CCL1997的个人专页

如果你鐘意香辣惹味又有層次感的鷄煲，辣酒東風螺雞煲絕對值得一試！兩小時内任食鷄煲，除此之外仲可以打邊爐，仲可以免費轉鴛鴦鍋，佢地噶任食套餐性價比極高。👅辣酒東風螺雞煲嫩滑多汁的雞件，份量十足，有好多鷄翼雞脾件，啖啖肉，雞腳更有膠質，口感一流。東風螺吸晒辣酒汁，香辣入味，完全唔會「鞋口」。裏面有好多芫茜、花椒、洋蔥等，炒香後上枱，香氣撲鼻。🧡除咗雞煲，仲有其他煲類如黑椒豬手煲、火焰牛尾煲、酸菜魚、人氣烤魚，最近新出左冬陰功口味，酸酸辣辣噶湯底特別提神醒胃！🧡最後仲可以打邊爐，免費升級鴛鴦煲之餘仲可以揀臺式藥膳排骨鍋，過百種打邊爐食材任點任食。今次揀左豬骨湯和越式牛肉湯，大大舊豬筒骨煲成奶白色湯底真的好足料！另外越式牛肉湯裏面有多塊靚牛，有濃厚的牛肉味，食唔夠可以任點脂肪較低的牛板腱和嫩牛肉。我好欣賞佢地噶嫩牛肉，十分爽滑，牛味香！除此之外還有很多台灣特色肉丸，例如三星葱爆醬貢丸、香葱魚羹、皮蛋紅姜貢丸等，貢丸愛好者的天堂！！🧡仲有好多海鮮類可以選擇，例如大大粒噶沙白，鮮味濃郁噶帶子粒，爽口低脂噶水魷魚，鮮甜彈牙的蝦。人均300蚊都唔使就有咁多野食，食足兩小時，麽都圍番本了！🧡最後一定要試下本地名牌雪糕，豆腐味和港式奶茶味味道都很香濃！一次過滿足曬兩個胃。…查看更多

同朋友行商場經過一間好有特色噶舖頭，入邊有各式各樣凍肉、芝士、醬料同紅酒賣，行入啲竟然內有乾坤，係一間好有復古英倫風嘅餐廳，柔和燈光同水晶吊燈，成個環境好舒服好有格調。餐廳與肉檔、雜貨店三合一。你可以直接喺肉櫃前面揀自己鍾意嘅牛扒部位，按重量計價（堂食已經包埋煮理費），呢種玩法真係好個人化。佢哋標榜用農場直送靚食材，啲肉全部冇激素、抗生素，食得安心。逢星期二有T-Bone牛扒半價優惠，無論堂食定外賣都適用。呢個優惠真係好hit，吸引好多牛魔王專登嚟食。想食要早啲book位或者早啲到，唔係就好易賣晒。👅蒜蓉蝦配烤麵包絕對係必嗌前菜!大大隻蝦又彈牙，蒜香味同微辣味好出。烤麵包外脆內軟，點埋個蝦汁真係冇得頂。啲蝦隻隻都咁新鮮，加埋辣椒蒜蓉超正，夾埋sourdough一齊食真係一流，個汁一定要點！👅炸大啡菇條外皮炸得香脆，但入面仲keep到大啡菇嘅juicy同鮮嫩。呢道菜無論做前菜定係配菜都好適合，真係會食到停唔到口。👅草飼牛肉漢堡份量大，足夠兩個人share 黎食，麵包軟熟，牛肉漢堡扒燒烤味香濃，配酸瓜食可以解膩，都算juicy 👍👅穀飼西冷扒親自去肉櫃前揀嘅牛扒好似特別好味。每一塊扒都有標明價錢，每種扒睇落都好吸引！今次叫五成熟，外面煎到焦香，裡面仲keep到肉汁，牛肉味好濃，脂肪分佈又均勻。上菜時，侍應會好細心介紹三款芥末醬俾你配牛扒，包括小辣嘅Dijon、有咬口嘅Whole Grain Mustard同埋比較辣嘅Hot English Mustard，總有一款啱你口味。👅風乾火腿布拉塔芝士薄餅Pizza都係即叫即焗，熱辣辣出爐，餅底厚度啱啱好，唔會太薄又唔會太厚，餡料十分豐富！舖滿曬風乾火腿，火腿同芝士噶鹹香味真係好夾。👅忌廉菠菜呢味配菜同牛扒真係絕配。濃郁忌廉同清爽菠菜平衡得好好，可以有效解咗肉類嘅油膩感。餐廳地方好大，有室內同室外座位。室內環境優雅，好有復古feel。室外就可以睇到荃灣海景，特別係日落時分真係好浪漫，而且仲係Pet-Friendly，可以帶埋毛孩一齊嚟食飯。當晚仲要有live music聽！氣氛感爆棚！…查看更多

