meow0522的个人专页

收工後係天后炮台山蜆殼街到發現一間隱世高級拉麵店，店外裝潢特別，有種神秘感吸引我和同事決定入內一嘗。進入店舖後，映入眼簾的是一張別有特色日式的長拉麵bar枱，防疫措施亦非常齊全，讓人感覺安全又不失格調。 店內裝修以黑色木質製造為基調，金鶴嘅圖案作為裝飾，燈光配合下，營造出豪華又精緻的感覺，十分舒適。 餐廳店員服務周到，態度禮貌，熱心推薦店內人氣美食，我和友人分别選擇了金鶴雞白湯拉麵和慢煮雞胸肉飯。 雞白湯的湯底蘊含著雞肉本身的鮮味，十分濃香，加上兩片肥瘦均勻的叉燒和嫩滑的雞胸肉，配菜高質且分量十足，麵既質地軟硬適中，最後放上炸牛蒡作為點綴，令人食慾大增。整體而言，不論拉麵的湯底，配菜，用料和味度都十分岀色。 友人的慢煮雞胸肉飯亦非常驚喜，精緻的盒裝佈滿兩層鮮嫩的雞胸肉，加上各種配菜點綴和醬汁搭配，配上一口日本珍珠米，令人回味無窮。套餐配有小食一份，炸雞配上海鹽，口感豐富 最後當然不能錯過串燒的部分，我們嘗了明太子雞翼、黑豚肉串及日本多春魚，全部即場燒製，香味四溢。雞翼去骨再釀入明太子，可見背後心思和工夫，入口帶有一點芝士香濃配上明太子口感，十分難忘。最後喝上一口日本麥茶，豐富的味覺饗宴以清新的感覺作結，金鶴拉麵絕對需要encore！…查看更多

今日約左fd喺銅鑼灣飲茶, 去左成條街都係食肆嘅登龍街, 原來我都去過li度食野😂, 鐘意樓底夠高坐得又舒服, 飲茶梗係剔點心紙.🥢川味白肉粉皮 (HKD78)鐘意食川式辣嘅我地第一眼就睇到li個餸了! 一條條透明薄薄嘅粉皮+好多塊薄切腩肉, 稍為撈一撈個醬同腩肉粉皮, 每啖都充滿四川風辣味超正!! 而且辣椒🌶️粉/籽加多份口感添.🥢子薑牛肉球 (HKD28)好抵食, 一籠三粒牛肉球好大粒, 當中嘅馬蹄粒食落勁爽口, 面頭鋪左好幾件子薑非常開胃呢.🥢帶子鳳眼餃 (HKD38)掛住影相📸️因為好靚, 薄薄嘅餃皮包滿啖啖蝦肉同帶子切粒勁足料.🥢鐵板牛仔骨 (HKD36)黎到時鐵板仲係吱吱響! 以紫洋蔥同辣椒墊底, 牛仔骨食落牛味好重, 而且好易咬開無筋, 好味好味.🥢秘制醬油抄手 (HKD48)紅油抄手皮勁薄, 充滿豬肉餡, 店家秘制嘅醬汁辣辣地又有層次, 好有上海鋪食開嗰種風味, 一碟有6粒唔使爭🤣.🥢蘋果流沙包 (HKD42)青蘋果🍏造型嘅流沙包, 包身軟綿綿, 一咬只見金黃流沙餡, 雖然佢喺醎食未黎齊時已拎到, 個包面俾我地攤到之後凍左先食, 但仍然流心, 帶小朋友黎一定要嗌黎食呢.🥢鮮蝦芋絲餅 (HKD38)芋絲餅如果只有芋絲同粉漿煎起可能會比較滯, li個芋絲餅夾左一隻鮮蝦, 所以多一樣口感之餘仲Light好多添, 由於芋絲切得夠幼細所以新鮮煎起外層脆卜卜.🥢黑豚肉叉燒腸粉 (HKD48)無咁多肥膏嘅黑豚肉叉燒腸, 足料到夾起時啲叉燒肉要衝出黎啦!🥢平時同屋企人飲茶飲來飲去都係普茸壽味, li度有得飲好重麥香嘅蕎麥茶(茶HKD12@), 食緊嘅時候侍應們好勤力地加水同收碟, 同埋環境真心舒服, 下次再黎.…查看更多

