homing423的个人专页

諗住佢剛剛在旺角新開張試一試外賣，見佢舖入面唔多人，叫個員工介紹下有咩好食，但係佢好似唔想講，唔想介紹咁，好似阻住佢企喺門口叫客入去坐，仲要叫我自己落單信用卡畀埋，唔好煩佢咁！【但係當其時佢根本就冇嘢做】，跟住問佢可唔可以幫我落單順便畀埋八達通，佢就好唔願意咁，仲要一叫蘿蔔個餸就冇蘿蔔，唔怪得知入面果啲員工企曬喺到拍烏蠅， 只係得嗰兩三個客坐係到幫襯！ 返去試埋個味道就知佢咩料， 希望好食 ，但係我諗都唔會有下次！…查看更多

一心諗住收工去食返個早餐跟住返屋企瞓覺，見佢剛剛又新開番喺旺角 ，就坐低試下， 其實啲侍應都冇乜嘢， 我叫咗個餐蛋麵凍檸茶 ，好快食完就走。 但去到埋尾畀錢，去到收銀櫃諗住畀八達通，初初我都睇到佢哋未有八達通部機收錢，咁諗住望清楚睇下收啲咩啦！突然間就聽到個收銀阿姐，好勞氣又大聲話已經講咗三次，唔收八達通，淨係收支付寶微信同埋現金，我都同佢講你好細聲。 我當時心諗使唔使咁激動！？但都費事同佢嘈，因為我當其時好眼瞓！ 如果我夠精神我實開佢波！我淨係想同呢間紅茶講 ，如果呢個阿姐仲喺旺角咁樣嘅態度，只係講客走。埋尾埋單都走嫁啦！竟然都咁樣嘅態度！…查看更多