桑媽的个人专页

老公生日豪豪地拍拖食餐，點咗個 5-course...唔駛錢但有好多，仲要係唔夠的話你再可以問佢拎。其中有個蕃茄味嘅我地食完都有問佢再添 (///∇///)。d 麵包記得點佢地嘅 olive oil + 醋..好美味~又係食食吓先記得影相 =.=。本身有 4 件，同老公一人兩件。相入面我食咗 parma ham + 蜜瓜 (一貫咁好食)，但另一件依家問返老公，佢話唔記得係乜......三個字：好新鮮超好食，好有牛味 & 好 tender，完全冇落鬆肉粉黎「拿」。但要注意嘅係如果本身唔係太鐘意食生嘅（or 唔鐘意見到血淋淋嘅）就可能會覺得太過生唔敢食。中間粒菇要打交先食到（好簡單 - 因為都係好好味）雖好濃味，但中間舊芝士個味都好搶。唯一要彈嘅係 - 太‧細‧碟，同老公只係每人食一小撮 Orz...好唔好食見人見致：如你係 pizza hut fans...咁你唔好點呢個。因為佢成個 pizza 都冇乜咬口嘅料。但如果你真係為咗食佢個 cheese pizza 嘅話，呢個 pizza 係可以完全滿足到你嘅慾望。我地兩公婆食完覺得真係好「意大利」- 超好味!!!普普通通。同個意粉一樣，個份量細到痺...一樣都係送嘅。即係咁...你如果係鐘意食朱古力 or 棉花糖 or 好甜嘅不知名蛋糕仔，你會覺好食。但我同我老公呢 3樣嘅都唔鐘意食，我只係勉強食咗果件甜到喊嘅 cake....其實整體成餐都好好食，好彩有叫 pizza 頂住，唔駛食完再去 McDonald 再食過。本身果到 d 嘢真係有 d 貴，但食物水準真係好高，環境超正（只有餐具碰撞聲），服務又超好。有咩拍拖紀念呀、週年紀念呀呢 d 二人嘅大時大節係絕對值得去。…查看更多

同一間餐廳好少會再寫食評，但 n 個月後再次光顧發現有新嘢...所以，為公平起見，今次只寫新嘢食 ~[炸雞翼] 第一樣食物黎先。可能肚餓，D 雞翼黎到「辣」住口都係咁喪食，食完先突然記得要影相.... =.= 味道嘛...冇其他地方食嘅炸雞翼咁有雪味，同埋，「業」嘅時間夠，所以好夠味~[冰鎮奶茶] 賣相同普通奶茶樣冇分別，所以冇影相。味道好濃好好味，亦因為咁，我地嘥咗成壺玄米茶 Orz....同上次唔同，呢個係蒜蓉芝士蝦，同上次嘅三文魚蝦一樣，成條春卷都塞滿 "料" & 超熱，好好味~~~朋友話好好味..但我反而嫌芒果唔夠多 (只怪我愛酸咪咪 ￣∇￣)呢個魷魚其實冇咩特別，但佢個烏冬底勁好食!!!! 真係估佢唔到~ 又一件妺仔大過主人婆嘅食物.....呢件疑似印尼食品嘅薑汁糕，可能未必個個接受到。原因好簡單：食落 exactly 係「薑醋糕」。如果鐘意食薑醋（仲要係果 d 足料好味嘅薑醋），你簡直會愛上佢，質地仲好煙勒。如你唔鐘意食薑醋（或唔食得薑嘅辣），千其唔好叫。其他基本嘢如燒賣、牛肉球、豬潤腸仍保持一貫水準。由於朋友請客，我只負責叫 & 食，所以以上食物幾錢我係完全唔記得 (///∇///)…查看更多

