agneskucc的个人专页

身為黃埔人，當年韓宮結業左真係好傷心，得番轉角間外賣店，但最近出地鐵站見到佢重開，就約番啲朋友去重拾舊時嘅味道。韓宮係一間韓國人主理嘅韓國餐廳，出品十分有保證，一路都食左好多年，可惜敵不過疫情，只可以轉做外賣店賣便當同炸雞。依家新開番，佢地應該主打韓式燒肉。張張枱都有韓燒爐，大部分都有抽氣扇，我地全晚差唔多9成枱食韓燒都唔會好大油煙。我地3個人去叫左個2人韓燒（豬+牛）餐，$499有4款肉，豬頸肉、五花肉、牛五花同埋調味牛肋骨，仲有芽菜、泡菜、雪耳、香腸、茄子同埋芝士。4款肉只有牛肋骨係有調味，其他都係新鮮切出，加埋佢地自家嘅sauce就岩岩好。個調味牛肋骨都好入味，老闆娘話佢地所以醬料都係佢自己做，泡菜芽菜都係佢每日新鮮整，真係好好食，番添左幾次😂不過呢個set就冇包生菜蒜頭嘅，要另外加錢叫，$60一份。一開始以為2人燒肉餐唔夠3個人食，所以再單點多幾樣野。點知上菜先個樣樣都好大份，最後都食唔晒。我地最鍾意個海鮮煎餅，佢地會等到你食完韓燒再上其菜式保持熱度。個海鮮煎餅好香脆，份量亦都好大個，一人可以有2-3塊。新鮮熱辣食當然好食，但過多陣就算凍左但都係好脆口，加埋佢地個醬汁真係食到飽飽都忍唔住食埋清碟。今次我地本身打去book枱，佢地話依家到10月尾做緊promo 經社交平台 book枱，可以$68食醬油蟹，原價好似$198，咁我地當然唔會錯過呢個優惠啦。本身好少喺香港食醬油蟹因為驚唔新鮮，但係咁平試下無防，叫左一隻share。佢一隻唔算好大但係都叫多膏，好多紅膏。佢個醬油好有驚喜，我兩個朋友唔係好敢食生蟹但都去過韓國食，當時佢地話應該唔會再試，但係今次佢地話好食過韓國，主要因為個醬油冇咁咸，有檸檬同辣椒嘅調味，味道比較清新，又會用咸味去蓋過蟹嘅鮮味。我地同老闆娘講話好食過韓國，佢都話係佢自己調味，因為佢都唔鍾意韓國個種好咸嘅醬油味，老闆娘口味同香港人好夾👍🏻另外我地仲叫多左個牛肉石頭鍋飯，其實已經食唔落，因為醬油蟹都有跟紫菜飯。但係見到個石鍋岩岩出爐又忍唔住口。石鍋飯好多菜蔬，芽菜冬菇菠菜等所以都唔會好漏，加上佢地個韓國辣醬，唔似出面買個啲咁咸，所以都好好食。咁多年冇食過韓宮，雖然冇睇到佢lunch有冇啲lunch set 湯鍋個啲，但係晚市燒肉真係抵食，只係我地貪心叫得太多，3個人一入燒肉再加個主食其實都好夠。老闆娘雖然唔識講中文，但佢都好鍾意用英文同客人傾計，睇得出好多都係以前幫襯開番黎再食。佢都話會繼續研究菜式。…查看更多

