pigcowyip的个人专页

好同事last day收工喺附近搵到一個舒服嘅餐廳食飯傾計～餐廳環境好舒服 係談心好地方☺️我哋叫咗一個二人餐～～前菜沙律🥗沙律菜好新鮮 配合埋少許大樹菠蘿同埋蕃茄仔 味道更清新開胃 如果可以多啲大樹菠蘿就好🤭 小食 馬拉盞一口蝦多士 炸得非常香脆 可以點上特製嘅甜酸醬 好味😋 素菜咖喱角很有驚喜的小食，炸皮薄脆，內裏餡料軟韌，咖喱又唔會太咸蝦醬風味炸雞翼雞翼香脆惹味，肉質juicy👍🏻濃香喇沙煙肉長通粉 感覺似卡邦尼 用喇沙撈起長通粉 幾新鮮嘅做法 中間仲有個流心蛋 撈埋落長通粉 令長通粉更滑溜 佢個喇沙汁充滿香茅同檸檬葉味 微辣 好香濃！份量又大份 好味又好飽肚😋 馬來甘香海鮮天使麵海鮮配料有魷魚、大蝦、青口、蜆，幾足料而且全部都好新鮮彈牙天使麵配海鮮Xo 醬呢個配搭好新穎麵質乾爽又唔會黏住，口感恰到好處斑蘭龍眼冰 有好足料嘅龍眼肉 成個底都係！ 味道好清甜夠冰涼 食完濃味嘅嘢飲番杯簡直透心涼☺️ 桔仔梳打另一炎炎夏日解渴清新之選焦香榴槤芝士蛋糕 係而家好流行嘅巴斯克蛋糕 榴槤同芝士味道好夾 而且榴槤味非常濃郁 榴蓮好甜芝士好香滑 perfect match！整體餐廳食物雖然係馬來西亞菜但係有fusion 同創新嘅成份非賞欣賞👍🏻👍🏻👍🏻絕對值得encore…查看更多

我同女友都係餃子控，最鍾意周圍去搵好食嘅餃子～我們分別叫了幾款煎餃及湯餃～首先要讚一讚呢度嘅煎餃子！係兩面都有煎到金黃薄脆，令口感更加豐富😍香煎軟心芝士餃 7隻 $57 我地除了係餃子控,所有芝士嘅嘢我都唔會放過，呢一款餃子就正正啱我口味～餃子外層香脆，內裏有流心濃郁嘅芝士，配上新鮮彈牙豬肉，味道恰到好處又有口感👍🏻👍🏻👍🏻龍鳳松茸雙煎餃8隻 $98 想不到煎餃和松露可以如此搭配～我比較鍾意食黑松露，味道非常濃郁，很惹味女友就鍾意食白松露，味道鮮甜，仲食到一絲絲野菌元貝豬肉餃麵$63湯餃子又是另一種口感～咬下去比較爽甜元貝清甜～與豬肉十分搭配上海麵幼身有嚼勁配有芫荽及香蔥，令湯底更加香～調味料亦很豐富～另叫了一款小食-黃金原味皮蛋 $28望到這個菜式外觀好吸引，已經好想叫😍皮蛋晶瑩剔透，入口鮮甜，蛋黃煙韌👍🏻👍🏻👍🏻女友本來就唔食皮蛋嘅，係我鼓勵下都嘗試了，仲竟然食咗幾舊添，因為沒有了普通皮蛋的腥味，所以更容易入口推介俾本來唔食皮蛋嘅朋友們～～自家製山楂雪梨水$20雪梨水甜度剛好，入口清甜解渴～食完咁多煎餃，確實是清熱解膩之選總括而言，呢一間餃子每一款味道都精益求精～鹹甜適中！小食亦很出色，但實在眼闊肚窄😆期待可以再試多少少唔同嘅小食～誠意推介比鍾意食餃子嘅你哋😙…查看更多

