maryyeung的个人专页

肚餓落街食飯，去咗以前舊譚仔三哥的舖頭，又係開米線舖，有朋友食過話幾好食，又唔算好貴，即管一試！叫咗招牌酸辣湯底米線，先講咗湯底，濃度恰到好處，而且有自己特色，唔會似出面連鎖米線舖湯底味道千篇一律，最重要係食完唔會口渴冇味精！米線我自己鍾意食爽口啲，最特別係仲有得選擇米線硬啲定係軟啲，為你特別度身訂造適合唔同人士我仲加咗個小食- 蒜泥白肉，佢鹹度恰到好處，整體上味道同佢隔籬嗰間連鎖舖頭差唔多，但係如果以小店嚟講，都算係超水準！🫶🏻最後最後以米線舖嚟講佢環境都相當之靚，座位闊落坐得非常舒服，又唔會急住趕你走，可以慢慢嘆個米線…查看更多

一早要學潛水，好耐冇入西貢，都唔知邊間好食，見到門口侍應哥哥好熱情就走咗入去，叫咗個肉碎酸辣米線早餐，酸菜爽口好食，再加上少少辣椒，非常開胃，米線又唔會太腍，有食連鎖米線餐廳嘅質素另外見到好多人叫奶茶，奶茶茶味好重，非常濃郁，從顏色也睇得出茶膽很濃，隨便入了一間餐廳，想不到有驚喜！👍🏻 埋單才$41 $，再加上餐廳有濃濃的人情味，經常和街坊打招呼，值得讚賞…查看更多

今日嚟咗一間超級有驚喜的意大利餐廳，裝修設計靈感來自80年代西西里島風情的餐廳，所有餐碟更由意大利工匠手工製作。在華麗及復古的環境下，品嚐新鮮製作的意大利菜，仿如置身當地，非常適合打卡比較推介以下三款菜式❤️1: 黑松露牛肉他他，牛肉味非常重，松露汁加上松露片嘅混合，香味撲鼻而來～2:巨輪芝士刨松露，侍應直接推個巴馬臣松露芝士🧀出黎，視覺上非常吸睛，倒入意粉之後就係入面攪拌，再加多上Parmesan cheese 係面，最後再將新鮮嘅松露刨落去，無論係視覺，味覺，儀式感上也一流，而且將松露同芝士混合，令到成個意粉口感非常豐富，另外一提呢款意粉叫 #tubetti ，餐廳亦都係純手工製造，出面好少機會會食到，所以口感偏硬比較煙靭👍🏻3: 甜品Tiramisu 真係超好食，非常推介，濃郁的蛋酒味，再加上中間混合黑朱古力，增加了層次，面層上加入意大利咖啡粉，所以味道不會也太甜，恰到好處！其他菜式也不錯😌，不過不逐點評🙏🏻…查看更多

what's the time mr wolf?🦊呢間主打英國菜嘅餐廳 Mr Wolf ，構思來自狐狸先生幾多點呢個故事，所以餐廳環境有好多相關嘅特色，例如牆上掛住嘅相片同壁畫，特別一提相片是 David Yarrow英國攝影師拍攝的a wolf and the supermodel 系列，相片風格突出，而且令人印象深刻！食物方面，主打新派英國菜，富有其他歐洲菜式的元素，打破了我的思維，英國菜不是不好吃，也不是只有炸魚薯條🍟😂🥗頭盤 cured mackerel escabeche, pistachio醃鯖魚好入味，味道微咸，但又有魚嘅鮮甜，再加上蕃茄同埋洋蔥做點綴，成個頭盤味道好突出好開胃！🥘主菜 Chicken supreme, chermoula睇部位應該係用雞胸肉，但雞肉好嫩滑，而且外皮有少少焦香，伴菜茄子🍆，加埋啲香料整得好入味，就連平時少食茄子嘅我都覺得有驚喜😳🍦甜品 dark chocolate mousse身為朱古力嘅愛好者，我覺得好滿意，mousse 綿密中帶點甜苦交集，如果黑朱古力濃度唔夠高就會太甜，就有一種好膩嘅感覺，但係呢個 dark chocolate mousse 恰到好處🤌其實其他菜式都唔錯，不過我自己覺得比較突出嘅係呢幾款，所以重點介紹 🙏🏻而且侍應服務都好細心，不停幫你加水，經常問你覺得啲食物點，有酒店級嘅服務水準，喺今時今日嘅服務業真係好難得！👍🏻環境 ⭐️⭐️⭐️⭐️食物⭐️⭐️⭐️⭐️服務⭐️⭐️⭐️⭐️⭐️…查看更多

