yukibbyu的个人专页

作為香港人，打風出街又算得係咩… 估唔到打8號風球都會有餐廳開，仲要係平時冇預約要排隊先食到既 #greenhouse 🤣炸蝦芒果米紙卷 ($108)米紙卷包得好穩實，用刀切開米紙入邊啲菜爆曬出嚟。夠晒足料！鴨肉湯河粉 ($128)平時食開牛肉河，今次試左鴨肉就返唔到轉頭。鴨香味同埋鴨油充斥係口腔到，比牛肉高兩個層次。河粉都好滑…加埋隻溫泉蛋真係冇得頂👍🏻👍🏻👍🏻Mixed Mushroom Truffle Pizza ($158)鍾意間餐廳有提供素食食品，撞啱要食齋嘅時候都有選擇。呢個Pizza有非常濃厚嘅芝士，加埋啲truffle極重口味。本身我都好驚鋪喺Pizza面上面嘅火箭菜好苦，點知食落一啲都唔苦，要大讚👏🏻 不過食咗兩件就會滯咗雲呢拿雪糕Brownies ($78)唯一唔符合我期望既竟然係甜品。對🍙黎講，Brownies係要外脆內煙靭黏口。但依個係好似食緊蛋糕咁，口感比較鬆軟…整體來講呢間餐廳都好唔錯！絕對會返去食鴨肉河粉🦆用埋coupon嘅話就10分抵食…查看更多

今次第一次嚟到流浮山食海鮮🦞估唔到又幾抵食喎！侍應會推介啲當做時令海鮮俾我哋啲嘢大大碟，又夠新鮮🏊🏻唔單只係海鮮好食，啲中菜小炒都炒得好夠鑊氣。聽到隔離枱嗌左碟鹹魚炒飯🐟平時鹹魚雞粒炒飯就聽得多，淨係鹹魚炒飯真係未試過……試左又真係幾好食，啲飯粒粒分明又好煙韌。相都影唔切，因為已經俾人分曬黎食😵‍💫埋單每人三百幾蚊，都食咗成6-7樣海鮮 (龍躉，鮑魚，奄仔蟹，大蝦，元貝，蠔豉）加小抄😋…查看更多

今次去咗隱藏於柴灣工業大廈入邊嘅隱世西餐廳特登book左個窗口位，可惜貴人出門就招風雨, 唯有觀望住雨景食晏。呢度嘅lunch set包括左Appetizer, main同tea。另外可以再加錢叫甜品or 咖啡。Appetizer可以選擇沙律或餐湯。十分推薦佢哋嘅湯。今日餐湯係蕃茄雜菜湯，飲落好濃郁又唔”確”喉嘅蕃茄味🍅 所有雜菜嘅精華都煮晒入個湯裏面，飲落唔似係味精湯👍🏻蘑菇鵝肝闊條麵 ($148/set)麵到軟硬適中，蘑菇汁非常creamy，加埋鵝肝嘅油香味，差啲連隻碟啲汁都舔埋慢煮澳洲草飼Rip eye配薯菜($148/set)呢個慢煮牛比想像中細，食落正常，唔係好特別。 總括嚟講，喺柴灣呢個美食沙漠，呢間算係唔錯嘅西餐廳。有幸經過嘅可以一試。…查看更多

Häagen-Dazs除咗雪糕月餅大賣之外🍑 不得不提及佢最新出嘅口味：岩鹽焦糖泡沫咖啡雪糕～呢隻新款雪糕係絕對值得我用現金去買黎食(平時只會有散水coupon先買Häagen-Dazs食)其實有幾次經過巴士站，見到新口味雪糕廣告都好有衝動去試食。今次終於食到啦！果然眼光獨到，真係好好食呀(´∀｀)先講吓雪糕口味，本身已經好重咖啡味，加上有啲焦糖醬喺雪糕之間遊走。最正嘅係雪糕裏邊有好多朱古力碎!!! 一啖雪糕食落口已經有三重口覺🥰最緊要係食落都唔覺得太甜，味道融合得非常好👍🏻真心推介！真心推介！真心推介！…查看更多

