虎尾腳的个人专页

午餐時候，呢間野生意唔錯，等咗一陣就輪到我入座，坐低嘅時候有侍應正在啱啱收起上一手用餐完畢嘅杯碟碗筷，跟住第二個侍應行過黎叫我落單，我話可唔可以抹咗枱先（噴噴抹枱），佢話唔使啦，猛咁吹我落單，跟住就真係冇抹枱就走開咗。之前生意唔好嘅時候，侍應嘅招呼唔係咁樣，估唔到生意未好返好多就已經變晒質素，而家疫情咁嚴重，真係唔敢再去第二次呢間野度食。希望佢哋睇到呢篇食評之後可以改善一下，因為始終健康最緊要吖嘛！…查看更多

喺觀塘經過呢個商場，發現裏面好多唔同嘅食肆，行到最入邊發現呢間餐廳佈置得好乾淨企理，嗰部咖啡機直頭吸引咗我嘅眼睛，諗都唔諗就入去，諗住同朋友食野之外，至緊要就係飲番杯靚咖啡☕️。坐低之後我哋就要左慢煮手撕豬肉燒烤醬薄餅($118)，All day breakfast($118)，500毫升嘅冷萃咖啡($58)，鮮榨果汁🍹冇添加糖嘅($52)。All day breakfast有香腸、炒蛋、蕃茄、粟米🌽、火腿，最令我驚喜嘅就係佢麵包係用酸種包，加埋個yoghurt，正！焗Pizza芝士多到脹卜卜，淡淡都係芝士，薄餅變又夠趣，都好味道。杯咖啡，有微微果酸味，慢慢一啖一啖飲洛口，好relax，好chill。…查看更多

喺沙田呢個最大嘅商場搵地方食晚飯，見到呢間餐廳外面企左好多人，應該好受歡迎，所以入去食飯餐。坐低已經可以有個免費嘅薯條，侍應仲俾咗一張電腦bar code，如果想refill仲可以免費加潻薯條，攪到個氣氛好好，一坐低已經好開心。我同朋友都分別叫咗一牛扒，一份五成熟，一份三成熟，其實我都唔識分幾成熟，不過侍應建議咁樣係最好食，咁就聽佢介紹啦！香草平鐵牛扒($150)，五成熟，有一個原個garlic伴碟，garlic熟咗之後有香甜嘅味道，伴碟牛扒都唔錯！美國390日穀飼平鐵牛扒($268)，三成熟，有mashed potato 伴碟，牛扒口感好嫩，mashed potato有香濃嘅牛油味，配牛扒就啱晒😋！…查看更多

喺旺角呢間樓上舖食日本嘢，入邊裝修都幾好，有日本餐廳氣氛。落單係用線上落單，見到有日本生蠔，所以叫咗兩隻室津生蠔🦪($68)，仲叫咗一客鹽燒三文魚頭($58)，見到有我喜歡食嘅芥辣八爪魚($48 )，即刻叫咗一份，另外，又叫咗一客枝豆($28) ，仲有蒲燒鰻魚串($38) ，突然見到Menu裏面有我嘅自愛牛舌，梗係要食啦，所以又要咗鹽燒厚切牛舌串($28 )。生蠔好夠新鮮，同埋入口好creamy，非常之好味道。芥辣八爪魚，正！牛舌，熱辣辣上枱，入口口感一流，冇令我失望😋。鹽燒三文魚頭，都係熱辣辣上枱，非常好食，正！呢個三文魚頭唔單止燒得啲骨脆卜卜，裏面仲有好多三文魚肉，又可以食到啖啖肉嘅效果，呢個真係意外驚喜！…查看更多

