maxchan214的个人专页

疫情以來咁耐都好少出街食飯，更加唔好話食放題，已經成兩年冇食過放題喇！最近疫情冇咁嚴重，所以先約朋友出黎食，之前喺旺角食過呢間Running燒韓式料理，原來將軍澳都有分店。呢間分店地方闊落，坐得幾舒服。改掃qr code點野食，方便快捷又環保。肉類幾多選擇，牛肉都已經分好多種，有肥牛、牛利、雪花牛仔肉、牛柳片等等；其他有雞肉、黑毛豬、羊扒；海鮮有生蠔、元貝、帶子、海蝦、魷魚，都幾新鮮；熟食有炸雞、烏冬、餃子等等可以點柚子炸雞都幾好食，清新又唔溜。出面有自助醬料區同其他配菜、湯類、甜品攞。員工服務態度都好好，又主動幫我地換烤網。110分鐘放題時間好充裕，食到好飽，真心值得推介嘅燒肉海鮮放題！！…查看更多

疫情未開始時黎呢間食過，餐牌上都有幾多款式，老板介紹我地食酸菜魚，我地仲點左蒜蓉包、肉碎生菜包。香脆蒜蓉包：蒜蓉包整得好香好脆，想食完再食，不過要留返個肚食主菜！惹味酸菜魚：酸菜魚份量好多，落足料，入面有好多酸菜同埋魚肉！最正係個湯底，食之前飲左幾啖魚湯先，魚湯酸酸辣辣，非常醒胃，好適合送飯！我同朋友都好鍾意食酸菜，酸度適中，可以中和返辣味，好開胃！裡面有好多魚肉，已經去好骨，味道好鮮甜！肉碎生菜包：肉碎好香口，加埋爽脆嘅生菜一齊食好正！我同朋友都叫左椰汁飲，我叫左椰汁冰，好有椰香味，非常消暑解渴。朋友叫左椰汁珍多冰。…查看更多

今日去旺角買完波鞋，去左油麻地食飯，好耐冇食過打邊爐，所以上網係附近搵火鍋店，去左呢間叫吞pot雞煲火鍋店食，個名幾搞笑。上到去火鍋店，有好大排窗，景色都幾好。每枱都有豉油醬料，加d蒜蓉蔥花。要左個雙拼湯底：招牌螺片濃雞湯鍋+招牌鮮魚湯鍋，加$10就有雙拼湯底了。店員阿姨話可以先飲啖湯再落火鍋料，d湯好鮮甜，魚湯好正，好新鮮。點左西班牙頂級黑毛豬腩片，黑毛豬腩片色澤鮮紅、好新鮮，肉質軟滑，好有肉味。點左自家製手打墨魚，好香墨魚味，爽滑彈牙。蔬菜籃，有幾種蔬菜，有生菜、花菇、金菇、白菜，全部都好新鮮。最後放埋個烏冬，烏冬吸收哂成個鍋嘅精華，好夠味，食埋烏冬就飽哂了。…查看更多

同朋友睇完戲之後黎左依到食，叫左兩個餐share餐包外軟內脆，夾埋牛油好好味~餐湯應該係西蘭花薯蓉湯，質感細滑綿綿，很好~終極漢堡賣相非常好~有牛肉漢堡、巴馬火腿、塔雷吉歐芝士、焦糖洋蔥、生菜主角牛肉漢堡非常突出，好juicy好有口感芝士好香仲可以自己加4種醬：黑松露野菌醬、秘製辛辣醬、法式芥辣醬同埋茄汁薯條大大條，炸得岩岩好，唔會好乾烤西班牙黑毛豬扒黑毛豬扒肉質鮮嫩，肉好香，帶少油但唔會覺得膩，旁邊嘅烤蕃薯條亦不錯。沙津菜好新鮮~熱黑啡，咖啡味非常出~…查看更多

同朋友放工約出黎食飯，去到旺角呢間酒家，試下食佢地嘅蒸氣海鮮餐，我地黎得早，唔駛點等位。坐低第一時間選粥底，朋友選左淮山雞粥。自選海鮮可以選4種，我地選海蝦、鮑魚、龍躉件、大元貝。有2種定食：脆皮燒乳鴿、貝殼拼盤。自助型式自己去攞醬料。啤酒汽水任飲。其他食品都係任點任食，不過食左海鮮先點。先黎貝殼拼盤，貝殼幾新鮮，味道鮮甜。大元貝、大海蝦、鮑魚、龍躉件，擺放得好靚，一睇就知好新鮮。大元貝真係好大隻，好好食，好鮮甜！大蝦都好大隻，肉質鮮美！鮑魚沾點醬油食，好美味。龍躉魚肉好嫩，鮮味十足！叫左手切牛肉，好有牛肉味，肉質嫩唔會韌。馬拉糕、蜂巢糕，唔太甜，幾好食。…查看更多