最近去咗太子一間好有文青感嘅餐廳，主打日式、西式再加少少港式fusion風，$488 二人餐真係有啲驚喜，估唔到咖啡搭配烤肉可以咁夾，等我逐樣同大家分享！🦞 海鮮龍蝦湯前菜就已經好有誠意～湯底超濃郁，大大只沙白好鮮甜，龍蝦肉同蜆肉都好足料，飲完暖笠笠！🥗 味噌烤牛舌和風沙律牛舌燒得啱啱好，肉質軟嫩，味噌醬鹹香惹味，配埋沙律菜一齊食，清新又唔膩！🐖 咖啡燒汁豬仔脾豬仔脾熟得啱啱好，可以完美脫骨，咖啡燒汁帶微苦，咖啡香有嘀似smoky噶味道，真係好特別！自家制薯蓉好有口感，啡菇食落好多汁好香，沙律菜夠新鮮，去油膩感～好啱打卡又好食！🍝 蒜油花椒蜆肉意粉香氣十足的一道意粉，蒜油與花椒油的香氣交織，蜆肉鮮甜，意粉彈牙。麻麻辣辣好開胃～重口味朋友必試！🍰 香蕉芝士蛋糕甜品時間～芝士味與香蕉香氣融合得恰到好處，口感細膩不膩，唔會太甜，收尾一流！🍊柚子蘇打水酸甜的柚子蘇打汽水冰霜解膩，天時暑熱飲番杯消暑一流🌹Violet藝術感滿滿的一杯Gin 酒，下層係香甜的玫瑰味，上層係夢幻紫的蝶豆花，每一啖都帶有花香味，微酸的檸檬味平衡了Gin酒的苦和玫瑰的香甜，睇得又飲得。餐廳裝修走文青風，環境好chill，啱晒同朋友聚會或者拍拖～店内還有好多店長珍藏的動漫人物模型，好多細小擺件任你打卡，好似一個小小博物館，充滿人情味。創意料理加咖啡香氣，打卡又好食，推介俾鍾意新派料理同咖啡文化嘅你！…查看更多

近排好想食自助餐，但天氣甘熱胃口麻麻地，戰鬥力下降，去酒店食自助餐下下都要600蚊以上，吾食有好似好蝕底。平時去開亞太中心都見到有間半自助餐，一個dinner set 300幾蚊就可以有main dish，餐湯，餐飲之外，仲可以無限任食冰鎮海鮮，cold cut, cheeze, 同埋沙律！一於拉埋個friend去試試！👅澳洲草飼M7+牛扒佐蒜香薯蓉牛扒永遠都係我嘎首選，我噶要求好簡單，煎到我想要噶5成熟，唔好overcooked 就已經好感動了！呢間餐廳完全達到我噶期望，外焦內嫩，恰到好處的油花，豐盈的肉汁，有牛肉最本真的鮮甜和濃郁的脂香。鹽的鹹度恰到好處地提亮了肉的鮮味，連同香滑的奶油薯蓉一齊食，中和了肉的油膩感。👅意式開心果芝士醬長通粉配布袋芝士開心果除了可以整成甜點之外，原來整成鹹食都可以好好味，開心果綠的長通粉散發出淡淡的果仁香，入口是香純的開心果醬味，帶有少少芝士的鹹香。一刀切開白雪雪，漲卜卜的布袋芝士後，濃郁的起司傾瀉而出，連同意粉一齊食又是另一種美味，多了一份冰冰涼涼的奶香。👅凍海鮮沙律自助吧有3 款凍海鮮可以任夾任食，最經典的藍青口，翡翠螺，凍海蝦，肉質新鮮，回本必食！ cold cut 有多款火腿和煙燻三文魚片，值得一讚的是鮭魚片充滿油脂香，完全唔鯹。沙律的款式都好多，香甜的自家製蘋果沙律，香辣的口水雞沙律，飽肚的意粉沙律，除此之外還可以自製沙律，沙律菜都無比新鮮。Menu 上仲有很多好吸引的菜式想試，但齋食海鮮和cold cut 已經填飽左肚仔了！性價比十分高！餐廳定時會推出期間限定的main dish，想試開心果意粉的朋友仔要快了，唔係時時都有噶！…查看更多

