cchy170的个人专页

天氣凍諗住食返個台式打邊爐見佢唔係太貴就走去試吓呢間我哋叫咗最貴嗰個套餐明明上網個Menu有小食又多選擇但係去到完全冇小食嘅😅蚵仔點咗一輪之後就已經話售罄😅連沙白都係點咗兩輪就冇啦😓冷藏溫體牛直程一開始已經售罄😓雖然湯底真係非常非常出色 我嗰個石頭湯超級鮮甜朋友嗰個麻辣湯都好出色食材方面真係唔係太差海鮮新鮮牛肉好食甚至出邊拎啲牛滑都好好但係呢樣冇嗰樣冇感覺即係差到冇人有😓😓喂明明俾錢嗰時話會幫我入會員結果咪係冇幫我入到積分…查看更多

路過堅尼地城唔知食乜好原本諗住上去街市食嘢但係過馬路嗰時見到花園餐廳個招牌就上咗嚟因為有啲肚餓所以叫咗個肉眼套餐（唔係ABC餐嗰啲）另外加$15加多個炒飯湯方面我揀咗白湯味道同想像一樣冇乜味麵包就喺微波爐叮左幾下都叫做熱熱地肉眼扒嚟到果然分量十足淨係肉眼扒都有三大塊下邊仲有薯條蕃茄同埋少少蔬菜幫我仲諗緊點解佢冇叫我揀乜嘢醬汁嗰陣時就有侍應走埋嚟問我要乜嘢醬汁，可以揀黑椒汁同埋蒜蓉汁 咁我揀咗黑椒汁放啲醬汁淋落去咋渣聲嗰下真係鐵板嘅精髓雖然份量十足，但係味道同細個食嗰陣時係一模一樣㗎就係鬆肉粉嘅味道不過$100有咁嘅份量我都冇乜要求㗎炒飯雖然係普通蛋炒飯，但係其實有正常食飯碗三碗咁多如果大家對牛扒好有要求，其實花園餐廳絕對令你失望但係如果純粹以份量價錢未計，其實就正常…查看更多

天氣凍就自然好想食粥柴灣新開左一間粥舖未試過走入嚟試吓價錢唔係平，但係正常價位即熟粥價錢比較平啲但係可以加幾蚊加配料生滾粥選擇方面好似吸引多啲，所以我揀咗狀元及第粥同埋加咗個炸兩炸兩方面油炸鬼夠晒脆所以點樣都一定好好味夾抵觸方面我叫佢走蔥同埋走薑絲完全冇問題對比出邊嘅及第粥佢係冇肉丸但係佢有好爽脆嘅豬心就非常有驚喜雖然冇肉丸但係佢都有好多豬肉片代替豬潤同埋豬肚到清理得好乾淨所以好好味足底都夠綿加上本身內臟嘅味道融入喺裏面係唔錯…查看更多

有同事推介呢間食牛非常之好咁就特登試吓 call張子有教你每款牛肉大約要淥幾多秒三個人可以坐大枱坐得好舒服👍但係千祈唔好兩個人嚟因為二人枱係比大家落張枱大少少一嚟到就會上咗個海鮮先，如果二人枱得一個電磁爐，一定要食完海鮮先可以打邊爐我哋四人枱就冇咁嘅煩惱不過啲海鮮真係鹹到hihi個人建議佢下次可以將殼開咗洗乾淨先至焗同埋好多時佢哋職員冇留意個Timer響所以成日會聞到燒焦左嘅味道湯底方面，我哋揀咗醉雞藥膳鍋！湯底嘅雞好好味但係可惜任食係冇嘅海鮮同埋湯底同一時間嚟到就仲有個美食塔但係頭嗰兩層啲肉結晒冰黐住隻碟佢要你食完海鮮先比QR code你落order 咁我梗係一次過叫晒所有款式嘅A5和牛啦佢哋嘅肉類全部有同一個問題就係所有都係連埋隻碟一齊放落冰箱所以一定要等佢融雪先可以食不過肉類嘅品質係真係幾好小食方面都做得幾出色無論係牛舌定係墨魚芯都非常好味魚皮方面普普通通但係佢即刻炸嘅紫菜響鈴就好推介大家食叫咗兩種和牛餃子，分別係麻辣同埋韭菜味道麻辣真係後勁好勁，韭菜餃子就冇乜韭菜味佢嘅黑膠同埋墨魚膠，無論係黑松露定係蟹籽都係放喺面頭，所以你唔會食到嗰兩種味道但係可以話俾你聽黑膠同墨魚膠本身質素好高呢幾件係之後再加嘅牛品質上問題唔大但係唔知點解有D係非常有咬口整體上$428連埋+1一個人價錢就好合理但係肉類方面只有牛肉為主連基本嘅雞肉都冇所以呢間餐廳只適合食牛嘅食肉獸食…查看更多