天氣熱辣辣，冇乜胃口，喺旺角經過見到呢間新開張嘅粉面店，乾淨企理，又夠光猛，所以入去食返碗麵。睇完Menu之後，我就揀咗要金牌牛🐂三寶($52 )，再追加左片頭。麵底方面，可以揀粗麵、右面、米粉、米線、河粉，我就梗係揀咗我至鍾意食嘅粗麵底啦！另外，可以選擇飲品餐配，當中凍飲、熱飲、豆漿都係只需要加$8 ，我就揀咗豆漿，開頭我以為係豆漿機一杯杯咁上枱，原來佢係一支裝原裝豆漿俾我，感覺好似多過一杯咁！講飯碗近排牛三寶粗麵，面底都幾煙銀，牛三寶就有牛腩、牛肚、牛筋，牛腩肥瘦適中，同埋炆得好琳，入口唔會話好勒咁樣。另外，我朋友就叫咗一碗韭菜餃+水餃粗麵，另外飲品就加$8要咗一杯熱檸水。水餃同埋韭菜餃都幾好味道。…查看更多

深水埗開咗好多餐廳，約咗朋友嚟呢間食日本嘢，新裝修，所以夠乾淨企理，特別鍾意佢樓底夠高（都係因為購樓，所以有咁特別嘅效果)，所以空間感十足，食嘢都開胃啲。揀咗個吞拿魚餐( $98 )，可以揀壽司飯、珍珠操飯、或者沙律菜其中一樣，我就揀咗壽司飯。Toppings 可以揀三款，酸蘿蔔、枝仁豆、紫洋蔥、雞蛋絲、青瓜、青蔥、蕃茄仔、芝麻海帶、蟹子、酸薑、粟米、麻將豆腐，我就揀咗青瓜、芝麻海帶、紫洋蔥，有五款dressing 可以揀，蜜糖芥茉醬、辛未蛋黃醬、果仁將、山葵乳酪醬，我就揀咗鰹魚醬油，另外仲有六款seasoning 零可以揀，有木魚絲、辣椒碎、岩鹽、紫菜絲、脆蒜🧄，我就揀咗果仁。食材都是新鮮的，感覺健康清新！…查看更多

喺旺角搵地方食嘢，諗起呢一間打邊邊個雞煲好味道，所以同朋友嚟到呢度打邊爐。入到裏面發現裝修唔同咗，好多霓虹光管嘅招牌裝修，好有老香港嘅感覺。坐低之後要咗個唔辣嘅雞煲，冇幾耐就已經熱辣辣上枱，好惹味，食晒啲雞之後，就將啲上湯倒入個鍋裏面，開始打邊邊。所有打邊邊材料都係用電話落單，方便簡單。起身去攞飲品，發覺呢度有自家製嘅飲品：冷泡桂花烏龍茶及自家製台式冬瓜茶，我就揀咗冬瓜茶，入口唔會話好甜，又夠凍，正！打邊邊當然有好多肉：羊、豬、雞、牛，仲有不同種類嘅海鮮，蝦🦐夠晒鮮甜，但係海鮮之中我嘅至愛就係白鱔，切得夠薄，煮熟之後入口夠煙勒，好味道！咁多肉類之中，我最喜愛的就係啲滑牛🐂，冇乜脂肪，肉質又滑又可口！…查看更多

喺奧海城戲院隔離呢間餐廳食晚飯，坐嘅位置啱啱面向室外，空間感十足，感覺舒服。叫咗一個一人晚餐，揀咗美國牛肉漢堡配黑松露薯條( $118 )，呢個餐可以揀是日餐湯或者廚師沙律，我就揀咗個廚師沙律，另外加$32可以有一個三重朱古力蛋糕嘅甜品🍮，見到Menu加$33可以有一隻法國生蠔，所以都要咗一隻生蠔。好快趣隻法國生蠔就上枱，有好多冰碎保持冰凍，所以食落口好清涼，可能呢個生蠔係法國生蠔，品種唔會話好大隻，但係入口都仲有鮮甜生蠔味，同埋仲有少少海水味，我就冇落到檸檬汁，保持生蠔嘅原汁原味。沙律菜份量唔多但係都好快可以上枱。漢堡包上枱嘅時候成個碟都有好多嘢食，有薯條🍟之外，漢堡包裏面仲見到有好多芝士，同埋牛肉都幾厚身，食完之後飽飽。…查看更多

