Chungyin1115的个人专页

食足120分鐘和牛🤣✅ 極・厚切檸檬牛舌原條上桌＋沙漏計時，附刀叉自切儀式感爆棚！ ✅ 啤酒喝到飽🍻 ➤ 醬燒一口和牛丁：脂香細膩，特製醬汁鎖住鮮嫩 ➤ 壺漬牛肋肉：醃料滲透肌理，烤後油脂爆發 ➤ M8和牛肩胛：濃郁肉香＋雪花融化成汁 ➤鹽蔥灸烤生蠔：蔥香引爆蠔鮮 ➤ 赤魚一夜干：魚肉飽滿多汁，燒烤店罕見！ ➤ 威士忌釀鮑魚：酒香微醺＋煙燻甜味 ➤ 黃油蒜烤帆立貝：蒜香奶油裹住彈嫩貝肉 🔥 日本A4+和牛壽喜燒：油花肩胛肉眼浸潤甜鹹醬汁 🔥 炭烤白鱔：外脆內化，魚油香超犯規！ 🔥 霸王蝦雙吃：鹽蔥鮮甜 vs 黑蒜油濃郁 🍲 慢熬清雞湯：蠟燭保溫茶碗裝，暖胃解膩 🌸 櫻花蝦飯自由配：櫻花蝦＋滷水汁＋海苔，DIY專屬拌飯！ 🧂 十二味醬專區：必試「黃金蔬菜麻醬」「薑味可樂醬」「香辣烤肉粉」全新限定！2個鐘大滿足！…查看更多

好耐無嚟食牛大人啦！約左老公星期五放工食，我仲特登無食lunch留肚🤪！牛骨湯係我地最愛😍，咁多款牛入面最正係安格斯牛小排，肥瘦適中，而且肉味夠濃😚，送既和牛牛丸好juicy！任食嚟講牛肉既品質真係唔錯！呢到都幾跟得上潮流😂，飲品可以叫手打檸檬茶！打卡仲送金鑽鳳梨椰奶西😍，好正！任食dreyer’s 雪糕😍，仲要有呢排最hit既開心果味！我自己一個都食左3條😂冒求食到回本😋，好滿足呀！…查看更多

結左婚之後,一般都唔會揀情人節正日出去慶祝!但一年一次,補祝出去食餐飯點都少不免。今年揀左BOCHORD, 呢間以歐洲古典圖書館為設計靈感的餐廳提供一個充滿藝術氛圍同浪漫氛圍既用餐體驗。從室內裝潢到用餐環境，都營造出一種優雅同舒適既感覺。一入去間餐廳就見到好多VINTAGE既裝飾, 除左有特式圖書牆, 仲有SOFA, 燈, 壁爐等等。 揀左食七道菜嚐味套餐 7-course tasting menu，其中包括自家製麵包拼盤，配上三種口味既牛油：Rosemary & Garlic、Sundried Tomato同Black Olive。飲品點了一杯Mocktail和English Breakfast Tea。 第一道菜Japanese Mackerel以柚子醬啫喱融合左菠蘿既日本鯖魚。呢道菜結合左柚子既清新同菠蘿的清爽甜味，令鯖魚既風味更加突出。 第二道菜Swiss Barley Soup有牛肉粒、蘿蔔、韭菜、芹菜、蘑菇同薏米。薏米既口感好特別,令成碗湯口感層次更上一層樓。 第三道菜Nagasaki Chicken Roulade with Beetroot Salad慢煮既雞保持到肉質嫰滑,雞卷中間再加埋其他不同口味既食材(鵝肝、炒蘑菇和烤開心果),豐富左呢碟菜既味道。 第四道菜Carabinero Red Prawn with Shrimp Roe Noodle紅蝦配中式蝦子麵真係一個驚喜組合，鮮嫩紅蝦與彈牙麵條完美搭配。再加埋爆膏既蝦頭,味道略為濃左少少, 不過非常惹味,食到停唔到口! 第五道菜Sous Vide Black Cod嫩滑的黑鱈魚，配上酸甜的調味醬汁，令人回味無窮。 第六道菜Charcoal Grilled A5 Miyazakigyu Rib Cap極優質既宮崎牛肉，炭烤會帶點焦香,又燒到保持肉質鮮嫩多汁口感，搭配薯蓉更加美味。份量看起來雖少, 但貴精不貴多, 而且去到呢道菜接近尾聲, 其實都好夠飽! 餐廳好貼心, 按要求把牛排煮到全熟, 最驚喜係全熟都咁好食,絕對係牛肉愛好者既必食菜品。 第七道菜Glazed Lemon Mousse Cake最後一道以檸檬為主打的甜點：鏡面檸檬慕斯蛋糕。呢個甜點有清新既檸檬味道，搭配新鮮的柚子和橙，顏色繽紛, 色香味俱全。 BOCHORD環境好, 服務好, 食七道菜$1,388加一呢個價錢都好公道。大部分黎呢間餐廳食飯既客人都係慶祝為主, 平日都有LIVE BAND 唱歌祝福你, 氣氛良好! 美中不足係坐唔到窗邊位欣賞埋個維港夜景! 如果之後改左MENU 都可以再去食過, 下次慶祝其他節日!…查看更多