見到個名叫做Burgeroom ，以為整漢堡包好出色，俾個名吸引入去..叫咗個最基本$80牛肉漢堡，張相見到芝士都冇一塊，就咁睇麥X X D料仲好過佢，個包就係最基本麥X X big mac 嗰個包，之後個汁就係普通嘅千島醬汁，一塊生菜，半塊蕃茄，啲料真係比較少，嗰塊牛肉扒仲要係散嘅…薯條加$35正正常，新鮮熱辣炸，外皮香脆，都算幾好食蜜桃紅茶38 $，正常發揮加埋一$169，服務都係OK嘅，但係佢個名叫做Burgeroom，啲Burger就一啲都唔OK，價錢中高，同 five gxxs ,差唔多價錢，但係質素就爭好遠…. 如果佢唔係主打食漢堡包，淨係普通茶餐廳或者係西餐我都接受到咁嘅質素，但係如果主打係食漢堡包🍔，咁我只可以話佢個漢堡包質素仲有好大嘅改善空間……查看更多

呢間嘢裝修似夜上海嘅酒吧，啱啱新開估唔到咁多人，甘爆！😬 10點前係有Live band , 10點之後就變咗有DJ打碟， 但係又唔係clubbing,有啲似舞廳🪩嘅感覺！裝修似上海法租界時期既中西合璧既風格，所以門口有唔少中國陶瓷藝術品 同 西式藝術品嘅結合， Cocktail價錢偏高，但係都幾好飲，頗有酒店水準！💃同埋酒吧入面多數都係外國人，衣着全部正裝，好 elegant 所以除咗品酒之外，其實呢度嘅氣氛都幾好，行高級路線，唔會似 clubbing 太嘈 ，但係又可以聽吓歌，跳吓舞，最重要係可以傾到計！…查看更多

而家夏天天時暑熱，行街shopping 想食返杯雪糕，不過女仔我都鍾意食Gelato多啲，意式雪糕配方中忌廉較少、牛奶較多，所以Gelato 脂肪含量比較低，所以食落去都冇咁容易肥！朋友介紹嚟到呢間意式裝修嘅雪糕店，試咗老闆推介嘅朱古力味同埋榴槤味，榴槤味好濃郁，用咗D 24榴槤,而且入面有好多果肉，真材實料！朱古力味有少少苦澀，朱古力用咗世界級valrhona 品牌朱古力，同出面連鎖店完全唔同，層次比較豐富！跟住再叫咗杯咖啡飲，咖啡豆種類好多 好特別，選擇咗也門加雲南嘅咖啡豆，飲落去係我鍾意 nutty!裝修好有歌劇特色，環境舒服，優雅，啱晒女仔打卡…查看更多

叫左杯 ice latte, 一到手，心諗好細杯，尼杯甘既野44 $，我不如去 starxxxs ，仲抵飲！🫢味道普通，有d 似出面7 仔買 罐裝咖啡嗰啲味，今次試完 只此一次 下不為例！🙄比裝修呃咗入去，外圍裝修好有英式風格，估唔到d 咖啡甘呃錢，🤯真係要比劣評……………………………………………………………………………….. 希望大家不要中伏，尼間cafe shop 真係覺得冇心做同X錢！！…查看更多