雖然响灣仔返工，但當日咁啱同同事 V 都响九龍區上完庭後差唔多食 lunch 時間，所以兩個人膽粗粗咁約埋「半蛇王」咁去食早 lunch。同事 V之前話呢間嘢新開食物唔錯，於是就落咗尖沙咀到食 lunch。環境 & 服務去到...真係窒咗窒 - 門面好 grand 好靚，雖然當時應係食 lunch 嘅高峰期，但入面人唔多，心諗肯定係貴嘢，但同事 V 拍心口話唔貴...OK..照入。一入門，幾個近門口嘅待應即時望住咁話歡迎呀、幾多位呀，反應好快。坐底後，待應即時沖茶＞ 放底點心紙（餐牌？）＞ 介紹有咩餐 & 有咩推介食物後，即刻行開比時間你諗食咩，唔會企响到係咁迫你落 order，印象分即時大加~可能裝修得好 grand，所以食客講嘢時都細聲 d，又有好柔和嘅 background music，絕對唔會好似出面食肆咁，嘈到爆。眼見都有唔少食客係情侶 & 疑似「上等人」。感覺好舒服。餐牌嘛...可能新開舖，所以只有一張紙咁比你 tick 食咩。但入面有成三十幾四十樣食物，冇相真係有 d 難揀食咩。都算有心嘅係 - 有 mark 星星果 d = 推介食物。第一次食，當然係穏陣咁食有 mark 星星果 d 先啦...再睇食物價錢，見係相當相宜...ok..即喪叫嘢食 (￣+▽￣)食物茶估唔到佢地係用玄米茶，仲要幾濃果隻，即時心情大好。食到咁上下，佢地會幫你拎走壺茶去加熱水，唔似其他同類食肆咁一係你唔叫佢地永遠唔會理你壺茶 or 只係過黎睇吓你仲有冇茶就算。超感動 :_)墨西哥叉燒包 size 唔大，個皮好軟...好似餐包咁軟，一咬，認真要小心燙口，我估係即叫即焗，唔似係焗咗一大堆，有人 order 時先响焗爐拎比你 - 因為一 D 都唔硬。估唔到嘅係你真係會見到一粒粒唔細嘅叉燒，而唔係好似有 d 食肆咁比叉燒醬你就算..唔錯...唔錯。三文魚長春卷响澳門永利軒食過頪似嘅，見到香港竟然有，即叫。一入口真係差 d 淥親，因為真係好脆好熱。咬開，同墨西哥叉燒包一樣，見到有大大粒三文魚!! 好食過永利軒好多! 食咗一條唔點跟住黎嘅醬已覺好味，食第二條時點佢個疑似芝麻醬，仲好味! 最後，我自己一個唔理同事 V，食哂三條..（認真唔好意思喲）糯米雞恕我孤陋寡聞...黎到後我問佢呢個係咩... 囧rz... 呢個糯米雞同我地食嘅用葉包住嘅好唔同，佢用蛋夾住 D 糯米。由於唔似一般嘅糯米雞咪濕立立 & 油冧冧，食完唔覺漏。可以試試~豬潤腸唔知係咪要整豬潤嘅事前工夫麻煩，所以好多食肆都唔會有呢個菜式。個腸粉皮好薄好滑，豬潤一 d 都唔腥，證明事前嘅程序做到好足。佢地仲好有心咁將豬潤切得細細粒之餘唔會堆埋一邊。Total 有三條，三條 d 豬潤份量都分佈平均。所以雖然皮薄，但夾起黎唔會跌埋一邊。如果可以，下次我會托待應將豉油分開上 - 我自己食腸粉只係落好少豉油。但同事 V 話正，因為佢地真係落好多甜豉油，啱佢喎~薯絲豬頸肉平平無奇嘅豬頸肉，但當你食埋伴碟果 D 薯絲嘅話就變得相當好食。豬頸肉本身食多兩舊會覺得好膩，仲要係好熱嘅豬頸肉。但同凍冰冰、酸咪咪而又好爽口嘅薯絲一齊食（or 輪住食），即時冇哂肥膩感。一個又熱又腍，一個又凍又爽口，一拍埋，成碟嘢好大對比，變得好好食。當時有個衝動想叫待應問廚房 D 薯絲係點整。食完，埋單 around 百鬆 D...平過飲茶。總括黎講，樣樣都好好食。由於成張點心紙有成三十幾四十樣嘢，加上食物水準高（又價錢相宜呢~），好難唔返轉頭食。下次會試冰鎮奶茶（見到好大杯）+ 蝦餃（隔離枱情侶話粒蝦好爽好大粒）+ 牛肉燒賣 & 桂花糕（另一張枱師奶甲話有燒賣杞子..唔乾身好「牛」，師奶乙話桂花糕好清，唔太甜）+ 炸雞翼（另一張枱個妹妹仔話好味道喎）。希望到時有本有埋圖嘅餐牌睇吓，可以比我容易 D 揀嘢食~其實食到大約 1:40 p.m .時，開始好多人入黎。到 2:00 p.m. 全場已爆。原來尖沙咀食 lunch 時間同中環金鐘灣仔好唔同... *O*…查看更多