東涌Citygate 有間蛋包飯餐廳新開張, 食early dinner不如喺度食個蛋包飯先搭S1.>韓式厚蛋三文治個蛋非常厚身勁吸like呀!! 微辣芥末醬味道適中同煎厚蛋好夾, 下午茶淨食li款三文治🥪真係有夠飽肚der🐷.>招牌牛肉汁蛋包飯勁多韓式牛肉汁包圍整個蛋包飯, 一切開啲蛋漿流哂出黎完全蓋哂炒飯🤩超juicy, 牛肉其實係一條連骨嘅tender牛柳, 店家自製嘅牛汁食味道好豐富.>炖牛筋骨飯朋友嘅燉飯都唔錯, 牛筋骨炆得腍身, 而且係一咬啲肉勁易離骨, 係平時韓式料理最常採肉質腍軟嘅部位. 冬菇薯蔔都入哂味, 珍珠米份量勁多呢! > 玫瑰鮮奶咖啡☕️好香玫瑰味x咖啡香, 奶泡打得厚厚的👍🏻.>法式焦糖燉蛋鮮奶咖啡☕️面頭充滿焦糖香氣, texture更似震騰騰嘅燉蛋, 甜度十分適中好易入口, 推介!!!! …查看更多

銅鑼灣Sogo後面有棟新開嘅商廈, 地面對街同Basement開左好多間特別嘅餐廳, 今日落去見唯一坐滿成場嘅Veggie One, 感覺擺脫一般素食嘅土味, 平日Lunch 75分鐘都只係HKD78加一, 入面嘅裝修好清新呀.>一如門口張卡片所講, li度嘅食物+甜品有超過60款之多. 第一時間斟杯野飲先: 凍豆漿, 青檸水, 羅漢果水, 紅菜頭檸檬水All you can Drink! 個人喜愛豆漿濃濃豆味+調較適中嘅甜度👍🏻. 喜歡Detox嘅fd來杯紅菜頭檸檬水都話好飲.>放得密密麻麻但井井有條嘅美食, 就咁望唔覺好齋, 非常豐富! 👇🏻👇🏻🥢好味凍豆腐🥢手抓餅, 健康雲耳, 青瓜🥢正正子天婦羅🥢多款壽司🥢豆沙餅>第一round食壽司, 炒河, 多士: 壽司餡好豐富呢, 炒河唔會一碟油👏🏻, 薄薄多士又多料.>昆布烏冬非常有嚼勁, 燒菠蘿夠Juicy, 茄子🍆, 蓮藕, 雜菌天婦羅絕對要encore, 因為店員好快地密密拎新鮮整好嘅食物refill, 所以炸物係脆口嘅.>有d飽, 隨意揀啲家常小菜, 發現一粒粒蘿蔔糕超驚喜! 南瓜翠玉瓜各樣都十分鮮嫩, 成件事勁健康.>平時飲胡椒豬肚湯都係喜歡辣嗰種剌激同暖胃感. 我特別推介其中一款湯👉🏻白胡椒咸菜涼瓜, 事關飲完即刻暖胃感UP, 而且有唔苦嘅苦瓜After Taste. >下午茶2點半至4點半係最抵der, HKD68坐足個半鐘抵過坐cafe呢🤩.…查看更多

MOStown街坊價早餐基本上只有M記同KFC, 而M記每況愈下嘅衛生情況加上薯餅都可以淋上黎講, 自然幫襯常有coupon用嘅KFC, 食過幾次, 製作認真, 值回票價.>厚切午餐肉炒蛋芝士漢堡 (HKD19.5)用HKD2 e-coupon個餐20蚊都唔使. 雖然只係一個包加一杯飲品, 但咬第一口已經感覺用心製作: 包係軟熟口感嘅芝麻bun, 炒蛋鋪滿午餐肉而有厚度, 至於午餐肉當然無店外廣告版咁厚, 係正常厚度, 熱溶芝士係bonus.>飲熱奶茶多奶, 真係多原裝嘅奶, 而唔係M記嗰種加多一個奶仔就算, 唔會斟定哂, 入口還是熱的👍🏻.>Staff大部分係姨姨, 店內衛生各樣keep得好.…查看更多