呢幾日喺寵物group度見到好多主人都帶左寵物黎呢到打卡，知道呢度可以比寵物坐室內食嘢，所以一放假即刻帶埋我嘅寶貝過嚟試吓。呢間route99舖面好大，門口裝修得好靚，好有懷舊美式快餐店嘅感覺。平時大部份餐廳都唔俾狗狗坐室內一定要坐室外位置，原來呢度劃分左寵物區同非寵物區。一入門口如果唔想有寵物騷擾嘅話，會有另一道門進入非寵物區。呢個安排實在太好，主人們可以同狗狗一齊係冷氣下用餐，又唔驚騷擾其他食客。寵物區域嘅座位全部都係又大又闊嘅梳化位，好貼心咁比唔同size嘅寵物都可以好舒服咁坐埋一齊，唔使佢哋坐地下咁慘。餐廳嘅設施同環境好多地方都有介紹，咁等我講吓佢哋嘅嘢食啦。Route99嘅餐牌主要都係美食快餐食物為主，好似burger同奄列pancake等等都係美國快餐嘅element。見到個餐牌號又去咗LA嘅感覺,而佢哋亦都有一個專比寵物嘅pet menu。相比起其他寵物有善餐廳，呢度嘅pet Menu款式都相對多。難得帶埋寶貝來咁當然啦要比佢哋enjoy下。我哋叫咗一份漢堡包同埋一份三文治，餐廳負責人同我哋介紹嘅時候話佢哋都好着重寵物嘅飲食營養均衡，主要為低澱粉質高蛋白質嘅菜式，即管漢堡包同三文治貌似係澱粉質，但事實上佢哋係用咗雞肉甘筍南瓜等等嘅食材去製成我哋見到嘅包同三文治。而旁邊嘅薯條亦都唔係薯仔咁簡單，亦係用咗雞肉甘筍南瓜鱷魚肉等等嘅材料製成。相比起好多餐廳嘅寵物餐單，呢度嘅食物係物有所值，好有心思，唔係就咁俾啲雞肉粒藍莓粒咁簡單，而係精心咁設計同製作，外貌、味道同營養都咁好嘅寵物餐。我嘅寶貝食得勁開心。同埋佢地位份量都好多，好似我寶貝呢種小型狗，其實一份餐係食唔晒嘅，絕對可以約埋其他狗狗一齊share。而佢最尾要食清咗少少包，咁我都有拎嚟試吓，真係好香嘅雞肉味，絕對真材實料，連我都覺得幾好食。主子們食完咁就當然到我哋呢啲奴才食啦，因為我哋去嘅時候係夜晚所以就冇叫到waffle同pancake，但下次如果中午嚟一定會試吓佢哋嘅Waffle同pancake因為真係美國brunch嘅signature dish。其實個Menu有好多好多嘢揀，今次我哋就先試下店員推介嘅Texas Burger 同埋 Crispy Fish Benny。呢度嘅Texas burger真係一定要試，佢哋塊牛肉漢堡真係十分juicy, 咬落去啲肉汁爆曬出黎。而上面啲bacon都好足料，唔會好乾身，配合埋洋蔥同芝士，每一啖都好有層次。個side薯條嗰度我哋加$28轉左Route Fries試下，原來係加左cheese同bacon, 好幾值得試。食得burger一定唔少得milkshake, 呢個係perfect combination。個人鍾意朱古加味多啲，但兩杯都好滑好creamy, 層whipped cream都好厚好邪惡😋另外我地就叫左個crispy fish benny, 好似好特別又未試過。呢個個層次感又係好分明，有幾重口感係入面。最底層係魚柳，我唔sure係咩魚但係勁滑勁嫩勁多汁，個個都話條魚好好食。中層就有煎/炸到好脆口嘅薯仔絲，再加頂層嘅個粒慢煮蛋，有少少似溫泉蛋嘅感覺。呢三層食物夾埋一齊，又滑又脆又juicy，已經好好食，但係佢上面再有蔥花同黑松露，全部野一啖放晒落口簡直係味蕾嘅享受。黑松露好香再加埋洋蔥帶到個魚柳本身嘅鮮味而又唔會有魚腥味。另外好多人都會忽略咗個side dish，呢到我要讚下佢個mash potato, 好濃好creamy好滑，好高質嘅薯蓉。除咗burger 同埋crispy fish benny 之外我地都叫左個steak，但係可能始終佢地都係行「外賣」方式，即使一塊唔錯嘅steak放左係個紙兜上面點都有少少遺和感，呢塊steak就中規中矩，性價比冇咁高喇。不過整體呢間餐廳嘅菜式都算好食，裝修靚不特止連食物都有番咁上下水準同誠意。亦都有好多菜式選擇，下次會再黎試埋佢地嘅pancake/omelette，又多一個可以同寶貝一齊enjoy嘅地方。…查看更多