天氣轉涼，最適合就是打邊爐喇。今次搵到觀塘附近一間日式火鍋，餐廳地方雖然唔大，但係感覺溫馨，適合人少少打邊爐撐吓枱腳。點了美國特選牛肉90分鐘火鍋放題$268湯底分別點了牛乳湯底及甜豉油湯底。牛乳湯底是用北海道牛乳製成，難怪味道這麼香醇呢。店員細心解說，指牛乳鍋用上鮮牛乳，煮出泡是正常的。甜豉油湯底雖然簡單，卻是日式火鍋的最佳配搭！牛肉份量十足，脂肪較少但唔會韌，肉味濃。薄切豚肉入口鮮甜肥美。用牛乳湯底煮雞柳，口感更加幼滑，味道更濃。配料選擇甚多，有丸類、菜蔬。蔬菜選擇多，有油麥菜、生菜、冬瓜、白蘿蔔、金菇等，全部都非常新鮮！侍應更換配料更換得非常頻密，令食客也更有信心。令我更意外的是餐廳的飲料選擇也有差不多上十款，而且款式獨特，當中台灣的特濃可可是我最喜歡的！味道香甜幼滑。甜品有日本Milk top雪糕！ 芝麻雪糕可以吃到粒粒芝麻，味道濃郁！令人好滿足！為晚餐劃上完美句號！成餐飯，店員好勤殷勤咁幫我地加湯，又會細心講解，整體覺得服務都唔錯。…查看更多

成班姊妹行行吓街肚餓了 即刻去之前聽朋友介紹開嘅樓上Cafe搵吓好嘢食一入到去已經比成間餐廳嘅聖誕氣氛吸引着 牆上有好多聖誕節相關嘅裝飾 坐位亦都好舒服大把將梳化任你坐食嘢除咗食食物水平仲好睇環境㗎嘛 呢方面呢個Cafe真係無得輸🤣坐定定之後我哋就叫咗以下幾樣食物Hot latte 熱嘅牛奶咖啡，拉花好好睇，咖啡味道濃郁，飲落去苦嘅味道偏多，但叫你打下卡都很不錯鰻魚炒飯呢個很有驚喜，係邊日式嘅鰻魚炒飯，鰻魚肉很肥美，雖然味道偏重，但整體非常可以再試小食拼盤小食拼盤有咖喱角，腸仔，薯條，雞翼，每樣有三至四樣，非常適合一大班朋友開心share，配啤酒一流！冬瓜茶 放咗喺玻璃甖入面 依家天氣凍夜麻麻飲熱茶最暖下個胃食完又有肥肥莉莉嘅小食拼盤飲杯熱茶最消濟～成晚坐得舒服又食得開心唔經唔覺時間過得好快我哋先依依不捨咁閃左希望下次可以同班姊妹再嚟呢度食嘢啦如果想搵間餐廳價錢合宜又可以坐得舒舒服服食物水準又有返咁上下又喺鬧市當中呢間Cafe真係值得去…查看更多

難得放假可以同女朋友食餐好，一於帶佢食鐵板燒！侍應大大推介我哋食呢一個鐵板大蝦套餐，價錢係$658，我哋見到都幾多嘢食，就跟住叫。木魚絲蟹籽沙律夏天食一個沙律真係清新解渴之選！沙律醬唔會太多，配上蟹子同埋蟹柳，令人好開胃，我已經急不及待期待之後嘅主菜啦！活蜆雜菇麵豉湯麵豉湯清甜，冇平時嗰啲咁喊，飲一碗熱辣辣嘅湯令人好舒服。雙色刺身八爪魚刺身水份十足，味道爽甜。三文魚刺身肥美鮮甜，份量都唔少！香草三文魚扒三文魚平時好難煎，因為好容易變得老！呢度嘅三文魚扒真係煎得好好食。配上檸檬汁，更加帶出魚肉嘅鮮味。美國安格斯肉眼扒肉眼扒肉汁豐富，脂肪均勻！大家一定要趁熱食啊！老虎大蝦虎蝦非常大隻，啖啖肉，仲有好多蝦膏！「呢一碟蝦令人越食越想食！」「好耐冇食過咁好食嘅蝦！」呢兩句就係我一路食嘅評語！🤣🤣大蝦令人回味無窮，蝦頭都有好多蝦膏！我下次必定會再為咗呢碟餸而黎！牛肉炒烏冬烏冬非常煙韌，醬汁好入味，加埋牛肉同菜蔬，更加有口感！日式炒時菜食咗咁多肉，食返啲菜令人冇咁有罪惡感🤣🤣椰菜、芽菜好甜，炒得好爽口。🍮雞蛋布丁最後侍應送上一人一客雞蛋布丁，布丁好滑，配上蜜糖，清甜好吃。餐廳成晚都座無虛席，好多客人都訂咗位先來，我下次都會再encore！…查看更多