新年食得中菜同盆菜多, 今日約朋友食泰菜。呢間NARA位於尖沙咀, 佢前半份MENU都結合左西方同泰國既美食元素 我會形容佢fusion餐廳。餐廳內部裝潢現代時尚，設有打卡位置，坐窗邊仲可以欣賞迷人的海景，係一個理想的聚餐場所，比客人一個獨特的用餐體驗！ 「班蘭香葉包雞」雞肉鮮嫩多汁，配上香氣四溢的班蘭香葉，清新怡人。因為即叫即整，連塊班蘭香葉都係脆脆的。食到用黑椒去釀，同餐廳提供既厚黑醬油好夾。 「泰式炒金邊粉」展現左原汁原味的泰式風味，個蛋網煎得好靚。金邊粉保持了其特有的口感，配上新鮮的芽菜等配菜，味道醇厚。 「珍寶火山排骨」係呢間餐廳的招牌菜。本身諗緊食烤雞定排骨好，見呢個咁特別就揀左火山排骨。經過精心烹調，骨肉分離，醬汁微辣微甜，推介！…查看更多

泰北咖喱金麵 Northern Thai Coconut Curry Noodle Soup with Charcoal Grilled Chicken見呢個係POPULAR菜式, OPENRICE又好多人推, 決定叫呢個麵食! 見佢MENU有隻辣椒仔擔心會好辣, 即刻同侍應講要少辣, 佢都好有耐性咁解釋返其實唔算好辣, 但會照幫我同廚房講聲。一上枱就聞到香氣四溢的咖喱味道，咖喱醬既質地似湯水, 唔會太稠, 而咖哩味道濃郁又唔會過分辛辣，非常適合我地呢D鐘意微辣口味既。雞肉GRILL得黎肉質鮮嫩多汁，再加上麵有兩個質地, 有脆有淋, 口感過癮。飛天炒通菜 Fried Morning Glory Vegetable通菜融合左辣椒、炸蒜、薑和其他香料，微辣香口。通菜炒得岩岩熟，保持左蔬菜的鮮嫩口感。泰式香茅燒雞 Charcoal Grilled Marinated Thai Chicken (Hormone-free) with Nam Jim Jaew Sauce呢碟菜雖然要待一段時間, 但絕對值得等待。燒雞皮脆肉嫩，外層烤得金黃酥脆，入面肉質鮮嫩多汁。燒雞的香味同泰式香料混合令到呢道菜更加美味, 連平時唔食雞皮既我都忍唔住食左幾舊。最後不得不讚, 呢度樓面人手雖然少, 但全部都好友善, 又有耐性解釋比我D小食包D咩, 味道辣唔辣等等。提提呢到一定要叫飲品, 唔會有水提供啊! 兩個人食三款菜式已經好飽, 份量豪不吝嗇。不過食完都未係好分到究竟泰北同普通泰國菜既分別係咩……老公已經對呢度既食品讚不絕口, 話可以再ENCORE, 哈哈…查看更多