早排仲有得堂食嘅時去左韓國街搵野食，見呢間幾多人又環境唔錯就入去試下。場內基本台台都有叫泡菜蛋漿熔岩炒飯，店員會拎晒啲材料係你面前煮，好似之前去濟洲島食過個類似嘅炒飯，還原度好高。火槍係你面前燒溶晒啲芝士，個拉絲效果勁，一見到已經流晒口水。本身個泡菜炒飯底味道好濃郁，好香泡菜，再加勁多芝士，十分邪惡。之後就叫左個泡菜炒五花腩豆腐，本身有少少後悔又叫泡菜野，但係佢出奇地唔同，炒五花腩夾埋豆腐食好清，豆腐中和左泡菜個咸味，好有解膩效果。最後不得不讚呢個馬鈴著排骨湯，平時韓國就好多，香港好少見，仲要有二人份唔洗好多人share先食到。湯味好濃好足料，足足有三大個排骨，啲肉都燉到好林好入味，薯仔亦都煮到好林，用黎送飯一流。呢個真係好有驚喜。…查看更多

今日去完EMAX睇show,順便搵食埋野先走，行左幾層得d好似快餐嘅餐廳,終於係地下個層搵到間食fusion 泰國菜，就入去試下。餐廳環境都幾靚，就快到晚市所以啲燈光都係暗暗地有情調，見到佢好似分開左兩邊，一邊有個corner似有live show,另一邊就靚靚都幾多人打下卡咁。Menu方面野食唔算大多選擇，但都有沙律、湯、意粉同主菜嘅種類，最特別係一開始已為得西餐食，點知睇睇下又有啲signature泰國菜。我地叫左個冬陰功湯、pork ribs同一個pasta冬陰功海鮮湯份量都夠兩個人分，味道ok之餘仲要有功多海鮮，大蝦、花甲、青口都有好多隻，仲有豆卜同草菇，勁足料👍🏻芝士豬肋排配薯格好大份。薯格好香脆，豬肋排嘅燒汁配埋上面個層拉芝真係人如其名咁「邪惡」。豬肋骨都算幾厚肉，唔會得排骨。最後就係雞柳菠菜白酒汁扁意粉，佢唔似出面好多菠菜意粉咁青bb,因為一食落去就會食到白酒汁個個清甜味，係好特別嘅一個醬汁，冇乜係邊到食過呢個味道。係幾值得一試嘅pasta。最後食完先見到佢地做緊all day happy hour, $48一杯draft beer勁抵，唔怪得台台都係飲啤酒。整體呢間餐廳環境唔錯，坐得都舒服，食物都多原化，係Emax 幾好嘅一個選擇。…查看更多

