iamsharon的个人专页

真係唔係講笑，覺得太遲發現呢間舖頭啦，對正個靚維港景，諗吓如果下次來係咁啱住着放煙花倒數就一流啦，直頭好過去book酒店。言歸正轉先，美食配靚景同慢慢嘆。一開頭，先來北海道帆立貝壽司，帆立貝厚身鮮甜，配上醋飯及少量嘅黑松露，味覺層次提升。之後叫咗大蔥雞肉串燒、煙肉日本蘆筍，燒得啱啱好，個人十分喜愛煙肉日本蘆筍💕，外軟內脆。再叫松葉蟹肉海膽炒飯配番薯片，我的朋友表示十分喜愛番薯片，十分薄十分脆少少甜👍🏻，食唔停口。我個人反而欣賞個飯上面海膽，可以一啖食海膽刺身🤤，沒有浪費到啲海膽鮮味，跟住款小食南蠻炸雞，炸得剛剛好，外脆內嫩。跟住職員為我哋推介咗兩個主打，花楽燒賣甲羅燒，聽落咪好似創意料理，但係其實都係分開食嘅，首先有職員幫手燒甲羅燒，職員服務十分好有友善又會提我地趁熱食最好味👏🏻，甲羅燒配多士，口感十分豐富，我另外再自己配上松葉蟹肉海膽炒飯食都十分之夾😝。至於個燒賣，個皮有少少似泰國春卷皮，食落口感十分有趣。另外，花楽六味真蠔❤️，鍾意食蠔嘅朋友真係唔可以走寶，有柚子汁伴日本生蠔、芝士焗蠔、蒜蓉焗蠔、天婦羅蠔，依家真係好少見到有舖頭咁有誠意💕為蠔都多種烹調方式，仲要係可以俾你叫一個order就可以食晒咁多款，十分之抵讚。重點係啲蠔，都大大蠔，完全冇縮水，仲要係鮮甜肥美。…查看更多

終於拎到啲bonus🤩，當然要食餐奢侈啲嘅美食🤤，呢間內外設計極日本簡約木系設計，感覺好warm💕全場有2個師傅，都識講廣東話，仲好識搞氣氛互動性好高，完全唔驚尷尬，仲有好貼心waitress，成餐飯好歡樂地渡過😆前菜係螢光魷魚配上濃郁鮮甜嘅高湯，螢光魷魚雖然細細隻，卻黏糯鮮甜，清甜彈牙。平目魚配紫蘇花，肉質鮮嫩，魚味清淡配上紫蘇花，味道更出。岩鹽赤貝配鮮柚子皮，赤貝肉質爽厚，配上岩鹽鮮柚子皮口味更清新。 燻青魚配上紫蘇葉，口感非常嫩滑，似刺身又似熟食，烹調技術掌握十分恰當，專業。鮑魚切片配竹筍熱湯，爽口彈牙並且暖胃。金鯛立鱗燒配烏魚子紫菜湯，呢個口感簡直深深在我的腦海裏，魚鱗薄脆令人吃驚，配上軟滑既肉魚，簡直係回味無窮。🤩期間限定鳥貝、深海池魚、粟蟹、赤鯥、赤身嘅醫油漬、拖羅，真心每一件都好厚切而鮮甜，可以感受到師傳對食材用心準備，完美高質呈現客人面前。最後，北海道海膽出場💕！首先估唔到份量咁多，其入口即嘗到鮮味，甘甜濃郁，完全不帶苦味，口感幼滑。好想叫師傳整多舊食下🤤🤤🤤🤤師傅仲好好被我影低呢款高質海膽，希望外面有得買🥹甜品點綴，濃郁麵豉湯，仲有好似燒肉外形但口感似蛋糕嘅玉子燒，產於日本嘅蜜柑同埋士多啤梨，完美地結束美食體驗🥰…查看更多