星期六同朋友係長少灣睇完戲後就去搵野食，最後搵左依間隻杯好靚~~小食叫左燒多春魚、自家製手包餃子(細)多春魚燒得好香，底有d沙律菜，再加埋檸檬汁，十分開胃~~餃子非常足料，大大啖咬落去，D肉汁必哂出黎而主食方面我叫左個牛油拉麵，湯底選左醬油~配料方面有大塊叉燒、粟米荀、牛油、昆布、蒽牛油融左落湯裏面之後，口感非常濃厚，味道相當出色，麵條口感亦不俗。叉燒吸收咗湯嘅味後入口油香味美，整得剛剛好，唔太林又唔太硬~~招財貓汽水，是蜂蜜檸檬口味梳打，非常好味~~~…查看更多

之前食過銅鑼灣個間覺得好味，放左工就簡左依間食依加已經係用手機落order, 非常易用同方便，上菜快左好多!!!一黎到飲啖花膠湯，好好飲，花膠整得好好~燒有機新鮮菠蘿好甜好香蒜香極尚牛肉火灸壽司味道很好，唔會太生鹽燒牛舌牛舌香口爽身燒紐西蘭香草羊鞍羊鞍肥瘦適中，冇無騷味泰皇冬陰功燒雞中翼中意食辣一定要試~比利時焗心太軟好流心不太甜~比目魚西京燒肉好嫩~好新鮮監燒鯖花魚燒得剛剛好，鯖魚味道鹹香好味黑松露鮮蝦迷你餃子必點黑松露牛油露筍炒帆立貝帆立貝燒至軟身，加上黑松露味道幾好依間食物味道非常好~~~會再黎~~…查看更多

星期六中午放工後同朋友黎到依到食叫左個All Day Breakfast~~食物好好味，而且份量剛剛好，賣相亦一流~~~好多野食，好豐富~~~有煙肉、蕃茄、炒蛋、豬扒、沙律菜配芝麻醬、多士、薯條~~~薯條同煙肉炸得岩岩好 唔油膩同埋好香~~~炒蛋係好似有加奶，好滑~~~豬扒好大塊好好味~~~沙律菜同蕃茄都非常新鮮，好開胃~~~最後嘆埋我至愛既黑啡~正呀~~~個餐既份量唔多唔少，岩岩飽肚~~而朋友叫左奶油西多士，真係好厚好大舊~~會再同朋友黎食~~…查看更多

同朋友夜晚行完街就去覓食，最後簡左好出名嘅永年士多店鋪地方雖小，但設計時尚依到係自己去收銀買野食先我叫左個烏冬+5個餸+1杯野飲，等左一陣就有得食有蘿蔔、時菜(菜心)、陳皮魚蛋、牛柏葉、韮菜餃烏冬彈牙，湯底十分夠味，咸咸甜甜蘿蔔好淋，好好食，吸左d湯底簡直一流菜心爽口鮮甜， 煮嘅時間剛剛好牛柏葉爽口，吸收左湯底變得十分惹味韮菜餃好足料，口感不錯抹茶紅豆冰大杯夠凍，抹茶味突出，而紅豆煮到軟硬岩岩好味道超正，抹茶同紅豆兩者味道平衡依碗暫停係我食過最好味既車仔麵全部叫個d都好好味…查看更多

韓式燒烤真有一排都冇食過，特登同朋友book左呢間Runnning燒，盡情食番餐韓燒！餐廳有個大窗境，環境唔錯，聽住K pop，真係好有韓國feel。櫈底可以儲物放袋同外套，幾方便。去飲料冰櫃攞飲品解下渴先，有幾多種類飲品，攞左罐蜜桃烏龍茶，幾特別，味道唔錯。任食韓燒放題，有豬、牛、雞、羊肉，蔬菜、湯、麵、飯，好多選擇。我地每樣都叫d，主攻牛肉，叫左牛肉片、牛柳粒、雪花牛仔肉等等。牛肉好有牛肉味，肉質鮮嫩；豬肉唔會韌，推介五花腩，肉味香濃，好好食！有韓國特色湯品，叫左年糕湯同阿珠媽靚湯，年糕片煙煙韌韌；阿珠媽靚湯好似麵豉湯，味道都唔錯。仲叫左d蔬菜、南瓜、金菇黎燒，烤南瓜幾好味，好香甜。抽風切備造得幾好，食完唔會成浸燒烤味。午市有折扣優惠，平均每人百幾蚊，幾抵食。…查看更多