北角呢間性價比超高的阿根廷扒房，餐廳有自家牛扒熟成櫃，裡面有多款牛肉部位，每款睇落都好吸引🤩lunch 時段300蚊都唔使就可以品嚐到優質的牛扒，以及無限任食新鮮即炸的蒜香薯條😋每根薯條都卜卜脆，好食到停唔到口!👅Marucha (Flat iron)平鐵牛扒Flat iron 是牛肩部分的嫩肉，脂肪分佈均勻，口感有啲似ribeyes 咁嫩，牛扒已經調過味，適量的調味令到牛肉味更濃郁，微焦脆的外層，粉紅色的切面，食落柔嫩多汁😋最簡單的調味已經足以凸顯牛肉原有的肉香味！👅 Bife de Costilla Con Lomo (T-Bone 牛扒) Medium Rare 的T-Bone 肉味最濃郁🧡近骨位的牛肉食落口感細膩柔嫩，略帶筋膜，油脂較少但奶味香濃，聞落帶有微微炭烤香味！如此優質的牛肉，食肉獸一定會一試愛上！👅Steak Tartare 生牛肉他他生牛肉最講究牛肉的新鮮度，必須要現絞現做，鮮紅的牛肉與歐芹、洋蔥粒同埋魚子醬撈埋一齊，點少少芥末醬，連同香脆的法包一齊食，可以食到鮮甜的牛肉味，一啲都唔腥。裡面仍然可以食到細細粒的牛肉，口感豐富😋👅Wild Prawn Ceviche 阿根廷檸汁醃蝦爽口蝦肉搭配洋蔥 青瓜 番茄仔，味道酸酸甜甜，十分開胃！👅Flan Casero 焦糖布丁最後一定要試甜品，微苦的焦糖味與布丁的甜膩平衡得恰到好處！布丁絲滑的質感在口中慢慢化開，蛋奶香充滿整個口腔！真係好想食多份🧡…查看更多

老牌酒店自助餐食多左都想試下啲新野，最近搵到有間性價比高的海景餐廳🤩晚餐時段可以一邊欣賞維港的燈光show，一邊品嚐多款高質美食😋Mr. Steak 自助餐除左有美國牛肉任食之外，仲有薄燒佐賀牛都係任食噶！每一塊佐賀牛肉都係你面前現切現煎，未食就已經睇到流曬口水，薄燒後的牛肉油脂豐厚，牛肉香味濃郁，出邊餐廳都未必食到咁靚噶牛肉🤤燒美國牛肉都好出色，粉紅色的橫切面清楚可以睇到好靚的油花，燒牛肉十分嫩，入口即融，係我食過最好味噶燒牛肉🧡隔離仲有燒牛肉壽司，一定唔可以錯過！除左靚牛之外，仲有大量凍海鮮任食！🦞波士頓龍蝦隻隻都爆膏，蝦肉結實彈牙，鹹度啱啱好，每人每次排隊都有開邊龍蝦一隻，排多兩次都夠回本😆長腳蟹味道鮮甜，紐西蘭青口肥美厚肉！必食即開生蠔🦪蠔味鮮甜，creamy 又爽甜噶蠔肉超級肥美！開蠔師傅好快手，細心洗乾淨每一隻生蠔👍熟食區選擇多籮籮，紅酒燉牛尾、清蒸原條比目魚、紅油抄手、豬腳薑等等，即包北京烤鴨都很值得一試！仲有各樣意粉炒飯🤤甜品區有麵包布甸、提拉米蘇、黑森林蛋糕、北海道牛奶布甸、DIY仙草芋圓、木桶豆腐花等等，餐廳提供客製化心太軟畫碟，好有心思🧡切開心太軟後，入邊的朱古力醬好似瀑布咁湧出黎！朱古力味好香甜濃郁😋紅白酒咖啡果汁都是任飲任添的，誠意十足！所有食物都係不斷供應，唔使驚夾唔到😆開初排隊拎龍蝦海鮮同埋生蠔的人比較多，但都唔需要排好耐隊，員工都好有禮貌，逐一遞上海鮮夾同埋餐碟，收碟速度都好快👍餐廳有提供長者優惠，真係超級抵食😋…查看更多

