eatwzme的个人专页

有人帶路食好嘢, 埂係要跟隊啦, 去咗觀塘區一間食私房菜嘅餐廳食粵菜, 訂枱時揀埋菜, 去到可以直接起菜, 菜單會擺係最尾個張相以下係我個人幾鍾意嘅心水菜式, 排名不分先後:原鼎川芎白芷新界大魚頭湯魚湯好飲唔腥, 仲見到湯料入面用埋螺頭去煲真係足料蝦球水芙蓉蝦球非常好食, 可惜得一粒, 夠味又彈牙, 個個食完都讚, 蛋就相當之滑溜, 必點黑松露醬炒花尾躉斑球 配鮮露筍花尾躉厚肉 露筍嫩無渣 夾埋一齊食都幾夾醬燒爽厚豚頰肉配柳丁汁青木瓜絲豬頰肉厚切好有口感, 好爽口, 豬肉出色過牛肉, 食咗好多舊玉米有機時令鮮蔬食太多肉 菜真係好啱食 幫助消化時令甜品係芝麻湯丸嚟, 湯底幾重薑味, 幾暖胃…查看更多

同朋友去咗灣仔QRE Plaza, 入面有好多食店, 我地揀咗呢間Misu Seafood Cuisine專做日式Fusion菜, 店內設有一個大型魚缸, 今次我地分別試左Lunch Set 同行政套餐, 有齊沙律、蒸蛋、湯、主食同甜品, 味道有驚喜😀🔸️黑松露雞 伴鮑魚汁焗飯 蜆大隻入口帶股海水味, 雞件嫩滑入味, 黑松露味突出, 飯粒充滿鮑魚汁嘅甜味, 十分濃郁🔸️澳洲龍蝦鮮蜆鮑魚汁焗飯 龍蝦即叫即整, 要等耐少少先有得食, 肉質結實, 蜆鮮甜, 飯粒軟硬適中, 食到底仲有飯焦, 好有水準是日甜品：雪米糍同雪糕…查看更多

好耐無食海鮮, 之前已經聽過呢間餐廳個名, 近近地就去尖沙咀分店食蒸海鮮, 雖然餐廳有提供醬料, 但食海鮮就係要食原汁原味, 唔點醬都夠鮮味 $449/位已經食足九款海鮮, 仲有專人幫忙蒸, 不需自己動手, 包唔會過曬火, 一般蒸幾分鐘就食得啦, 好快熟 扇貝幾大隻, 蒸完連湯都鮮甜過人, 青口同蠔都好濃味, 比一般出面餐廳食到更濃郁, 食落係唔同好多, 鮮味出曬嚟, 膏仔蟹真係必食, 非常多膏又濃郁, d 肉又多, 肉質結實 最後仲有海鮮粥底做結尾, 吸收曬海鮮精華, 個粥本身都有芋頭, 豬骨, 粟米等, 另外仲會加上蔥同菜脯, 粥底好綿密 …查看更多

荔枝角附近食早餐嘅選擇非常之多，今次就揀咗呢間文青工業水泥風格嘅餐廳，望落乾淨，餐牌上面早餐嘅選擇都幾多，價錢又唔貴，我最欣賞佢嘅飲品選擇，有好多款式，淨係咖啡都有成十款可以揀😆 🧡B14麵餐+朱古力咖啡主菜揀咗叉燒，再配午餐肉、煎蛋同轉配奶油脆豬，叉燒份量好多，脆豬好好食，外脆內軟，配埋杯提神咖啡，充滿能量 🧡B12火腿蕃茄濃湯螺絲粉配奶油脆豬+鮮榨蕃茄汁濃底味道濃郁，好似羅宋湯嘅味道，配埋螺絲粉一齊食，唔覺意就飲曬d 湯，入面塊火腿都有煎香過，再配埋杯蕃茄汁飲，蕃茄味十足 …查看更多