同同學去中環食飯八點嚟到一間新開嘅台灣菜。位置就喺石板街對上一條街。餐牌上嘅選擇唔多，主要係牛肉麵同雞嘅菜式，睇落都算幾健康同有營養，價錢亦都合理。同樣有各種嘅小食選擇，我同朋友揀左雞翼。店內嘅裝修都舒適光猛。雞翼醃得幾入味，而且食落熱辣辣，都幾好食，入口幾香。藥膳古早牛肉湯手工麵湯底香濃，有少少嘅藥材味，牛肉嘅鮮果配合得幾好。手工麵食落好彈牙煙韌，非常之推介手工麵呀！整體個份量好大，一個女仔都食唔曬。仲有就係個賣相都唔錯㗎。白蘿蔔大大舊，索哂啲湯汁，好入味。我加錢嗌咗個茶飲，味道都唔錯。…查看更多

識我嘅朋友都知道我鍾意食韓國嘢，呢一間餐廳由韓國人處理，我幫襯過不下數次，菜式要地道又地道，要創新又創新，再加上其水準穩定，價錢合理，係我每次食韓國嘢嘅心水之選。🍻生菜包肉$240每次來到，最想念的就係呢一個菜式！豬肉多汁味濃，肥瘦適中！配料選擇有醃蘿蔔、醃娃娃菜、生洋蔥等，包住豬肉食，清新惹味！夏天食真係啱晒！宮廷炒年糕$150平日食辣嘅炒年糕就食得多，估唔到傳統嘅炒年糕又幾好食！湯式味帶鹹甜，配料有香菇、牛肉、韓國拉麵、年糕等。年糕煙煙韌韌好有米香！整個配搭簡單美味！西柚coronarita調酒$88食韓國菜又點少得啤酒呢？🍻呢款西柚調酒入口清新，有粒粒西柚肉，酒精味恰到好處，令人精神為之一振！價錢其實我覺得都合理，因為其實係兩支酒嘅份量，兩個人飲係非常足夠。鍾意食韓國嘢嘅你，下次不如試吓呢一間！…查看更多

湯米早前係旺角食過一次，印象好好～知道將軍澳都有，咁近屋企～搵日放工就同中同黎左幫襯～餐廳主打台式火鍋，一人一鍋。平日晚上，都有唔少人黎食！餐廳好適合小聚傾計～價錢又合理！打邊爐之前先點左d 小食鹽酥雞扒$40鹽酥雞扒好正！炸皮薄脆！雞肉嫩滑多汁，充滿椒鹽香。台南滷肉飯$23。軟綿綿嘅珍珠米配上粒粒肉燥，好易入口，滷水汁鹹甜適中。另外點了兩杯飲品～芝士金鳳茶王$32芝士凍頂烏龍$33奶蓋充滿芝士香味， 茶味甘香，解渴得來又唔會覺得飽滯。每一組湯底都可以選擇白飯或者粉絲。咖哩奶蓋鍋$94 配粉絲湯底香甜，咖喱加上奶蓋，令到湯底口感更滑。牛肉份量十足，脂肪較少但唔會韌，肉味濃。湯底好足料，有娃娃菜、鵪春蛋、枝竹、薯仔等等，娃娃菜同薯仔吸收了湯底嘅精華，更加入味。巴蜀烤魚鍋$98 配粉絲麻辣湯底可以揀辣度，叫咗小辣，啱啱好，好惹味。湯底配粉絲簡直係一流，辣到流晒口水😋😋鯇魚厚肉鮮味，魚肉好滑，煮內阻都唔會覺得老。魚皮炸過，特別吸收湯底嘅精華，非常入味。侍應服務態度殷勤有禮～成餐飯都食得好舒服。下次都會再黎！…查看更多

