blackglutinousrice的个人专页

作為將軍澳人，一向都知道呢頭冇乜嘢好食，突然有日發現喺寶琳呢度開咗餃子店，梗係即刻要來試吓！環境👍🏻👍🏻👍🏻👍🏻呢度嘅店舖唔係好大，所以如果真係想食嘅就早少少過嚟啦～今日我去既時間大概係兩點幾，所以都唔算係特別多人，lunchtime既話應該都要等一等。不過佢好在所有位置都唔算迫，都坐得幾舒服架。食物👍🏻👍🏻👍🏻👍🏻叫咗黑白松茸龍鳳餃，估都估唔到竟然會喺餃子入面見到黑松同埋白松，但係食落口兩者都配合得好好，肉唔會搶奪左松茸嘅味道，食落去亦都非常平衡。由於我叫蒸餃，所以有一碗老火湯送。湯味道清淡，飲到係好足料，嫌淡既仲可以自己落鹽添。今次仲特別叫左份雞翼，味道偏甜，鐘意食蜜糖既就岩哂啦。飲品方面都係行養生路線，味道好解膩，食完煎餃飲就岩哂啦！…查看更多

今日同朋友慶祝生日，book咗一間尖沙咀樓上西餐廳，位置雖然有少少僻，但未夠7點已經差唔多滿座🤪好彩一早book咗位。待應安排我哋二人座窗邊梳化位，非常寬敞又舒適☺️。我哋total嗌咗一個starter，兩個main，一個snack，兩個女仔好夠食🤰🏻。黑魚子煙三文魚他他作為starter非常開胃，而且食落好有層次感，有爆汁嘅黑魚子、油脂豐富嘅三文魚、紅菜頭沙律，口感好豐富！食完好期待主菜😋美國安格斯牛肉漢堡🐮🍔Burger皮夠晒香脆，配撘肥美又香的牛肉漢堡、濃香的cheddar cheese🧀，非常juicy又惹味！麵包蟹海膽risotto🦀 冇諗過海膽配risotto會咁match，非常surprise，好creamy又好有海鮮鹹香味嘅口感，值得一試！而且薯蓉都好好食，口感好綿密。脆炸甘蔗蝦🍤外層脆卜卜但內裡蝦肉好爽口彈牙，一條又一條咁食上癮，配酒一流👍🏻Overall嚟講，係非常滿意嘅一餐！而且環境好chill，同朋友過咗一個愜意的晚上🍷…查看更多

屯門其實越來越多嘢食，有好多時候都已經好少再喺商場入面食飯，今日去開V city買嘢，突然留意到一間小店，位置雖然唔起眼，不過見到食物都幾吸引所以就過咗去試吓啦。環境👏👏👏👏呢度嘅位置非常容易搵，就喺正一田旁邊，基本上一行入商場望向左邊就會發現呢間小店。雖然佢係比較開放式嘅一間餐廳，不過好就好在嗰個位置都唔會成日有人行嚟行去。食物👏👏👏👏👏先講吓呢一度嘅食物，基本上都好簡單，主打都係西式嘅食物，特別推薦大家試吓佢嘅豬肋骨同埋千層麵，兩款都做得好有水準。豬肋骨嘅肉非常之腍，而且醬汁亦都調配得非常之好，味道唔會過重或者過鹹。而千層麵嘅肉醬食得出有蕃茄味，牛肉亦都新鮮，冇腥味，千層麵會過厚，入口都食得出唔同嘅層次。飲品方面，大家可以試吓佢哋嘅薑味latte，老闆特登選用咗黃姜粉，飲落其實唔會有平時嗰種好辣薑味，反而係帶出淡淡薑既香味，幾有特色大家可以試吓！服務👏👏👏👏👏除咗食物之外，一定要講吓呢一度嘅服務，老闆真係非常非常非常之有線，對住客人都好用心咁樣去講解佢哋推介嘅食物同埋飲品，睇得出佢哋真係一間好有良心嘅小店，大家真係要去多啲幫襯啦！…查看更多