好耐都冇出街食好野，難得嗰日社會好大家都心情好，唔走去搵間好嘢食，之前睇嗰啲推介介紹呢一間任食火鍋，好似好吸引所以今日呢就拉大隊去試下喇。佢個場都幾大，大多數都係4人枱，最得意係佢地圓枱可以分開做兩張二人枱，咁樣就多人食又得，少人食又唔會好似塔台咁奇怪喇。呢間野係用電話落單，scan 個qr code就會睇到有咩野食，勁方便，要幾多落幾多。湯底都有好多選擇，得地就揀左台中蒜頭雞湯，個湯底黎到已經有成隻雞係入面，蒜頭味亦都好香濃，雞亦好嫩滑👍🏻除左要揀湯底之外，介要揀食邊種肉，等級分三種，精選嫩牛、特級安格斯同埋極上和牛。得地就揀左中間個款特級安格斯。其實嗰三款嘅價錢都好抵食分別都係$198 ， $238 ，同埋$298 ，基本上價錢相差唔大，就算食最好嗰隻都係$300唔使，都真係幾抵食。其實我地揀中間質素嘅牛肉都已經好靚，可以睇得出佢肥瘦均稱，紋理都好靚。除左安格斯之外仲有黑毛豬，羊肉等等都包埋，任叫任食。當然除左肉類之外仲有好多火鍋配料啦，全部任夾，種類都好多樣化。淨係菜都有咁多款，仲有麵食唔係剩係得平時嘅公仔麵，仲有烏冬蝦子麵等等唔同種類嘅應有盡有。佢地仲有好多特色台灣小食，台灣腸，鹽酥雞，滷肉飯都可以任食，當然仲有台灣好興嘅鴨血啦，呢d都係可以一份份咁叫之後再加落個湯底度。好有去左一轉台灣，仲要一次過可以食晒咁多款野食，唔洗掃街咁辛苦。重點係全部野食都好正宗好好食，唔係無質素嘅野食。牛大人真係好多好多款野食，我敢講只要每一樣野叫一份，都已經食到你好飽，或者根本都食唔晒。海鮮又有，手打魚滑又有好多款，全部都新鮮送上。另外個日仲做緊優惠，只要like facebook就會有一杯黑糖珍奶，我來講呢杯珍奶係唔比出面專賣台飲嘅店差，仲可以話係比出面好飲，珍珠彈牙但唔硬，珍珠本身都自帶黑糖味，唔係淨係外面個層黑糖有味，係好出色嘅特飲。講到野飲佢地都好有心，出左好多唔同茶飲，打邊爐之餘又有冷泡茶飲解膩，特別鐘諗桂花烏龍，清香桂花再加烏龍茶，兩個味都好特出，配合得好好，飲完又可以再食過，唔似得啲氣水果汁咁飽肚，唔會令你飲飽，確保你可以食到更多。食完仲有movenpick雪糕，呢個價錢真心抵到爛。佢係環境靚，食物好食有質素有水準，款式多樣化又新穎，湯底又好款式，又好足料，以後一班人食火鍋我都會揀牛大人👍🏻…查看更多

之前去開觀堂行開倉，見到The Wave完全唔同晒，多左好多餐廳，所以夜晚就去試下呢間登堂。佢個模式好新穎，開放式廚房等你睇到廚師煮野食，一碟一碟咁係個到想完拎出黎，令人特別期待。個陣去可能都叫新開，經理好熱情咁介紹餐廳背景同理念，話係呢到行政總廚從來唔用味精、雞粉調味料，只採新鮮雞湯、菜汁、牛肉汁等等天然調味，強調健康西餐，呢到主要都係西餐牛扒意粉pizza 個類食物，份量都幾多。我地叫左個炭烤美國1855極佳級黑安格斯肉眼牛扒，五成熟，岩岩好，好香炭燒味，加埋佢片蒜香牛油，very good👍🏻另外仲叫左美式煙燻醬燒西班牙黑毛豬肋骨，可以見到份量幾足夠，同埋肉質厚實，加上外層個煙燻醬另豬肋骨好入味。之後再叫左個香煎法國鵝肝手工貝殼粉配白松露菌油，呢個完全係比佢menu張相吸引到，咁大塊鵝肝，出到黎都冇縮水，一樣咁大塊，貨真價實。鵝肝煎得好香脆，個手二意粉好特別，好有咬口好chewy，係手制意粉嘅味道。佢出面仲有個bar枱位，得閒係到飲番杯都幾chill.黎觀塘又多個選擇喇。…查看更多