一直都想試呢間全港唯一一間嘅 #荷蘭餐廳，大廚 armand 是荷蘭華僑，曾經喺荷蘭開餐廳，更加獲得米芝蓮一星的榮譽，今次將傳統荷蘭菜帶到嚟香港，一直都很期待能夠一試！😍chef meun 有六道菜和九道菜選擇，女仔胃口比較細，所以最後揀咗六道菜，雖然係 fine dining 但係食到最後我同朋友都好飽，因為份量都非常貨真價實🫣，亦都可以選擇加錢wine  pairing ～🍷菜式方面我最鍾意就係 #橡木荷蘭煙燻鰻魚，因為用罕有的野生鰻魚，切的時候比普通鰻魚比較硬身，但食落去口感非常順滑，而且油脂香味重，肉質鮮甜，有一種肥而不膩的感覺，真的非常推介！😋另外餐廳環境添加了很多荷蘭特色，例如枱面上會有荷蘭國花鬱金香花，亦都會有畫家梵高的仿畫作，猶如置身去了一轉荷蘭旅行似的，有很多當地文化的特色，和別的西餐廳很不同!Ps 自費用餐的，不過真心覺得呢間餐廳菜式廚師用心烹調，環境特別，加上服務都好好，所以先打長文推介👍🏻…查看更多

我一向喜歡吃泰國菜，其實香港的泰國菜餐廳種類繁多，要做得出色的確不容易，而且服務態度也很好👍🏻我們叫了二人晚市套餐，泰式生蝦很爽脆，而且肉很厚，味道鮮甜！飛天炒通菜，蒜蓉味突出，通菜很爽口，微微香辣很開胃主菜我們選擇了豬手配白飯，豬手外皮很Q彈，而且肉質鮮嫩多汁，再配上鹹酸菜解膩，滷水蛋亦很入味，這個菜式我給100分😍👏🏻生菜豬肉包好香口，生菜豬肉包是我最喜歡的泰國菜式之一，這間我覺得好吃的原因之一是，肉碎炒出來很有鑊氣，不會太濕，而且酸味也剛剛好，令人想一吃再吃，最重要係侍應好細心，會俾埋膠手套你食生菜包，就算係高級餐廳都未必有咁嘅服務，值得一讚👏🏻✨蒜蓉包也很香軟，如果配咖喱汁吃，應該更加錦上添花椰青很清甜，因為泰國餐廳很多飲品也很高糖分，所以還是比較喜歡飲椰青，最後再刮埋椰青肉食總括嚟講呢間餐廳環境都好舒服，而且性價比高，下次再同朋友嚟！…查看更多

398/2 位 下午茶，同朋友食完之後好有驚喜，以前食下午茶鹹點通常係三文治 同 西式鹹點， 今次呢個 tea 係中西合璧，有鮑魚撻，蝦多士 甜點同鹹點都做得好好，仲要送埋兩杯香檳，呢個價錢真係好少地方搵到鹹點同埋甜點嘅份量係各一半，我個人比較鍾意食鹹點多啲，所以今次的鹹甜比例啱啱好特別個蝦多士好香脆，出面都好少地方整得好食，scone 仲要有四件，不過味道就比較普通，但勝在份量多！環境都好靚，服務態度好，臨走之前經理仲走過來問我哋啲嘢啱唔啱食，平日人流就比較少，適合同朋友靜靜地傾偈，有機會會再去😍…查看更多

大角咀晏晝食咗$1000 lunch四位，平均$250都唔知食左乜嘢？諗住臨近聖誕同同事晏晝食好啲，見到網上面話呢間餐廳串燒同埋西餐都好評，就諗住試吓，牛扒本身好薄都算，味道都算OK，不過份量就係一個女仔食完都唔飽，男同事更加唔使講！我哋四個人有三個都叫左牛扒，因為唔係好飽，跟住叫多一份四川辣汁黑毛豬扁意粉，但係食落去啲豬肉好多根，好難咬，完全唔似黑毛豬😅甜品味道正常，但迷你份量⋯⋯250/1 位 lunch 尼個價錢可以係大角咀食到好多高質西餐，冇諗過今次係西餐價錢，但大家樂既質素，可以食串燒好d 既，但西餐真係我哋地四個同事都話麻麻地～🥲…查看更多