好友陪我食生日飯，我揀咗間想試好耐嘅和牛放題佢呢個係食九州櫻花牛！咁佢聲稱係自己成隻咁買我叫咗第二貴$898套餐openrice訂有88折一坐低店員就叫我哋自己落嘢，轉頭會有拼盤上成個拼盤除咗最頂唔係任食外，其他全部都係任食好老實每個部位都好好味！肩口肉同五花腩！店員有同我哋講拼盤由邊度開始食起，而壽喜燒部份就由佢負責燒俾我哋食燒晒第一部份之後發覺全部肉都非常高質黃牛嘅脂肪嗰種甘香未完全好徹底感受到！嗰種回甘真係冇得頂每日有三種和牛內臟任食！今日係牛肝牛腸同埋牛肺 內臟新鮮冇奇怪味道！牛肝真係非常之好味🤤鍾意食內臟嘅千祈唔好放過叫咗雞皮、雞皮餃子、雞冠！雞皮香口冇得頂雞皮餃子裏面係雞軟骨加肉正！不過燒到咁上下有機會開咗口🤣雞冠好特別，佢嘅爽脆感好得意和牛餃子試左普通同埋辛口 😚整體來講辣嘅版本好食啲！可以中和和牛嗰啲油膩感覺和牛米通對比之下就好普通😂可以不試佢嘅甲羅燒喺呢度嘅最推介之一幫我香濃嘅蟹膏味但係冇腥味！回本推介雖然未到放題食粥好似好奇怪 🤣但係佢呢個海膽蟹肉粥非常之鮮甜相信好多地方都冇嘅雞頸肉雞肉中間有條筋燒起上嚟幾彈牙幾好味㗎推介大家試下食咁多肉真係會非常之漏、所以要食返啲沙律中和一下佢嘅依兩個甜品超推介！柚子雪葩好清新正以佢嘅牛奶布甸超濃牛奶味！大推整體來講如果胃口唔係特別好嘅人可以叫698嘅套餐 ，因為佢嗰set 牛都好正 😆但係佢放題部份材料真係好高質 如果叫到$898呢個套餐好似我咁食到四碟後加牛嘅基本上都回到本…查看更多

同朋友喺奧海城食飯時間唔係太多，咁諗唔到食乜就走咗去大食代搵嘢食入門口右手邊見嗰間餃子店之前未見過之前未見就試吓其實佢有煎餃同埋湯餃嘅選擇 (可惜唔可以煎餃拼湯餃如果唔係一流)最後我叫左鹹蛋菜肉湯餃雙併韭菜湯餃波菜麵但配料上有咁多海帶同粟米再加上湯底都係似日式拉麵嘅感覺 小食方面我選擇左涼拌土豆絲，份量唔多味道不過不失（食完好似冇食過咁）醬料辣椒油同埋辣菜譜係普通野其實嗰幾個餃子都幾好味，但係食落去有fusion菜嘅感覺…查看更多