今日嚟食好西❤️，好精緻既日式料理！呢到環境開揚，我地book左枱可以坐bar枱。前菜燒免治雞肉丸配八爪魚雞肉丸裡面加咗啲軟骨增加口感，用燒汁醃製，食落甜甜地，而且裏面仲釀咗明太子，非常特別👍🏻！八爪魚好好味而且咬落好有口感！牛油雜菇炒北寄貝好惹味既和食，北寄貝上既風乾魚子醬增加左風味同奢華感😍！香草醬燒龍蝦🦞龍蝦肉非常結實，而且香草既調味無蓋過龍蝦本有既鮮味，下面既粉紅色鹽加左好多分💖。魚湯野菜雞肉卷魚湯好濃，雞肉卷吸哂魚湯既精華超入味。煙燻燒魚打開木盒有白煙霧出，魚經過橡木煙燻好香，先食魚再食冷麵好清新！鱧魚湯加入冬瓜一齊煲，超清甜！佢入面隻菇好特別！蜜瓜配椰子雪糕🥥先食來自日本既蜜瓜，再食椰子雪糕，超重椰子味而且唔藥水/死甜！得一球實在少啦😂！好滿足既一餐💕！…查看更多

和牛薄燒卷沙律頭盤，和牛係成個沙灘既靈魂，有口感得黎牛味超濃！蟹肉海膽松露溏心蛋好豪華既溫泉蛋，上面仲灑滿金箔，海膽幾鮮甜！原隻鮮活黑邊大鮑魚成隻手咁大隻🤩！鮑魚切成薄片，有咬口得黎又唔韌，現海苔汁加魚籽食一流！法國藍龍蝦醬汁由蝦膏膽海膽調製，蝦肉結實，啖啖肉！和牛薄燒配野菜天作之合！薄薄既和牛片包滿蒜同蔥，每一啖都令人回味 黑松露和牛炒飯超香松露味！刺身帶子豆腐鯛魚湯用龍蝦頭熬製既湯，極鮮甜！火焰鐵板梳芙厘雪糕好特別，食得又睇得，超吸睛😍！梳芙厘幾有蛋香味同fluffy！幾有驚喜既一餐，雖然貴左少少，但都物超所值，而且staff既服務態度不錯👍🏻！…查看更多

Happy Friday 當然要食好D, 今日約左朋友食La Moo Moo’s。好幾次都想黎呢度食Lunch, 但最後都係決定黎食夜晚, Menu比較豐富, 同埋可以慢慢享受任食薯條Starters – Sweet Potato Soup(presentation 很美也很好喝, 很CREAMY)Toasted Parker Bread Roll with Thyme Garlic Butter (是剛出爐, 很特別的自家製麵包, 蒜蓉比例好, 唔會過重) Prosciutto Salad with Balsamic Dressing (黑醋偏酸, 但十分開胃) Main -280 g US Meyer Natural Prime Angus Ribeye Steak (以為呢間專食angus beef的餐廳 set dinner會offer唔使額外收費的basic set 牛扒, 不過一場黎到當然要食, 加$50也絕對reasonable & 值得! 燒得好香口! Waitress 見我唔知揀咩汁好, 三款汁都比哂我, 非常貼心!) Black Pepper Short Ribs with Seared Salmon (朋友本身糾結食三文魚好定牛扒好, 最後呢個選出滿足哂佢!) 好欣賞佢每樣Main course都有建議配搭飲咩酒, 而且價錢都好Reasonable!Set dinner 仲有free flow 薯條, 如果再脆D就perfect啦! 餐飲有咖啡/茶, 或者加錢飲其他。但由於太飽, 熱茶對我地來說是最好既配搭 …查看更多

早排去日本旅行, 只係食得一碗拉麵, 完全唔夠喉, 所以返到香港, 都仍然要搵拉麵食… 想食雞湯湯底, 所以揀左金鶴。之前食過佐敦分店, 旺角開左新分店, 地點好方便, 一出地鐵站行兩個街口就到。 見到佢期間限定有個龍蝦湯拉麵, 好吸引, 不過今日都係想食雞湯。 呢個極濃雞白湯拉麵烹左八個鐘, 一上菜既時候, literally見到「極濃」、「雞」、「白湯」,呢個濃厚既雞湯,一睇就知道入面全部都係時間+心機既精華, 飲湯個陣都覺得好補骨膠原! 個慢煮雞胸啖啖肉+肉質嫰滑,好想ENCORE。 炸牛蒡TOPPINGS真係好出色, 賣相獨特, 炸完出黎又香口。 另外叫左個北海道蟹湯拉麵,有啖啖蟹肉,味道鮮甜。 平時拉麵店炸雞/餃子食得多, 今日前菜揀左芥末八爪魚同埋呢度仲有串燒食! 點左一串五花腩串燒, 調味非常出色! 順帶一提, 可即時JOIN入會員, $1 一分, 我地即刻JOIN左, 就有一隻溏心蛋送, 抵呀!…查看更多