秉承住香港人嘅購物精神，又跌入時代廣場嘅輪迴coupon消費陷阱……拎住一手Dining Coupon, 咁岩經過依間新開嘅馬拉菜餐廳，就決定試吓啦！白胡椒肉骨茶麵線($98)肉質肥瘦均勻…佢地用咗煨麵做底，軟林林既麵增加左吸收湯底嘅能力。仲有一整粒蒜頭，食落好重蒜頭既香甜味。古法炒蘿蔔糕($96)味道一般，有啲偏鹹…斑斕咖也多士 ($32) 多士烘得好好好脆，好似食緊餅乾咁 (個人比較鍾意外脆內軟)烤馬來蔥餅配咖喱 ($62)蔥餅偏油…咖喱麻麻，唔係特別香…大蝦喇沙米線 ($118)湯底好重椰汁味，米線非常煙韌。食落非常野味，係咁多樣嘢唯一食晒嘅一疊。對於依間野嘅評價: 就腳嘅新屎坑💩…查看更多

最近忙到一腳踢…需要食返啲甜品補充身心既疲累。經過翻新左嘅中環街市，竟然有抄雪糕食～Oreo薄荷朱古力雪糕 ($88)本身係想要Brownie薄荷朱古力雪糕😭唔知係我自己講錯咗，定係侍應姐姐聽錯咗，結果叫咗個Oreo味嘅…不過都治愈到我嘅心靈。雪糕份量非常大，應該有三球。如果單點薄荷雪糕就唔會有朱古力碎，所以非常建議點佢哋嘅雪糕Set! 食落更加有口感👍🏻一個人就一定食唔晒，記得帶多個friend一齊去食呀。食完啲甜嘢，個人都開心啲🥰…查看更多

餐廳係樓上一樓。由於冇招牌吊係大樓出間，搵餐廳嘅時候真係要碌大隻眼，唔係就搵過龍。星期六上到去嘅時候都未full, 位置都幾闊落。九宮格調味盤一開始就放咗喺枱度，俾我哋自行調味。由於個調味盤實在太大，我哋各自到咗豉油同加咗各樣配料之後，員工就拎走咗啦。不過湯底都夠晒重口味，真係冇咩需要再點豉油。個麻辣鴨血湯底非常好食，鴨血好入味，湯底麻得過癮之如，唔會得死辣。點左盤好友份量嘅肥牛。啲肥牛有厚度，唔會博切切，又有牛味成餐叫得最多嘅應該係佢嘅竹蔗茅根，四個人都嗌左成三咋。夏日炎熱真係好需要消下暑整體來講，係一個錯嘅地方，約埋三四知己，烚吓烚吓傾吓傾吓， 咁又三個鐘啦。平均每人埋單都係$300左右。…查看更多

Crazy Chocolate ($50)王牌駐店朱古力必定要叫!!!一飲落去會飲到朱古力碎既甜味, 飲到中間會滲出朱古力香味同埋少少苦味…完美地將初頭嘅甜味中和返🥰鰻魚滑蛋牛油果芥末牛角包($78)身為牛油果同芥未醬控,見到呢一個牛角包一定要試吓! 牛角包好鬆脆啲…鰻魚都有三大嚿, 加埋個滑蛋同果醬絕對係Perfect match🤩日式鰻魚飯 ($118)同牛角包差唔多,只不過用飯做底同冇左個醬.但係配飯就有另一番風味! 用左日本米, 食落煙韌. 吸收埋鰻魚同滑蛋汁, 不知不覺成碗飯都食晒 (長肉)豬軟骨溫泉蛋飯Set ($178)個Set有齊晒沙律,西湯,主菜, 熱飲($40或以下)& 雪糕豬軟骨入口即溶👍🏻想飲crazy chocolate可以補差價想讚一讚店既細心位. 裝雪糕隻杯放落冰箱, 保持雪糕係冰凍嘅狀態之如, 又唔會令到個雪糕好硬. 夏天識落真係透心涼🥶…查看更多

唔知大家認唔認為常餐有種特別嘅吸引力, 間唔時就想食常餐因為佢可以一次過滿足晒我食多士,麵 ,炒蛋, 同飲凍檸茶嘅願望依間茶餐廳就係我嘅不二之選喺中環返工嘅都應該對依間餐廳陌生, 食晏嘅時候都會排晒長龍.茄牛通粉 ($50)蕃茄味好濃郁, 而且有好多牛肉. 跟餐會有牛油味濃郁嘅烘多士同嫩滑炒蛋對於OL來講, 呢個餐絕對夠食.忌廉雞湯叉燒通粉 ($50)唔想食咁濃味既茄牛通, 佢哋仲有忌廉湯通粉, 一樣跟埋招牌多士滑蛋.其實依間茶餐廳仲有好多招牌菜, 例如滑蛋叉燒飯. 因為食晏真係好多人排隊, 餐廳都會等齊人先比入座.…查看更多