愈黎愈多餐廳都有推出一人鍋，不過品質都有d參差，今日就簡左一間喺尖沙咀isquare對面既餐廳。環境方面，呢一度非常之闊落，其實最擔心打邊爐嘅時候就係好迫，但係呢度唔單止一啲都唔迫，而且冷氣都開得好足，大家唔使驚一路流着汗一路打邊爐！食物方面，今次選擇左兩款鍋，一款係藥膳，另外一份係酸菜魚。兩款嘅味道亦都比較濃，適合重口味人士，酸菜魚嘅酸度十足，如果辣到再勁啲咁就最好喇！另外佢哋魚食落都新鮮，而且有咬口，唔會一夾就散。而藥膳雞入面嘅雞肉都唔錯，如果肉多啲咁就更好啦！不過以價錢去講，一個鍋都只不過係幾十蚊，性價比都真係好高㗎！…查看更多

難得一見將飲品同水墨畫結合，特登黎呢到打下卡！呢到有坐位，大家唔洗擔心要係到企。不過人流好旺，隨時留意有位好坐啦！本身對於味道冇期望，點知原來係又睇得又飲得。兩款signature 甜道合理，有好濃芝麻同花生味，底層仲有好多麻糬，完全係一杯湯丸既飲品版！飲完都唔會覺得好漏。一個人一杯其實都幾飽下架，所以如果大家想當甜品呢一杯係絕對可以滿足到你！另外試左一款蛋糕，唔係死甜，蛋糕有蛋香味，價錢合理，值得一試！…查看更多

講到雞煲相信唔少人都會即刻諗到呢間18樓雞煲，幾年前雞煲熱潮出現嘅時候已經好多人啦其他餐廳度食雞煲，有機會始終呢度真係多人排隊上樓，今日難得見到冇咁多人就即刻入嚟試吓！環境👏👏👏👏呢到唔會好迫，所以大家唔洗擔心坐得唔舒服！拎野食位置方便， 唔同位置都有飲品拎，呢一方面都真係細心！食物👏👏👏👏主打嘅雞煲冇得添， 但係佢味道上嘅配搭係比較濃味，啱晒重口味嘅人！呢到既辣其實都唔算係非常過分，大家平時食得辣嘅都可以試吓中辣以上。…查看更多

喺中環其實都有好多餐廳嘅選擇，不過今日唔係太餓所以想揀啲精緻啲嘅食物。同朋友嚟咗呢一間係正常電梯旁邊嘅一間餐廳，個位置非常容易搵，餐廳入面都係有設計嘅，亦都有一啲戶外嘅位置俾大家可以喺出面飲吓嘢傾吓計。整體食物嘅份量唔算係好多，不過係擺盤設計方面都別具特色，所以真係幾適合女仔嚟打卡食少少野。特別推薦呢一款starter，上面嘅豬肉絲唔鞋口，而且佢都整得好碎，所以唔使擔心會黐牙。以下面嘅多士亦都做得好脆口，整體配合得非常之好。…查看更多

As we all know, Hong Kong is a renowned culinary city, with a good mixture of western and eastern, and alongside the local cantonese one. Today we went to Tung Chung for this Italian restaurant.Environment ⭐️⭐️⭐️⭐️⭐️This restaurant located very close to the Sheraton Tung Chung, it wont be hard to find it. The decorations for the restaurant is so instagramable!! The crystal chandelier and the cantonese steamer would definitely be the hot spot in this restaurant.Food⭐️⭐️⭐️⭐️⭐️From starters to main to dessert, the restaurant make a good time control in between. Highly recommend you to try for their Cacciucco as appetizer, different seafood could be found in it. The mussels are fresh. And the soup is rich in flavour, shrimps and seasfood lover would definitely love it! While for the main, the roast baby pig is crispy outside and tender inside. It wont be greasy, eat with the side dish takes the meat to another level! Highly recommend!! The sauce in lobster risotto is rich and thick, with fresh lobster on it, this should be the best combination of them. Service🔥🔥🔥🔥🔥🔥🔥I can tell this could be one of the best restaurant with the best service in HK, staff here are so sweet and nice, with very good manner. They are friendly and make the restaurant so dynamic! Had a nice dinner here.…查看更多