好耐都冇上過啲樓上Cafe，今日唔知邊個約咗去旺角呢間，好有童年回憶。一想到去門口就有好多遊戲可以俾你拎來玩，咁我哋都係食個飯都冇人哋咁青春拎來玩啦。餐廳地方唔算好大，但應該都容納到三40人左右，嘢食方面都幾多選擇，有二人餐、四人餐、六人餐、八人餐、仲有好多散嗌意粉、小食、沙律等等。我哋叫咗個特色雜菌燴飯，個賣相都幾靚，味道唔錯，雜菌味道好香濃，再加上芝士係面，成個味道提升左。 佢燴飯米粒唔會太腍太硬，岩岩好，值得一讚。呢個雞翼拼盤係多人必叫，一共有成18隻雞翼雞鎚，絕對唔洗掙食，雞翼炸得好香脆，加埋個蜜糖芥茉漿不得了，有少少美國buffalo wings感覺，正國另外小食蒜片牛柳粒都係抵食之選，$50幾蚊有一口牛柳粒，仲要味道香口，口感軟腍好味，蒜片香脆，抵到不得了。最後叫左份bbq汁燒豬肋骨，份量勁大份， 就咁睇好似有d乾身，但切開係好juicy一d都唔乾， 好入味， 每條骨都有厚厚肉包住，真係幾唔錯，價錢又唔貴，$148其實真係幾抵食。咁多年冇上過cafe,雖然價錢係比以前讀書時代貴左好多，但係食物質素都比以前好左好多，絕對比美正式西餐廳，得閒都可以發掘多d 好味有質素cafe.…查看更多

大東街又多左好多野食，今次去左斯呢間出名食潮州牛嘅潮丸。對於一間粉麵店黎講呢間真係好靚好乾淨，地方又大又寬，同舊式粉麵舖差好遠。我叫左個潮州魚三鮮湯河，湯底好淨再帶點點魚鮮味，魚蛋爽口彈牙，我加埋佢地秘製辣醬個味道仲加上一層樓。加外加左個小食蘿蔔，蘿蔔好甜，個上湯仲幾好味。另外朋友叫左碗牛丸麵，我食左佢一點牛丸真係好後悔冇叫到牛丸，因為真係好好食，同番大陸食個種潮汕牛丸一樣，彈牙爽口，又有少少牛筋係入面，口感好正，咬落去真係會爆汁ga原來呢到都可以單買牛丸番屋企煮，價錢係貴左少少，但係老闆話真係潮州入貨運到，真材實料，不過真係好好味。冬天可以黎買番屋企打邊爐。…查看更多

朋友生日食飯book左呢間倫住蒸食蒸氣海鮮，去到先知原來係倫哥私房菜嘅系列，今次就主打蒸海鮮。倫哥就出左名多野食，由我地入去個一刻，咩都唔洗叫就已經有碗蟲草花湯飲。之後先比個餐牌你揀每一樣海鮮點樣整，就自己剔番個調味，之後就會咁多盤拎過黎。本身以為係好似9層塔個d全部一齊蒸，之後續層續層食落去，點知完來唔係，係一層一層蒸，店員會set好時間，夠鐘就拎比我地食咁樣。雖然就有少少取考，但係最重要都係食物味度同質素。聖子我地揀左用蒜蓉蒸，味道一定好食，面而佢用料都幾新鮮，都幾肥美，肉質都夠爽脆。薑蔥蒸花甲帶出左花甲嘅鮮味，亦都唔會話有沙/ 死花甲開唔到殼嘅問題。我最鐘意呢個剁椒醬蒸蝦，香口野味帶少少辣味，蝦肉結實爽口彈牙，正👍🏻清蒸蔬菜中間清清口味，估唔到就咁清蒸蔬菜都咁好味，紫薯勁香甜，南瓜亦都蒸到岩岩好，好腍好甜，好有驚喜。之後我地揀左黑皮蒸鮑魚，係屋企呀媽都會咁樣蒸鮮鮑，肉質都幾彈牙，易咬唔會過熟變硬，好好食。size亦都唔算細，合理。而龍蝦就揀左清蒸，亦都係店員推介，話可以食番龍蝦鮮味，清蒸就會最顯鮮甜，唔會比調味cover左個鮮甜。又真係冇講錯，真係好鮮甜多汁，唔會腥同澀，好好食，同外國專食蒸龍蝦嘅餐廳有得比，睇得出佢地用料好新鮮。最後花蟹就用薑蔥蒸除左海鮮之外，另一個好有驚喜嘅係個魷魚腸粉，勁勁勁好食。花生醬加魷魚蒸腸粉，熱辣辣同花生醬勁香，冇諗過咁好食。到最後有個蒸生炒糯米飯，已經太飽食唔晒喇。但係係好足料，臘腸、排骨、南瓜、花生、芋頭，勁多材料好香口，只不過成晚太多野食，食唔晒。最尾仲有得任食黑糖冰涼粉，食左咁多野用呢個冰冰涼涼嘅冰粉做完結，真係好滿足，仲要每人只係$238，新係抵食到爆。個人覺得比倫哥私房菜更抵食同更有水準。…查看更多