可以話呢間暫時係觀塘大件又好食炸雞鋪🤤仲要好近APM ，位置方便，而且店舖內環境舒適，2個人都可以坐到大枱，唔使就住就住咁落order ✌🏻 辣卡邦尼Rose炒年糕微酸辣而且帶有少少咸，都好開胃。年糕係我鐘意食個款，煙靭偏軟身。而且仲有魚糕，雜菜，都好入味。蜂蜜奶油蒜味烤雞（半份）呢個好好好推介，有蜜糖烤雞係世一，雖然有骨但係蜜糖完全包圍住啲雞件，好香甜，雞肉好嫩滑。但係好可惜不是全部都係雞髀或雞翼。韓式海鮮煎餅真係估唔到勁大份，而且整得好薄又煎得好香。啲料都好充足，有好多八爪魚之外，仲有冬菇同啲雜菜，每一啖，口感都好豐富。 士多啤梨乳酪&西柚梳打都正常唔會太甜，正常size 。而家太多韓式舖頭嗌嘢飲，個杯都會好細個，如果食辣嘢飲幾啖就冇咗又解唔到辣，呢個就係正常合理😆 呢個十分驚喜🤩，竟然有甜品免費自助區，又即食嘅Tiramisu，蘋果批，仲有你可以自己整格仔餅，雞蛋仔。超級驚喜，更有誠意。就係呢一點，同其他韓式餐廳，甚至本地餐廳，我一定會私心推介呢間。…查看更多

陪朋友去新城行街，點知落大雨冇帶遮，就喺上面啲大廈度搵到呢間隱世居酒屋，仲要係新開添，門口已經好特別，有個夾公仔機，唔係裝飾，真係可以用嚟夾。🤣諗住食住等停雨，之後繼續行程，所以就冇嗌到酒慢慢飲，本身見佢個Menu勁多頁酒精飲品，係我見過居酒屋最多酒嘅一間，錯過咗機會添。蟹籽青瓜沙律———份量唔算多，但係啲青瓜都去水去得好清，沙律醬唔會太多，所以食落都好清爽，唔會太油膩。炎～壽司盛——— 8件都係火炙，三文魚，鰻魚不係海鰻，蟹柳，估唔到仲有左口魚邊🤤櫻～壽司盛———8件三文魚，白身魚，帆立貝（完全遮蓋左啲飯，好大粒，鮮甜），紋甲魷魚（新鮮爽口），赤貝，赤身，芥末八爪魚。加州卷———呢個賣相有驚喜，係三角形㗎，好似飯團咁，食落都開心啲。海鹽雪糕———唔知係咪新開張，免費送的，小確幸。雖然係旺角鬧市居酒屋，但係性價比高某啲旺角地鋪。…查看更多

今次個friend帶我搵食，話黃埔有一間好大間嘅日式Cafe，好啱文青打卡，趁未有咁多人發現住就帶咗我去，仲發現係寵物Friendly 嘅舖頭添👍🏻由於我係明太子意粉狂熱者，就叫咗香煎帶子明太子忌廉汁意粉，估唔到竟然有三文魚籽，少量菇，同埋勁多紫菜，成個賣相勁日本feel😍帶子正常無雪味，嗰啲意粉煙靭，Creamy得來又唔會油膩，加埋啲三文魚禁籽，口感豐富。紐奥良炸雞翅配明太子蛋黃醬，欣賞個醬汁係另上，咁就可以令炸到脆雞翼啖啖都有醬汁配搭。日式和風章魚燒薄餅，餅皮非常薄而且好脆，上面有大量嘅木魚和紫菜，可惜章魚粒份量偏少，而且醬汁偏鹹，但份量好夠4人食。季節限定 Niksen 芭菲—香印芭菲😍賣相幾吸引，最低嗰層有雪糕，中間有厚肉多汁的香印同埋脆米相隔住上面嗰層再有2球雪芭，再加上好脆身嘅拿破崙。十分推介😍😍…查看更多