荔枝角附近有好多唔同嘅工廠大廈，所以呢一度其實亦都有好多好好食嘅小店，今次誤打誤撞經過呢一間雖然唔係有一個好明顯嘅店面，但入面嘅食物原來都幾有質素！環境⭐️⭐️⭐️⭐️店舖入面枱與枱之間有一定嘅距離，唔會好迫，而且整體環境望落亦都乾淨！食物⭐️⭐️⭐️⭐️其實我自己一向都唔係話10分鍾意食pizza，因為最擔心嘅係皮厚。呢度嘅Pizza其實都幾接近正宗意大利嘅Pizza，餅皮算係偏薄嘅，不過亦都未至於去到好似餅咁樣。今次試咗辣肉腸pizza，辣味大概係譚仔嘅10小辣，相信就算唔係好食得辣嘅朋友選擇呢一款都唔錯。特別想同大家講一講呢一度嘅pasta，今次叫咗呢一款係意大利煙肉意粉，一般來講係專食Pizza嘅食店都唔會對佢嘅pasta好有期望，不過呢一度嘅真係唔錯。麵質軟硬度適中，最重要嘅係佢調味調得幾好，有忌廉味但係唔漏因為同時配合左洋蔥。煙肉嘅粉量都有好多。如果大家唔夠飽值得推介嘅係可以試吓佢嘅雞翼，唔會帶得過熟，而且醬汁配合幾好，特別值得一試嘅係蒜香牛油雞翼。…查看更多

手搖飲品大家飲得多，但係相信大家都會開始關注健康嘅問題，今次特登嚟呢一個是係因為呢一間飲品店主打係健康，佢嘅飲品選擇有好多都混合左堅果類嘅食物。今次飲品叫咗兩款，一款係伯爵朱古力堅果奶蓋茶，另一款係粉紅莓堅果奶蓋茶。一拎上手見到上層有厚厚嘅奶蓋，大概食落口唔漏，味道鹹中有奶味，配合埋兩杯飲品入面嘅茶底，成個感覺到清新。特別在於店員亦都有特別提供一個匙羹俾大家，建議大家都可以係飲之前用匙羹試一試佢嘅奶蓋，然之後先至將奶蓋混合下面嘅茶底。今次叫嘅呢兩款亦都唔錯，叫咗少甜之後，成個茶味亦都出咗嚟，粉紅莓大家唔需要擔心會有藥味，因為佢飲落真係好天然嘅水果味，成個感覺都好自然好清新！…查看更多

利東街最近開咗好多新嘅食店，喺網上面見到呢一間舖頭有好出名嘅蘋果批所以特別來試一試。環境方面⭐️⭐️⭐️⭐️成個店舖嘅設計一目了然，好清晰咁樣見到分別有批同埋蛋糕比大家選擇。而且成個舖頭嘅感覺俾人覺得好乾淨， 所以對於佢嘅食物第一觀感都唔錯！食物⭐️⭐️⭐️⭐️今次特別試咗一款唔係蘋果批嘅，朱古力批做得好鬆脆，入面基本上係朱古力同埋榛子醬嘅混合，食落都唔會話好甜。另外留意到佢有蛋糕賣，而家嘅蛋糕價錢亦都唔算貴，由$20至到$28不等。今次揀咗呢一款係摩卡蛋糕，識落有濃香嘅咖啡同埋朱古力味，價錢都只係$25一件。性價比都算高！…查看更多

工作好忙唔想排隊買飯，見到樓下多左部便當售賣機，緊係要試一試啦！便錢👍🏻👍🏻👍🏻便當價錢大概$40-62不等，以科學園其他餐廳既價位黎講，呢個價錢係正常價錢黎既！所以都係合理。速度👍🏻👍🏻👍🏻👍🏻👍🏻一日有6款便當選擇，我大概12:15到，見到6款齊哂！不過我食完飯大概1:15左右，八卦落去睇下，見到得番一至兩款，所以大家如果想多d選擇，記得要早少少去買呀！成個過程5分鐘都口唔洗就可以俾錢拎飯拎野飲，絕對係快夾妥！食物👍🏻👍🏻👍🏻👍🏻今次我揀左個日式漢堡扒定食，一打開好驚喜，因為佢唔係一個頹飯，而係有好精緻既前菜，而且前菜一d都唔馬虎，紫薯甜蛋都好好食。至於主菜漢堡扒，冇腥味，食落有口感，好岩送飯呀！飯係選用日本珍珠米，食落唔硬兼有米香味，每一粒都非常飽滿，軟硬適中。成個便當好細心，餐具仲附有牙簽添。現階段都仲有一位姨姨會協助大家，好想讚一讚幫手既姨姨，唔單止介紹菜單清晰，仲好主動教大家點樣用部機👍🏻👍🏻非常nice!…查看更多