同Comebuy Tea嘅淵源可以話係幾年前開始…佢哋第一間店喺旺角,比佢哋部壓縮蒸氣機吸引住🧖‍♀️一飲。從此就返唔到轉頭⋯⋯非常欣賞佢哋嘅”碳焙烏龍茶”, 飲落有濃厚嘅茶味, 又唔會有苦澀嘅感覺.最初鍾意飲佢哋嘅”厚奶烏龍小芋圓”, 因為小芋圓之前真係唔係咁常見……但係而家就鍾意飲”西柚烏龍寒天Q”! 飲落比較Refreshing🍊 同埋寒天Q真係好好食, 好有口感, 低卡路里, 食左又唔怕變肥😍好在佢哋而家開咗好多分店, 以後就唔使特登過海買啦!…查看更多

今日嚟到銅鑼灣呢間貓Cafe記得幾年前都有嚟過…今日經過突然心血來潮想去睇吓啲貓貓, 慰藉下空虛嘅心靈🐈貓貓都好乖唔會食人啲嘢, 亦都唔會襲擊人🐈入到去唔會有貓味, 地方好乾淨🐱Cafe最低消費要一杯嘢飲同一款食物🐈‍⬛食物質素就真係一般啦～🐈‍⬛今次叫咗兩個套餐(包一杯$48或以下嘅飲品)🐈咖喱貓豬扒飯 ($138)叫呢個飯係因為比佢個造型吸引咗. 除此之外, 味道方面就真係麻麻…個飯唔夠熱之如, 咖喱味怪怪地🐈黑松露蘑菇意粉 ($148)冇咩特別, 一般正常意粉. 好過個咖喱飯(o_o)下次再去不妨可以試一試佢哋嘅甜品/小食. 不過想得去貓Cafe智不在於食飯,而係同貓貓玩+影相希望Cafe以後可以幫助更多浪貓啦…查看更多

～得閒食個Tea, 生活寫意d～最近不停去Times Square, 跌入左佢哋不停派coupon嘅陷阱. 經過開Lady M, 今次唔食佢地嘅千層蛋糕…..試左棋盤蛋糕同法式芝士蛋糕💫認為芝士蛋糕更勝一籌!!!芝士蛋糕面有層酸忌廉, 酸酸地好開胃. 加埋蛋糕本身好Creamy, 入口順滑~再加多杯Mocha中和返蛋糕嘅甜味❤️成件事真係Perfect池~💸跟住又喺Times Square shopping, 玩多啲coupon再食過.…查看更多

炎炎夏日, 最啱食返碗透心涼冰降下火去左大家都唔陌生既”鮮芋仙”平時去開都係食佢哋嘅招牌, 今次就試咗佢哋嘅牛奶冰鍾意食煙韌野既你一定唔可以錯過!有齊晒芋薯圓,小芋圓,牛奶/黑糖麻糬同冬瓜凍. 食完成個人都涼曬⚠️至少要搵三個人食, 因為真係好大兜…查看更多

第一次嚟呢度食午餐。大約12點15分嚟到，都仲未洗排隊住。之後一點左右，已經滿座。餐廳係自助落單形式，都係以輕食同咖啡為主。今次就叫咗個煙三文魚三文治，個餐自動配左個沙律，大約60幾蚊。如果晏晝唔係咁肚餓，想搵個地方chill下嘅話,都係個唔錯嘅選擇煙三文魚三文治： 不過不失，煙三文魚都有五六塊。如果麵包有烘底的話就更好食。但如果嗰日太肚餓， 呢個份量就唔夠飽啦。我哋食飽之後都傾咗一陣計，侍應都好好，冇趕我哋走之餘仲比左杯水俾我哋飲順帶一提，餐廳入少少嘅位置可能收唔到訊號。不過佢哋都有提供免費Wi-Fi…查看更多