foodhealmysoul的个人专页

呢間餐廳之前已經聽朋友介紹過話好好食而且仲好多人排隊，於是星期6嘅1早就出發嚟元朗，向佢未開鋪前已經排隊等食。今次就決定散叫嘢食冇叫到lunch set，不過留意到隔離枱叫嘅lunch set都大大碟而且仲好香，下次有機會會再嚟試過。碎肉生菜包 - 食泰國菜必點，仲要叫左多辣，估唔到做到想要嘅辣度，而且口感層次非常豐富，肉碎唔會炒得太乾身，必食！！！炭燒豬頸肉 - 一上枱已經聞到勁香，咬落仲好juicy，而且燒到好香口，心機之作！！！黃金手打蝦餅 - 蝦餅非常厚身，好有咬口而且彈牙。椰子雪糕杯 - 椰子肉好鮮甜，配搭埋花生同粟米粒，口感非常豐富，夏天必食！！！下次再嚟會想試埋芒果糯米飯。…查看更多

呢間點心店距離地鐵站大概幾分鐘路程，非常之方便，成功吸引到熱愛點心嘅我。得獎蝦餃之王 - 36蚊有4粒大大隻蝦餃，必食推薦！！皮勁薄又滑，入面隻蝦都好大隻。灌湯小籠包 - 超級爆汁，朋友爆汁爆到成枱都係，所以要小心食，肉汁非常鮮甜，皮唔會太厚，讚！！蜜汁叉燒腸 - 好欣賞佢嘅豉油係會另外擺，腸粉非常嫰滑，叉燒份量亦都十足。千島醬脆皮蘿蔔糕 - 個外皮做到好脆，蘿蔔糕原來都幾夾千島醬，幾有驚喜。臘味蒸飯 - 臘味非常香，份量都夠兩個人分享。蟲草花木瓜燉豬骨 - 太喜歡飲湯嘅關係，最後要試埋個燉湯，木瓜非常清甜，飲落好舒服。…查看更多

salted pig其實都有幾間分店，今次揀左近海邊嘅蘇豪東分店，方便食完飯可以去散散步。我地今次揀左1個dinner set同慢煮脆皮豬腩。墨西哥粟米片 - 粟米片配牛油果醬非常夾曼哈頓海鮮雜燴 - 蕃茄醬汁鮮甜，海鮮亦都非常多，蜆肉亦都非常清甜。百利甜酒朱古力慕絲 - 酒味非常濃郁，中和朱古力嘅甜味。慢煮脆皮豬腩 - 極力推薦，豬皮十分脆，配香辣醋汁感覺平衡左膩嘅感覺，配菜薯仔沙律食落好清爽。朋友叫左杯elderflower highball，酒味唔算太濃所以好容易入口。餐廳環境非常舒適，好岩一班朋友嚟聚會傾計值得一讚店員們都好細心留意客人嘅需要。埋單嘅時候更加發現原來星期二係任食牛扒薯條嘅promotion,下次一定要嚟試試。…查看更多

呢間韓國餐廳向正諾士佛臺樓上，好容易搵，而且平日係開到凌晨三點，岩哂向樓下happyhour完又想搵嘢食再續攤嘅朋友。 上次食過醬油蟹已經覺得好好食，今次朋友話想食韓國菜就諗起呢到，仲要岩岩好星期一有8折優惠。 今次就叫左韓式豬仔腳 - 份量非常大，而且豬腳非常入味，完全唔使用醬都已經好夠味，另外會提供生菜可以包起一齊食。好鐘意試韓國湯嘅我，今次揀左大豆芽湯，滿滿嘅芽菜再加柴魚同青口，非常鮮甜。 店員亦都好細心見湯就快見底會幫我地再加。不得不提佢地嘅前菜有6小碟，每一款都好好食，最愛嘅泡菜醃製得剛剛好。下次要再嚟試埋其他嘢食。…查看更多

