karenjimjim.yum's Profile

平日下午和朋友嚟到食午餐，位置算係超級方便，地鐵站行2分鐘就到。裝修好靚，應該可以打卡，不過坐出面嘅位置比較好影相。廁所在舖頭外面少少唔方便，不過衛生OK 。朋友和我嗌咗兩個主菜和一個小食。其實我上網被個薯條吸引而來的。🧀🥓🍳🍟依利比亞火腿芝士太陽蛋薯條個薯條比我想像中普通，因為芝士比較硬同埋冇我想像中咁流動就係幾樣我好鍾意嘅嘢食加埋一齊，不過不失。🍝黑松露雜菌芝士忌廉粗管通粉通粉我覺得軟硬適中，唔會太冧。醬汁偏稀身，都掛到通粉。雜菌嘅份量好多，每一啖都會有菇同埋通粉。 芝士味都唔算明顯。🍙🌟慢煮焦糖豬腩肉配香烤飯團及炸藕片🌟有驚喜，最好味係個豬腩肉慢煮好Juice，可能係豬腩肉，所以脂肪令到舊肉好滑好香，豬皮炆得好腍，配埋伴碟嘅青瓜片，一齊食好解油膩好爽👍🏻👍🏻飯團烤得啱啱好🥤ice americano: fruity 下次會想試埋dinner 🌝…Read More

上星期二和同時工作完去food court食晚飯行咗一圈，職員友善有禮，非常落力推介，一個主食有八折，仲送一客日式豬肉餃子（3隻），而且餐牌好吸引，所以我哋叫咗。😐香濃明太子稻庭烏冬賣相好靚，食落都Creamy，明太子嘅味道唔算好出，整體都好味。🙁日式豚肉沾麵另一位同事叫嘅Jim面，首先個面係凍嘅，另外嗰碗湯汁係温既。正常尖面嘅湯汁應該係超級熱，完全唔合格。但係同事都有食晒。☹️濃厚海膽稻庭烏冬我同另一位同事分別都叫咗呢碗烏冬，我其實賣相係非常之吸引嘅，我覺得佢有一浸臭味😰因為我唔經常食海膽，所以我都有叫身邊嘅同事問吓，佢哋都試咗一啖，佢哋話個臭味係有嘅，可能係因為海膽唔新鮮，不過都係海膽味。但我覺得真係好臭，所以我淨係食咗面頭嘅海膽同魚子+2啖烏冬，我就無食了。我淨係食咗三隻餃子同埋同事嘅明太子烏冬幾啖😑（我有諗過係唔係我太揀飲擇食，事後發現我做出正確嘅選擇）另一位叫海膽烏冬嘅同事係食晒嘅。不過佢半夜起身嘔同埋肚痾，第二日仲sick leave 添🤮😵‍💫另外兩位叫明太子烏冬同埋沾麵嘅同事晚上同第二日朝早都有肚痾肚瀉🤮唔知關唔關事啦，不過就唔會再食囉！🤡🤡🤡…Read More

香港人一年四季都中意打邊爐😋長期爆場即火鍋撚出名湯底足料，材料新鮮👍🏻招牌蜂巢豆腐白湯($160)藥材加香料好濃厚，加埋人參好滋補，豆腐索滿湯汁好正，食咗幾舊都未夠喉🥰打響頭炮既即炸三秒($53)響鈴香脆吾油膩，有陣蛋香味，點埋獨家酸甜醬好夾～見佢有啲創意料理試吓佢，黑松露菌醬爆牛丸(半份 $59)一咬開勁香黑松露味，牛丸有咬口，好正！創意午餐肉菜甫餃(半份 $42)有驚喜👀好香口又juicy，夾埋爽脆菜甫麻甩味100，好好食😍巧手韮菜餃(半份 $43)好有家的味道，調味啱啱好👍🏻重頭戲火鍋撚御用手切肥牛(大 $377)雪花勁靚、厚薄適中、肥瘦相間，烚8秒就perfect池～黃沙靚豬潤(半份 $36)厚切大大塊，食落新鮮無渣👍🏻大魚大肉當然啤啤佢，Erdinger 平時少見啲，飲完gur哂🍺再叫碟皇帝菜(半份 $30)，新鮮又翠綠，解下膩啱哂😋最後仲送創意腐竹雞蛋沙冰，好得意！腐竹味好香！畫上完美句號👍🏻…Read More