最近俾呢間裝修得好Y2K科技風格嘅韓國餐廳吸引咗，入到去完全唔覺得自己身處香港，覺得自己去咗一個科技感極重帶有Y2K異地空間，俾啲霓虹燈包圍，完全勁放鬆嘅感覺。釜山燒烤之國民烤五花肉，係已經燒好咗比你食，完全唔驚Overcooked，都唔驚會燒到自己一浸味，好適合啲懶人，而且佢個五花肉真係似去韓國食個款，肥肉部份相對多，食落一啲都唔乾身，配埋啲生菜洋蔥，口感豐富。蟹籽海鮮蛋卷，好厚身又大條，蟹籽完全冇同你慳，幾乎鋪滿晒蛋卷，有誠意。RED 炸雞配脆脆薯格，我地就揀酸辣口味嘅無骨炸雞，肉嫩多汁，仲有茄汁，芥末醬配薯格。韓式清爽海螺拌冷麵，同我想像中傳統嘅水冷麵有啲出入，因為呢個係無水去浸住冷麵，但係食落啲面都爽口彈牙。BBB刨冰啤酒🍻好特別，有3種味揀，我揀咗青蘋果刨冰啤酒，好易入口，而且好大杯就算食到啲辣嘢都唔驚，因為有佢上面刨冰可以解辣😆…查看更多

今日放工朋友約咗我去尖沙咀K11 Musea食飯,呢間餐廳都算係網紅餐廳，之前喺IG都經常見到有人推介！餐廳嘅環境真係好舒服，佢有好多大嘅落地玻璃，所以有好多自然光，氣氛好放鬆。食物方面，我哋叫咗炸番薯條，可以揀四款醬汁之中嘅兩款，有日式芥末蛋黃醬、黑松露蛋黃醬、明太子蛋黃醬、和風煙燻辣茄醬，我哋揀咗日式芥末蛋黃醬同明太子蛋黃醬，兩款醬同番薯條都好夾👍🏻至於主菜方面，我哋就叫咗日式明太子忌廉汁配香煎帶子花枝圈手工意大利長通粉，真係好正，帶子煎得啱啱好，配上明太子嘅味道，好有層次感。甜品就叫咗一個焙茶麻糬窩夫配豆腐雪糕，窩夫整得好好，外脆內軟，食嘅時候配埋豆腐雪糕都唔會太膩。另外，我哋仲叫咗兩杯飲品，一杯係kunisada，係由綠茶、蘋果、檸檬、士多啤梨組成嘅一杯梳打，好清新好飲👍🏻 另外一杯就係抹茶好立克奶昔，好濃郁好香甜，抹茶味好濃。…查看更多

有個朋友仔話係美國回流返嚟香港，話有啲掛住美國 Burger，就係銅鑼灣Fashion Walk搵到呢間燈光暗暗地，但係好有feel 兼且好多外國人幫襯。叫咗Honey Mustard Portobello Chicken Burger，分量好大個，果然係啱外國人size ，好彩同個fd share ，仲有幫手切埋，一個人應該食一定會太飽。個包好脆，而烤肉唔係一大舊塊反而係手撕個款，仲有入面仲大塊Bacon🤤再叫Guacamole Cheese Fries，開心唔係似個menu 咁，啲牛油果醬唔係一早淋係薯條上面，咁仲可以keep到啲薯條脆卜卜，有四款醬俾我慢慢點。最後叫iced Green Tea Latte，Kiwifruit Juice解一解食咗炸嘢罪惡感🤣但其實佢嗰度飲酒吹水都好正。…查看更多

今日朋友三個人去咗試呢間係長發邨嘅泰國餐廳，一直都知有呢間嘢，不過真係上網睇先知咁出名。三個人總共叫咗六個餸，份量超夠，仲差啲食唔晒。我地叫咗個招牌焗黃咖喱麵包軟殼蟹、蟹肉炒飯、泰式酸辣鳳爪沙律、椰青蜆湯、馬拉盞通菜，最後仲加多左個芒果糯米飯，嘢飲方面叫咗珍多冰同埋椰汁冰。個人嚟講十分推薦通菜同蟹肉炒飯，甜品同嘢飲就唔洗講，如果你係一個鍾意椰子口味嘅人就一定要試吓！同行嘅朋友都好surprise，味道十分香濃！芒果糯米飯嘅糯米口感做得十分之好，不過相對芒果就酸咗少少。但溝埋一齊都唔錯👍🏻菜式味道方面互整體算係偏港式嘅泰國菜，唔會太酸同味道過濃，的確係比較適合香港人嘅口味。性價比都好高，黃咖喱麵包軟殼蟹都係$188，三個人嚟食都算多，可能四個人啱啱好。估唔到香港嘅小型商場都咁高質嘅泰國菜餐廳，會再嚟😄。…查看更多