之前上網見到呢間d海鮮丼好抵食，可惜我地夜晚去冇呢個offer,就叫左個二人餐。餐廳唔算好大，但都可以放到3-40個人.環境佈置到好似日本屋台咁，都幾特別。三色前菜（食左都唔知係咩黎,左邊個個似d 樹根/莖，中間個個有d似魷魚，煙煙銀銀，好有咬口，左邊就係青瓜）日本蕃茄八爪魚沙律（份量就唔算多，但係勝在夠新鮮，蕃茄超清甜，八爪魚都相當爽口彈牙）刺身（鯛魚8片，帆立貝，三文魚，油甘魚，二人份係就少左d,但都有質素ei,鯛魚配個醬油好清新再帶點點甘甜，帆立貝亦清甜爽口，不過不失。蔥蔥拖羅蓉卷（拖羅蓉加海膽勁鮮味，而中間夾左蔥花超爽口，口感同味覺都好刺激）串燒拼盤有翠肉瓜，鯖魚，煙肉包蠔同埋黑豚肉，我覺得燒鯖魚好好味，醬油燒左好香口，而煙肉包蠔都好有創意，之前都未叫食過呢個組合，好味。之後再有個豆乳雞肉軟骨丸子煱，平時係紙火鍋,但咁岩冇晒就用普通煱。男朋友勁鐘意，話用豆乳做湯底，味道好天然，清清地唔會好濃味好咸，豆乳配埋豆腐更重豆香，更滑。個丸子係有雞夾軟骨做成，入面有咬到一粒粒軟骨相當有咬口。最後仲一人一碗牛肉烏冬，成個餐份量都幾多，兩個人食一定夠最飽，呢個價錢有咁多款野食都真係算幾抵喇。…查看更多

朋友又帶我食好野，今次咁都比佢搵到呢間係灣仔月街嘅小店食omekase，平時唔黎開灣仔都唔識路黎，原來有一間咁早質日本餐廳，朋友book左7點都已經幾乎滿座，呢到地方唔太大，大約坐到30人左右，所以一定要book位。我地食omekase 所以安排左坐師傅前面，餐廳仲有單點項目，見其他客都會黎食下串燒，飲一啤酒咁，居酒屋feel.師傅一道道菜咁上係我地面前，放底就會講下係咩黎，用左咩食材。前菜係福岡粟米，之前都只係食過生嘅北海道白粟米，未食過生嘅黃粟米，呢款同樣係好清甜爽脆多汁。刺身就係幼油甘，簿切油甘魚肉質好鮮甜帶油香，口感爽口，加左少少調味，都唔需要再點醬油。之後就有生蠔，呢款係日本岩手蠔，size 勁大隻，成隻手咁大，肉身肥厚，海水味濃，質感奶滑，回甘味強，正👍🏻另外兩款刺身就係叫hamachi 同埋赤身。Hamachi 係咩魚我就唔識，但食落味道清新，肉質有弹性，脂肪比例較高好味。而赤身油脂含量相對較少，肉質細嫩，口感的流。之後就到壽司喇，師傅會續舊續舊上，等你食完第一款先再整第二款，味道由清淡甜美去到後面味道濃厚。由左到右、上到下分別係魴鮄（肉質紮實，味道清甜）、伊佐木（味道鮮甜彈牙）、平鯛（味道香甜，脂肪香濃）、比売知、平鰺（油脂含量不高，冇咬口，非常鮮美）、toro（肥美香濃，入口即溶）同海膽蝦（香味濃口海膽鮮甜，蝦肉彈牙香甜肉滑）壽司（係個今日食材板到抄😂）淨係食壽司都已經夠滿足啦。仲有個辣呑拿魚反卷，之前咁多舊都係淨係點少少醬油，呢個咩都唔洗加，佢原本配埋個醬汁好好味，少少辣加少少酸甜，加上蔥花呑拿魚，好清新好refreshing 燒物就係燒水蛸，即係巨型八爪魚，口感一流，勁有咬口，加上醬汁燒，有好香炭火燒味。炸物就係天婦羅面而和食就係幼烏冬，食完咁多刺物壽司食番碗熱湯烏冬個胃即刻暖晒好舒服。$1280就有齊前菜、刺身、壽司、燒物、炸物、和食同甜品，仲要有咁多款係咁上，樣樣食材都好新鮮，用料靚，食足3個鐘，真係好抵食。…查看更多

