appletam0401的个人专页

聖誕未到，尖東已經四圍都係聖誕裝飾🎄，行到見到一間好有聖誕氣氛嘅餐廳——Ruên Thai & Vietnamese，主打泰國同越南菜。見到午市咁多人，特登入嚟試吓😋午市套餐可以用優惠價加配多款小菜同甜品，選擇好豐富～我哋試咗：⭐️牛肉船麵湯（午市套餐）湯底濃郁帶香料味，配料有牛肉同牛丸，份量都唔少；粗河粉軟滑彈牙，湯汁融入河粉中，好入味⭐️菠蘿炒飯喺泰國餐廳最鍾意點菠蘿炒飯，但通常啲魷魚都煮得比較老同韌，呢間餐廳嘅魷魚令我非常驚喜，軟熟而且彈牙，整得好好！配料豐富，下次再嚟會再encore👍🏻👍🏻👍🏻⭐️豬頸肉好厚肉，份量好足，燒得香口，肉質嫩滑，帶少少焦香，豬頸肉油脂分布均勻，咬落有嚼勁⭐️馬拉盞通菜（加配小菜）炒得香口惹味，通菜爽脆，馬拉盞鹹香突出，不過可能因為係一人套餐加配，所以份量相對較少⭐️芒果糯米飯（加配甜品）芒果甜美清香，三色糯米軟糯，口感煙韌但唔會太黏，加埋椰漿，甜而不膩⭐️自家製芋頭雪糕（加配甜品）真材實料，食落有少少芋頭顆粒，第一次食到咁真實嘅芋頭雪糕🍨真係幾驚喜Ruên Thai & Vietnamese (尖沙咀)📍尖沙咀麼地道66號尖沙咀中心地下G38-G39及G45-G48號舖…查看更多

今日去咗佐敦 劉興記生煎包專門店，主打多款生煎包同麵食，環境簡單企理，價錢親民，係附近搵快靚正小食嘅好選擇～⭐️招牌炸豬排拌麵炸豬排份量足，肉質唔嚡，外層炸到金黃香脆，入口先係脆皮，再嚼到肉汁滲出，香氣好足！成碗麵既有飽肚感，又有炸豬排嘅香脆口感⭐️招牌生煎包（6隻）底脆面軟，咬落有肉汁，味道香口，係店內人氣必點。門口仲大大隻字寫明，如果生煎包唔夠熱、冇爆汁，可以要求換過，幾有信心。⭐️蟹黃生煎包（4隻）包身同樣底脆面軟，餡料帶蟹黃香，食落更濃郁，層次比招牌款更豐富。…查看更多

今日咁啱觀塘收工，見仲飽飽地唔係好肚餓，去咗附近House FiftyEight食晚餐，呢度有飛鏢機同足球機比客人消遣娛樂⚽️點咗幾道菜，好彩份量唔太多，食完啱啱好，唔會太飽⭐️波士頓龍蝦忌廉扁意粉逢星期一龍蝦意粉，以及龍蝦pizza，做優惠有八折🈹原隻龍蝦一上枱超吸睛👀✨龍蝦肉厚實，而且超彈牙，好新鮮👍🏻意粉浸滿龍蝦汁，味道濃郁⭐️自家製炸蟹餅通常炸物都比較膩，但因為頂部加咗酸瓜及芥末醬，中和油膩感，而且真材實料，啖啖蟹肉🦀⭐️西班牙橡果黑毛豬鞍火候、時間調校得好好，煮得啱啱好，有肉汁，而且唔嚡，燒完表面微焦，內裡保持嫩滑❤️其他配菜都好Juicy⭐️拿破崙Tiramisu 外層係酥脆嘅拿破崙千層酥，咬落去鬆化，中間夾住Tiramisu忌廉，帶淡淡酒香同微微咖啡香☕️…查看更多

朋友帶我去一間喺天后極具人氣嘅鋪——燒肉屋🥩估唔到星期一夜晚都勁full，好彩我哋早啲食，唔係冇book位嘅話，好大機會冇得食店員極好禮貌，我哋埋單走人嘅時候仲表示今日客人太多，擔心招呼唔到，明明佢哋已經好貼心❤️見我哋隔離未有客嘅時候，幫我哋移一移隔板，等我哋寬敞啲，坐得舒適啲；見我哋燒得差唔多，幫我哋換鐵板🔥除咗店員服務好外，呢度食物質素都唔錯，雖然擠迫少少，油煙大少少，但三百幾蚊兩個鐘燒肉放題，仲包任食榴槤、Häagen-Dazs雪糕，真係幾抵食，而且肉嘅質素都唔錯⭐️日式蒜蓉大虎蝦本身諗住叫幾隻試吓，估唔到都幾大隻，而且啲蝦肉隻隻都好結實，即使燒完，啲蝦仲飽滿有汁，非常新鮮🦐⭐️爽脆白鱔片厚切白鱔片，燒完表面微焦，內裡仲保持爽脆口感⭐️美國安格斯封門柳肉味濃郁，油脂分布平均～即使燒完肉質都保持嫩滑，咬落去有少少嚼勁但唔嚡⭐️精修牛舌芯爽中帶嫩，有加少少鹽調味，雖然簡單，但最能帶出牛舌芯嘅風味，忍唔住點完一碟又一碟⭐️馬來西亞D24榴槤入口綿密，果肉厚實，食落有少少冰冰地口感…查看更多

