Leopard ABC的个人专页

中午飯市見無乜人，諗住入去試下，餐廳內本身唔多人，有好多吉枱。咁正常人見呢個情況都唔會想搭枱，點知個經理就話一定要搭枱，仲話食唔食唔食就算數。做左幾十年人，未聽過有餐廳咁招呼客人。#飯市無客係有原因的…查看更多

星期日晚飯時間食，店面唔大，仲可以唔使等位👍但坐到好逼，野食都要等一段時間😞同埋可能繁忙時間，店員較忙，落單都要講下停下。食物質素方面，手絲雞擔擔麵足料，雞肉唔硬，個湯都好入味😄兩者配合得不錯。小龍飽就麻麻地，質感較乾，入面啲肉梅梅地，賣相一般。而白肉就較差，好硬同好大塊，切薄啲較佳且唔夠啲料唔夠入味。店面都算衛生，店員除左少左啲令到落單要講下停下之外，整體都算有禮貌。整體而言一般般，下次要諗諗先。…查看更多

兩個人去食左個扎肉米同牛扒雙蛋配拉麵，埋單計$55，份量好足，凍飲唔使加錢比想像中更多，呢個價錢係抵。但係上餐就真係慢左少少，等左20分鐘先有得食。食物質素方面過得去，塊扒唔錯，有咬口，d汁略嫌唔夠入味。另外d麵陣鹼水味去唔清，個麵一般。食物嚟講係份量好ok，質素一般。…查看更多

話說我係一個傷殘人士，需要坐輪椅，好啦入去諗住食個早餐，點知d 伙記態度真係唔好，成日話我部輪椅阻住曬，但明明店舖空間好闊，我唔知佢地係咪太多人定點，但都唔應該咁樣話人，我地俾足錢入去食。食物質素我唔評論，但價錢同出面茶記差唔遠，咁樣嘅態度已經食咩都無味。喺度要同大家講下，如果屋企人/朋友要坐輪椅，去呢間茶餐前真係要好好諗清楚。…查看更多

兩個人去食，分別叫左焗芝士龍蝦汁雜菌三文魚飯同埋美國西冷牛扒七成熟，份量好足，三文魚飯好大碟，啲料好香，個飯有質素，對女性來講仲會多左少少。至於個牛扒味道好,好juice ，有沙律、餐湯同意粉送埋，真係好得。$258好抵食。…查看更多

同三個男人朋友去食lunch 食左$153，但男士嚟講份量唔算足，有d唔飽。味道方面尚佳，叫左個意大利麵，好油，d材料唔係新解個類。空間方面唔錯，地方大，唔會逼，裝潢都唔錯，俾人有舒服嘅感覺。價錢方面，偏貴。…查看更多