍊 Mango Yogurt CroffleThe waffle is made to order, crispy on the outside and soft inside. The base is a warm waffle, topped with cold yogurt ice cream and mango sauce, along with fresh mango chunks. The flavor is sweet and tangy, with the fruity aroma of mango and the creamy richness of yogurt.📍Shop A1, G/F, 96 Electric Road, Tin HauLocation Convenience: 🍊🍊🍊🍊🍊Restaurant Ambiance: 🍊🍊🍊🍊🍊Food Taste: 🍊🍊🍊🍊Overall Value for Money: 🍊🍊🍊🍊…查看更多

今日同朋友去咗灣仔一間叫「Dirty LAUNDRY」嘅酒吧飲嘢，酒吧嘅門口裝飾好有玩味，全部都係洗衣機造型，襯返酒吧個名laundry，喺其中一部洗衣機打開就係酒吧嘅門口。酒吧嘅環境好有氛圍，有一個好大嘅霓虹燈牌，而職員都好熱情咁邀請我哋飲佢哋發板嘅cocktail🍊 Cherish呢款cocktail嘅口感好特別，用咗rum酒做base，頂層有士多啤梨味嘅milk shake，類似奶蓋嘅質感，一入口就覺得好creamy，士多啤梨嘅甜味同rum酒嘅微醺感覺搭得好好，而rum味唔算好重，鍾意烈酒嘅朋友可能會覺得稍為淡咗啲，但整體飲落好順口，士多啤梨嘅甜味都好突出🍊 Citrus Cake呢款cocktail係citrus口味，用咗vodka做base，配合百香果、柚子同檸檬等帶酸味嘅生果，完全係另一種vibe！一飲落去味道酸酸甜甜，百香果同柚子嘅果香好突出，檸檬有清新嘅香味，層次感好豐富。酒精味平衡得啱啱好，唔會蓋過果味，飲完真係覺得好醒神，啱晒鍾意清爽酒感嘅朋友📍灣仔駱克道100號地舖位置就腳：🍊🍊🍊🍊🍊餐廳環境：🍊🍊🍊🍊🍊食物味道：🍊🍊🍊🍊整體CP值：🍊🍊🍊🍊…查看更多

今日同朋友去咗觀塘一間叫「Corner 90」嘅印度餐廳食晚餐，餐廳環境闊落，坐得幾舒服。店員係印度人，可以正常用英文溝通。Menu上都有齊中英對照嘅文字，非常清晰🍊 Steak Frities Night 牛扒呢個牛扒套餐好抵食，只需$198就包咗一塊12安士嘅阿根廷肋肉眼牛扒、任食薯條、一杯紅/白酒。牛扒嘅口感軟熟，唔會煎到好乾身咬唔開，而且仍然充滿肉汁。旁邊配上粗海鹽、黑松露醬、蕃茄醬，令牛肉嘅味道更加多變化，突出牛嘅肉味；薯條係即叫即炸，新鮮出爐嘅時候都好脆，唔夠食可以叫店員無限添加；牛肉配紅酒好夾，紅酒嘅酒感較dry🍊 Seafood Linguine 海鮮扁意粉嘅材料豐富，包括大蝦、魷魚、青口、蒜頭、櫻桃番茄同羅勒，伴碟有隻大大隻嘅青口，魷魚好彈牙，蒜香同羅勒嘅香味完美融合，帶出海鮮嘅鮮味，扁意粉嘅整體口感豐富，令人回味無窮📍觀塘鴻圖道90號地舖位置就腳：🍊🍊🍊🍊餐廳環境：🍊🍊🍊🍊🍊食物味道：🍊🍊🍊🍊整體CP值：🍊🍊🍊🍊🍊…查看更多

今日去咗啟德Sogo雙子匯一間叫「Nisugu」嘅西班牙餐廳食晚餐， 14樓原來都有好多間餐廳，呢間餐廳嘅裝修格調偏簡約風，門口有個開放式酒吧，平日夜晚都座無虛席，建議先預約訂位。🍊 Gambas Al AjilloTapas係西班牙菜其中一個特色之一，今日揀咗蒜片橄油大蝦，呢間餐廳嘅Tapas選擇用咗一大片sour dough做底，酸種麵包嘅口感煙靭軟，切細件後沾上充滿蒜味嘅橄欖油，蒜片炸香後令到橄欖油好香口，大蝦嘅份量算幾多，口感爽口彈牙🍊 Seafood Paella 西班牙飯係我光顧每間西班牙餐廳都必嗌嘅菜式之一，飯粒嘅口感粒粒分明而醬汁湯汁嘅份量偏小，食落偏乾身，但每粒飯嘅味道都好濃郁，吸收晒海鮮同湯汁嘅精華；海鮮材料包括大蝦、青口、蜆肉同沙白，味道不過不失🍊 Spanish Suckling Pig西班牙燒乳豬係我最鍾意嘅菜式，西班牙嘅伊比利亞豬肉嘅味道最為濃郁，乳豬嘅肉質非常柔嫩，外皮燒得香脆可口，中間嘅肉質同脂肪層次分明，一口咬落去會滿口肉汁同油粉，燒得非常出色，而且乳豬嘅調味唔會太濃，食得出豬肉嘅原味，另外配上味道清新微酸嘅蘋果蓉，口感順滑而酸酸甜甜可以中和油膩🍊 Grapelish Blossom 呢杯cocktail用咗whisky做底，加入提子汁、檸檬汁同藍莓令到果味濃郁，酒感唔會太重，好容易入口🍊 Peachy Blush呢杯mocktail用咗紅茶做底，配合西柚同白桃嘅果肉，果味濃郁又唔太甜，西柚皮浸得耐會有浸苦澀味📍九龍城啟德協調道2號AIRSIDE 6樓L603號舖位置就腳：🍊🍊🍊🍊餐廳環境：🍊🍊🍊🍊🍊食物味道：🍊🍊🍊🍊整體CP值：🍊🍊🍊🍊🍊…查看更多