總共去過 2 次 - 婚前自己生日 & 婚後結婚週年紀念日。由於兩次都係一早 book 枱而又係好夜到嘅關係，所以兩次去都唔駛等之餘又少人。環境訂枱時你可以 reserve 對噴水池位 ，你就可以睇到好強勁嘅音樂噴泉 - 一個添加嘅娛樂。服務第一次去時唔覺 d 乜嘢，但第二次去時，已陀住 BB，佢地會問你要唔要件披肩呀?（秋涼嘅關係?）、要唔要添麵包呀? 提你有一級梯級呀、洗手間小心跣呀果 D。食物 餐前麵包只係食長條型果隻同埋果隻 corn bread（即個面好似有層粉果隻）就已夠，其他嘅..唔食冇損失。如果真係食哂而又唔夠，你可以叫佢地加碼（唔駛收錢 too）。牛柳片伴野菌沙律 （MOP $158）好鮮味及開胃，牛肉片入口即溶咁，只嫌太貴 Orz....可能係因為 prime beef 嘅關係。 松露磨菇湯（MOP $88)好濃嘅磨菇味 & 好 creamy，但唔鹹。焗茄子（MOP $118）失望嘅一個菜式，原因只有一個：茄汁味太濃，蓋過哂所有其他味道，包括茄子嘅鮮味。海鮮 Pizza （MOP $158）除咗夠熱（熱到辣咀）外，冇乜特別和牛肉丸意粉（MOP $158）味道同焗茄子一樣，蕃茄味太勁，食唔到其他味。但意粉的確做得好出色。Tiramisu（唔記得幾錢）好好味嘅一個甜品，其他地方食唔到。唔太甜，好 smooth。但謹記只可叫一客兩個 or 以上 share 黎食，因為個份量係極之大！第二次去時係因為慶祝結婚週年，佢地知後完餐時就有一個甜品送...超窩心 ♥…查看更多

每逄遇假日，都發現好難去 「搵食」。响間間食肆都會計 「三工」嘅情況下，到賭場餐廳食飯變成不二之選。醉雞（MOP $50）醉雞最緊要係入味及夠凍，呢款菜完全附合到呢個要求，每次去呢間餐廳都會點黎食。唯一唔好就係份量太少 。紅油抄手（MOP $50)皮薄多汁，最緊要係夠辣之餘又食到甜味。讚！（註：唔食得辣嘅請放棄呢道菜）小籠包（MOP $28 - 4件）算啦...唔點就罷。春風得意腸（MOP $35）其實叫時都心思思，唔知佢會比咩我，睇英文仲覺吊詭：Deep-fried Shrimp Spring Rolls Wrapped in Steamed Rice Flour（真係搵紙炒低咗個名）。咁即係...咩? =.=當上菜時，疑似炸両。皮好滑好薄，咬落去時就有驚喜 - 脆嘅，但唔係油炸鬼（但又唔知係乜），裏面仲夾有蘿蔔絲 & 蘿蔔絲 & 唔記得有乜。但蝦嘛...唔見喎，唔知係咪英文譯錯定係師父落漏咗???? 唔計有蝦定冇蝦，呢個腸粉落埋豉油係好好味嘅~上海粗炒 （MOP $50）雖然價錢偏貴，但份量頗大。好多時上海食店跟足上海人嘅製法 - 超級油膩 & 鹹，但呢到可能跟返香港人澳門人嘅口味，味道不太濃又不太油。如果係食開傳統嘅上海粗炒，可能會略嫌乾身。蘭州拉麵 + 牛肉湯底 + 紅燒牛根腩（MOP $60）老實，雖然呢到好多時都係話 sell 刀削麵，但好多時水準不定 - 好多時麵削得太厚 or 煮得唔夠腍。但蘭州拉麵 keep 住係有水準嘅。牛根腩超入味同埋好腍，激讚！唔怕燥嘅，可以飲埋個牛肉湯底 - 話哂碗麵唔平的說。成碗麵其實最敗筆嘅係 - 唔夠熱，不過...唔知係師父有心定無意，每次黎食都係唔夠熱，怕淥親食客?南乳豬手麵（MOP $35）見人見致。自己覺好入味好好味，但家人有人嫌太濃味。賽螃蟹（MOP $52）蛋白好嫩好滑，唔係好多地方做得好嘅一道菜。桂花酒釀丸子（MOP $25）奶奶 & 亞娘話好好味喎...同埋佢地個丸子其實係細細粒嘅芝麻湯丸，佢地話個湯丸好有咬口。紫米露（MOP $25）必食，唔太甜之餘仲有「清清地」嘅感覺。講唔出點解好好味，總之好好味。其實果到 D拉麵師父可能好多時做嘢好悶，當日抱亞 B去睇師父拉麵，師父見到就搓咗一粒麵粉放响近住玻璃同出面之間嘅位置比亞B，氹得亞 B 超開心 (*￣▽￣*)另外要一題嘅係好難叫到 waitress。原因：佢地真係好鐘意企埋一齊响到傾計唔理食客..... =.="有葡京咭嘅有折 - 好似係 9折 or 95折；AE Card 都有...但唔知有 85折 or 9折…查看更多