以前旺角返工已經好鐘意來呢間食，因為好近朗豪坊，而且個位坐得舒服，啲野食又好精緻，打卡嘅始祖，重點係有台式嘢飲。🤤依家出一陣街就熱到溶咁添，一去到餐廳就要叫野飲先，好快就上枱。一杯TEARAPY ICE BEAR MOCHA ，個賣相真係好靚😍，打卡一流，而且隻熊仔真係可以陪住食飯，成個鐘都未溶晒😆另外一杯係芝芝芒芒，沙冰底，芝士奶蓋好厚，而且唔會太鹹太甜，味道啱啱好👍🏻雖然用緊外賣杯，但係其實方便我呢啲飲唔晒可以拎走繼續飲。之後叫咗海皇樱花珍寶巨蝦配龍蝦忌廉汁手工闊條麵，王牌推介果然好味，隻蝦好大隻而且炸得好脆，闊條麵好彈牙。焗芝士安格斯牛肉墨西哥玉米片，我個人都好推介，好脆又唔會好鹹，安格斯牛肉墨西哥醬好惹味，仲有其他三隻醬，個蕃茄辣醬都好好味🤤宇治抹茶忌廉牛油酥配雪糕，有擺碟而且有意境❤️呢個真係抹茶控必食。驚喜地牛油酥下面都有抹茶醬，好cream 而且唔同part 嘅抹茶嘅口味有啲唔同架，唔係得個甜字。…查看更多

一直都想試下係旺角搵啲未人發掘到嘅小店食下，點知又真係比我地真搵到係朗豪坊前少少有間真。隱世小店，仲要係地鋪！小店牆上佈置好多日試經典動漫嘅海報，海賊王，天空之城，龍貓呢啲為人熟悉嘅劇照，除此之外都無額外豪華多餘嘅裝飾，完完全全係小店warm 感覺。牛油果軟殼蟹卷，雖然望上去比較細份，但係我個人覺得個飯嘅比例啱啱好，啲飯唔會太多，而且都唔會一夾就散。軟殼蟹都炸到好香好脆。炙燒三色丼，喺鰻魚同三文魚，仲有啲蟹籽做點綴，炙燒三文魚上面沙律醬芝士汁，完全係多種味覺嘅體驗。炙熱壽司禮盒🍱海膽三文魚大蝦蟹柳帶子鰻魚之外，仲有左口魚油甘魚魷魚，係用沙律醬芝士汁醬汁口3個炙熱加工，就連平時唔食魚朋友表示，呢個方法佢可以接受去食多幾舊。…查看更多

上次去韓國太凍無機會食街邊大排檔，估唔到香港有偽韓國街邊大排檔，可以唔怕溝通不良，又有冷氣嘆住食。個環境暗暗地又有霓虹燈光相伴下，感覺令人好放鬆，唔使就住就住咁，好啱一班人一齊瘋狂吹水。韓國料理，當然要叫街頭魚糕串串，我地就叫咗份M size ，除咗一串串魚糕，仲有幾款扁身少少魚糕，同埋蘿蔔。份量啱啱好，每款都有2件，雖然個湯底比較淡但最少無咩味精👍🏻。重點係有個gas爐一直可以加熱，可以熱飲住個湯。半份嘅甜辣炸雞，真係切件個啲雞而唔係只有雞翼，雞髀嗰款，啲肉質相對滑身，唔會over cook 。泡菜煎餅，屬於比較薄身，煎得比較脆身少少，唔會一食落口就食緊麵粉嘅感覺，個朋友一個食晒咁滯。🤣招牌炒章魚，酸酸辣辣嘅醬汁好開胃，啲章魚🐙腳係粗身個款，而且都好彈牙，易咬得開，配埋啲菜會不知不覺食晒咁滯。…查看更多