今日來左銅鑼灣時代廣場試吓呢間食韓國嘢嘅banchan & cook, lunch time 12:10來到唔算太多人，不過12:30就開始要等位了。打開餐牌第一樣最吸引我嘅就係燉牛肉蛋包飯，來到果然無失望，因為韓國的燉牛肉汁真的太好味了，小小甜甜的又不失香味，配上半熟蛋包飯真係絕配。再來叫左個蜜糖炸雞（無骨半份），因為本人太鐘意啲甜甜鹹鹹的食物，佢啲炸雞外脆內嫩，配埋蜜糖汁味道剛好，而且無骨真係太方便，啱晒我呢啲懶人😛。另外傳統紫菜包飯同埋芝麻提拉米蘇都絕不失色，再叫埋焦糖脆脆鮮奶咖啡同埋杯水蜜桃冰茶，成餐飯都只係$500左右，性價比極高！…查看更多

今日約咗朋友去The One 星海歎下午茶，我哋1:45 已到達酒樓，下午茶兩點才開始，趁有少少時間出去露台影返幾張靚相先。嘩，呢個戶外露台可飽覽整個維港景色，景緻怡人。大廳樓底又高，環境格調高雅，枱與枱之間又充足，絕對適合各類型活動包場。除咗有靚景外，呢度嘅食物質素都非常高。黑松露鮮蝦餃一籠有四粒大中間放一迷你版的蝦餃，好可愛，灰白色的蝦餃外觀精緻，黑松露味香濃，是招牌點心之一。招牌胡椒濃雞湯灌湯餃雞湯濃稠，胡椒味重，餃子皮薄又大隻，材料豐富，有冬菇，鲜蝦及肉碎，果然是招牌。紅燒脆皮乳鴨不算大隻，但味道不錯，外脆內嫩好juicy😋椰汁流心球呢個甜品絕對有驚喜，外間大多數都用奶黃，芝麻，椰汁流心真係第一次食，又不太甜，好好味。豉油王蝦乾炒麵麵炒得夠乾身，爽口彈牙，加上蝦乾惹味。椒鹽雞軟骨無論炸，焗，炒一樣喜歡，皆因自己是雞軟骨愛好者!整體食物水準算高，又有靚景，真正享受生活品味。…查看更多

身邊朋友個個都讚，今日睇戲前黎試試！咖吔多士見每枱差不多都叫，真的挺有驚喜，多士烘得香脆，麵包塗了一層咖吔，裡面再夾上厚厚的牛油，甜度剛剛好，口感非常豐富。香辣魚蛋魚蛋爽口彈牙，配上特製辣醬，但我不吃辣，光着吃也好味，餐前小食，不錯。咸魚炒怡保芽菜怡保芽菜很可愛，肥肥短短，很飽滿，加入咸魚同炸蒜一起炒，惹味好吃。特級北海道帶子鮮蝦喇沙麵食材新鮮，有兩粒大大粒帶子，4隻鮮蝦，半隻流心蛋，還有豆卜及芽菜，非常豐富，喇沙湯底濃郁，淡淡椰香味，配油麵又恰到好處。紫色迷戀浪漫的紫色直情迷戀我心，用紫薯做的雪花冰，配料有揶果，三色蒟蒻，蜜糖魔豆，顏色鮮艷的棉花糖，吃起來特別心花怒放。…查看更多