不嬲都會係觀塘搵D特別既野食，今日就約左朋友去到駿業街中海日升中心呢間台灣野。因為人數唔係好多，所以只係叫左幾樣野食。古早味魯肉飯食得台灣野，緊係會食魯肉飯。其實佢既魯肉同台灣食果D好相似，夠味得黎又唔會好咸。最正係D珍珠米黏口，有D似食緊日本牛肉飯既感覺。惹味肉燥湯新竹米粉 另外都叫左個肉燥米粉。除咗肉燥之外，仲有好濃嘅蒜味。新竹米粉比較幼細，但係食落去好爽口，加埋D芽菜做配料，非常唔錯。烤香腸烤香腸都係平時去台灣一定會食既野，加埋D蒜片做配料，口感味道一絕。炸花枝蝦餅通常食台灣野都係食花枝丸，但係呢度有一味係花枝蝦餅。估唔到呢間餐廳做炸野都咁有水準。每件都好大件，好彈牙好足料，值得推介。傳統黑糖刨冰最後緊係都叫個甜品啦。對芋圓情有所鍾既我就叫左呢個傳統黑糖刨冰。芋圓，地瓜圓刨冰根本冇得輸，仲可以加$8轉個牛奶底。總括黎講呢間台灣野水準都唔錯，樓面亦都乾淨企理，係觀塘做野既朋友不妨一試。…查看更多

個日係time square睇完戲落黎，過左馬路轉角見到呢間新開泰國野，睇落環境幾靚又唔係話太貴，就入左去試下喇。佢地環境幾靚，坐得舒服寬落，一般泰國菜都有，我地見佢個二人餐價錢合理，食物選擇又係我地想食嘅就係二人餐到揀喇，勁多野食都係$388，我計過散叫一定貴好多😂基本野馬拉盞炒通菜、冬蔭功湯、沙嗲串燒呢d就唔洗多講啦，唔會唔好食。但要要讚嘅係佢二人餐合份量都係有番咁上下，唔會將貨就價，比好少你，碟碟都大大碟，冇可能唔夠食。我幾鍾意個湯，我發覺香港到到嘅冬蔭功湯都唔同，好參差，呢到同係泰國飲到嘅好相似，酸辣味balance得好好，同樣有好多香茅，草菇等等，係我好鍾意嘅口味。海南雞亦都好好食，皮簿肉嫩，唔太肥又唔瘦👍🏻而我最鍾意就係呢個蝦醬炒飯，平時都好少叫呢d 炒飯，通常都係叫pad thai, 菠蘿炒飯嗰啲，但係今次我地係二人餐個menu到揀個單點最貴嘅，就試左呢個好野喇。佢係勁香勁有鑊氣，蝦醬炒飯勁野味，仲配埋臘腸同炸蝦米仔，極級香口，食唔停。最後仲上左兩個好靚嘅甜品椰汁糕，店長話個顏色唔係人工色素，係植物/水果整出黎，係幾靚幾特別，仲話遲d會有甜品buffet$68任食，搞到我已經好飽見到都想食，好多少食都好吸引。…查看更多