呢間向荃灣已經屹立左幾年嘅台式餐廳，每次食飯時間都會見到長長嘅人龍，所以呢日同男朋友慕名嚟到試試。藥燉排骨套餐 - 湯嘅味道藥膳味唔算太重，飲落好順口，排骨都燉得好入味，滷肉飯嘅油味好香，而且豬肉肥瘦適中，每啖都好滿足。花雕麻油雞麵 - 冬天去台灣一定會食嘅麵，因為食完成個人會暖哂好舒服，台蔡嘅麻油雞麵唔算太重花雕味，所以飲落更加順口。涼拌黃金木耳 - 大讚，向台灣最愛食嘅黃金泡菜，竟然向香港可以食到一模一樣口味嘅黃金醬汁，喜歡甜中帶微微辣口味嘅，一定要試試。肉鬆起司蛋餅 - 佢嘅餅皮係比較厚身少少但咁先更加食到脆口嘅感覺，裡面嘅芝士仲可以做到拉絲效果，讚。鹽酥雞 - 雞肉非常嫰滑，炸得剛剛好，非常酥脆。…查看更多

之前lunch向灣仔分店已經食過一次覺得水冷麵非常正宗，今日放假黎到石門呢邊決定要試下食燒肉。食韓國菜點少得前菜，鵪鶉蛋好好味！今次點左烤豬肉套餐，生醃醬油蟹再加飯糰，兩個人食係非常滿足！！！！先講烤豬肉套餐佢係五花肉同豬頸肉，五花肉完全係好滿足到喜歡食肉嘅我，燒到少少脆身，每啖都係油脂嘅感覺，配埋生菜食，又唔會太油膩，讚！！而豬頸肉口感好爽口。生醃醬油蟹都幾大隻，裡面好多蟹膏，而且好入味但唔會過咸，好食！！飯糰帶有麻香味加埋紫菜同芝麻好香口。…查看更多

同朋友揀左好多間omakase,最後決定嚟鮨逸食,因為好少可見到25品嘅menu,完全係大滿足。沖繩水雲- 連埋蟹肉一齊食，好清新嘅感覺北海道鮟鱇魚肝 - 入口即溶而且完全唔腥北海道汁煮螺肉 - 螺肉好入味真鯛魚海膽豆腐 北海道粒貝 - 爽脆清甜北寄貝 - 厚肉鮮甜龍蝦刺身 - 師傅即場向魚缸捉出嚟然後處理，龍蝦上枱時仲會郁，非常新鮮。縞参 配檸檬汁食用好鮮甜赤貝 八角魚 - 第一次食，油脂味濃好好食。蟹膏豆腐蟹肉配德國黑魚子 - 賣相已經好吸引，一啖放入口，口感好有層次。北海道牡丹蝦 - 蝦膏鮮味小長井真蠔 - 肉身飽滿，口感清爽，讚！！！鰤魚 - 鮮甜而且入口即溶金目鯛 - 滿口魚油嘅感覺，大愛白見貝 - 爽口彈牙喜知次 - 輕燒魚身，食落有魚油味但唔會腥赤身醬油海膽 - 海膽味濃郁紫海膽配天婦羅紫菜 - 配天婦羅食用口感更加豐富，是日最愛嘅海膽配搭磯煮鮑魚 - 非常入味金鯛松粒燒 - 高溫熱油炸過，所以外皮好香脆配埋海苔汁食用。松葉蟹壽司 - 配紫蘇葉天婦羅，又係意想不到嘅配搭拖羅手卷 - 是日最愛，入口即溶，上面嘅脆脆令整體感覺更昇華白海膽鱈魚乾配淡雪鹽 - 配左淡雪鹽令海膽味道更突出玉子布甸 龍蝦頭舞茸菇清湯 - 用新鮮龍蝦頭煮非常鮮甜椰子雪糕 - 為呢餐劃上完美句號…查看更多