同朋友去左奧海城商場行街，晚餐諗住搵下附近有咩食，發現大角咀有唔少食店餐廳，去左一間叫麥金麥金馬拉風特式茶啡室，因為我地兩個都幾鍾意食馬拉菜。木門口幾古色古香，入面有馬拉菜廣東話對聯，介紹到馬拉特色菜之餘又有親切感，幾盞鬼！一坐低店員就倒左兩碗肉骨茶俾我地，聞到已經覺得好香，藥材味濃，入口甘甜唔澀，比之前試過幾間馬拉菜館好飲。咖央多士一碟有四件，味道唔錯，多士皮唔會太乾。金菇豆卜肉骨茶，肉骨茶味道清香，入面豆腐卜同金菇都有唔少，豆卜浸透左肉骨茶，變得好入味。招牌老鼠粉，份量幾多好大碗，肉碎好香口，腩肉唔會覺得肥膩，老鼠粉口感同銀針粉差不多，都幾好食。桔仔話梅水，冰涼解渴，味道酸酸甜甜。唔錯嘅馬拉風味菜館，馬拉菜值得一試。…查看更多

佐敦一向多野食，同朋友去開附近食晚餐，試下呢間叫Seasons restaurant & bar 嘅餐廳，網上評語都幾好。餐廳地方唔算大，不過坐位寬敞舒適，裝修都幾有格調。侍應俾左碟餅我地食，咸咸地脆脆地，有d綠色嘅醬點，都幾香口。餐廳有多國菜色，其中印度菜同pizza都幾多人推介，所以叫左個pizza同咖哩雞。什肉薄餅英文係Meat Master Pizza，好似好勁咁，好啱無肉不歡嘅我地，意式蒜味香腸、辣味香腸、火腿，幾種香腸配合香濃芝士，啖啖肉幾好食。洋蔥烤餅洋蔥味好香，聞到已經好開胃，口感軟熟，我地用黎點咖喱汁食，味道又好match。咖哩雞顏色唔係一般咖哩黃色，係橙色嘅咖哩，賣相好似湯咁，雞肉好嫩滑，咖哩味好香，辣味剛剛好，好食又惹味。…查看更多

前排同朋友去左間社企餐廳食飯，d野食好味又坐得舒服我叫左個dinner set蒜蓉包蒜蓉包面塗滿蒜蓉,，焗得卜卜脆，蒜蓉好香，好好味巴馬火腿伴蜜瓜田園沙律配無花果黑醋汁巴馬火腿食落甘香，配黑醋汁真係好夾配埋蜜瓜食，加添清甜，層次十分豐富！好開胃蘑菇忌廉湯味道濃淡得宜，非常好飲呢！煎三文魚扒拼帶子   刁草忌廉汁三文魚扒好厚身，魚皮煎得脆香，魚肉入面好滑好嫩， 好好味士多啤梨泡芙好香甜，一冷一熱，再加埋朱古力醬同士多啤梨醬，口感層次好豐富，完美配搭，好滿足有機胡椒薄荷茶依種茶聽講可以改善腸胃，所以就叫左杯，喝起來感覺涼快，淡淡清香依到真係值得一試…查看更多

今日同朋友食飯，天氣開始涼涼地，最啱食打邊爐，去左呢間火鍋店食，朋友話呢間嘅花膠鯊魚骨鍋好正，所以黎試下。火鍋店有二樓，我地上左樓上大枱坐，地方幾寬敞舒適，坐低侍應姐姐就攞左醬油配料俾我地。花膠鯊魚骨膠原湯鍋呢個鍋真係好正，湯已經煮到奶白色，可以即刻飲湯先，花膠有好多件而且大大塊，仲有鯊魚骨、豬手、雞腳，豬手都好好味，成煲湯都係真材實料，勁好飲；加埋泡飯入去，食落脆卜卜幾得意。雪花美國肥牛雪花紋分明，油脂比較平均，牛肉味濃。脆響玲卷食打邊爐必點響玲，淥一淥即刻食得，香脆得黎冇油益味，好食！手打墨魚丸，咬落好彈牙。叫左元貝同鮑魚，兩樣都好鮮甜。自家製竹庶茅根幾好飲，壺入面真係有竹庶、紅蘿蔔、馬蹄。食過咁多間打邊爐，呢間真係幾高質，值得推介！…查看更多

陪朋友去買d野路過此地，見到有好多人幫襯齒留香，就入左去食飯我叫左叉燒+炭火手碌乳豬飯，同埋凍檸茶賣相吸引叉燒色澤光潤，肥瘦均勻，蜜汁渗滿係外同內，味道香甜，肉質更嫩滑鬆化，口感鬆軟，超好味而乳豬的皮燒得脆卜卜，肉係半肥瘦，入口香脆鬆化，超級惹味，非常中意朋友就叫左齒留香燒鵝+瑤柱香妃雞飯都係好好味另外有合掌瓜紅蘿蔔湯清清甜甜，滋潤解燥碟碟飯量都好大份，食完好飽，好味好抵食佢地仲有得淨叫燒味架，非常推介…查看更多