屋企人陪我食生日飯，我就揀咗逸東酒店自助餐普慶餐廳佢自助餐喺酒店地庫 拎食嘢嘅基本上就係環繞一周去攞嘢食生蠔每次只可以攞兩隻仲會俾埋冰保持新鮮紐西蘭生蠔海水味唔重但係鮮甜好味重點項目凍海鮮種類非常之多有梭子蟹，小龍蝦，翡翠螺，海蝦，麵包蟹，龍蝦，青口，藍青口同埋虎蝦總共九種海鮮龍蝦非常鮮甜肉質都好好 麵包蟹重點食膏又係好香蟹黃味藍青口，我就真係覺得完全失望因為咸到飛起另一個重點推介晒佢嘅燒牛肉同豬腩卷牛肉火候控制得好好，唔會外面太熟中間太生豬腩卷個豬肉比想像中嫩口當然皮真係好鬆脆燒味叉燒真又淋又入味但係鴨/鵝真係凍冰冰唔好食另外佢個XO醬蒸盲鰽好嫩滑我食咗好多轉嗰日遇上油甘魚解體活動 有得睇有得食另外任拎嘅刺身有劍魚、三文魚、帶子同埋甜蝦（全部都好新鮮唔錯）雪糕方面係Movenpick總共有10種口味蛋糕甜品嗰方面連同曲奇朱古力接近20種唔同款式，但係呢度影唔晒 重點全部都好好食其實仲有好多嘢可以介紹，但係相片只可以提供12張 所以只可以貼精華嘅出嚟西湯佢有個海鮮湯用料豐富唔錯，中湯就係普通老火湯佢嘅凍盤區有四款芝士名同埋煙三文魚，再加上沙律區啲新鮮生菜一齊食非常好味另外仲有天婦羅，蒸點心，串燒，意粉以及素食專區等等未能影相提供…查看更多

天氣涼咗少少就係想打邊爐晏晝銅鑼灣打邊爐揀咗佢試吓醬料醬料同蔬菜嗰部份同一般放題差唔多都係出去自己揀嘢飲除咗汽水紙包飲品之外但係都有兩種無糖嘅茶選擇 睇真啲見到有啤酒任飲但係轉頭要返工梗係冇飲到啦咁我叫咗A餐，剩係得基本嘅豬牛雞同埋丸選擇不過最特別係牛肉有兩種 分別係肥牛同埋牛肩肉眼鍾意瘦嘅就食後者啦但係最好食係雞 好入味好嫩滑除此之外，最吸引我嘅係任食嘅甜品！全餐最好食係個即整嘅窩夫我食咗兩個順帶一提，B餐其實豐富好多會多咗刺身炸物同埋海鮮但係A買單只係$141 真係唔錯…查看更多

琴日同朋友食晚飯，喺荃灣廣場附近唔知食乜好見咁耐未食過蕃茄18就唔諗食佢啦初時睇個Menu好似一樣 但係睇真啲價錢係貴咗嘅以前有幾個餐都係加$3有嘢飲 而家大部份都係飲品半價以前麻辣牛坑腩飯係焗返嚟㗎 ！點知一上枱就變咗大碗飯轉左款式雖然味道上都唔錯 但係始終之前係焗飯炒底會係好啲今次我食炸醬雞扒飯 炸醬好食就一定㗎啦，之前試過豬扒唔錯 ，今次食雞扒都好有水準，仲好大塊好厚肉添 雞扒炸得啱啱好皮好脆亦都有肉汁非常之好 小食叫咗麻辣手撕雞 醬汁好味但係雞就鞋口少少…查看更多

同好友係建生邨得大約半個鐘食個飯！佢話之前都係食翠苑夠快又OK咁粉麵本身又真係可以好快上到上由落單到上枱大約係等咗5分鐘初時真係冇乜期望，諗住都係粉麵正常都已經好好點知飲啖湯已經有驚喜 佢個腩汁好龍佢個腩汁好濃好香牛雜全部好入味無腥味同埋怪味$34黎講真係唔錯份量仲好足夠…查看更多

