Hirari19的个人专页

本來就好鐘意食百年老字號餐廳，呢啲經得起歷史洗禮既餐廳通常都一定有咁上下實力，而且買少見少，保留飲食文化都想出分力。不過呢間老字號酒樓係重新開，我都只係抱住試一試嘅心態，睇下得唔得，畢竟唔係間間話想出返嚟做都食得。點知！點知呢間就係一試就不得了！最出色嘅就係燒賣，有魚肉燒賣嘅鮮魚香同軟腍，又有鮮蝦同豬肉嘅爽同濃郁香味，係我一般酒樓／街邊燒賣未食過既味道，可以話係集兩家之大成，全部係哂呢粒燒賣到，加上新鮮出爐，熱辣辣，我必須承認係有被震撼到，係人生之中食過最好味嘅燒賣。而其他嘅點心都好高質素，例如皮薄有米香嘅腸粉、鵪鶉蛋燒賣濃郁嘅新鮮蛋香、煎排骨鮮味濃而且完全無鹼水味，每一樣嘅點心都食得出係用心做，完全唔係求其交行貨。希望佢哋多啲本地人同遊行幫趁，試業成功，繼續做落去！…查看更多

點了雲吞面雲吞皮薄蝦肉彈牙面質爽口但湯底好似唔係大地魚湯，係一般嘅醬油湯薏米水反而相當好凍薏米水係雪凍嘅冇冰！足料薏米用薑及麥米一齊煲所以彈牙有口感份量多唔會太霖…查看更多

上海嘢一般都好貴，但呢度個嘅非常之親民，同一般粉麵鋪比甚至更平，$33就有18隻細細飽滿嘅紅油抄手！個人認為最特別係粉皮，非常爽滑而且晶瑩，好容易上癮！土豆粉都好正，似烏冬但非常Q彈，口感一流。每碗粉都幾乎一定會加餸，因為豬肺、豬心都只係加9蚊，仲要4-5塊大大件，出面其他餐廳就算杏汁白肺湯都無咁多，鐘意食豬雜嘅一定要加落碗麵到。當中最唔常見嘅就係藤椒魚皮，爽身而且魚味十足，好滑好彈牙。老闆亦好好人，好有禮貌而且有人情味，大讚！…查看更多

呢到係奧運站附近既5星級酒店中菜廳，主打私房菜特色點心。餐廳人唔多，座位闊，食得舒服又滿足。服務員添茶幾密，茶好香又有小蠟燭暖住。啤梨咸水角：外形係啤梨幾得意海參灌湯餃：餃子足料大隻，湯清清地，好食小籠包：浸係醬汁裏面唔怕漏汁，仲有小蠟燭係下面暖住灌湯玻璃乳鴿：用熱石頭暖住蘿蔔絲干酥：超鬆化，即叫即做，非常推薦魚子醬蛋白餃蟹肉菜苗餃京式鮮奶糕：係凍食糕點桃膠蛋白杏仁茶：桃膠及蛋白幾多，足料又有杏仁香仲食左好多點心(唔記得影相)，埋單人均$400…查看更多

牛品係我食過最好既台式火鍋，今次我地食$239既餐，已有牛羊豬雞齊曬，肉類整體水準都好高，仲有爽口既牛脷心。最開心有個免費既台式甜品櫃，可以任食愛玉芋圓黑糯米，仲可以自己整綿綿冰，同任添Haagen Dazs雪糕。丸類好似牛丸墨丸個啲都係高質嘅，肉味好濃而且多汁，唔係一般街邊貨。出菜非常快，服務亦好細心，出面自己攞既熟食都有蠟燭或者暖燈熱住。至於嘢飲櫃種類好多，其中自家製嘅藍莓水果茶係其他地方都無見過，幾特別。…查看更多

食物係一般既平價粥店質素，粉面係公仔面/米粉(大家落單時留意, 唔好見到係面就以為係幼面)。店員落單既方法係，近門口個位勁大聲叫你個食物名，然後近廚房個位又勁大聲重覆一次。然後！居然會叫錯！門口個位又勁大聲叫更正佢。尤其係如果客人叫多款食物既，睇住佢地大聲叫又keep住錯🫣🫣🤡…查看更多

星期三既一人晚餐, 都要排隊等幾枱, 但好快等兩三個字就入得。叫左天婦羅蕎麦麺定食(冷)。非常好食! 麺煮得啱啱好, 有過足冷河, 彈牙仲涼涼地。有45分鐘用餐限制, 但都足夠時間食既。天婦羅係即整 (上枱仲熱既, 又爽脆!), 要少少時間等出菜。店員仲會提你天婦羅要趁熱食呀, 灑塩會好食啲呀...服務幾好。…查看更多

其他地方食炸雞好多時都厚粉又柴，但呢間完全無呢個問題，價錢適中，炸皮又脆又薄，啲肉汁咬落去即刻流出嚟，好正!!好食過好多連鎖店同韓式炸雞!本身睇相以為會細細件，一上到檯就發覺件件都有手心咁大，正! 我哋叫咗雞拉麵，雞一樣係非常滑，雞味好濃! 味道方面，我自己就覺得樣樣都鹹甜適中，甘辛雞翼甜度剛剛好，辣味好輕微，但完全唔會蓋過原本嘅炸雞味，做得好好! 環境方面都ok，闊落坐得舒服，又有自助野飲吧，堂食都幾好!…查看更多

