AYK10的个人专页

店舖唔算太大，但已經幫襯唔止一次都仍然係座無虛席，而且有d食物係會sold out無得食架，手快有、手慢就無….其實唔係好記得自己嗌左d咩食，但係每次都係叫左兩款唔同嘅麵，兩款麵都好好食船麵嘅湯底好濃，而且仲有埋炸豬皮，真係十足泰國地道美食咁仲叫左一款小食，其實仲叫左泰國梳打，都幾多人嗌黎飲，隻杯幾有特色，但唔記得咗影相兩個人埋單都係百幾蚊，抵食到暈~~~~離開時仲要懵盛盛漏低左支噴酒精，職員仲要追住半條街咁出黎畀返我地，真係十分感謝佢！…查看更多

作為邊爐愛好者嘅我，不得不推介呢間物超所值嘅火鍋店！7點半至9點半時段$318位，但幾乎完全係海鮮放題，實在太正！Like 某社交平台即送芝士焗元貝職員係我地坐低後即刻送上醬油盤，服務十分之好和迅速！海鮮盤無得頂！好少海鮮火鍋有瀨尿蝦同龍蝦食！而且仲要係十分生猛的！好新鮮！絕大部分嘅海鮮都可以無限添加的，所以真係十分抵食！野飲嘅款類仲要都唔少！其他無限點叫嘅仲包括安格斯牛肉仲有呢個好特別嘅特長蟹柳無限點食嘅仲有蟶子、帶子、墨魚滑、蝦滑等....就連甜品都係任食架！仲有成四款咁多任君選擇！第一次打邊爐打到食海鮮食到捧住個肚走呀…查看更多

最近很喜歡幫襯小店，呢d小店嘅蛋糕真係好好食價廉物美，每次買蛋糕時都總想起它！只係幾十蚊，就能夠買到個咁好食同足料嘅蛋糕，真係抵都爛呀！就連d生果都十分好味！支持！Support！…查看更多

旺角東嘅olive super sandwiches係我幾中意去嘅一間食店，除左呢度的早餐外，意粉亦係我好中意食嘅選擇。呢度的環境好舒適，所以我好鐘意係度食野。意粉同薯條都幾好食，焗薯都係唔少人嘅選擇。加$12仲有好多唔同嘅配搭，是不錯的選擇！…查看更多

想搵一間咖啡店舒舒服服咁坐下，PRET一定係我最好嘅選擇！圓方嘅Pret好大間，坐係度飲咖啡同食件三文治真係好relax....直頭好似返左英國咁！唯一嘅不足就係呢度收得比較早，所以要飲咖啡都係下午時分去會比較好！…查看更多

夜媽媽想食宵夜同糖水，燉奶佬可以一次過滿足哂呢兩樣野。我點了一個宵夜餐，而女友就單點了一個糖水，點知職員好心提醒不如叫多個餐啦，將個飲品轉糖水咪得，單點一個糖水都廿幾蚊，同叫左餐差唔多，咁樣就化算得多！得到職員的提點，叫左兩個餐，但原來份量都好多，結果都係食唔哂…查看更多

石門勁多好野食，但今日好想食清湯腩，但石門都有成兩間食清湯腩的店鋪。見到呢一間鋪門大d同似乎真係主打食清湯腩嘅，咁就一於試下好無食啦！$56一個餐，仲要包埋油菜同野飲都幾抵呀！仲要除左食牛腩麵之外，其實麵有好多選擇，又有飯呀同不同的小食咁！叫左一個牛腩伊麵黎食，都唔錯！不過要加$6-8蚊。仲叫左一個牛腩麵，加左兩蚊轉牛坑腩！呢個牛坑腩真係好好食，完全係入口即溶果隻，真係正呀兩碟油菜都ok，野飲都唔錯！值得推介呀…查看更多