環境好靚～鍾意坐室外睇日落又得室內涼冷氣又得，全部Staff都好chill👍🏻🤣👅Akagai（$138）貝肉鮮嫩，色澤鮮艷，包裹住蘆筍香蔥絲，增加層次，咬落爽脆。👅Shredded Celtuce Salad（ $88）生菜絲配合白蘿蔔，每一啖都充滿鮮甜嘅鰹魚汁，清新嘅沙律，偶爾會咬到鮮味三文魚籽。👅Caramelised Pumpkin（$68）軟腍嘅南瓜，經過焦糖處理，外皮微脆香甜，南瓜味好濃郁👅Charcoal Grilled Eel（$ 288）即場炭火烤制外皮，頓時發出誘人嘅煙燻香味，肉質鮮嫩柔滑👅A4 Wagyu Cutlet Charcoal Sando（ $328）和牛肉質細膩，唯有一件稍嫌有筋，但每口都有細膩嘅油脂肉香，配搭微脆嘅三文治，滿足味蕾👅Mini Melon Daifuku（$68）👅Matcha Cheesecake($68）👅Basalt（$148）有肉桂同柚子味，清新酸甜微辣👅Golden Harmony（$148）Rum酒木瓜玉桂，意外和諧，容易入喉…查看更多

最近發現黃埔海旁新開咗間泰式餐廳！就係原先西班牙餐廳隔離，驟眼睇過吓個Menu，啲嘢食都相當吸引😋可以食住泰菜欣賞日落真係好正😆👅傳統泰國冬蔭功湯橙紅色的冬陰功湯睇落十分誘人，濃郁的香氣撲鼻而來。香茅的清新、檸檬葉的芳香、辣椒的辛辣以及魚露的鹹鮮交織在一起，令人食慾大開。蝦肉爽口彈牙，吸收了湯汁的精華，味道更加十分豐富😋👅燒豬頸肉配辣羅望子醬燒豬頸肉的外觀呈現金黃至焦糖色，表面帶有微微的炭燒痕跡，帶有淡淡的炭燒香味，炭火的煙燻香氣與豬肉的油脂香完美融合，還帶有一絲焦糖化的甜香。外皮十分微脆和焦香，肉質嫩滑多汁，點埋辣羅望子醬，開胃又解膩，令人回味無窮。👅 蟹肉忌廉咖哩配香脆長棍法包金黃色的蟹肉忌廉咖喱中點綴著雪白的蟹肉，整體看起來濃郁而富有層次，令人食指大動。咖喱的辛香與奶油的濃郁香氣交織在一起，還帶有一絲蟹肉的鮮甜。口感非常滑順，濃稠的咖喱醬汁包裹著每一塊蟹肉，入口即化。搭配法包一齊食，更能感受到醬汁的濃郁與蟹肉的鮮美。👅 慢煮熟成和牛配紅咖喱和牛經過慢火烹煮後讓食材的精華充分釋放。肉塊大小適中，經過慢煮後質地鬆軟，味道層次豐富，每一口都充滿了濃郁的滿足感。這道菜不僅適合喜歡濃郁風味的人，也能滿足對高級食材的追求。無論是作為主菜還是搭配米飯都能帶來極致的味覺享受。👅香蒜辣椒炒通菜通菜的外觀翠綠油亮，通菜的莖葉保持完整，色澤鮮豔。蒜末和辣椒碎均勻地分布在菜葉之間，焦香的蒜粒與辣椒的辛香完美融合，還帶有一絲通菜的清新令人食慾大開，吃起來既清爽又過癮。👅泰式蟹肉炒飯食泰菜又點可以唔嗌泰式蟹肉炒飯🤩米飯粒粒分明，呈現金黃色，炒飯的香氣非常濃郁，加少少魚露一齊食，魚露的鹹鮮與蟹肉的鮮美相得益彰，如果搭配埋青檸汁，還會有一絲清新的酸味，平衡了炒飯的濃郁感，每一啖都充滿鑊氣，令人回味無窮。👅斑斕椰子湯圓配暖椰湯食第一啖就已經愛上咗呢款甜品，結合了斑斕葉的獨特香氣、椰子的濃郁奶香以及糯米湯圓的軟糯口感。入口的第一感覺是湯圓的軟糯與椰奶的滑順，斑斕葉的清香在口中綻放，椰奶的濃郁奶香與斑斕葉的香氣完美融合，甜度適中，不會過於膩口。湯圓的內餡是充滿香甜椰香味嘅椰絲，連同帶有少少鹹味嘅椰奶一齊食就唔會覺得甜牙牙。…查看更多