星期三和朋友放工，到太子吃雞煲聊聊天好彩有book位，去到即刻有得入，見到都幾full，我哋上咗2樓嘅地方因為我唔係好食得辣，所以我哋揀咗🥢花雕醉雞鍋，侍應都非常細心，提我地要水滾先可以落雞件，雞件普遍都大件，熟咗之後食落都非常Juicy同埋嫩口，有淡淡的花雕味🤤醬料方面都幾齊👍🏻👍🏻👍🏻🥢安格斯牛肉，非常好味，脂肪分布都好平均同靚，而且好重牛味，牛脂味都香，下次一定會再叫🤩同埋火鍋放題有🥢刺身超級吸引，我哋叫咗🥢三文魚🥢馬刀貝同🥢甜蝦，馬刀貝都幾出色，我哋都叫咗2round 吃🤤🤤🥢脆肉鯇好出色，好脆而且好新鮮❤️🏆🥢黑豚腩片非常厚切，連住少少豬皮，咬落個口感好好，一舊裏面有晒瘦肉肥肉好正❤️🥢薯粉係粗條嘅，係我鍾意食嘅薯粉類型，可能下次叫個重口味嘅湯底會夾啲🥰🥢炸魚皮，可能係新鮮炸嘅，超級脆，好好味另外我哋叫咗三款小食🥢黃金饅頭，其實係炸嘅白饅頭，點埋煉奶好夾，正常發揮🥢川汁皮蛋，少少辣，不過食下火鍋熱野，又食啲凍野都可以過下口癮🥢陳醋木耳，正常發揮…Read More

🫔台式蔥油芝士肉鬆煎蛋餅朋友堅持要試試，果然好味！😚蛋餅上面有滿滿的柴魚片，蛋餅非常酥脆，芝士和肉鬆是很好的組合，一口吃下來也不會太膩！😋👑🍳和風爆芝玉子燒❤️❤️❤️❤️這個是我超級想吃的，上面有超多柴魚片和沙律醬，夾起仲會有芝士拉絲，好有罪惡感，不過超滿足！分量好多，有差不多6舊，好抵食🧀🥦白汁芝士焗西蘭花分量不是很多，正常發揮👌🏻主食方面，我揀了🥩重量級西冷牛扒，配上🥗沙律，其實可以選白飯、意粉和薯菜的，不過我已經吃了上面的小食，很驚喜還可以要求熟度，我就叫左 5成， 蒜蓉汁。上菜用鐵板上，附有小紙圈，防止彈汁，最期待把醬汁倒上鐵板的磁磁聲，超香！牛扒切開是粉色的五成肉剛剛好，肉汁滿滿！口感軟腍，都有牛味👍🏻🤩朋友選了🍗法國烤串上春雞，真的是用串上的，吃的時候要用上手比較方便，或者整隻放上碟切。肉質好嫩👍🏻，不是乾柴的肉質，外面的皮烤得剛剛好，不會太乾，而且都幾大隻，抵食！😍肉醬意粉正常！…Read More

同朋友去佢大學時期食過嘅雞煲，落咗巴士行5分鐘就到，位置都幾方便❤️我哋差不多七點就到了，店員非常熱情🙆🏻‍♀️咁招呼我哋坐低，眼見都仲有三四張空枱，不過坐多一陣都已經full晒啦😂我同朋友都唔食得辣，所以我哋嗌左🥢蔥油雞煲，店員好好服侍，成日都過嚟睇我哋會唔會煮得太熟雞件全部都好新鮮，而且好入味， 份量嚟講都算多，我哋食完都已經飽咗一半好欣賞雞煲裏面嘅洋蔥同埋⭐️薯仔，洋蔥好香，薯仔煮得好夠腍同入味👍🏻👍🏻👍🏻🤩朋友推薦⭐️即炸響鈴，店員好好，知道我哋唔係食到好多嘢，主動俾半份響鈴，仲推介我哋一舊可以即食，令一舊就可以打邊爐浸落湯底食，就可以食到兩種風味。超級香口🤩另外我哋嗌咗小份的🥢手切安格斯牛，比較有牛味👍🏻👍🏻，而且厚啲，其實佢本身任食嘅肥牛都唔錯，只係會比較薄同埋冇咁有牛味👌🏻👌🏻另外我哋都試咗佢哋嘅🥢自家製餃子，好可惜我哋真係太飽，所以只係試咗一隻，但係都好好味超級滿足，因為佢竟然有🥢紅薯粉可以揀，我同朋友都食咗兩大碗整體環境夠冷氣，唔會趕你走，而且價錢好抵，火鍋料同嘢飲都任食，佢都有幾多火鍋配料可以提供，性價比好高都睇得出應該幾爆，因為夏天咁熱，都仲有人肯坐喺出面食雞煲😂…Read More