上次收工黎SkyCity Marriott飲, 見到海鮮Buffet做到9月都想揾日落機黎食, 今日Happy Friday係時候了, 知道機場Staff weekday 有8折, weekend 85折嘅優惠更加要食餐勁der🤤. 由機場去酒店搭每每半個鐘一班嘅Free Shuttle勁方便.>就喺Lobby層嘅Sky Bistro入面勁大, 枱櫈又新淨, 食物presentation非常大陣象靚靚, 第一時間當然衝去食海鮮🦞: 海蝦, 瀨尿蝦, 翡翠螺, 長腳蟹, 藍青口, 波士頓龍蝦, 小龍蝦仲有生蠔. 🤤🤤近排食過幾個酒店buffet, 今晚嘅海鮮可以話係十分高質. 淨係瀨尿蝦同長腳蟹剪殼都剪到好忙, 當然唔小得encore波士頓龍蝦, 一拮起原隻龍蝦肉勁新鮮, 除左龍蝦之外, 小龍蝦都啖啖肉, 食海鮮都食飽. >牡丹蝦剌身實在太太太大隻了吧！>熱葷種類多到食唔唒, 蒸魚柳意想不到嫩滑, 邪惡嘅黃金蝦每一round都食, 熱食種類黎講佢嘅出菜率一定係最密🤫.>相比起各類海鮮, Rib Eye有小小失色. 長條印度米有啲薑黃配辣度十足咖哩好好味.>飲杯蘋果汁回一回氣, 係時候食甜品la🥰, mini brownie, 草莓熱情果松露蛋糕, 蕃石榴朱古力撻又靚甜味天然, 柚子桂花布甸好清甜, 最好玩梗係朱古力噴泉吧🤪. 最後整返杯哈根大師, 正! …查看更多

今個星期六去左將軍澳朋友囝囝嘅birthday P, 特登早d去shopping, 個Mall勁新有好多吸引嘅餐廳, Li間Moo Beef Cafe個menu好似好正, 店員好熱情咁邀請同介紹, 橫掂餓餓哋就去試下啦.>小食, 沙律, 主菜, 甜品到特飲都有好多選擇, 好多菜式都係未見過呢! 例如有牛頭包牛尾即係牛角包裏面有牛角湯, 安格斯牛扒三文治, 乳酪火焰雪山等等, 款款都好想食, 下次真係要同多啲人嚟先~>Moo 犇 (HKD128)佢係一個牛嘅拼盤, 三款牛嘅做法放在一起, 啱曬每款都想試嘅我, 首先係意大利炸飯糰, 美味嘅飯團裏面包住一啲牛肉粒, 外面有一啲麵包糠再拎去炸, 外面香口裏面溫暖. 中間係mini burger, 其實佢一啲都唔mini! 香脆嘅麵包中間夾住兩層手打牛肉, 兩片芝士, 另外有唔少嘅蔬菜類, 例如生菜, 蕃茄,洋蔥, 十分豐富!最後就係超好味嘅迷你威靈頓牛柳, 裏面嘅牛柳特登煮到七成熟, 牛肉味突出之如,仲一啲都唔"un", 酥皮層下面有一蘑菇醬為整健威靈頓牛柳提升不少層次!>見到佢雪櫃裏面有唔同種類嘅蛋糕, 十分吸引因為一陣我都要食生日蛋糕所以冇叫到~~>蝶豆檸檬莓莓梳打 (HKD38)呢兩年開始興起呢個蝶豆花, 遇上檸檬之後就會變成紫色, 顏色相當吸引, 好多時我都會叫呢個蝶豆花嘅飲品, 呢度仲要係有埋我鍾意嘅梳打飲品同埋有不同嘅莓類, 例如藍莓同士多啤梨, 感覺上非常健康.>對呢間新嘅餐廳印象非常良好, 食物飲品有水準之餘, 店員十分殷勤, 佢嘅裝修, 用具器皿都係 走young line, 相信可以吸引唔少後生囝囡去試試！…查看更多