近日朋友帶我去食一間好正嘅潮州小菜館度食飯，餐廳位置比較隱蔽，就喺砵蘭街嘅一個商場裏面，私隱度較高，餐廳環境好闊落，員工都好熱情招待，積極推薦熱賣菜式，菜式嘅種類繁多，有傳統嘅打冷小菜，熱炒，海鮮都有！價錢十分優惠，除咗有好幾款抵食套餐之外，而家撞正餐廳六周年紀念，加$8就有一大盤滷水拼盤或者韭菜豬紅！真係好抵食呀！👅金牌滷水鵝滷水鵝係最出名嘅潮州菜式，點都要試吓！喺呢度百幾蚊就食到一例滷水鵝啦！鵝肉得好入味又唔會過鹹，肉質結實唔乾柴，肥瘦適中！果然係金牌滷水鵝！下面仲有好多滷水豆腐墊底，啲豆腐朔晒啲滷水汁，真係好好食呀！覺得肥嘅可以點埋佢哋特製嘅醋，酸酸地好解膩。潮州辣椒醬都好出色，一定要試啊！👅椒鹽腰果雞軟骨呢味菜真係超級惹味，大人細佬都鍾意食，配啤酒簡直一流！腰果同雞軟骨炸到十分之香口，啱啱炸好熱辣辣，一啖一粒真係好過癮！👅脆脆銀魚醬油炒飯粒粒分明嘅醬油炒飯上面鋪滿咗香脆嘅銀魚仔同埋蔥粒，每一啖飯都充滿鑊氣味，口感豐富，魚同醬油嘅鹹鮮味真係好夾！食到乾乾淨淨一粒飯都無剩！😆👅滷水雜錦拼盤$8喺出邊連一串滷水串都買唔到，喺度竟然可以買到一碟滷水拼盤！仲要有鵝腸食添！除此之外，仲有大腸、墨魚片、紅腸、豬耳、豬腩肉！仲有豆芽墊底，超級抵食！味道都好正宗！仲有好多好有特色嘅菜式都想試🤤下次帶埋屋企人黎試吓先！…查看更多

Nice Thai Food in Central Worth Trying!Recently, I walked around in Central with my friend and discovered this restaurant inside PMQ. With a modern view from outside, it has a peaceful atmosphere and feels comfortable inside.While enjoying the tranquil environment in the restaurant, the food offers Thai flavors with a modern Western style. The food maintains its original flavors without overwhelming spices.I ordered wagyu beef skewer, salads, beef rib curry, wok-fried clam soup glass noodles and two drinks (coconut smoothie and Thai milk tea) for us. Among the food ordered, I recommend the skewer the most! It has a strong charcoal flavor while maintaining its juicy and tender texture. The salads were refreshing with a light vinegar taste.The smoothie had a refreshing taste with a mixture of coconut and mango. I recommend this place to others who would like to chat with friends while tasting modern-style Thai food.…查看更多

各式各類的放題越來越多，最近有間性價比十分高的放題，一定唔可以錯過😆九龍灣淘大美食街超多餐廳！千海水產位置十分顯眼，至上淘大商場二樓就到啦！大大個招財貓係門口鎮住，生意唔好都難😎一入門口就見到超大噶魚缸入邊全部都係生猛噶海鮮！大大粒噶沙白 花螺 三點蟹 九節蝦 大頭蝦等等，入邊仲有花膠 桶蠔 扇貝 耗兒魚！所有海鮮都任夾任食！每樣食兩粒都已經夠飽！員工不停refill 海鮮，唔使驚唔夠食🤩仲有各式各樣的肉丸，新鮮蔬菜，惹味熱食，唸到噶都應有盡有！仲有清酒啤酒任飲！重點係有澳洲M5和牛 新鮮即炸乳鴿 都係鍾意食幾多就食幾多 無限量order 🤪咁高質噶放題真係無得輸🤭究竟老細有無賺噶🤔…查看更多