想食高質日本野？問我就最清楚！餐廳坐落於廟街，旺中帶靜～主打食爆丼及魚生～週末一於約朋友嚐鮮～原隻赤貝刺身$68餐廳每一日都會有時令飛機貨，問了問侍應有甚麼推介，就先點了一份赤貝刺身～赤貝爽甜，水份十足。剩餘的部分配上青瓜絲及紫菜，感覺清新。北海道海膽油甘魚爆丼$138油甘魚厚切！油脂豐富，味道肥美鮮甜。新鮮的油甘魚是特別甜的，亦沒有絲毫雪味！丼物亦有切粒的油甘魚，入口爽甜。海膽是北海道馬糞海膽😍😍😍海膽非常新鮮，每一口都很鮮甜。海膽味道濃，配上紫菜，更能吃到海膽鮮味。藍鰭吞拿魚海膽爆丼$248吞拿魚是赤身，魚油豐溢，入口細膩，甜味慢慢滲出，齒頰留香。雖是赤身，但單憑其新鮮及魚香，已值滿分，令人非常滿足。拖羅蓉綿滑鮮甜，膠質豐富，配上香蔥，更添口感。玉子清甜又一板靚靚海膽，色澤明亮，紋理清晰。我諗淨係睇相佢有幾新鮮！好滿足的一餐！餐廳的用心，盡見於食材有多新鮮！誠意推介比對日本嘢有要求嘅你🎈…查看更多

星期日同屋企人來到九龍城吃泰國菜，這間餐廳每天都有優惠，食物質素又好，所以就早早訂了位來這裏吃飯！黃咖喱雞$1個咖哩汁真係好正！咖哩椰香味較重，辣度岩岩好，雞肉嫩滑～再加了一碗白米飯，送飯一流！生菜豬肉包$76每次來親泰國餐廳都會食的菜式！生菜包用上了多款香料，有辣椒、九層塔、香茅等等，令人垂涎三尺！豬肉半肥瘦，口感彈牙qq!配上爽甜生菜🥬令人胃口大開!芋頭焗飯$88芋頭粉糯！口感極好～焗飯用上多種配料，有唐芹、腰果、香蔥、粟米筍！整體味道豐富！椰青$42椰青價錢雖然有一點昂貴，但真的是一分錢一分貨！有好多好多椰子水，而且是極為清甜！椰肉又滑又甜！至今仍令人很回味呢！芒果冰特飲$36芒果味好濃，沙冰綿滑，甜度恰到好處！餐廳水準非常穩定，難怪每一次來都要等位呢！所以建議大家想吃的話，最好預先訂位！😝…查看更多

星期六嚟到尖沙咀，想搵達地方舒服靜靜地食餐飯， The One Aeon 既別天神拉麵就係唔錯嘅選擇！價格親民，食物質素有保證！別天神套餐配小龍蝦蟹籽沙律$105配菜是小龍蝦蟹子沙律沙律內有粒粒小龍蝦肉！配上蟹籽口感豐富！仲可以包埋紫菜一齊食，充滿鹹香！原味湯底醬油味會較濃餐廳自家熬製豬骨湯底，講明無落味精同乳製品，很有良心！可以自己加辣芽菜、白芝麻、蒜蓉等等調味特別推介芽菜，非常香辣，辣到流口水！好正！同個湯底好夾！拉麵好有口感，唔會太林！叉燒豬肉味濃，比較瘦，肥多少少就好啦！味付玉子好流心，蛋黃好香好滑！蝦味噌套餐配餃子$115餃子好香口，表皮香脆，內裏肉汁滿瀉，點上豉油！好好食！湯底充滿櫻花蝦！令到整體味道更rich!我本身好鍾意食蝦，就覺得個湯底好清甜好好味！不過平時唔食海鮮嘅朋友可能會覺得鯹～餐廳環境好舒服，食完飯又可以喺附近行街，呢個係又方便又就腳嘅選擇！…查看更多