同朋友們好多年冇唱過K啦 早嗰排去大鴻輝食放題時見荃灣CEO仲未執笠咁就搵咗人去唱番K懷舊一下Book位問佢有冇buffet佢哋話而家係叫Set雖然本身都冇乜期望有咩質素真係估唔到晚餐$60-$70但係可以做得到出邊餐廳嘅水平牛扒比正常餐貴少少$70姐朋友嘅雞煲$60 韓式豬肉撈飯都係$60雞煲同埋撈飯拎到上嚟嗰陣時仲係熱辣辣我拎咗我自己啲薯條點做雞煲醬試過真係好好味牛扒就正常茶餐廳水平，不過就比較大塊雞煲嘅雞反而有少少失望，因為雞胸比較硬豬就不過不失，做到出邊嘅水平…查看更多

之前路過一路想試，終於有時間去試吓叫咗個春卷撈檬 拼豬扒佢嘅撈檬，個醬汁唔錯！唔會剩係得個酸味最正係好多生菜檬粉嘅份量都救我一個肥仔食得飽豬扒反而有少少失色可能佢塊豬扒太薄但係味道上係唔錯嫁春卷因為即炸嘅關係非常好食如果比多塊生菜我就更加正加$10有個特飲鹹檸七，佢都比足一個鹹檸檬之後睇返餐牌，原來佢都好多特別嘅選擇 睇見隔籬枱食咖喱牛脷個樣好鬼吸引 我見對面枱係食湯粉嘅都另外上一個咖喱牛脷下次要試吓唔同類型嘅上相併先…查看更多

上網見咁多人讚好就特登走去試吓先煎韭菜餃好香好好食 建議一上枱唔好即刻食因為好熱 每個韭菜餃囉都有好多汁菠菜馬蹄豬肉湯餃口感一流 原本想試西洋菜㗎但係賣晒重點係佢個豬骨湯真係非常清甜好飲（佢標榜係冇味精）另外個辣菜譜都好味 阿姐仲免費幫我教咗一次佢嘅餃子比一般大一倍 分量十足如果正常人食八隻可以唔使加面都夠飽另外試咗朋友個韭菜湯餃其實都好好味基本上嚟到排隊係好正常始終舖頭唔大今次食兄下次更加想試多啲唔同口味…查看更多

已經係第四次過嚟食 今次就食最貴嗰個餐最貴嗰餐最大賣點就係韓牛同A4和牛任食基本上佢呢間放題比到我最大吸引之處就係有好多唔同部位可以選擇安格斯鍾意肥嘅可以叫牛小排 鍾意你肉味濃可以食牛頸脊當然好少地方有嘅牛骨髓同極力推介嘅封門柳都係任食就係因為唔係下下食肥牛所以食完邊爐唔會有一個好油膩嘅感覺同埋到好滯嘅感覺加上肉嘅質素非常高質 同某數字單點品牌對比之下有過之無不及雖然海鮮都係一般貨色但係都OK我嚟到都係主力推介你哋去食牛但係呢個放題喺肉類以外最吸引我嘅嘢就係佢嘅魚皮 魚皮真係有魚味！唔係一般街邊嗰啲貨色疫情之下好難頂得住希望大家可以多啲支持下呢啲咁高質嘅舖頭…查看更多

上次黎食重係相馬 今次黎到已改左名黎到就可以一人一鍋同一個大鍋 二選一丸類菜類同之前差唔多  不過今次多左芝士、凍(蝦、蜆同青口) + 沙律但同之前唔同就係只有一個定價而唔係以肉類等級而定價炸物串燒果d同之前一樣唔錯啊! 但最緊要而家包左刺身佢今次送左一盤海鮮 有帶子、 蝦、 青口 、細吊片 同蠔 都幾新鮮基本上牛係以前2百幾果隻級數唔錯 豬都好食 係雞差左少少之前個朱古力噴泉   雪糕就無左自己拎一球球果d 就變左獨立包裝雪糕雪條可能新開人流星期日黎講真係唔多(其實上係都係人流少)雖然價錢比樓下係貴左少少 但今次佢地有4送1 優惠就重平過樓下…查看更多