同朋友7:30嚟到，等咗大概10分鐘，就已經有位啦❤️等位嘅時間可以睇咗想食咩先，一有位就可以即刻落單店員都好好，落完單即刻已經俾咗跟餐嘅茶同埋沙律我哋😌🥢銀鮨角切丼睇落雖然唔係好大碗，但其實識落都好多，我同朋友一人一半都食唔晒，粒粒嘅份量好多啊，飯食晒都仲有少少粒粒🥢京都卷一份有六嚿，仲有少少酸薑喺隔離，可以解膩每一舊都有三文魚炸蝦同埋芝士，三文魚上面仲有少少蟹子。雖然睇落細細舊但係食落都非常滿足，同埋飽肚三樣嘢夾埋一齊都好和諧🥢三文魚腩刺身每一嚿都係厚切，食落好肥美，油脂味都夠🥢銀鮨玉子燒一疊有五舊，每一件蛋上面都有蟹子粒粒都幾有蛋香，形狀係長既價錢OK，份量比想像中多，都幾飽肚…Read More

同朋友放工喺旺角見面見到呢間都有啲人等位，應該好好食，我哋等咗一陣就可以入啦，都幾好彩入邊個裝修都幾有特色，我同朋友坐二人枱，有少少迫不過都OK👍🏻我哋一人嗌咗一碗烏冬同埋嗌咗個🥢牛舌牛舌超級厚切，而且燒得好好味，唔會好油膩，超級有牛味❤️👍🏻👍🏻朋友叫咗🥢黑松露香菇湯烏冬配照燒雞扒個湯一上到嚟真係超級滾熱辣，仲有好大pat黑松露醬喺度,個湯飲落好creamy和濃郁，菇味都好香，呢個湯食落好有西式意粉嘅味道，不過都好match雞扒都幾大嚿，而且多汁🤩🤩我就叫咗🥢魚芥豬骨濃湯，係傳統日式拉麵嘅味道，另外我揀咗鰻魚魚湯都係一樣好濃，襯埋烏冬食真係好有日式嘅感覺，湯上面仲有少少櫻花蝦同鳴門卷鰻魚超級大條， $100來講性價比真係好高！🤤食晒個烏冬都未食晒鰻魚另外我仲叫咗一個🥢溫泉蛋配落個烏冬度，蛋汁流晒出嚟配烏冬好正🤩🤩食到最後，店員仲送咗一粒甜品俾我哋抵食，又好味，性價比好高。而且地點位置好方便，一定會再嚟…Read More

地點不算超級方便，不過勝在一啲都唔迫，為同位之間嘅距離都多，唔會聽到隔離位講咩朋友遲咗放工，我都等咗佢一陣，叫咗嘢食先🥢香煎美國安格斯牛肩膀扒叫咗五成熟，煎得剛剛好，咬落都好多肉汁，超級好味配菜有啲黃燈籠椒、蘿蔔同埋翠玉瓜👍🏻最好味係個薯蓉，牛油味超香，忍唔住食晒❤️❤️❤️🥢自選醬料酥炸雞翼雞翼嘅份量好多，我同朋友其實都食唔晒，我哋揀咗鹹蛋黃味，每一隻雞翼都有滿滿嘅鹹蛋包住🥢冬陰功海蝦闊條麵呢個意粉好味到喺我預期之外❤️🤩首先個賣相已經好靚，有一啲花花喺上面做裝飾成碟意粉有四隻大蝦，口感好彈牙醬汁真係冇得輸，酸酸同埋泰國香料味超級開胃，有一個青檸可以整啲汁上去，而且闊條麵好彈牙，我同朋友都讚不絕口，勁快成碟就食晒啦👍🏻…Read More

