NBA223的個人專頁

今日專程去送別一位無血緣關係嘅世叔伯，佢和藹可親，風趣幽默，熱愛家庭，德高望重，相識滿天下，陪伴大家幾十年，其實唔係為咗去睇明星，因為從來無試過親身去送別藝人，只係好似其他市民一樣，想誠心獻上一支花，感激佢幾十年黎帶歡樂俾我哋，真係好唔捨得佢 - Benz 哥！一路好走 … 之後想飲杯凍檸茶同凍奶茶，所以搭返車出市區，係鑽石山站行咗一陣見到樂天冰室，好自然就坐低咗，望住個餐牌突然有選擇困難症，樣樣都想食D,所以唔理只係一個人，一口氣叫咗干炒牛河，雞批同埋星洲炒米，食物果然係可以撫慰心靈，味道係好食，相比其他冰室茶餐廳已經比較高質素，干炒牛河好夠鑊氣，雞批足料，2杯茶都好飲，星洲炒米味道就OK，可惜用嘅米粉就太幼，可能用咗新竹米粉之類，口感唔得太乾同粗糙，總之都係懷念以前嘅米粉. 而家係市面都好難搵到好食嘅星洲炒米. 另外好開心遇到位侍應姐姐叫玲姐，又好笑容有禮貌又細心，服務殷勤，特此讚揚…查看更多

以前中環返工成日去食三多菜肉雲吞，今日去開中環就入去幫襯一下，點知中伏，菜肉雲吞都幾咸，最慘係碟麵苦🤮！！！超重梘水味，細細聲客氣地同長頭髮嘅小姐反映，佢話我食過，我答佢未食過點知個麵苦？ 同埋我只係食咗個麵一啖，我只要求會換過米粉底俾我，亦冇話唔俾錢，點知佢話俾啖粉米我了事，真係一啖嘅份量. 我懶得再同佢講，再冇食個碟麵，跟住我照俾$72就走人，永別了三多. 你唔再係以前嘅三多喇！！！不過一單還一單，收銀姐姐係有禮貌. 所以服務粒星係俾佢，之後去買咗份三文治填肚. …查看更多

好幾個月沒有跟朋友見面，朋友約食lunch又想食蛋糕，反正沒有特別嘢想食，但突然諗起牛仔肉，所以約去帝苑食lunch buffet. 一入餐廳接待員Betty 小姐很熱情招呼，侍應Ali 小姐見我手持一罐汽水問我需唔需要一杯冰想幫我送到我的座位，很細心，另一位侍應Mon Mon 小姐收執已用過的碗碟也很勤快，還有一位應該是叫 Pinky 小姐吧，她是負責蛋糕和壽司吧，態度殷勤，笑容可掬，她和Betty 見我行動不便手拎拐仗，特意為我拿取蛋糕，雖然這是她們的職責，但作為顧客的我深深感受到她們敬業樂業的態度，由心而發的笑容，是真心想為公司提供愉快用餐的體驗去吸引客人再次光臨，除了去米芝連餐廳外，就算其他比較昂貴的餐廳也少見這樣的態度，所以特此感謝她們，希望她們身體健康，工作愉快😁食物水準依舊👍🏻，有機會會再次光顧👏🏻…查看更多

韓國朋友久唔久就想食韓式炸豬扒돈까스 .我話不如今晚去世貿中心13樓Tonkichiとん吉食炸豬柳. 一定唔會失望. 移民潮，北上消費，經濟不景氣，連帶銅鑼灣都蕭條咗好多，話晒我嘅讀書時代係呢區，特別有感情，而家真係好唏噓.以前唔book 位都要排好耐隊，甚至成晚都冇位，要擇日再嚟. 今晚7:00零鐘到餐廳，男經理笑容可鞠咁叫同事安排座位. 目測入座率都有8成. 埋單時都應該接受滿座.食物方面：依舊保持水準.服務方面：本來的座位對住冷氣風口，坐一陣間已經發覺頂唔順，一名女職員見我坐位不安，主動問我有乜嘢需要幫忙，佢了解後，幫我去嘗試調節風速，但後來發覺仍然好大風，於是佢幫我轉去另一張檯，問題得以改善.另一位女職員亦好殷勤招待我哋，主動斟茶，加椰菜絲，詢問有冇其他需要.今次係我第一次寫食評，我有個習慣，想為曾經為自己用心提供服務嘅人加許稱贊一下，將心比心，因為任何人都鍾意被稱贊嘛.於是問咗2位女職員嘅稱呼，一位係Ann 小姐，另一位係亞芳小姐，仲有男經理. 多謝你哋今晚嘅熱情招待，令我同韓國朋友今晚都有一個愉快嘅用餐體驗，因為而家好多食肆嘅服務水平好低，毫無服務可言，有時真係食到一肚氣，影響心情. 我嘅朋友係中環某數字燒味店就食到一肚氣，係呃遊客啫，除非你係名人咪扮好nice, 大家可以睇吓食他食客嘅留言. 我班親戚朋友都bad list 咗最後，希望大家嘗試盡量留港消費，繼續支持本地優質服務嘅餐廳商店，否則我哋只會更少選擇，亦影響本地就業率. 惡性循環.是次用餐係自費，唔係鱔稿. 完全出自本人嘅真心誠意，多謝大家花寶貴嘅時間睇我嘅評論，祝大家身體健康，生意興隆，萬事如意.…查看更多