Ted66的个人专页

餐廳有大概10張卡位，如果想等卡位可以特別向服務員表明，餐廳環境設計好靚，好友列車嘅特色，但係服務一般。黑松露牡丹蝦，牡丹蝦大細適中，有蝦嘅鮮味，但係黑松露蓋過了蝦嘅鮮味。鹽燒雞中翼，賣相幾靚，唔算好鹹，但係勁少肉，骨多肉少，味道唔錯。蟹膏蟹肉軍艦，蟹肉嘅份量比蟹高多，蟹膏味濃，蟹肉新鮮，紫菜唔會冧，飯唔會太硬。餐廳係自助點餐，提供電子屏幕板點餐，但係固定位置，唔方便，反應有點慢，每點四樣嘢就要落單，然後要睇完個動畫先可以再下單。…查看更多

市區燒烤場，地鐵站之後穿過公園及商場便可到達，大概行15分鐘，尚算方便。喺門口俾錢，然後有個貼紙俾你自由出入，每個燒烤爐都有瓦遮頭，唔怕曬同唔怕落雨，星期六日有中午場。食物種類都比較多，基本雞翼都有好幾種唔同嘅醃料，特別嘅有冰菠蘿，不過我覺得味道一般，有爆谷，小朋友好鍾意，仲有錫紙同手套提供，有牛油同好多唔同嘅醬料，你可以自由發揮。可以帶外食進場，我哋拎咗水果同埋海鮮入去。仲有個千秋，少許兒童設施，可以供小朋友玩樂。…查看更多

炸雞下午茶，雞肉嘅份量比較少，粉多，皮都算好脆，溫度適中，雞肉唔算好Juice。葡撻表皮鬆脆，味道偏甜，值得推薦。雞皇飯，雞肉份量只得兩三粒，非常少，汁量適中，鹹度適中，飯量多。餐廳設有洗手機，方便清潔，餐廳環境寬闊，容易搵位。…查看更多

餐廳好大間，好多枱，設計幾靚，但係比較難搵到侍應。台式莎朗肉操飯牛肉嘅做法比較特別，口感幾好，煎得好香口，唔韌，容易切開，幾入味，冇雪藏味，唔會好鹹。滷肉飯份量適中，滷肉嘅份量可以再多啲，用咗比較瘦嘅豬肉整，鹹度適中。糖心蛋一流，好入味，流心感覺剛剛好，值得推介。個配菜都好開胃酸酸甜甜。叫咗個拿破崙蛋糕做甜品，上枱嘅時候賣相好靚，蛋糕夾層唔會好林，仲好鬆脆，配上芒果汁同吉士醬，融合得好好，口感層次豐富，水果清甜。…查看更多

叫咗套餐台式鹽酥雞配滷肉飯，加錢要多杯台式奶茶。台式鹽酥雞，炸得好香脆，就算外賣拎到返屋企，口感都幾好，個粉唔太厚，食得出雞味，唔會好肥。滷肉飯，值得推介，飯嘅軟硬度適中，但係，滷肉嘅份量略嫌偏少，豬肉唔會好肥，個醬汁好啱我口味。台式奶茶，香滑好飲，奶味重，可以自己控制糖分。…查看更多

白咖喱豬扒飯，個白咖喱有水準，唔會好淡，唔辣，味道啱啱好，豬扒份量都好多，但係略嫌有少少硬，軟身少少會好啲，點埋汁食，都算唔錯，個飯軟硬度適中，撈汁食飯好開胃。生炸雞翼值得推薦，炸得好香口，裏面好多汁，仍然有雞味。可以揀要兩隻定四隻定係六隻。炸饅頭新鮮炸起，唔會硬身，個皮好脆，內裏鬆軟，配合埋煉奶，小朋友大人都啱食，價格合理，份量又OK。餐廳係用app自助點餐，環境好大，有好多枱，但係侍應唔多，服務一般。…查看更多

傳統吐司配牛油咖耶，塊牛油好厚身，但係食落唔會覺得好油膩，同咖耶個比例都唔錯，略嫌麵包烤得唔夠鬆脆，但淨係上都係好啱我口味，細細件， $16。要多咗杯南洋凍咖啡，好甜，咖啡味好香濃，奶好多。…查看更多

可以遙距用app攞飛，餐廳環境好靚，不過工作人員唔多，好難搵到侍應。叫咗個雞肉pizza，加錢要咗芝脆批邊，個批邊係我最喜歡的，芝士味好濃，個皮好脆，雞肉分量唔算好多，每塊都係得一至兩粒，批底比較厚身，都好飽肚。有雞肉味，加埋其他配料都算有口感。反而我鍾意食佢個辣味雞翼，醃得好入味，唔乾身，個皮唔韌，值得推介。…查看更多