呢晚放工要向觀塘附近上堂，所以突登搵左間清湯腩快食。呢間清湯腩向九龍都有幾間分店，經過都見到幾多人食，應該都係信心保証。今晚同朋友叫左一個崩沙腩河粉同淨菜肉雲吞加多份腩汁蘿蔔share嚟食，估唔到河粉嘅份量都十足，而崩沙腩肥瘦適中，唔會太油膩，不得不提佢嘅辣椒醬，配埋佢嘅辣醬食真係不得了，愛食辣嘅朋友唔可以錯過。菜肉雲吞都有好多粒，皮薄而且非常足料，啖啖肉好滿足。而腩汁蘿蔔非常鮮甜，可以一試。最估唔到嘅佢嘅熱奶茶，茶味濃郁，如果偏好比較茶感嘅，一定要試試。整體感覺非常良好，下次可以再試埋坑腩。…查看更多

呢日同男朋友收工嚟到船街呢頭覓食，估唔到巷仔最入面會有呢間咁令我地驚豔嘅餐廳。香煎章魚鬚 - 一上枱已經聞到香噴噴，燒得好香，而且咬落唔會過韌，配埋魚籽食有少少咸香，而醬汁方面問左店員原來係用百珍甜醋調配出嚟，同羽衣甘藍嘅味道平衡返，完全驚喜！！！21天熟成厚切豬扒 - 好厚身嘅豬扒食落啖啖肉，好滿足而且肉質好嫩滑，而配菜都一啲都唔遜色，菇類都煎到好香。特色卡邦尼意粉 - 呢個意粉好特別，平時卡邦尼係用煙肉同白汁去煮，但呢到嘅卡邦尼係用臘肉同蛋黃醬去整，咸香味更加突出。飲品方面叫左兩杯Fruity Mojito，好清新嘅感覺，為呢餐畫上一個完美句號。…查看更多

朋友極力推薦呢間蝦拉麵店，而且我地又係海鮮愛好者，於是星期五晚上就嚟到試一試佢。去到已經見到大概十個人左右排緊隊，不過都只係等左大概20分鍾左右就可以入座，排隊嘅時候店員已經比餐單我地點菜，所以入座之後大概5分鍾已經有得食，可惜是日精選同蛋已經賣完。麵款方面佢可以揀刀削麵或者拉麵，同朋友各點左一款，個人比較喜歡刀削麵因為比較掛汁同埋口感好煙韌，湯底濃郁而且加左櫻花蝦，食落更加香口，每個拉麵都會配有三隻蝦，蝦肉非常結實而且已經去殼，啖啖肉非常滿足，再另外追加左1份蠔，好大隻而且完全唔腥，極力推薦。…查看更多

呢間餃子店都有好多分店，本身公司附近都有一間，不過每次午飯時間都一定大排長龍，今晚難得嚟到上環附近又見到佢冇人排，於是就入左去食，不過都係要搭枱，睇嚟呢間餃子店都似乎幾好食咁。眼見大部分嘅客人都食湯餃，不過我本人比較喜歡食煎餃，於是就叫左香煎芝心餃10隻再加一碗狀元九鼎湯。芝心餃煎得好香脆但又唔會太油膩，入面有滿滿嘅芝士同粟米，一啖一滿足，佢嘅芝士好好食，值得一讚！！不過湯就比較淡味，而且冇湯料，感覺好一般。…查看更多