朋友想試下啲特別既西餐廳，於是帶左佢黎工廈區既餐廳，之前我黎過依度食晚飯，今次特登帶朋友黎翻桌。Pizza piazza位置近地鐵站，方便，落車行一陣就到。入去睇下餐牌，有burger、pizza等等既野食。我地叫左西班牙黑毛豬扒，Pizza，chocolate brownies同野飲。西班牙黑毛豬扒，另有黑醋沙津菜同薯條配碟。沙津菜新鮮爽滑，配以黑醋，好掂！外表似薯條既原來係蕃薯條，好少地方有，即炸好食！豬扒厚實，口感結實，豬扒亦非常入味。海鮮Pizza充滿了海鮮和芝士，熱燙之餘鬆軟，十分可口。Chocolate brownies + sundae ，Brownies好厚，但蠻鬆軟，好濃厚朱古力味，朱古力迷至愛。青檸梳打，偏甜，加了蜜糖，令青檸味唔夠出。今次翻桌無令我失望，味道依舊好，服務佳，我朋友都讚好，又令依間餐廳加多左個fans!…查看更多

今日同朋友放工黎到油塘覓食，佢話想試下係facebook同instagram都好紅既旺記冰室，今次朋友帶隊，食下依間冰室！星期五晚上都頗多人去食，我地等左一陣位就有得入去食，店員仲安排左個睇到海景既位比我地，我地仲睇到好靚既日落同晚霞呀！！餐牌上面有飯餐同麵餐，我就叫左蝦仁牛肉滑蛋飯，加四蚊配薑汁奶茶。個飯餐其實係窩蛋牛肉飯既進化版，配以滑蛋、牛肉同蝦，加上煲仔飯鼓油。滑蛋非常滑，雖然係蛋餅狀，但口感好軟好滑。蝦係急凍但仍有蝦味，食得出有蒜味。另外，牛肉都頗軟，亦入味。成個進化版既窩蛋牛肉飯都好食！薑汁奶茶：從來未係茶餐廳飲過既配搭，野飲聞落已經好重薑味，飲落似薑茶，杯底有好多薑粒，驅寒一流。這間餐廳質數幾高，是一頓喜出望外的晚餐。…查看更多

肉骨皇在大坑的名氣就不用多說，週末趁好天氣同屋企人係港島行下，順便黎吃晚飯。海鮮柚子沙律$88沙律用上泰式甜酸醬，仲有粒粒鮮甜大蝦、椰菜絲同柚子粒，酸甜恰好，夏日炎炎，開一開胃都認真唔錯～肉骨茶$20/碗黎到肉骨皇，又點可以唔試佢既主打菜式肉骨茶呢？肉骨茶經長時間熬製，藥材味濃，加上羅漢果，味道清甜，易入口。馬來椰漿飯$88椰漿飯椰味十足，飯粒綿滑炸雞翼即叫即炸，雞肉多汁惹味。配上微辣的魚乾及雞蛋，拌飯一流。海南雞飯$98海南雞油脂比例恰好，充滿油香油飯略為乾身，可再有改善冬瓜湯入口清甜解渴餐廳推出優惠，只要Like Facebook Instagram 就可以有一杯免費飲品，我兩個平台都like左，咁就有兩杯！自製龍眼水Free龍眼水清甜鮮渴，唔算甜，感覺健康桔子酸梅水Free味道酸甜，生津開胃～解暑一流當晚都見到餐廳有唔少外賣～下次都可以一試！…查看更多

Happy Friday !!今次約咗中學死黨食飯，一於吹下水！就大家放工地點，黎到好熱鬧嘅尖沙咀食飯！餐廳好有氣氛，特別一讚嘅係啲音樂又唔會太大聲，唔會傾唔到計。朋友點左迷宮$68呢一杯確cocktail賣相精美就唔使講，Gin酒同 Lime令到整體感覺好清新，加左茴香又令到整體更有鹹香！餐廳有唔少佐酒小食，而且價錢都非常合理，大部份都係$58至$68。一口炸嫩雞$68炸雞非常香口，每一粒都係一口份量，而且雞肉幼嫩多汁！配上沙律醬，非常開胃。海鮮忌廉汁意粉$68意粉以呢一個價錢來講性價比甚高，忌廉汁好Rich，海鮮有八爪魚、蜆肉等等，加埋芝士粉，整體感覺豐富。餐廳嘅座位間隔令人感到好舒服，唔會太迫，的確係happy Friday嘅唔錯選擇…查看更多