太古城有一間性價比好高嘅地中海餐廳，每人$338就可以食到五道菜嘅晚餐🤩餐廳設有戶外座位，happy hour可以同朋友用較低嘅價錢order嘢飲，一齊享受高質嘅晚餐！👅西班牙乳豬同以往嘅西班牙乳豬唔同嘅係，香脆的乳豬皮下係豬肉絲而唔係原本噶乳豬件，完全冇油膩感，零負擔😆👅里科塔奶酪配松露芝士雲吞煙靭嘅意大利雲吞皮入邊裝滿晒芝士，一咬開就散發出香濃嘅黑松露味，連同濃厚芝士醬一齊食，超級滿足！👅辣肉腸pizza 對於唔鍾意食厚pizza皮嘅人嚟講，呢間餐廳出嘅Pizza真係極品！極薄嘅Pizza皮上面鋪滿晒芝士同埋辣肉腸，淡淡都係餡料，名副其實嘅皮薄餡靚，Pizza皮又薄又脆好似食緊梳打餅咁！👅西班牙燒八爪魚切成粒嘅八爪魚更加容易入口，一上枱就聞到一浸浸嘅煙熏味，風味十足！八爪魚淋得來又有啲咬口，同白酒係絕配！Chef’s Testing Menu👅法國紛迪加蠔生蠔大小適中，食落有豐富嘅礦物味，唔會過鹹。👅松露芝士三文治齋睇就已經流晒口水，融咗嘅芝士好似岩漿咁流出嚟，肉眼可見嘅黑松露像，金黃嘅外皮，再邪惡都願意食多幾塊😆👅風乾和牛腹側扒配有機混合蔬菜和紅酒汁Dry aged 和牛肉味更加濃郁，三成熟嘅牛扒食肉質軟嫩，簡單的烹調完全可以盡現呢塊牛扒嘅美味之處！👅椰子味意大利雪糕雪白嘅椰子味意大利雪糕，有一絲絲嘅椰子絲喺雪糕入邊，多重口感，十分香滑，又唔會太甜👅Figs Sangria美酒配佳餚，識飲一定係飲餐廳signature嘅Cocktail，呢杯酒精飲品入邊落咗好多水果粒，有蘋果橙士多啤梨粒，用料豐富，酒感唔重，男女都啱飲，同咁多樣嘅嘢食都好夾！…查看更多

.👅申子三式丼（$298）有海膽、吞拿魚蓉、三文魚籽！大大碗，又有小菜牛蒡和醃漬海藻，仲附有麵豉湯！👅和風牛舌丼（買一送一；免費）好有牛肉味，個飯熱辣辣！午市套餐限時優惠超抵！👅蓬鬆玉子（$98）大大碟，內裏仍然流心，送飯一流！推薦❤️‍🔥❤️‍🔥❤️‍🔥❤️‍🔥❤️‍🔥❤️‍🔥個裝修幾舒服，地點又方便，今次同fd喺旺角行街行到攰就試下呢間！買一送一嘅lunch set優惠幾吸引我…查看更多