好難得個舊同事今日返晏，就約埋一齊係佢公司附近食返個早餐聚舊，佢話平時lunch 就係呢度食開，咁就去試試啦早餐時段選擇都算幾多嘢揀，我覺得佢比一般茶記嘅飲品選擇多，連一些健康飲品都有，例如：新鮮果汁、新鮮果汁再配牛奶/益力多/乳酪、又或者預設好嘅三青汁同香蕉胚芽芝麻奶等，對佢嘅飲品都幾有興趣B14麵餐，主角揀咗叉燒，再配午餐肉、煎蛋同奶油脆豬，碗麵係有好多塊叉燒，有驚喜，脆豬係真係脆，外脆內軟，配埋杯凍奶茶，勁豐富B19 Baron全餐，入面有炒蛋、煙肉、火腿、磨菇同大牛角酥，配返杯三青汁，三青汁入面係青瓜+西芹+蘋果，飲落西芹味較出，都有少許蘋果甜味，都幾健康…查看更多

平時放飯時間就一定勁多人，今次放假去食，終於唔使排隊就食到🤭好抵食嘅丼飯呀，有得揀飯餸嘅Size，呢樣幾好喎，細食者可以揀個細碗，大食者仲可以加錢轉做套餐熱溶芝士牛丼 S size $41價錢好抵食，滿滿嘅芝士，再加埋包辣汁，食落又好鬼夾，好味道😋蔥溫蛋燒肉丼 L size $61轉了青菜套餐，配可樂，朋友話好多蔥，食完個口好大陣蔥味，揮之不去，笑死我🤣📍SUKIYA すき家紅磡黃埔天地時尚坊(第2期)地下G6B號舖…查看更多

朋友係附近返工，呢間餐廳位於啟岸商場地下，位置就唔算太方便，所以嚟呢度食一定有位坐，同埋人流較少。我想食拉麵套餐，朋友想食壽喜燒，見呢間餐廳有得食就入去食啦，但好攪笑嘅係佢係二間店連埋一齊，壽喜燒要去隔離舖食，我就想食拉麵套餐，但去到就話拉麵套餐要係第一間舖先食到，係壽喜燒店只能單點碗拉麵食，變相無咁抵，不過味道都唔差嘅，湯底都夠味…查看更多

係ig 見到好多人都去呢間到食飯，個環境有好多花花佈置，即刻心心眼，鍾意打卡嘅我即刻搵埋朋友過嚟食，我覺得環境同食物賣相更勝味道，味道真係好一般，唔覺得特別好食，仲要收呢個價錢，唔係好值…查看更多

牛角係其中一間我會諗起嘅食燒肉餐廳之一，我覺得佢嘅lunch set 好抵食，淨係牛角飯都可以食2碗，有紫菜真係好餸飯，又可以無限追食，好夠飽，肉嘅質素都幾好，絕對係性價比高…查看更多

餐廳位於觀塘同牛頭角之間，餐牌都幾多款式選擇揀，有主食、冷盤小食、台式甜品、台式飲品等等，食物嘅味道其實幾好食，不過就有唔少昆蟲飛嚟飛去，食飯時會覺得好滋擾🫣…查看更多

食完飯後，意猶未盡就決定食埋糖水先散水，呢間甜品店款式都幾多，睇裝修以為係得中式糖水食，但原來都有其他款式揀，地方較為細，有點擠迫感，但食物質素唔錯，份量多，下次入嚟要再食…查看更多

呢間車仔麵係美孚出曬名，人氣車仔麵店，平時lunch 都幾多人幫襯排到出門口，最鍾意叫就係春卷、豬紅、魷魚、蘿蔔、豬手、蟹柳餅呢幾樣餸輪住食，呢幾樣我自己覺得幾好食，湯底就一定要加埋腩汁同沙嗲汁，咁樣食唔辣又惹味😙…查看更多

最鍾意就係同朋友周圍打卡，之前去過銅鑼灣分店，今次再嚟呢度，呢間餐廳入面每個位置嘅裝飾都好適合拍照，食物又有造型，好特別，見好多人都有叫甜品，甜品造型仲適合打卡，唔係得個樣，仲要好食…查看更多

愈嚟愈多茶飲店，但我都係最愛一芳嘅水果茶，可以揀甜度，又可以揀少冰，有好多種水果係入面，好有咬口，好清新，每次都有得用卡仔儲印仔，儲夠就可以換嘢，變相再抵飲d，叫我點唔幫襯啦😌…查看更多

琴晚食得勁飽，今日就無嘜胃口，簡簡單單買個飯團食就會諗起華御結，最鍾意食佢個辛口明太子飯團，料多，鹹鹹香香，紫菜又脆，味道好，好惹味，豆乳湯都好飲，材料豐富，豆味濃…查看更多