同姨甥仔食飯, 首選一定係元氣, 因為有男孩子最鐘意嘅高速列車🚄. 睇黎我地已經漸漸習慣以電話scan QR code落單, 好似越黎越多餐廳都轉用, 係方便嘅, d野食好快送到🚅👍🏻.>原來li幾日堂食有”大滿足”系列壽司送呢🤩, 即刻”大滿足”幾件先. HKD10一件筋子同赤海蝦呀!!>太極麵- 原來係醬油撈麵, 有d辣味, 跟兩塊日式叉燒同烚蛋. >香辣呑拿魚卷 (HKD22)好多呑拿魚蓉, 都係辣ga! >日式海鮮燉蛋 (HKD20)>炸三文魚皮 (HKD19)>炙燒牛油熟帶子 (HKD17)>甜蝦蟹膏 (HKD19)>芥末榮螺 (HKD19)>軟殼蟹手卷 (HKD22)…查看更多

Quick lunch加上得一個, 唸都唔唸直接行落3gor, 一個位都唔使點等, 因為坐邊都得, 但有時真心佩服一張圓枱坐足8個嘅做法. 照舊: >雞肉•三小•小米線 (HKD34)唔係太肚餓的話小米線已經足夠, 加上一陣唸住去cafe飲野坐一坐. 麻辣三小辣度真心正! 一路食一路流汗💦, 食咁多次雞肉都keep到水準-多, 好味. 韮菜腐竹經常唔夠喉, 下次試下加多一個餸-腐竹睇下份量會唔會明顯好多先. HKD34實在係學生同埋慳家嘅恩物呢.…查看更多

陪老婆小同街坊聚, 難得約到大家落街食糖水, 實係現崇山樓下嗰間, 睇到車, 夠方便又乾淨, 中式甜品都特別. >紫醉金迷 (HKD38)芋圓, 燉蛋白, 雪燕, 椰汁底: 喜歡熱食糖水, 尤其燉蛋白咁滋潤, 椰汁🥥配燉蛋白超滑, 𠽌𠽌聲雪燕份量仲唔少添, 手工芋圓Q彈好味.>雪中送炭 (HKD38)芝麻湯圓, 燉蛋白, 清心丸, 椰汁底>麥提莎糯米糍 (HKD20)一碟6粒啱唒我地6個人share, 外面軟糯內裡脆脆麥提莎次次都order👍🏻.…查看更多

今日同朋友出去旺角食lunch👭，行兆萬中心見到呢間放題，有日又有韓，即刻就行入去試下.門口reception 個男仔都好有禮貌咁招呼我地入去卡位坐，環境幾好，又舒服。樓面哥哥仔擺低左張首輪刺身紙比我地，我地都拿拿林劃紙遞單，肚仔餓🙈。5,6分鐘左右，刺身已經到左啦，即刻試下食，刺身夠凍夠肥美，尤其係帶子👍🏻👍🏻好正喔！之後仲黎左個部隊鍋😍午餐肉好好味。熟食夠熱，炸物好正👍🏻我特別推薦炸紫薯波波，芝士波波等，呢啲炸物都整得好好味。拉麵🍜，黎到已經聞到好香，細細碗，味道不錯。總括來講，侍應服務態度幾好，剌身夠凍，熟食夠脆夠熱，臨走時，佢仲提我地食埋甜品同雪糕🍦❤️…查看更多

近排舊pokka個位開左間青悅·越泰料理, lunch一個飯/麵加飲品人均消費70-80幾蚊, 機場staff優惠免加一, 新裝修走簡潔路線, 枱同枱之間勁多空間坐得舒服好多, lunch menu好多款選擇: 炒飯, 泰式海南雞, 炭燒, 咖哩, 湯粉, 喇沙, 撈檬... 正.>L42. 炭燒豬頸肉配扎肉撈檬 (HKD72)撈檬同魚露一齊黎, 樽魚露有大量辣椒🌶️但味道只係微辣, 怕辣嘅人都啱食. 豬頸肉有陣陣炭烤香, 打斜厚切肉質易咬, 唔覺好肥膩; 一碗有兩片扎肉, 細心位係塊扎肉有燒過, 食落香口得多. 大多數越式餐廳都易外一碟九層塔有啲直頭唔主動提供, li碗有一大枝, 夾埋所有魚露配料菜一齊食好有越南風味. 撈檬份量好足, 喺機場黎講真心足料飽肚.> L43. 香茅雞全翼配扎肉撈檬 (HKD68)雞全翼已經剪好兩件, 脆炸蒜同花生🥜粒又多種口感, 第一次喺機場食li間, 食物整得有心思, 可以encore！> Lunch-熱檸水 唔使加錢嘅餐飲有大路嘅汽水, 檸🍋茶, 水, 咖啡☕️, 仲有菜蜜. 另外加HKD12就可以轉特飲. > 對自己好啲仲可以加HKD18來多款小食添.…查看更多