西營盤係我甚少踏足噶地方，經朋友介紹嚟到呢間咁有特色嘅西班牙餐廳，餐廳內色彩斑斕的裝飾令人體會到西班牙熱情的多元文化🇪🇸一個dinner set包括有多款特色tapas ，西班牙海鮮飯及甜品。👅Tapas。每款Tapas都好高質，擺盤精緻🔸伊比利亞黑毛豬火腿黑毛豬火腿的脂肪紋理分布均勻，與塗有橄欖油番茄蓉嘅法包一齊食，火腿的油脂香與番茄的甜酸味相融合，完全展現左火腿獨有的香味。🔸新鮮生蠔肥美飽滿的生蠔配特製嘅醬汁更能將顯生蠔嘅鮮味及礦物味，蠔身食落爽口新鮮冇腥味。🔸吞拿魚他他伴有三文魚籽的吞拿魚他他裝係杯仔入邊真係好靚，將他他倒在黑媽媽的薄脆上一齊食，食落帶有少少鹹鮮味，薄脆似係加左墨魚汁整嘅，甘香的吞拿魚不帶丁點魚腥，入口即融😌🔸火焰帶子西班牙小食除左擺盤精緻之外，仲好有睇頭😆侍應將烈酒倒在擺盤上，點火之後熊熊的烈火將扇貝包圍🔥扇貝上面灑滿火腿粒，衝擊噶畫面滿足了視覺嘅享受🤩煎熟後嘅扇貝鮮甜度媲美刺身，底部是用龍蝦汁炒嘅椰菜仔同埋蘑菇，配菜嗦曬啲海鮮汁，呢味菜嘅細節位多到令我感到驚訝，真正做到色香味俱全！🔸西班牙紅蝦老實講我都係第一次食紅蝦🤔開邊後嘅紅蝦可以清楚看見頭部多到滿瀉嘅金黃色蝦膏，連同大量蒜蓉同埋橄欖油一齊焗製之後，散發出陣陣蒜香味，將蝦膏同蝦肉撈勻之後配法包片一齊食會冇咁油膩，蝦嘅鮮味尤為突出，配白酒一流🤤🔸乳豬烤乳豬係西班牙菜的經典菜式，乳豬仔噶baby fat 入口即融，乳豬皮薄到好似米紙咁，輕輕掂到都會碎，咬落口感好似薯片咁，同時間嫩滑嘅豬肉有超多肉汁爆出嚟，真正做到齒頰留香🤤配雜菌同炒椰菜仔一齊食balance 翻乳豬噶油膩感！ 👅西班牙海鮮飯最後壓軸嘅係成盤西班牙海鮮飯，佢嘅精髓都集中喺鑊底嘅飯焦😋金黃色嘅飯粒表面有好多種海鮮，有魷魚、青口、蝦同蜆肉，飯粒軟硬適，吸收晒海鮮嘅精髓，淡淡都係鮮味，間中食到少少飯焦，口感豐富。👅西班牙炸脆條配芝士蛋糕西班牙名物炸脆條表面灑油好多砂糖，新鮮滾熱辣炸出嚟嘅脆條配埋凍冰冰嘅雲呢拿雪糕一齊食，甜得來又唔會太膩，食埋芝士蛋糕就完滿了。👅La Paloma招牌cocktail La Paloma 睇落好似一杯普通噶西柚酒精飲品，但飲落竟然會有smoky 嘅味道，唔會太酸，帶有西柚的清香味，酒感適中，同套餐的菜式十分夾！…查看更多

前兩日落大雨，咁啱放假，就買咗啲街頭小食返屋企🤤呢d街頭小食真係香港嘅特色！價錢又唔貴，學生都負擔到🧡好多街坊幫襯呢間老店呀🤣👅煎釀三寶（$20/5件）好大件！款式又多～最鍾意係釀茄子🍆同埋菇🍄‍🟫！唔會油膩又又少少濕潤！正！👅陳皮魚蛋（$12）👅椒鹽炸燒賣（$14）魚蛋個辣醬拎過獎架！唔怪得食到咁上癮！炸燒賣都好正！外脆內軟！🤤魚蛋燒賣，必不可少！👅八爪魚/炸大腸（$16串）兩樣都煙煙韌韌～又有嚼口！睇波一流！🤩👅碗仔翅-大碗（$38）👅魚肉翅-大碗（$48）唔錯！夠大碗！我哋四個人食夠晒飽！更加推介魚肉翅，比碗仔翅更豐富！加埋醋同胡椒粉，口感好正！👅韭菜豬紅豬腸（$35）份量好足好大碗，豬大腸唔會有異味～👅滷水髀炸雞髀（$25）好大隻！好厚肉！尤其鍾意食滷水髀！好入味啊！👅臭豆腐（$16）離遠就聞到臭味😂最適合配辣椒醬！好多好多嘅醬可以揀㗎！見我外賣返屋企，店員幫我裝幾袋醬料！啲樽都好乾淨，唔會黏笠笠！🤤…查看更多