最近喺氷舍試咗幾款刨冰，款款都有驚喜，唔止賣相靚，入面仲有隱藏版配料，食落層次感十足🍧⭐️泰式榴連糯米飯刨冰面頭係大大球榴連蓉，香味濃郁但唔會太膩～估唔到刨冰入面仲藏咗一球榴連蓉，真係double durian surprise🟡配埋糯米飯一齊食，好有泰式街頭甜品feel！⭐️焦糖布甸刨冰焦糖味香甜但唔過火，刨冰入面竟然有麻糬，煙煙韌韌，口感好特別～布甸滑溜，整體味道唔會太甜，幾啱我口味😌⭐️楊枝甘露芒果份量超多，啖啖都係果肉🥭配埋西米、柚子，酸甜清爽，夏天食一流～…查看更多

最近喺上環搵到一間好有情調嘅餐廳The Grand Patagonia Argentinian Steak House，主打阿根廷風味牛扒，氣氛好適合約會或者朋友聚餐🍷⭐️布拉塔芝士Burrata cheese 配上新鮮蕃茄同香草醬，賣相簡約清新🧀蕃茄好甜好juicy，芝士質感柔滑，切開後慢慢流出奶香，味道清爽又唔膩，好啱做前菜～⭐️牛扒拼盤（19oz / 540g）拼盤包括西冷、菲力同側腹膜橫肌三款牛扒，份量十足，適合兩個人share🥩每款牛都有唔同口感，建議趁熱食，配埋紅酒一齊享受會更有風味～Recently discovered a cozy and atmospheric spot in Sheung Wan — The Grand Patagonia Argentinian Steak House. Specializing in Argentinian-style steaks, the vibe is perfect for date nights or gatherings with friends🍷⭐️ Burrata CheeseServed with fresh tomatoes and pesto sauce, this dish looks clean and elegant🧀 The tomatoes were sweet and juicy, pairing beautifully with the soft, creamy burrata. Once sliced, the cheese gently releases its milky aroma — light and refreshing, a great way to start the meal.⭐️ Mix Grill (19oz / 540g)Includes sirloin, filet, and flank steak — generous portion, ideal for sharing🥩 Each cut offers a different texture and flavor. Best enjoyed hot, and even better with a glass of red wine to bring out the richness.…查看更多

尋日萬聖節👻同朋友食飽再去玩～我哋去咗瓊華牛大人食「日本黑毛和牛A4+火鍋放題」，依家限時優惠仲送「江蘇太湖大閘蟹」一隻🦀即蒸即食，而且仲超多膏！正到爆！我哋揀咗「聰明魷魚沙茶鍋」，魷魚超大條，沙茶湯底香濃惹味～另外依家到12月2日仲有童年主題打卡位「東南西北·回到童年時」，送小禮品🎁⭐️日本黑毛和牛A4+油花分布好靚，入口即溶，肉香濃郁，真係食完唔想再食其他牛😆加埋沙茶香氣十足，配和牛一流～⭐️伊比利亞黑毛豬梅肉肉質嫩滑，油脂香濃，落鍋後唔會縮水，食落口感唔錯⭐️鮑魚三吃鮮甜鮑魚可以煮、燒、涼拌，啖啖鮮味，口感彈牙～⭐️海鮮拼盤＋M9和牛牛丸海鮮有蝦、蜆、魚片，全部都好新鮮🦐牛丸用澳洲M9和牛製成，肉味濃郁，咬落去仲有肉汁爆出嚟！⭐️小食精選蝦蝦霸霸脆多士🦐、阿嬷豆乾魚蓉麵（用永樂粉麵廠粉麵）、日本和牛橘梨伴豆腐、豆乾魚蓉麵、海苔鹽酥雞、夜市雞皮卷、烏金墨汁腸、滷味雞胗、撈脆薯⋯⋯款款都好有特色⭐️特飲＋甜品芒檸蜜西米爽清新解膩🍹，港式檸檬茶18+任飲（限A4+套餐），甜品蜜桃愛玉冰酸甜清爽🍑…查看更多