收工去將軍澳揾朋友, 聽佢講有間街市西餐好得, 經過順便買去當晚餐唔使煮, 就喺彩明街市裡面好易揾. >黑松露炸薯角 (HKD12)姐姐好有心地特登唔cup蓋以防倒汗水, 滿滿一杯炸薯角勁香, 一點點黑松露, 12蚊黎講好OK.>黑松露雜菌帶子扁意粉 (HKD58)Li個帶子係切開一片片同各樣菇一齊炒, 份量可以話係勁多, 而且扁意粉本身好好味, 洋葱青黃椒甜甜的. 拎到返去都無乾到, 黑松露仲係鋪天蓋地咁多, 超香!!>卡邦尼煙肉扁意粉 (HKD38)經典嘅carbonara蛋黃汁多濃稠, 好多塊煙肉碎夠哂扺食👍🏻. >豆漿 (HKD7)濃濃豆味完全係大杯扺飲. 唔怪得個fd話好多街坊幫襯, 據說lunch嘅學生餐都好受歡迎嘅.>大家拎返屋企食嘅記得走塑呀🤩…查看更多

今晚返機場唔係返工, 而係standby去歐洲, 未拎到座位等我去大家樂食小小野先. 平時見佢long queue都唔會特登去迫, 而家9點幾, 靜靜地, 睇下staff menu有咩食.****機場職員ONLY*********有Permit或者in uniform先有*****鮮蝦雲呑麵 (HKD40)嘩HKD40有個麵加杯飲品, 唸住無咩期望. 估唔到, 鮮蝦雲呑巨足料, 蝦肉新鮮爽口, 有成四粒咁多呢, 麵質非常彈牙係好好味嘅碱水麵, 另送條嫩綠菜心, 份量唔係少, 勁抵食. …查看更多

生日月出街食飯真係唔能夠隨便, 想試特別d嘅西餐, 由九龍城行去隔離嘅新蒲崗只不過用左20幾分鐘, 區內fd子介紹得li間隱世店, 梗係要食當店名物-威靈頓牛柳！入到去地方好舒服係昏暗嘅浪漫場景, 睇睇menu先.>威靈頓牛柳 (for 1) (HKD298)原來menu嘅4人份量有得order 1人份量, 咁就可以叫多款開心share. 外層酥皮焗到金黃色已教人口水直流呢, 切開【勁易切呀】係大大件嘅牛排🥩！酥皮同牛肉之間緊緊包住一層惹味嘅碎蘑菇, 炒到令佢無出水所以焗起個酥皮仲係酥香脆脆👍🏻. 肉質不用多說, 非常嫩滑. 配菜嘅薯蓉係chunky chunky嘅, 粟米同炸洋蔥圈都好正呢！點d鹽點d gravy⋯正. >北海道帶子蘆筍天使麵配黑松露忌廉汁 (HKD162)黑松露實在太香la, 三粒高質北海道帶子煎得兩面金黃食落爽口, 斜切蘆筍夠唒嫩綠幫唒忌廉, bonus係最後放上一羹醎香魚子, 啖啖天使麵都超creamy, 仲要配以大量黑松露, 一路食一路出緊煙呢.>甜品小驚喜今晚甜品係焦糖布甸🍮, server細心提醒我地小心碗邊會熱, 剛剛燒嘅脆脆焦糖用羹仔敲一敲🥄, 每啖甜甜又滑又脆口感get, 簡直係perfect ending!…查看更多