好多好多年都冇黎過dream cafe,係中學時代同入U 成日會去嘅cafe,今日我地竟然走去想當年😂不過佢地係進步左好多好多。記得以前去就係貪佢可以坐幾耐都得，食物就都係簡單pasta加杯飲品，都係去搵個地方多日坐同吹水。今次上到去環境依舊但係食物多左好多選擇，再唔係次次carbonara 喇。我覺得必食一定係呢個燒雪魚，肉質好嫩好滑，完全冇腥味，外皮煎到好香脆，入面肉質仲好juicy,加上佢個秘制汁，係十級好食個安格斯牛肉粒炒飯外表好似平平無奇，但食落又幾香口好野味，牛肉粒好嫩滑，配炒飯佢一d都冇overcook,保留到牛肉嫩滑度。另外仲有個肉眼扒，$198食到angus rib eye真係抵食。我地叫左medium,都仲係好腍好juicy,唔會好熟好硬，肥瘦比例岩岩好，好多$3-400扒都整唔到呢到咁好食。之後我地仲叫埋甜品，窩夫雪糕同埋心太軟，賣相勁靚，窩夫脆卜卜，心太軟真係流熱辣辣朱古力醬，估唔到佢廚房細細人手唔多都可以煮到咁多款食物，仲要係好食。雖然價錢比以前貴左少少（通脹），但比起出面其他餐廳已經平好多，味道亦係比以前好左100倍，cp值好高，係一間真係可以為左佢地食物而去嘅餐廳。…查看更多

成日行過寶勒巷都比呢間the right place吸引，覺得環境好chill 好relax,有個outdoor 少少bar枱比人飲下野，都想試左好耐。終於有次係尖沙咀搵野食，就走左入去。入面環境都幾好，有個大screen係到播外國mv,都幾有feel.食物主要以西式為主，burger,pasta,pizza呢d都走唔甩，但仲有一個menu係fusion 中式避風唐style,都幾得意。但係我地都係叫番西式野冇咁熱氣。美國安格斯牛肉芝士煙肉剪蛋漢堡，睇個樣都靚，塊angus beef 好厚好juicy,加埋個太陽蛋，一咬開d蛋汁就流晒出黎，比個包吸收晒，就算加埋煙肉個味道都唔會過咸，麵包亦係外脆內軟，唔會好dry,成件事都好juicy.墨西哥牛肉芝士卷佢會叫我地切幾多份，原來係因為如果自己切入面d肉就會爆晒出黎，我地叫佢切4份（4個人），但之後先後悔，應該再切細d咁就可以一口一件，唔會食到周圍係。佢個味道好好，入面牛肉加芝士配合得好好，炒得好香，加上外皮好香脆，點埋d sauce 好有味道。主菜有10oz 肉眼扒，size 都好巨型，絕對對得起呢個價錢，我地叫左medium其實都ok,唔會太硬太難咬，最欣賞佢面個粒garlic butter,直頭係畫龍點睛，牛扒熱力溶左粒garlic butter,好香好香，牛肉再夾埋呢個sauce太好食👍🏻最後一個主菜就係帶子海膽意大利飯，全部都係我最愛，risotto米口感適中，保留左意大利飯應有嘅咬口，但又唔會話硬得太緊要，帶子都幾大粒，新鮮，混埋海膽risotto,啖啖都係味覺享受。最後要講下佢地嘅飲品，cocktail mocktail都好特別，加入左好多中式元素，我叫左mocktail non grand,會係用一個燉盅，加左魚肚，薑片同豆漿，其實係似似緊一個中式糖水咁，味道幾好好易接受。另外朋友叫左個cocktail叫my cup of tea,佢係有2杯，一杯凍一杯熱，但佢話酒精都幾重，唔係人人都handle到，飲少少都好快wing,所以都好考酒量呀。…查看更多