已經黎過差唔多有十次，每次都係視覺同味覺既享受～燒花魚定食燒花魚香脆，魚肉juicy 有魚味，魚骨脆卜卜，可以連骨食埋。鰻魚定食牛肉壽喜燒自選特製芭菲配料款色特別，可以選擇既包括：西洋風格配料：士多啤梨、藍莓芝士忌廉、抹茶軟朱古力等和風配料：白玉、綠茶蕨餅、黑蜜、紅豆沙等整體而言，食物質素高，賣相好，日式餐具精緻、有特色…查看更多

有次來到荃灣，聽講有間「拉麵台風」好出名，好多人讚似地道日本拉麵，就決定去試下啦。一去到，發現都真係幾多人排，心諗: 咁熱都咁多人肯等，依間應該真係好嘢嚟！排咗一陣，侍應見外面條龍都唔短，就遞上點菜紙，叫大家一路排隊一路揀定食咩先，都幾好服務嘅。過咗陣之後，就坐咗入近門口嘅位置，望到牆上面有幾搶眼嘅日本風壁畫，又係開放式廚房，依個時候感覺都仲係唔錯。我同朋友叫咗碗最普通嘅「魚介拉麵」同聽落有點伏嘅「骨膠原撈麵」，諗住一齊share食，睇下呢間拉麵店係龍定鳳。點知，由侍應放低碗拉麵個剎那開始，我就覺得去錯咗地方喇。首先入眼簾嘅就係乾到柴一般的叉燒，係好大件，但即使塊肉係浸係「魚介拉麵」啲湯到，都可以睇得出佢好乾，無疑一定出事。一咬落去，果然無意外，真的乾得很呢。嚼下嚼下，點解無咩味嘅? 明明义燒沾到望落幾濃嘅湯汁，無可能無味架?呷一啖湯汁，又明白了，原來湯都無味。唔係淡味，係真正既無香無味。「骨膠原撈麵」相對地就有咸味，但都係唔香。配料有大量叉燒，但都係又乾又淡。總括而然，呢間係我地香港食過既日本拉麵店之中，屬於中下水準。而呢個價錢已經可以食到更好既拉麵。…查看更多

Today we went for the anime Fruit Basket 🍙 フルーツバスケットThe cafe is so well decorated~ Excellent place for fans  (*´∀`)~♥ The lovely and polite waitress has introduced the character-named dish when serving us the food, it feels like staff here are fans of the same anime  (*´∀`)~♥ Food is fine tooOverall a great place for fans~…查看更多

原價$40。做緊買一送一，平均一杯$20。Classico Crema A4(抹茶味)+A6(抹茶+牛奶)雪糕幼滑，份量足，不過，兩款口味就 :牛奶味: 冇北海道牛奶個種香濃，只係普通雪糕抹茶味: 食得出幾重既抹茶，有少少抹茶既苦澀味，但冇茶香整體味道唔錯，但唔一定值$40一杯 ( •́ _ •̀)？…查看更多

~散水生果盒~　一天前下訂便可，訂購了大量生果盒給同事作下午茶。這次訂了$24 鮮果盒，他們另有$18的鮮果杯。同區可免費送貨。一盒多逹8種生果，注意: 有木瓜、菠蘿，不是所有人都吃  ╮(╯_╰)╭ 下次可能會請店家剔走...份量作為下午茶也足夠。送貨準時。是灣仔區的不錯選擇ヽ(●´∀`●)ﾉ…查看更多

母親節食飯, 一星期前book了晚餐4人枱 (但當天發現walk-in 也不用等便是了~). 大家都點了$388 的套餐.   墊枱的和紙很美! (≧∀≦)ゞ前菜8款 待應上菜時給我們逐一介紹, 由左至右是 : 魚子冷蒸蛋羹->胡麻豆腐->茄子天婦羅 (上)->蜜煮楊梅 (左)->帆立日本茶天婦羅(右)->果醬魷魚->胡椒醋雞肉->鮪魚壽司 每款都好吃, 不乏未吃過的菜色如胡麻豆腐 (待應表示它其實不是豆腐~).旬野菜椀白蘿蔔等蔬菜煮成的湯, 香濃好喝~ 中間的是煮軟和吸滿湯汁的茄子.炙燒和牛壽司蟹肉羹鰻出汁蛋卷鰻魚肥美彈牙, 蟹肉羹鮮甜, 很美味~生麩田樂~忘了拍照 (〒︿〒) 只好在官方facebook找來圖片~ 這是開張時期贈送的,  煙韌的生麩配上咸咸甜甜的味噌~蔵味噌漬 / 和牛4 人的主菜, 我們各點了不同的, 包括蔵味噌漬-銀鰤鯧蔵味噌漬-銀鮭魚 (+$28)蔵味噌漬-銀鱈魚 (+$88)鐡板和牛 (+$128)配有白飯, 味噌湯, 和漬物.甜品&抹茶今天的甜品是黃豆粉蕨餅整體消費人均$500, 每道菜逐一上枱, 整頓飯用餐時間2小時, 是不錯的體驗 (๑´ڡ`๑)   …查看更多