落大雨，所以喺九龍站商場室內搵餐廳食嘢，喺落車位啱啱見到呢間餐廳，所以就入咗去食返餐晚飯，入到餐廳裏面發覺裝修同沙田嗰間分店差唔多，同朋友睇完Menu之後就叫咗雙果沙律（ $98 ），筋腩相逢（ $108 ），海南印象（ $98 ），酸菜石斑（ $128 ），超級水果（ $38 ）。先上枱嘅係沙律，有牛油果及無花果，加上新鮮蔬菜沙律，一路食一路感覺好健康。酸菜石斑熱辣辣上枱，唔算好辣，魚片夠滑，湯汁都唔錯，感覺唔會好重嘅味精。筋腩相逢非常之正，筋同埋腩都炆得夠林，同埋夠晒入味，實在好好味同埋最緊要係份量絕對足夠，絕無欺場。海南印象原來即係類似粉絲什菜煲，但係同樣分量十足，加上湯汁夠味到，又飲又有蔬菜食，正！另外叫咗一個飲品就係呢一個超級水果，差唔多成功升咁上，絕對超值抵飲！…查看更多

好想食泰嘢，經過呢一間餐廳，門口裝飾好友泰國氣氛，又有㗎yuk-tuk車🛻喺門面，於是入去食返餐。呢間餐廳係喺地牢，所以要行樓梯落一層，一路落樓梯一路感覺到去咗泰國，因為由門口嘅侍應至到招呼你坐低嘅侍應都係泰國人，同埋佢哋都係滿面笑容😃，呢一下先至令到我感覺到去咗泰國🇹🇭！睇完Menu之後，叫咗一個鐵板蠔仔炒蛋（ $98 ），同埋一個酥炸香茅魚，配青芒果沙律（ $168 ）。蠔仔炒蛋熱辣辣用鐵板上枱，蠔仔都係脹卜卜，有意外驚喜就係揭開左蠔仔🦪蛋之後原來裏面係芽菜仔，好似上海嗰啲和尚戴帽咁樣，芽菜仔又肥又短好飽滿。炸香茅魚成個presentation好靚，啖啖肉，入口雖然唔係脆卜卜，但係原汁原味啱晒我😋！…查看更多

喺太子砵蘭街經過呢間餐廳，見到啲宣傳廣告牌有平民價嘅stone grill，好有興趣，因為最初香港嘅Stone grill餐廳係喺尖沙咀某大商場裏面，好貴！入到餐廳裏面，睇咗menu之後，就叫咗一個stone grill套餐－石燒法式羊架(2 bones)，有紫薯忌廉湯、沙律🥗、兩塊羊架、一杯餐飲(冷熱同價)+甜品。紫薯忌廉湯好味道，有晒薯仔嘅質感同埋紫薯嘅甜味。沙律份量唔多，但係都幾新鮮。石燒羊架熱辣辣上枱放喺我面前，因為有塊熱辣辣嘅石代替左普通嘅碟，所以我可以慢慢享受呢兩塊羊架，每啖切細嘅羊放入口時仲係好熱辣辣，非常正😋。想講意外驚喜就係個炸薯條，每件薯條又大又好味道！我叫咗一杯齋啡，見到甜品係一個圓咕碌嘅士多啤梨雪糕球，諗起台灣食過雪糕咖啡所以就將個雪糕放入齋啡裏面，效果出奇咁好！咖啡有士多啤梨嘅酸甜味之外，仲有香香地嘅咖啡味！…查看更多