抵食大件壽司🥢阿根廷赤蝦做緊推廣，只係$9 1隻，但係超級大隻食落都超級鮮甜，超抵食，好想再叫🥢時令生蠔生蠔都係好平，所以同朋友一人叫咗一隻識落一啲腥味都冇，有埋檸檬汁👍🏻🥢左口魚裙邊壽司好有元朗國其中一間日本餐廳嘅感覺，超級大件左口魚好新鮮，不過如果係炙燒嘅話會更好🥢三文魚軟殼蟹飯卷六件一嚿好似拳頭咁大件，真係冇誇張食一件已經feel到飽嘅感覺🤣雖然大嚿，但一啲都唔雅夫，每粒飯都黐住一啲細細粒嘅蟹子子，中間仲夾住左啲青瓜同紫菜，呢啲蔬菜中和下軟殼蟹炸得好酥脆！❤️🥢日式海鮮烏冬鍋豬骨湯底烏冬都幾彈牙，而且擺盤幾靚，有超過三隻蝦、金菇、冬菇、名門卷、仲有青口咁多凍嘢，都係想飲啲湯暖胃🥢極上三文魚雪花腩超級肥美，每一件都見到好多白色嘅魚油喺上面，香濃🥢鹽燒牛舌串頭先超級厚切，而且好有牛香，上面有少少鹽同黑椒🥢明太子雞翼睇落唔係好大隻，不過咬開入邊全部都係滿滿嘅明太子，配埋啤酒食一流張枱超級大，店員都服務態度幾好不過地點同地鐵站有少少距離…Read More

🍜紅燒牛肉牛筋面湯都超級濃，麵嘅上面仲有好多配菜紅燒牛肉就咁睇都有超過五嚿，睇落筋肉分明，食落都超級軟腍，牛肉味好重牛筋嘅部份問得超級腍，係滿滿骨膠原嘅感覺關廟麵係粗麵的，食落非常之彈牙我覺得最緊要係一定要試佢嘅辣醬，真係超級好味，有啲打邊爐辣醬嘅感覺辣醬是自家製的可以買返屋企試試添啊要關廟麵要加$3！🥤芝士岩鹽奶蓋四季春清茶🥤芝士岩鹽奶蓋烏龍茶芝士岩鹽奶蓋超級濃厚，而且份量非常多，飲咗半杯都仲係飲到奶蓋👍🏻不過就冇得走甜啦鹽酥雞分量正常，新鮮炸出上枱，非常熱辣辣肉質偏硬，炸粉條味好好，雞味好濃，真係好有台灣夜市食嘅感覺芝士玉米蛋餅蛋同埋芝士非常多，一啲都唔吝嗇而且蛋餅真係有煙韌嘅感覺，我覺得係出面食係好少有嘅總結，位置非常方便，雖然平日去都好多人排隊，不過旺角側邊有咁多嘢行，所以等耐啲都冇所謂而且呢個味道呢個價錢，要等位都好抵下次會想試吓買吓佢啲周邊返屋企試…Read More

平日晚上和朋友去行街，晚上朋友揀左呢問餐廳，位置都幾方便，地鐵出口行過去1分鐘咋！🍗單骨蜜糖芥末雞翼價錢不貴，但分量十足而且每一隻雞翼都沾有好多醬汁，食落好夠味，食落都有啲酸酸甜甜，唔會好膩口🍟脆薯格配泰式辣醬、酸忌廉好少見到有酸忌廉呢個配搭喇所以我哋叫咗，份量超級多，成個木砧板咁多，個碟有幾大，薯格就有幾多🤣🤣果然我哋又眼闊肚刷嗌多咗🍝白菌、煙腩肉、溫泉蛋芝士汁鮮蛋意大利麵我本身睇唔到呢個意大利麵係新鮮做嘅，呢個價錢來講食到新鮮做嘅真係好唔錯個樣睇落有啲似伊麵，食落都幾彈牙👍🏻醬汁好足夠，唔會食到一半唔夠汁好乾咁🤩加埋溫泉蛋嘅蛋汁真係冇得頂👍🏻🍗黑松露雜菌春雞燴意大利飯我哋仲叫咗一個小春雞，冇諗到佢上碟兩隻雞都好大件，食落啲雞肉都仲好多肉汁，唔會好柴嘅口感，好好味飯嘅份量偏多，不過我哋真係嗌得太多嘢食喇，所以食唔晒，味道係正常發揮嘅👌🏻👌🏻🍑白桃白茶我叫咗一杯嘢飲，用鼻聞好鄉土味，飲落就茶味多啲👍🏻👍🏻七點幾到，都差不多九成滿了，好彩我哋入得快，店員都好友善👍🏻我哋見到仲有人排隊所以就冇留低傾偈好耐啦，下次都會想嚟食，因為性價比好高。我哋其實仲有啲甜品想試，但因為太飽冇叫囉，下次會想試吓🤪…Read More