寫食評都好幾年，一直有個句講個句，都明白餐廳近年來經營非常困難，但係市道唔好都唔代表服務態度要一齊打折！今次都忍唔住要寫下。環境👍🏻👍🏻👍🏻👍🏻👍🏻黎得呢間分店既唔少人都知佢個境非常靚，真係可以一覽整個維港境色，所以環境絕對係冇得頂！食物👍🏻👍🏻今次試左兩款人氣蛋糕，椰子同泰式奶茶。兩款甜度適中。不過奶茶味略淡，千層既蛋皮厚薄一致，同cream配合得唔錯。兩款蛋糕頂上都有三塊曲奇，可惜都有d淋，食得出唔夠新鮮。未致於一定要俾$78黎呢到食！服務👎🏿👎🏿👎🏿👎🏿👎🏿可惜既係呢到其中一位女侍應服務態度極差！事源經理安排位都幾好，見冇哂窗邊都會安排近窗位置。後來見到有好多窗邊位既人離坐同賣單，咁我地都問下可唔可以轉過去。呢個時候位女侍應就話：出面好多人排緊隊。（黑面+反白眼）我當下就諗 多人排同我調位既關係係邊？我而家坐哂兩張枱咩？之後我冇出聲，佢就話：點？你係咪要落單？🙄 落完單之後佢就換碟換餐具，換既時候唔知唔小心定特登用個餐具整到我，我當下就望住佢，佢一句sorry都冇，仲繼續講：有d人可能係book左位架。我真係黑人問號其實見其他後生d既侍應同經理服務態度都幾正常，唔係特登nice但佢地唔會特登黑面，真係唔知呢位侍應係咩玩法。同埋都想講講，呢位侍應既白色恤衫好污糟，黎上菜見到佢件衫肚個個位一達達黃色污漬其實都真係唔太開胃。老實講，服務態度都好影響客人想唔想再黎你地餐廳，真係希望餐廳可以好好同呢位星期日下午茶時段番工，又有d年紀既個位女侍應溝通下🙂🙂…查看更多

一直都想黎試下呢間crepe! 估唔到都幾特別環境🍩🍩🍩🍩呢到環境唔錯，好有格調，餐廳店員服務態度都好好！唔洗擔心呢到會趕你走，因為冇時限既！特別一提係呢到唔收切餅費架！所以想同朋友慶祝生日呢到就岩啦！！食物🍩🍩🍩呢到出名食crepe，咸甜都有。今次叫左煙三文魚，crepe有好香蛋味，同煙三文魚配合得好好，中間有雞蛋，略嫌蛋汁冇蛋香味。另外有叫lobster pasta，汁濃，有好香lobster既味，肉質都好鮮甜，唔係急凍貨👌🏻…查看更多

相信有唔少人都知道呢一間餐廳，因為佢真係完完全全可以滿足你嘅少女心！但係估唔到嘅係原來呢一度嘅價錢完全唔貴，大家如果想來試一次嘅話可以選擇係下午茶時段嚟，兩個人都只不過係收緊大概$140 ，就已經有兩杯飲品同埋佢哋最signature嘅食物！當然要講講佢哋呢一度最出名嘅蛋糕啦！望上去擺盤已經好靚，而且蛋糕係熱辣辣咁樣上枱，配合埋上面嘅cream成個感覺完全唔膩！而且仲有唔同嘅生果配合，酸酸甜甜嘅感覺真係好啱做下午茶嘅甜品㗎！飲品方面我叫咗一杯Lychee Rose Tea，飲品來講雖然唔算係非常好飲，但係佢勝在好有心思！冰入面都係有花嘅，淨係望下都覺得好靚呀！呢度都真係好適合同朋友或者男女朋友嚟呢度食個下午茶傾吓計，店員亦都非常之友善服務態度好好！值得推介…查看更多