DR.CAT的个人专页

前日去kowloon city南記食，今次叫幾個但味道依然保持水準好好味。其中凍蟹、楜椒豬肚湯、咸雞等等。叫方魚肉碎豪仔粥--蠔仔好多好味凍烏頭魚--始終都係呢間最好味味菜炒鵝腸--食過豉油皇炒較味菜惹味腐乳通菜--菜夠嫩冇渣最欣賞佢地飯後的糖水令到成餐飯更完滿、果晚送海帶綠豆沙好正唔太甜豆起沙。雖然呢間店較舊坐位較逼但呢D小店的水準不比大酒樓差，更好過某D高檔食店喎。所以去開kowloon city我必定到此大吃一餐！…查看更多

因為個friend想食海南雞飯於是即上網，到呢間店再睇埋食評好似好得咁，定去試試！當日叫海南雞套餐和鴛鴦球炒面套餐和炒菜。等一陣就上湯和包個湯味道ok但塊蒜蓉又硬又凍咬一啖就冇再食，跟住上海南雞買相唔得D雞亂晒好似摷過咁夾一舊入口不夠熱有D凍肉又鞋冇咩味、都唔知食緊乜我定放棄呢碟試埋個炒面，材料都好足但味道一般最差係D面炸得太黑好硬呀點食總之最食得入口就只得碟炒菜囉！經過今次之經驗所得食評並信唔過我都懷疑會唔會係食店自己寫上去博宣傳！呢間店我必定唔會再去囉！…查看更多

第一次去呢間食店環境唔錯很舒服、侍應有禮招呼周到，食物新鮮味道好。當晚愛們點了幾款小食和小菜包括有：椒鹽白飯魚、夠香口有魚味。 蜜汁燒白鱔、夠脆夠蜜味。 滷水豬仔腳、夠入味爽口。 海鮮豆腐、用料足和新鮮。 什菌花枝炒露旬、夠鑊氣旬嫩。 乳豬、份量最少唔夠十件，但夠脆。食物味道都幾好但嫌太貴，因是酒店屬下的酒樓故此價錢也會較高，最後埋單差不多成六百，試過就算唔多會再去囉！太高消費喇！…查看更多

尋晚我們一行三人本來想食火但去到先知當晚唔做火，所以只好點小菜。我們分別點一個燉湯和三個小菜。包括：秋梨川貝燉豬肺、味道鮮甜湯夠足料。 蜜豆百合桂妃蚌、味道好但嫌百合太小。 菠蘿咕肉、炸粉嫌太多口感不好。 北菇花膠鵝掌、份量足花膠和鵝掌好入味， 最正的是用生菜墊底抵讚！呢間係我食咁多間之中加價最小的最合理而又好食，另外呢間茶市都好抵食有好多特價點心都好好味哦！…查看更多

尋日去Aone買一個蘋果湯種包和一個黑芝麻火腿芝士包。每個要＄12都唔平，個蘋果湯種包其實是空心的只有少許果味jam，吃完好像冇食過咁。至於果個火腿芝士包就好味得多，內有火腿、細細粒芝士和芝痳材料多食後好滿足。呢度賣d包其實全部都唔算平，但勝在款式多味道也不錯故生意也很好。我最鐘意食佢麻薯波波，超好味！…查看更多

上星期六晚９點幾去到見很多人正在等位，我們一行三人大約等了廿幾分鐘後入座。剛剛播放大結局，匆匆點菜。是日我們選擇了吃火；＄68一位任飲任食湯底另計。至於食物種類也很多很新鮮。另外竹蔗水和酸梅湯也只是＄８一渣，超抵！當晚酒家好full大家都係一邊食火一邊睇大結局，一時討論劇情好鬼熱鬧。最後每人消費都係百零超抵，值得一！…查看更多