身為愛食內臟嘅我搵到呢間居酎屋係十分之開心，呢到有出面好難見到嘅牛心牛骨髓一啲唔普遍嘅牛內臟之餘，仲要可以燒得剛剛好唔會過韌或者太生，配埋佢地祕製嘅麵豉醬，呢個醬個人非常欣賞！！！！而且環境亦都好舒適，同朋友傾計飲兩杯都好適合，店內仲要有佢地自家釀製嘅酒，店員都好熱心推薦食物，令到每個客人都有賓至如歸嘅感覺。部分串燒仲做緊$34兩串。特別推薦牛骨髓-配辣嘅羅白蓉同酸汁再加上嚟自日本嘅芽蔥，口感非常好雞肝-燒到剛剛好而且好juicy牛小腸-皮非常脆口感一流橫格肌set- 有4種口味，特別喜歡黑燒，濃濃嘅芝麻味，讚！！咸牛肉飯團- 好香脆，有煲仔飯焦嘅感覺，值得一試。…查看更多

一直都好鍾意食台灣牛肉麵同蛋餅嘅我，今日終於有機會可以食到阿木啦。蕃茄牛肉麵 - 牛肉大大塊，蕃茄湯底非常香濃開胃，忍唔住飲左好多啖湯，麵亦煮得岩岩好唔會過淋。紅燒牛肉新竹米粉 - 牛肉都係煮得岩岩好肉質夠腍，而米粉完全吸哂湯底嘅味道，朋友完全係讚好。台灣腸便當.肉燥飯 - 台灣腸切片加蒜食用，完全係台灣嘅感覺，肉燥肥瘦適中而且份量都多，混埋醬汁每啖飯都食到肉嘅口感。肉鬆芝士蛋餅 - 最後再叫左個蛋餅同朋友們一齊分享，餅皮夠薄而且有蛋香，滿滿嘅肉鬆加上半流心嘅芝士，完全係大滿足。…查看更多

店內有兩邊嘅bar枱，空間都好大，如果想坐bar枱欣賞師傅廚藝記住一定要訂位啦。時令沙律 . 茶碗蒸 - 作為前菜十分之開胃，第一次食到蓮芋呢種日本蔬菜，口感好特別，店員仲好詳細咁介紹蓮芋比我地知道，相當專業！！！虎蝦.銀鱈魚 - 蝦肉彈牙，鮮蝦做出嚟嘅醬汁完全係精華，令到成件事更錦上添花，銀鱈魚煎得皮脆肉香，好食。南非鮑魚 - 鮑魚同內臟煎得剛剛好，配上海苔蟹肉汁鮮味更加出，用紅綠色海藻作伴碟，視覺效果更吸引。鵝肝 - 配上脆脆嘅多士再加上自家制黑醋，鵝肝肥美，滿口都是油脂，完全大滿足。A5和牛薄燒. 野菜 - 和牛嘅油脂好平均，入面包住滿滿嘅香蔥再加上佢地自家制嘅炸蒜片，輕輕沾上少量竹鹽，口感層次完全昇華。蟹肉炒飯. 麵豉湯 - 飯粒分明夠乾身，麵豉湯濃郁暖胃又解膩。最後甜品加$49轉做火焰梳乎厘雪糕，儀式感滿滿，梨味雪糕少少酸中和返紅豆嘅甜味，梳乎厘柔軟，滿足感十足。消費滿$1500仲會有3選1嘅優惠，而今次我地就揀左全單9折嘅優惠，仲更加抵。…查看更多

身為蕨餅愛好者，點可以錯過日本過江龍甘味處鎌倉，之前已經向銅鑼灣希慎分店買過一盒蕨餅食，食過真係返唔到轉頭。今次同屋企人行屯門市廣場就終於可以坐定定食啦，我地叫左兩個刨冰，一個生檸檬刨冰，比想像中冇咁酸每一啖都好清新感覺，而生番茄刨冰有少少酸酸甜甜感覺，好開胃，比想像中出色。另外再叫左期間限定嘅伯爵紅茶檸檬蕨餅，佢上面有個檸檬味雪葩，而且蕨餅嘅口感煙煙韌韌，飲落超舒服。仲有抹茶檸檬蕨餅，佢嘅抹茶偏濃，所以更加突出檸檬味嘅小清新。估唔到最近原來沙田新城市都開埋分店，以後連返工都可以繼續食啦。…查看更多