Katie _pik的個人專頁

午餐同朋友去食呢間新開手做餃子店，見好多唔同款餃子可以選擇，所以我哋就分揀左兩個餐，每個餐會有三種不同口味嘅餃子，另外再加咗個上海麵，嚟到冇諗過d餃咁大隻⋯⋯重叫左9隻Tim ,而餃子同湯底冇味精,餃子🥟饀多，不過皮厚，麵就冇咩特別。…查看更多

開店嘅時候，見到餐牌有蟲草花蒸雞飯，就好期待，但終於有時間去⋯⋯可惜已經更改左餐牌無左。有d失望！然後想食其他有關雞嘅飯，都已經賣晒⋯⋯個時只係晏晝三點幾。所以只好叫豬手飯，其中一隻手有好多毛係上面，份量夠飽，味道唔差，都會再試。…查看更多

兩個人去食下午茶，叫咗個八吋墨西哥雞肉薄餅，抹茶紅豆吐司，兩杯野飲都只係百幾蚊。pizza即叫即整，熱辣辣滿滿的芝士好好味，好後悔無叫到大size,而吐司烤得好香脆，如果抹茶味再濃味d就重正。…查看更多

行街嘅時候，諗緊食咩晚餐，突然間見到人地食緊呢個咖哩豬扒蛋包飯，見到個滑蛋好似好吸引咁，所以就坐低左叫咗嚟食。咁咖喱味道唔係特別濃，可以濃味d，但係屯門嚟講都算唔錯嘅選擇，咖啡都幾好飲，同埋都算寧靜，但希望可以人手增加。…查看更多

大大碗既海鮮丼，同朋友叫咗800克份量一齊食，但兩個人食就好似唔夠飽，啲刺身算新鮮，魚卵一d都唔苦，餐湯味道適中，如果可以有得添飯就最好啦！而且侍應生好有耐心解答我朋友既疑問，重比左好多意見我地。…查看更多

我朋友之前食過，覺得好食就介紹我同我朋友，咁我哋入到去，就叫咗個豬肋骨，一個意粉同埋佢個出名嘅意大利燉飯。咁豬肋骨做得幾入味嘅，然之後意粉好似覺得太淋，質感可以再整番彈牙d，見現場好多人叫個燉飯，所以就叫咗個飯試下，但無乜驚喜，可能係自己期待過大。…查看更多

見到新出限量龍蝦拉麵，我朋友有興趣，所以就入去試吓啦！咁首先服務員態度差，然之後個麵黎咗，個龍蝦感覺係白灼之後直接放落拉麵表面所以就冇咩味道，湯底都麻麻地，其他食完之後感覺好一般，得個樣。我朋友食完之後就開始肚屙。…查看更多

見佢做$98下午茶set咁抵，就諗住試下啦！點知黎到睇到就好失望⋯⋯首先水果唔新鮮，嚟到已經變晒色，唔想食⋯⋯然後裏面嘅三文治麵包乾晒，感覺好似擺咗好耐時間咁，蝦又唔新鮮，丸子🍡更加唔好提，每樣咬咗啖就放低，所以另外叫多個鬆餅⋯⋯好普通，無咩事，都未必再去食。…查看更多

三個人一齊去食午餐，我叫咗三寶湯檬粉，而朋友一個叫咗炸蝦撈檬，另一個叫咗豬扒撈檬，份量對女性黎講都幾多，而三寶會有豬扒，扎肉，雞翼都幾入味，炸蝦很鬆脆，總括來講不過不失。…查看更多

永年聽得多但喺元朗實在太遠水路原來尖沙咀已經有分店實在太好見到就去朝聖一下😚估唔到2點幾去食都重要排隊Lunch時間應多人到不敢想像🤪我好好彩買完飛後就有位坐呢到買完飛等叫號碼,自助式既餐廳我叫左四餸:大腸,流心蛋,雞翼,魷魚河+樽仔奶茶大腸真係超好食我最怕啲腸肥膏多呢個腸入面肥膏唔算多口感又唔會太淋整到好夠味又煙銀招牌野確係唔同啲👍🏻👍🏻魷魚爽口如果唔撈開啲辣汁就配魷魚味道更上一層次雞翼滷得幾好味道剛好流心蛋估唔到車仔麵都有流心蛋食夠動L,最鐘意一啖吮哂個黄樽仔奶茶夠香滑,唔係太甜,不錯整體都係高質車仔麵為左個好食既大腸一定再encore,下次試埋其他招牌餸先…查看更多

同朋友團拜之後去嗰度食甜品，我哋分別叫左原味提拉米蘇，抹茶提拉米蘇，櫻花樹下同心太軟。提拉米蘇係用軟雪糕製成有新嘅口感驚喜，抹茶味超出想像好食，櫻花樹下外內都好吸引，而心太軟碟裝飾的忌廉都好滑好食👍🏼👍🏼👍🏼我地個個都好滿足地走。…查看更多

同朋友兩個人叫左炸両，同叉燒腸，蘿蔔糕，碟碟都大大份，幾抵食，不過我就覺得我蘿蔔糕太油，至於腸粉都好滑，都幾好食，而且望到其他食雞飯or粥，樣貌都好吸引，都會再去一試。…查看更多

我朋友上網睇咗話唔錯，跟住就一齊去試吓呢一間，去到坐底先黎雞煲，我地叫左中辣，但都唔覺得辣，而且食材唔係幾新鮮，啲牛肉雪得太耐變晒色，海鮮唔新鮮，啲丸都係有一陣怪味喺度嘅⋯⋯😨樣樣咬左啖，我就無食落去了。…查看更多

朋友介紹去呢間餐廳食晚飯，的確有驚喜！！喜歡佢地既意粉質地，有咬感，有彈性，食完唔口渴，無咩味精。蕃茄汁有少少辣，我唔食辣既人都接受到，可以另外點比較辣，或者加錢加辣椒。最後再加左個甜品，令呢個晚餐有個完美的句點…查看更多

蛋牛治加一杯熱野飲都係29蚊咋！我朋友說奶茶超好飲得！蛋牛治的蛋還可以是全熟即的啊！沒想到麵包也是厚切的呵！所以一份都已經好夠飽了🐙我朋友吃的是冬陰公湯麵，她說超好味的，但我覺得有點辣。…查看更多