雖然因為疫情暫時未有得去日本，但係原來喺香港嘅餐廳都可以搵到濃濃的日本風味～🇯🇵 shio_yakitori 呢間居酒屋餐廳主打新式日本菜，除咗平時有得食嘅魚生，串燒，壽喜燒之外，等我為大家推介幾款出面比較少有得食嘅菜式啦🤤1: 前菜 #酒盜芝士，呢度菜式令我幾驚喜，魚腸製成的酒盗，有濃郁嘅鹹香味，再加埋芝士，對於鍾意重口味嘅朋友簡直天衣無縫，呢個菜式因為味道濃郁，所以特別適合餸酒㗎～2: 魚肝醬伴吐司，魚肝醬濃郁而不油膩，而且口感creamy, 又不會太鹹，加上香脆的吐司，令人忍唔住一口接一口地吃下去😝，實在太邪惡了！🥹3: 紅豆鯛魚燒同 Wasabi雪糕，紅豆鯛魚燒，味道唔會太甜，而且外型可愛，啱晒打卡！至於Wasabi雪糕出面好少有，味道比我想像中容易接受，一食落去開始係濃郁嘅奶香味，之後辛辣嘅味道先慢慢滲出來，層次感豐富，絕對值得一試👍😊而且餐廳裝修有日本昭和時代復古嘅風格，大部份嘅卡位，都有日本色彩嘅燈籠打卡，去到簡直有置身於日本旅行嘅感覺，鍾意去日本旅行嘅朋友，不妨去呢間餐廳感受下氣氛，未去到日本，都可以望梅止渴先🤗…查看更多

超級爆場！#康得思酒店 自助餐，冷盤居然有阿根廷紅蝦食 🦐, 超級大隻 啖啖肉！一定要試～推介指數：👍👍👍👍仲有而家好少自助餐有嘅生蠔🦪（似係英格蘭石蠔）味道OK，唔鹹唔淡，同埋都算新鮮，不過就比較瘦，但係味道適中所以食多幾隻都冇問題推介指數：👍👍👍👍居然喺酒店食到超水準的北京片皮鴨，好香的油脂味，而且佢嘅包皮比較厚，有啲似食緊 #刈包 既感覺，配埋開胃的醬汁，10分match！推介指數：👍👍👍👍👍鍾意食沙律的朋友有福了，因為佢特別有個沙律bar 有好多出面好難識到嘅沙律🥗， 例如有韓國醃菜，仲有冇咁肥膩嘅韓國水果沙律醬，味道清香，而且冇外國沙律醬咁肥膩，幾特別！推介指數：👍👍👍👍甜品主題係一個外國卡通公仔，印象中有睇過呢個漫畫，但係唔記得咗咩名😹！甜品幾得意，上面癡住咗啲公仔個樣，小朋友應該好鍾意，味道不錯！雪糕就是瑞士牌子 #movenpick ～推介指數：👍👍👍👍飲品種類都好多，果茶真係好好飲，仲有咖啡同埋汽水提供，全部任飲！比起其他自助餐剩係得凍檸茶真係大方好多😋！鍾意食冷盤的朋友不要錯過，我阿媽已經食咗四五大碟，完全回本了🙀 不過聽講呢間自助餐好難book，所以想食嘅朋友一定要預早預訂🙌…查看更多

脾脾女神話想食打邊爐，不過由於佢好大食，咁我唯有帶佢去食邊爐放題啦！朋友介紹的味火鍋，聽講好好食，所以就同脾脾女神去試，有附送四款小食，酸酸辣辣好開胃！我哋前菜叫咗芝士焗波士頓龍蝦🦞，龍蝦好有鮮味，配埋香濃的芝士，簡直完美！湯底我哋叫咗花膠竹絲雞，味道清甜，而且有好大塊花膠，女仔食咗滋陰養顏，而且而家試業優惠價每位都係$268，超級抵食！除咗有安格斯牛肉拼盤，仲有大大一盤的海鮮拼盤，兩個女仔食到勁飽🙈😍不過如果你係超大食的話，仲可以無限任食其他火鍋配料，肥牛，美國豚肉，香滑墨魚丸等等，超多配料 任君選擇，最後最後提提大家like social media 就會有送movenpick 雪糕，有超多味道選擇，大家記得一定要like page 啦❤️👍🏻…查看更多