之前朋友經過天后見到有間居酒屋，話想試吓，趁住今日Blue Monday，特登過嚟試吓，幫自己cheer up⭐️紫蘇葉柚子甜蝦非常鮮甜，而且因為加咗柚子，所以比較開胃，好適合做前菜⭐️炸彈白松露油薯仔沙律好香白松露味，平時都係食黑松露比較多，難得呢度係用白松露油😮好鍾意呢度菜式，撈埋薯仔沙律好香好入味，忍唔住大啖大啖放入口，好快食晒⭐️燒明太子第一次成條明太子咁食，好特別嘅體驗，因為明太子相對較鹹，所以配咗青瓜，一齊放入口，令明太子冇咁鹹⭐️月見海膽拖羅杯雖然話係杯，但其實都幾大碗，海膽好新鮮🤤拖羅蓉配上大蔥連飯放喺紫菜上面，簡直一流👍🏻中間嘅糖心蛋唔單止為拖羅杯嘅外型作點綴，更為其添風味⭐️沙錐魚天婦羅外脆內嫩，炸漿薄身唔油膩，食落爽口又輕盈⭐️串燒墨魚香腸，好驚喜，甜甜哋，而且墨魚好彈牙；豚肉提子，第一次見咁樣嘅配搭！提子超甜，所以加咗豚肉中和佢嘅甜味，令佢食落唔會太甜，一啖食落去口腔有豬肉味道，但係有好清新嘅提子味；燒煙鴨，胸彈牙得嚟唔太咸⭐️一杯喜秘の炒飯聽店員講有時會係泡菜，我哋今次係鰻魚，黃金般嘅炒飯粒粒分明，鰻魚份量都唔少，啖啖都食到鰻魚粒，可以裝到兩碗滿…查看更多

今次去咗中環嘅竹麓拉麵，主打和牛料理，拉麵同丼飯都好有驚喜🍜🐮！⭐️和牛肉鹽醬油拉麵湯底清而不淡，鹽味帶出和牛肉香，肉片嫩滑，麵條彈牙，食完好滿足⭐️海老味噌拉麵蝦味濃郁🦐，味噌湯底香而不膩，配料豐富，海鮮控必試。⭐️月見和牛背脂和牛丼和牛油脂香濃，配半熟蛋一齊撈飯超邪惡，飯粒吸晒肉汁，一啖接一啖停唔到。⭐️唐揚雞件外脆內嫩，炸得香口，唔油膩，配醬汁一齊食更惹味，做小食一流。餐廳環境舒服，價錢合理，啱晒想食高質日式料理又唔想太傷荷包嘅朋友！…查看更多

同朋友慶祝生日，梗係要帶佢食大餐！知佢最鍾意食燒肉，帶咗佢去佢最鍾意嘅燒肉店——安平燒肉⭐️日本A4+和牛壽喜燒好靚嘅大理石紋路，加埋精準薄切技術，完美保留咗和牛嘅柔軟細膩口感，入口即溶，真係食完唔會再想點其他牛肉😆！A4+和牛壽喜燒配埋日本京艷蛋，香滑濃郁，一啖落去幸福感爆棚～食咗幾碟差啲冇位再食其他嘢，完全停唔到口！⭐️炭烤鰻魚 超級鍾意佢哋嘅鰻魚，又想食A4+和牛，又想食鰻魚🫣最後飽到捧住個肚走⭐️極．厚切檸檬牛舌配有特別嘅餐盤、餐具，店員特登拎個漏斗，提我哋每邊燒2分鐘⏳特別嘅用餐體驗～…查看更多

今次喺澳門試咗唐吉柯德餐廳，佢係目前唯一一間同時供應正宗西班牙菜同地道葡萄牙菜嘅地方，裝潢有歐陸風情，氣氛悠閒，好啱慢慢歎。推薦三款必試菜式：首先係葡式烤雞，外皮香脆，肉質嫩滑，用上葡國招牌 Piri Piri 醬汁，微辣帶香，好開胃。配埋薯角一齊食，鹹香夠味，好有葡國街頭小食 vibe。炒高麗菜睇落簡單，但炒得好有水準，蒜香撲鼻，菜葉爽脆唔水腍，清新得嚟又唔失風味，係一個好平衡嘅配菜。最後一定要試木糠布甸，層層忌廉配餅碎，入口即溶，甜度啱啱好，唔會膩，食完主菜再嚟一杯咖啡配布甸，完美收尾。整體出品穩定，服務有禮，係一間值得回訪嘅葡西餐廳，無論你鍾意鹹香主菜定甜品收尾，都會搵到心水之選！…查看更多