間餐廳個環境好靚，基本上係對住個無敵大海景食，只係百幾蚊嗰餐，年卡仲要有折扣優惠，不過餐廳內部個設計就好一般，非常簡陋。最好用app拎定飛，雖然餐廳好大，但係唔多枱，通常好多人食，排好耐。入到餐廳係自己行去買嘢食，跟住拎返埋位。叫咗個牛腩飯，份量都OK，個醬汁一啲都唔馬虎，牛腩炆得好琳好入味，有牛味，值得推介，飯量都好多，材料好足夠。兒童餐賣相都好靚，有好多唔同嘅食物，有炸雞、蕃茄腸、薯條、雞肉意粉、啫喱等，之後仲可以有一個雪糕。咁多香口野小朋友一定好喜歡。…查看更多

餐廳設有最低消費，三歲以下小朋友唔使，同埋有用餐時限，但其實要自己燒嘢食，有用餐時限唔係咁好，好似好趕住要燒。叫咗個豬肉雞肉炒麵餐，本身已經有燒烤說明書，照住做就可以，我哋炒咗啲芽菜先，跟住再落面，啲肉類就分開煮，兩樣都差唔多熟嘅時候就撈埋一齊，我覺得個醬汁比得唔夠多。豬肉比較薄身，好快就煎好，今次脂肪比例多咗啲，雞肉冇調味，本身雞嘅鮮味都有，如果落埋醬汁一齊煮就更加入味。不過自己炒出黎又真係幾好玩，啲嘢食即煮即食，味道更加一流。…查看更多

有別於普通嘅片皮鴨，北京烤鴨係連皮加肉一齊食，肥瘦度適中，咬落好Juice，上枱嘅時候仲係熱辣辣，佢仲有唔同嘅醬汁，特別有一款係酸酸甜甜嘅，個麵粉皮整得幾好，好薄身，每層都格有一張紙，方便拎。特別一講係啲配菜可以添加，唔會好乾身。另外叫咗松子魚，有啲失望，條魚比較細條，覺得個皮炸得厚，粉多肉少，但個醬汁都叫補救到。砂鍋雲吞雞，值得推薦，個湯底真係幾有雞湯味，啲雞仲好滑，材料多，口感好豐富，雲吞好滑好足餡料。…查看更多

去到餐廳首先係喺右手邊個自動售賣機到買飛，之後將張飛交俾店員，好有日本拉麵店嘅感覺。之後自己坐低，成間餐廳剩係得吧枱，坐喺吧枱度可以望到廚師煮拉麵，炒緊櫻花蝦嘅時候個香味已經好濃郁，拉麵可以自己揀軟硬度，配料亦都可以選擇多或少，裏面塊叉燒厚薄度適中，好冧身，好入味，個湯底好濃郁，唔淡，啲拉麵吸晒啲汁，櫻花蝦份量很多，所以每一啖都可以食到櫻花蝦嘅味道。另外叫咗一碟餃子有四件，個表皮煎得好香脆，內裏都好Juice，肉餡好足夠，啱我口味。…查看更多

Shack Burger 賣相一般，但係識落個味道唔錯，番茄同生菜嘅配菜都好新鮮，芝士味好濃，牛肉份量適中，好有牛味，口感唔錯，個包都比較鬆軟。飲品同薯條都要另外嗌，上次食過芝士味薯條，覺得個醬汁都係一般，薯條都屬於即刻炸，香口，唔算好鹹，口感幾好。餐廳環境設計幾靚，但係自己搵位，之後自己出返前台買嘢食，茄汁等配料需要自己拎，水可以問返枱面攞，冷氣比較強大，記得拎返件外套，有小朋友高椅提供，座椅都比較好坐。…查看更多

行過見到呢件裝蛋糕個樣好靚，就買咗件朱古力香蕉蛋糕返去，個皮好脆好薄，有少少朱古力脆脆喺上面，好香嘅朱古力味，唔算好甜，裏面係cream狀嘅香蕉朱古力，最裏面係流心純朱古力，裏面比較甜，值得推介。…查看更多

星期六12:00就去到，餐廳唔算好多人，範圍好大好多枱，好快就入到去，但係個燒烤爐唔係好夠熱，要燒比較長嘅時間先至熟，啲肉會容易燒得比較銀。我叫咗五花牛肉燒烤套餐，爐邊蛋係無限添加，個餐包海帶湯，個湯味有啲鹹，有幾塊海帶，本身跟紫菜飯，上面有少少芝麻，食落好香口，個飯軟硬度適中，唔會乾身。五花牛肉有大概十片，脂肪同肉嘅比例適中，唔會好厚好難燒，每張枱配有鉸剪，如果覺得太厚可以自行剪薄，牛肉本身已經醃有醬汁，燒完之後好入味。叫咗杯荔枝梳打，比較甜好多冰。…查看更多