9點幾時分要在青衣城覓食都唔係一件簡單的事....二期的餐廳收得比較早，所以去了一期食野...呢間泰國餐廳之前食過一次，感覺不錯！今次見佢有宵夜優惠就毫不猶豫了！宵夜menu的選擇都好多，價錢實惠，唯一缺點只是不包野飲，但餐廳也有熱茶供應的。叫左兩個河粉，不過d牛肉就生左d，不過幾十蚊一碗粉就算啦。…查看更多

大圍現時有好多間手搖店，在車站附近最少都有三間了.......千揀萬揀之下，去左歇腳亭，買左杯荔枝椰果西柚茶，一入口失望到我呢⋯⋯明明叫左少甜唔明點解都甜到爆！以為收銀聽唔到，所以無幫我少甜到，但睇返張sticker唔係喎，有叫到少甜都可以咁甜，有無搞錯！甜的程度係我要返屋企加左足足一杯水先飲得落口！但加左水之後又好難飲！勉強飲了半杯就掉左了，咁就浪費左我$28！呢杯野飲真係令我好失望......…查看更多

黎到赤柱呢個地方，想舒舒服服咁食個all day breakfast!黎到呢間餐廳，叫左個all day breakfast同pizza，不過水準同味道都是好一般....All day breakfast最好食的竟然係個茄汁豆！麵包都ok的，但係pizza就真係麻麻地了....…查看更多

下午時分想找個地方好好坐下，唔想幫襯大型連鎖店，所以去左博物館附近的呢間咖啡館諗住飲下咖啡。點知入到去，所有枱都擺哂reserved牌唔畀人坐。所有枱都放哂reserved牌只剩低一張低枱畀人坐，又完全無人帶你入座，都係自己入去就咁坐低就算。張椅又低又「亞炸」，張枱又低到個人坐得好辛苦！完全唔舒適！叫左兩杯野飲，埋單都要$70幾，但杯咖啡無咩咖啡味，個人認為好難飲，飲左1/3杯都無就算數了，仲有所有野都係要全自助，完全沒有服務可言。…查看更多

第一次黎呢間餐廳食野，兩個人坐低食晚飯，被安排至卡位坐，環境都幾ok～兩個人叫左兩個定食，石頭飯黎到嘅時候好香，不過沒有醬汁略嫌乾左d....滑蛋豬扒飯定食都唔錯，定食包埋麵鼓湯、沙律同白飯，都算抵食！二人仲叫左一份三色刺身，埋單都係$200幾蚊，整體感覺唔錯！…查看更多

幾個朋友約在荃灣唔知食乜好，最後被意大利番茄內的蛋糕吸引了，一於就諗都唔洗諗走左入去了。餐廳內原來空間幾大，又唔洗排隊，加上勝在夠清靜！但原來Italian tomato的餐牌都幾多野食架啵，又有pizza啦、又有意粉、又有扒等等咁，當然最吸引的仲有佢的蛋糕啦！3個人食，叫左個二人餐再加d小食都好夠食！二人餐仲有呀沙律、湯、野飲同甜品，而家仲有限定嘅bb主題同menu，而且座位上亦有bb嘅咕𠱸，坐得好舒服！…查看更多

圓方其實有不少餐廳選擇，但多集中於civil square果邊...Deco Pizzeria係正戲院隔離，一睇完戲出黎基本上就已經可以入去醫肚了！餐廳的特別之處係佢分為兩邊，另一邊係食亞洲菜為主。餐廳門面小小，估唔到原來入到去的空間咁大，仲有唔少嘅位置。Order左個西冷同意大利飯，仲有一碟前菜，沒有抱太大期望卻反而有驚喜！野食全部都幾好食，位於圓方性價比算不錯的了！不過飲品就差左d了，叫左一杯mocktail，但就普通得很...但環境勝在夠舒適，食物質素亦不錯，值得推介！…查看更多

成日聽人講馬鞍山是美食沙漠，但見到兩個商場內其實都有不少食店和選擇丫...本身想去出另一間食肆食野的，點知又要排隊....最後黎左呢間香港地食野，餐牌上野食的種類都有好多呀。最後嗌左個牛河同粉絲雜菜煲黎食，未有機會試特飲，但整體都唔錯…查看更多