平日晚上去不太多人，店員非常細心，安排了我們坐下後， 馬上介紹如何落單和熱水樽。我朋友都不太肚餓，所以每人叫了一個主食和兩件壽司🍣三文魚壽司油脂分布好平均，首先飯不是平常的醋飯，是由顏色的，味道很好😻🍣穴子壽司其實就是長版的鰻魚壽司，醬汁非常好味，不會太甜，鰻魚的口感也很好，不是那種放了很久很軟爛的口感👍🏻👍🏻🍚三文魚親子丼生物乳粒黃生物魚子的份量都很多，空口吃了很多粒，也還是足夠配飯，沒有腥味👍🏻飯嘅份量都幾多🍲秘製豚肉湯烏冬豚肉不油膩幾清爽，口感係普通叉燒湯頭都清爽，不會飲完好口渴烏冬是彈牙的，浸咗好耐食都仲係好彈牙👍🏻座位坐得好舒服，而且人不太多，點都唔會趕你走，可以傾偈傾好耐👍🏻👍🏻❤️…Read More

平日差唔多1點鐘去到門口，等咗5分鐘都冇就可以入去喇呢間譚仔都幾大，入到去都接近滿座，其實附近都有啲人係叫咗嘢食等緊，都聽到有啲人喺度催叫咗嘢食差唔多10分鐘佢先拎張單嚟🥲落咗單大概15分鐘到，嘢飲同埋皮蛋已經到了，皮蛋都係發揮正常👌🏻👌🏻咁我同同事諗住午餐時間多人都正常嘅，就諗住等多陣，過咗20分鐘到，我哋決定催一催單，侍應姐姐話而家午餐時間等20分鐘係正常嘅，你哋等吓啦， 我哋都明白所以就等多一陣過多10分鐘，我哋都再問多次位姐姐係咪正常㗎，我哋等咗30分鐘啦喎，佢就攞走咗我哋張單去check再過多10分鐘，佢就拎住張單嚟話已經整緊㗎啦好快上得，我見到有啲遲過我哋嘅人都已經有嘢食🥲🥲🥲最後我同同事等咗九個字碗嘢先黎，食到谷鬼氣碗嘢味道正常，但我太肚餓冇影呀！😡😡😡同埋來回譚仔嘅時間🤡🤡下次一定唔會嚟啊！…Read More

星期四夜晚7點半先到鋪頭，已經有人等緊位了，好彩我哋等左10分鐘度就入得❤️🍝松露啡菇雞胸闊條麵份量非常足夠，雞胸都好嫩👍🏻闊條麵嘅感覺非常彈牙，食落口感似係新鮮嘅闊條麵😍呢個價錢都真係好抵，醬汁啱啱好食晒成碟麵，唔會好膩🍳賓尼迪蛋有好多配菜：牛油果、醋撈沙律菜、德國腸、煙三文魚個蛋做得啱啱好，半留心蛋，蛋汁點嗰個包超好味😍😍🍟脆炸粗直薯條配松露蛋黃醬係冇得輸嘅組合👍🏻👍🏻薯條好好味，去邊一間餐廳都會忍唔住嗌🤣🥦🧀香濃芝士焗西蘭花上面仲有啲火箭菜，每一粒西蘭花都有好多芝士黐住，食每一啖都好滿足🍰海鹽焦糖芝士餅好甜，你話想像中有焦糖皮，不過都好香焦糖味👌🏻👌🏻…Read More