foodieseatallday的个人专页

中秋節前夕，唔知食乜好，就會好想食吓pizza今次嚟到Cafe Deco Pizzeria ，enjoy咗一個唔錯嘅午餐。因為今日兩個人去食，所以就嗌咗自己想食嘅包括：🌱8吋印式烤雞薄餅 薄身pizza ，就算係濃濃嘅口味，都食到小麥味，同埋10分脆口，咖喱同埋茴香嘅香氣，再加上每片pizza入邊都會有一粒小辣椒，爽辣嘅感覺好正🌱辣肉腸海蝦香料燴飯呢個茄汁底嘅燴飯，飯粒相對偏軟，可以接受；呢個燴飯嘅汁比較偏重番茜同埋紅椒嘅香氣，加埋辣肉腸，口感其實唔錯，唯獨隻海蝦，個感覺有啲似配菜，同個飯唔係咁match🌱凱撒沙律全程勁鍾意食凱撒沙律，啲菜新鮮，爽脆，煙肉同麵包都係薄身，香脆，加埋啲菜一齊，好好食…查看更多

食評第二篇，當然要記錄返香港人嘅日常 comfort food —— 譚仔三哥米線。三哥同譚仔一樣，幾乎已經變成香港米線嘅代表，價錢親民，選擇多，仲可以自由配搭。🍋試新嘢🍋🍋鮮檸清湯米線 (雞肉、雲吞、鮮魚片)湯底清爽帶檸檬香氣，飲落酸酸香香，幾解膩。雞肉算嫩滑，雲吞皮薄餡足，鮮魚片新鮮滑口，整體清淡得嚟有層次，食完唔會覺得好heavy。🥒 手拍青瓜 (口水汁)麻辣微酸，青瓜爽脆，係個幾好嘅小食。🍋 凍檸檬茶茶底偏濃，檸檬片份量足，解辣一流。🍑白桃烏龍清香帶果味，茶味同桃香 balance 幾好，飲落舒服。⸻【評分】環境：⭐️⭐️⭐️ 快餐式，唔算舒適，但ok乾淨食物：⭐️⭐️⭐️⭐️ 米線水準穩定，湯底有層次服務：⭐️⭐️⭐️ 正常快餐速度，上菜算快價錢：⭐️⭐️⭐️⭐️ $100 左右食到一餐飽足，抵食⸻【總結】譚仔三哥一向係香港打工仔、學生嘅救星，價錢親民又有好多配搭選擇。今次嘅新口味鮮檸湯底，清新開胃，特別適合夏天。加埋小食青瓜同一杯凍飲，簡單滿足。…查看更多

一直都好鍾意食，不過以前通常食完就算，頂多同朋友講下「呢間嘢幾好」、「嗰度真係唔掂」。但次次食完冇紀錄，好快就會唔記得咗味道同感受。於是我決定開始寫食評，當係一個飲食日記，留底自己食過嘅每一餐，順便同大家分享。希望有日回頭睇，會記得當時食嘅唔止係味道，仲有當下嘅心情。【第一站：Outback Steakhouse (將軍澳 Park Central)】第一篇就由一間連鎖餐廳開始 —— Outback Steakhouse。今次去咗將軍澳 Park Central 分店，坐得幾舒服，環境都幾適合同朋友食飯傾計。落單點咗：🥗 Pepper Crusted Seared Ahi Tuna Salad吞拿魚做得唔錯，外層有少少香料胡椒脆皮，裏面保持鮮嫩，配上沙律菜，清新開胃。🌮 Steakhouse Nachos大大份，芝士同肉碎都好足，仲有酸忌廉點綴，食落濃味之餘唔會太膩，適合大家一齊share。🐷 BBQ Grilled Pork Ribs肉質算腍，燒烤醬味道幾濃，帶少少甜。🥩 Ribeye Steak主角之一，五成熟。肉味濃，油花分布得唔錯，食落唔會太乾。配菜有燒蒜頭、蘆筍同甜椒仔，十分香口。🥖 黑糖包配牛油（招牌送上）(Suppose)一坐低就有，暖暖地上枱，帶少少黑糖香甜，配牛油一流，好難唔食多兩舊。但我哋坐咗好耐，落埋單，上咗沙律同湯都未有，同侍應講，佢回以疑惑嘅眼神，後見佢 check 咗陣機先上返比我哋，感覺麻麻地，好似我哋呃佢咁。不過，要大讚 Reception 男同事，非常有禮貌 & 細心👍 好耐冇體驗過咁好嘅服務啦💯⸻【評分】環境：⭐️⭐️⭐️⭐️ 舒適闊落，適合同朋友聚會食物：⭐️⭐️⭐️⭐️ 牛扒同吞拿魚好食，Nachos 有驚喜服務：⭐️⭐️⭐️⭐️ Reception 傑出，其他一般價錢：⭐️⭐️⭐️ $1,313/三人，因為慶祝生日，食得比較放肆🤭⸻【總結】Outback 算係穩陣之選，食物水準保持到，價錢中上，主打牛扒同幾款小食。如果想穩陣聚餐，呢間係唔錯嘅選擇。…查看更多