估唔到真係唔打唔撞竟然係銅鑼灣搵到一間裝修得好日式嘅餐廳，望落去係個款好靚好想入去打卡嘅cafe ，點知原來係shabushabu，仲要係歡迎 一人shabushabu😆，因為有啲位係可以透過望住玻璃窗食，完全唔怕尷尬。本身我就同朋友就係壽喜爐愛好者，所以就揀壽喜燒湯底，分別揀日本黑毛和牛A4 套餐&本延特選黑毛和牛套餐。而且套餐係包冷熱食用豆腐，蔬菜拼盤，蝦滑，飯同埋甜品，超級豐富🤤。壽喜燒湯底個人覺得幾出色，因為唔太甜太重口味，唔使驚一邊食一邊要狂飲水解油膩。個日本黑毛和牛估唔到有6，7塊而且都幾啱我口味，油脂估3成，唔怕食2，3塊就極飽肚，可以慢慢享受。相反本延特選黑毛和牛，雖然無咁多塊，但就好大塊，肉質來講都係日本黑毛和牛比較滑身啲。整體食完，都覺得好抵食，食得好飽，最正係有凍凍地抹茶啫喱甜品。…查看更多

平時都係去donki 個啲cafe 食飯有啲餐廳無得book 定先，係要排隊，仲等極耐又限時食，張枱又細，真係好無癮。但係估唔到今次呢間都係附近係可以定book枱又pet friendly🐶 先係重點。啲職員都睇得出係鐘意寵物，會陪玩，極有親切感。餐廳裝修好有異國風味，而且室外都有枱可以坐，有啲海風吹下都應該好舒服-珍寶龍蝦尾🦞配三文魚籽明太子意粉呢個認真係好味！值得推介，係我食過最好嘅三文魚籽明太子意粉🍝top 3 之一。要講下珍寶龍蝦先，真係無雪味，而且肉質好有彈性，仲要整得好香👍🏻。意粉真係creamy 🤤，啲醬汁調配好濃郁，食每一啖個口腔都覺得好滿足。下次來可以叫一碟自己自私食🫣-韓式泡菜煙肉炒腸粉個賣相真係好似炒年糕😂，不過食落口感完全相反，唔會食到牙骹都酸埋，而且唔係好辣，配埋韓式泡菜嘅汁&煙肉嘅咸香，無不知不覺咁食晒🤤-墨西哥粟米脆片配牛油果醬呢個墨西哥粟米脆片真心好脆，有時會咬到飛到枱到，食到最尾仲好脆🤣雖然個menu 係講配牛油果醬，真係好正咁有埋另外個2隻醬，等等我可以慢慢點慢慢食，唔似其他餐廳咁會落芝士，搞到最尾淋晒。…查看更多

-lobster bisque 一上枱就聞到好香又濃郁嘅龍蝦味，飲一啖就感受到綿密順口嘅口感，暖心又暖胃！配埋個甜甜地又好脆身嘅包片，又估唔到幾夾。-grapefruit lemon soda 幾鐘意呢間西柚檸檬梳打，因為真係唔會太甜，酸度啱啱而且又好fresh ，最重要係有時可以解一解油膩感。 -Scallop risotto3粒個北海道帶子煎到好香，而且無雪味。啲飯係偏向乾身嘅意大利飯，食落都粒粒分明，但個人覺得可以濕少少會perfect 啲。-banana chocolate crepe呢個推介好正，中間個層搽咗好厚嘅朱古力醬，同埋花生醬，配埋個雪糕🍧，食落個口感好豐富，絕配。-apple crumble啲蘋果切比較大粒，食落好有口感👍🏻。可惜酥皮太甜了，不過配埋個牛油檸檬醬，又中解到個甜嘅油膩感。…查看更多