今次喺澳門餐廳試咗兩款葡國經典菜式，出品有驚喜！主菜揀咗葡式鴨飯，鴨肉炆得好入味，肉質嫩滑，飯粒吸晒鴨油精華，焗到表面微焦，香氣撲鼻。仲有葡式香腸同煙肉點綴，層次感十足，每啖都好有滋味，食落去唔會太油膩，反而好香口。甜品方面就一定要試木糠布丁，口感綿密滑順，忌廉同餅碎層層交錯，入口即溶，甜度適中唔膩。上面仲有少少堅果碎同新鮮果粒點綴，賣相精緻，味道有驚喜。整體出品有水準，擺盤靚，環境有葡萄牙風情，係一間可以慢慢歎、慢慢欣賞嘅餐廳。如果你鍾意鹹甜交錯嘅滋味，呢兩款真係值得一試！喺澳門餐廳試咗葡式鴨飯同木糠布丁，鴨飯香濃入味，飯粒吸晒鴨油精華，焗到微焦好有層次；木糠布丁綿密香甜，餅碎同忌廉交錯，口感豐富唔膩，兩款都好有葡國風味，值得一試！…查看更多

今日去到鰂魚涌覓食，揾到間好有情調嘅意大利餐廳，仲越夜越多人🍻3 courses set包starter、main、dessert，可以任揀有「🤌🏻」標誌嘅菜式，部分要額外加錢一開始送嘅麵包配黑松露醬，真係超香超好食，勁鍾意佢嘅黑松露醬，好想直接買一樽番屋企日日搽麵包🤣⭐️羅馬肉丸、香煎吞拿魚肉丸都算大粒，上面加咗Parmesan；吞拿魚係生食，旁邊位有輕輕煎一煎，食材新鮮⭐️大蝦意大利燉飯、意式烤豬腩大蝦好新鮮，意大利飯軟硬度適中，醬汁調味少辣，唔食辣嘅人要注意⚠️近豬腩部位嘅肉比較軟熟，薯蓉好軟滑，如果可以再多啲就更好啦～⭐️ Tiramisu、白朱古力奶凍忌廉滑順，咖啡香氣滲透每一層，配上微微酒香，味道層次分明；奶凍質地滑順得嚟帶少少厚度，唔會水水哋，旁邊配有果醬…查看更多

最近喺澳門試咗一間葡式餐廳，出品好有水準，海鮮控一定要試！🐙 葡式炭烤八爪魚：外層微焦，內裡嫩滑，配埋橄欖油、蒜片同蔬菜，味道層次好豐富，完全冇腥味，好啱配酒。🐟 葡式烤沙丁魚：香氣十足，魚皮脆口，魚肉鹹香，配埋檸檬汁一齊食更清新，好有地道風味。🍅 番茄濃湯：酸甜平衡，口感濃郁，仲有香草點綴，飲完暖笠笠，好開胃。🦐 葡式海鮮飯：海鮮超足料，有蝦、蜆、魷魚、青口等，飯粒吸晒湯汁精華，微辣帶香草味，食到最後都唔覺膩。整體氣氛舒服，餐具擺盤都好講究，係一餐食得開心又滿足嘅葡國菜體驗。…查看更多

間唔中要試吓新嘢，今次去咗中環食黎巴嫩菜，第一次去黎巴嫩餐廳，呢度嘅decoration超靚，好有風格，估唔到啱啱嚟嘅時候有肚皮舞表演，超好彩，可以近距離欣賞到💃好好睇⭐️燒雞半隻皮脆肉嫩，油分唔太多，雖然話係半隻，但其實都好大份😮另外因為用咗薯仔墊底，所以雞嘅精華入晒薯仔度，超好食，薯仔仲要脆脆哋⭐️慢烤羊腿配mandi香飯店員喺我哋旁邊即場喺慢煮袋中取出羊架及其他配料，再將剩餘嘅精華倒進飯中，好有儀式感🥳不過如果唔鍾意芫荽嘅人記得叫佢唔好落，我遲咗一步🙈羊腿非常多肉，而且好滑，一叉就開⭐️set lunch包湯、冷盤、熱盤、主菜、甜品，我哋選咗哈羅米芝士球、羊腿肉烤法國扁豆，佢嘅湯係蕃茄湯，超濃郁🍅配芝士球嘅摩哈拉醬好特別，配埋芝士球食好惹味，而且芝士球同我哋平時中式好唔同，值得一試🧀羊腿肉好滑嫩，佢嘅汁飯真係一流👍🏻中東嘅調味料都好特別，而且好惹味，最好嘅係一啲都唔辣😆啱晒我呢啲唔食得辣嘅人～⭐️烤牛肉串勁大嚿牛肉，食開啲串燒都係細細嚿肉，估唔到呢度嘅份量幾多…查看更多