喺日本返嚟香港冇耐，已經等唔切要繼續食日本嘢！想食呢間天丼店好耐，今日放工就同👩🏻‍🦱去食。大約七點開始已出現人龍，好在👩🏻‍🦱早少少去，等咗一陣就可以入座。平時綠茶、麥米茶、原味茶就飲得多！呢度提供嘅係黑豆茶，好特別！黑豆味甘溫平，具有補益止汗、滋補腎臟、補肝明目、滋潤肌膚、抗衰老之功效，並可除濕熱、解痰、提神化痰及消水腫功效。啱晒食完天丼飲！佢真係有一粒黑豆係個杯入面㗎😆個Menu好簡單，睇你點揀以下呢兩樣——➡️天丼 or➡️天丼 + 烏冬👩🏻‍🦱係蟹迷，食松葉蟹天丼$158，睇佢個碗好似份量唔算大，但食落就知道係幾咁大滿足，絕對夠飽！有松葉蟹海老、小柱魷魚天婦羅餅、莢豌豆、海苔同溫泉蛋。炸得非常酥脆香口，而且食材新鮮！加上秘製醬汁，別有一番風味。Menu 教享用天丼小秘訣：食用一半後，再將炸半熟的温泉蛋戳破，恰恰好的溫泉蛋蛋液包裹著每一粒米飯。估唔到佢溫泉蛋都有炸一炸，入邊仍然係流心㗎，好高質。蛋汁再加埋佢嘅醬汁撈飯真係一流！迷你天丼&稻庭烏冬$118，啱晒我呢啲貪心想食晒兩樣嘢嘅人！呢度嘅烏冬質感似蕎麥麵，比較薄，但仍然有日本烏冬嘅口感！原來食烏冬仲有配料提供，佢捧咗個木製嘅盒上嚟，入邊有蔥花、海藻、鰹魚花、天婦羅碎，同埋溫泉蛋😍 好有氣派！金子半之助出生於淺草，比誰都熱愛舊城區，一生熱愛鑽研日本料理的江户人。見到「淺草」、「江户」，再加上呢度嘅服務員好有禮貌同貼心，美味嘅天丼同埋烏冬，環境舒適，感覺乾淨，日本嘅感覺返晒嚟🥰…查看更多

近排天氣終於有冷意，又臨近冬至同聖誕，就更加想去食番餐台式火鍋，今次去牛大人就揀咗最貴既澳洲極上和牛120分鐘吃到飽套餐！🤤我哋揀咗牛大人紅燒牛骨鍋，湯底有濃郁牛骨香味，亦有牛骨在湯底中慢熬，足料惹味。絕對不能錯過套餐已包的澳洲M9和牛牛丸，多汁彈牙又有牛味，超高質！每人得2粒真係唔多夠喉架😝！而係牛大人點可以唔試澳洲M5牛肩卷同SRF美國黑牛後腿肉🐮，前者肉味較濃，後者嫩滑多汁，作為牛魔王既我哋當然兩者都唔會放過啦！我哋都有點門封柳，相比下較厚身同有咬口，想要爽口感覺就要試埋牛胸爽啦！自助配料區有多款醬汁，丸類，蔬菜，粉麵等等俾大家夾，花多眼亂，記得留番少少空間俾個胃試下個魯肉飯呀！飲品選擇都好多，呢排仲有台灣直送酉鬼啤酒 強波酸啤，凍冰送到配打邊爐一流🍻。食到一半拎番支凍泡茶消下油膩感都唔錯，今次揀咗飲洛神花茶/白桃烏龍/武夷大紅袍，仲有其他茶，汽水，果汁等等可以任揀。每餐既總結點可以無甜品，除咗Häagen-Dazs™️ 紅絲絨芝士蛋糕雪糕🍨，仲有Movenpack雪糕同仙草凍任選其一。…查看更多

去完玩具街買禮物比小朋友上左黎食邊爐，估唔到都幾多人😂，我地點左個黃金2人餐，都幾豐富。湯底我地揀左最heavy既重慶麻辣雞煲半慶隻雞2個人岩岩好，花椒味好香，佢無問我地咩辣度，都幾辣下🤣，一路食一路出汗😂。加湯前waiter叫我地試下擺牛頸脊入去炒黎食，話好正，又真係幾惹味🤣，但我地太懶唔想睇火試左幾片就開始加湯打邊爐。牛肉質素唔錯，另外一讚既係超彈牙既手打蝦滑拼墨魚滑👍🏻，野菌什菜盤既份量超多！食埋烏冬真係飽到上心口😂。鬧市中可以坐得好d同耐d既餐廳，唔錯。…查看更多