同朋友嚟咗呢間居酒屋食晚飯，入到裏面感覺好有空間感，因為佢呢間餐廳面積都唔算大，但係就冇乜柱位，所以夠晒空間感，入到餐廳已經聽到啲笑聲同埋啲日本人喺度傾偈，我諗平時呢度都係日本人聚腳嘅地方，既然啲日本人嚟呢度聚腳，咁即係話呢度啲嘢食都會幾正宗!坐低睇完Menu之後，發覺呢間居酒屋啲價錢其實都好平民化，唔算貴！我哋最後叫咗雞泡魚乾(入口是熱辣辣夠野味)龍蝦沙律🥗(沙律裏面口感非常豐富因為有好多龍蝦肉）Sapporo生啤（夠晒凍，正！ ）牛油帶子（好香嘅牛油味！ ）燒鯖魚（原本我好怕食鯖魚，因為通常會有一陣魚腥味，但係呢間居酒屋嘅燒鯖魚完全冇魚腥味，仲有好多肉汁，應該係夠晒新鮮😋）海鮮炒烏冬刺身拼盤(哈哈！侍應同我哋講呢度而家做緊promotion，食滿$500，呢個刺身拼盤就半價，如果食滿$1000，就會免費🆓)!…查看更多

喺荃灣嘅Citywalk two shopping完之後，就搵地方食dinner，喺先施望出去對面馬路見到呢度呢間泰國餐廳，因為冇得✈️，所以都想入去食下泰嘢，入到餐廳裏面，發現呢度都好光猛，同埋夠乾淨企理，至緊要就係有強勁嘅冷氣，呢排真係好熱，所以呢間餐廳有強勁嘅冷氣係非常之好，抵讚！睇完Menu之後我就叫咗一個泰式燒烏頭($128) ，同埋一碟海鮮炒粉絲($82)。等咗一陣，碟海鮮炒粉絲就熱辣辣咁上枱，份量雖然唔多，但係材料非常豐富，有mussels、蝦、魷魚、蛋⋯，好味道😋。跟住冇幾耐，碟泰式燒烏頭熱辣辣咁上枱，條烏頭當然係原條上，師傅已經好細心咁幫我地上下將條魚開變，所以只需要揭開魚嘅上半部就已經可以食到裏便好多肉汁嘅魚肉，仲可以大啖大啖咁食添，正！…查看更多

平時星期日經過銅鑼灣呢間餐廳都見到好多姐姐喺度買嘢食，覺得佢應該係好正宗地道嘅印尼野，所以今日特登嚟呢度食下印尼餐。入到餐廳裏面，面積真係唔大，坐落都算幾迫，但係勝在好熱鬧，同埋有一種去咗東南亞嘅氣氛!睇完Menu之後，就叫咗一個燒牛仔骨花膠湯粉皮($88)，如果唔鍾意食粉皮，可以轉銀針粉、米粉、貴刁、烏冬，本應想轉米粉，但係諗起粉皮會滑口好多，所以都係轉啦。花膠都算幾大塊，厚身， 一塊過好完整，唔會話碎花膠咁樣，同埋個湯底都OK㗎喎，有少少起膠嘅口感，飲完之後感覺自己夠晒滋潤。想講個牛仔骨雖然得3塊 ，但係每一塊都好夠味道，係好好味嘅燒烤味道😋！呢件斑蘭蛋糕有好香嘅斑蘭味道，同埋夠晒軟熟，正！…查看更多

今晚嚟咗旺角呢間西餐廳食晚飯，入到裏面面積唔係好大，但係勝在燈光夠柔和，喺度食晚飯都幾有氣氛，仲有呢度係用open kitchen，所以可以睇到晒廚師點樣煮美食俾我哋。坐低之後叫咗一個晚餐，黑麥啤酒西班牙豚肉辣肉腸意大利飯($108)，晚餐已經包括咗蒜蓉包，沙律，餐湯，同埋一杯飲品。今晚餐湯係南瓜湯，熱辣辣上枱，同埋佢係將啲南瓜🎃打得好溶好綿，所以入口口感好好，味道唔會好多鹽好咸咁樣，正😋，再配埋嗰件蒜蓉包得啱啱好！等咗一陣之後嗰個risotto就熱辣辣上枱，食入口嘅時候有輕微嘅苦澀味，應該係因為有黑啤嘅成份，但係廚師又好醒目咁加咗一啲甜甜哋嘅葡萄乾落個risotto裏面，中和返嗰種少少輕微嘅苦澀味。…查看更多