Mandy MYK的个人专页

芝加哥串燒酒場環境簡潔輕鬆，座位寬敞舒適，非常適合同朋友聚會聊天。我哋先黎一杯Kirin Frozen Beer，超夠凍超爽 ；再叫杯招牌cocktail Ca，打卡一流，而且容易入口野食方面質素完全遠超個價錢，所有串燒都烤至外皮焦香，內裡鮮嫩多汁，而且份量都唔細，唔似好多串燒舖都係比肉粒肉碎，呢到帶子係比日本北海道帶子咁大粒，雞皮薯條成盤咁上，連白松露醬都唔吝嗇比一大Pat最帶驚喜係羊西冷，啖啖肉又完全無羊騷味，一咬落去係好多肉汁流出黎，非常鮮嫩，係我食過最好食嘅羊肉串燒，都只係三十幾蚊！！！真係值得encore再encore…查看更多

第一次下就落老蘭，仲要係去間高級西餐廳食精緻法國菜，真係幾有驚喜😳餐廳環境佈置好有情調，水晶吊燈、三角鋼琴、巨型玫瑰，加上微微昏暗嘅燈光，每個角落都非常IGable～除咗環境靚，間餐廳嘅CP值都係非常之高👍🏻4 course Set Lunch $338Wine Pairing $108/2 glass季節時令法國生蠔 +$38自家製法式餐包配黑松露牛油一開波食呢個餐包就知道餐廳好有誠意🙂‍↕️個包食落煙煙韌韌，口感勁好，個黑松露牛油陣煤炭味又勁濃，我完全係搽到超厚一層先食，真係好好味！好少有覺得西餐餐包係唔夠食🫣Starter塔斯曼尼亞海膽多士作為海膽愛好者，呢個前菜真係好滿足～兩塊多士鋪滿海膽，而且d海膽係極鮮甜，上面再加上魚子醬點綴，成件事好奢華呀😍焦糖法國鵝肝撻撻皮酥化帶牛油香，鵝肝味道濃郁，入口順滑，外層嘅焦糖中和咗個油膩，食落層次感十分豐富Soup南瓜湯南瓜湯質地濃厚，既有南瓜嘅甜，又有奶油嘅滑Main烤西班牙豬腩肉呢個烤豬腩肉係令我十分之驚喜😳我本身好怕食好肥膩嘅豬肉，而我見到舊豬腩嘅肥膏位都幾厚，但係把刀一切落去嗰下，我就feel到塊豬皮脆過薯片，而d肉係鬆軟到唔洗用力就切得開，加埋個酸酸甜甜嘅汁，食落去咸咸香香而又唔會膩，係我暫時食過最好食嘅西式烤豬腩肉，超級滿足🥰乾式熟成紐西蘭法式羊仔架 +$68羊仔架切開就見到佢嘅粉嫩，肉質非常柔軟，但又保留到肉汁，再帶少少焦香 ，呢個都係我係香港食過數一數二好食嘅羊仔架😋Dessert原隻海膽雪糕 +$48呢個甜品最吸引我係個碗😂成個海膽形狀超可愛～之於個雪糕其實奶味偏重，係食到塊海膽先有陣咸鮮味，海膽愛好者嘅我表示唔難食但都係有少少奇怪😂…查看更多

無意中行過佐敦嘅小巷，發現呢間外觀極度唔起眼而且完全睇唔透店內嘅小店，望一望門口餐牌先知係食鐵板燒嘅，而且價錢非常親民，晚餐最平嘅omakase套餐都只係$588 ，於是就決定試一試。店內嘅裝修比起店外光鮮，但座位數目的確不多，我哋去嘅當晚座無虛席，好唔好彩吧枱位已經滿晒，只可以坐普通格嘅位置，下次再去真係要預早訂位同留定remark🥹🥗沙律用一塊煙三文魚卷起包住新鮮嘅沙律菜，再魚子醬用點綴，加上黑醋調味，食落酸酸甜甜又清新，加上旁邊唔常見嘅龍珠果，食完個沙律成個胃都開晒 。🐟鐵板海鮮一品（四選二）因為我哋叫咗兩個餐，可以一次過試哂四款😜大大隻嘅扇貝配牛油黑松露汁，肉質彈牙，香氣濃郁！東星斑雖然比較細舊，但魚皮煎到好香脆，而魚肉又嫩滑，旁邊嘅蝶豆花泡泡帶少少海水鹹味，但個人就唔係好慣陣味。鮑魚厚肉爽彈，咬落十分有嚼勁，配上自家嘅蒜蓉醬，更能帶出鮮味！帶子煎得表面剛好而內裡仲係鮮嫩，配魚子醬和意大利黃瓜，無太多嘅調味但食材本身嘅鮮甜已經令人滿足 。🥩鐵板肉類一品豬扒屬於偏瘦嘅肉，但唔會太乾太柴，配上菠蘿醬汁，香香甜甜又可以去除肉嘅膩感，兩者意外嘅夾 。雞扒煎到皮脆肉滑，特製嘅辣菜汁帶點微辣又惹味，非常能襯托肉類，我十分中意👍🏻🍚炒飯呢個炒飯粒粒分明，十分香口，而且好足料，面頭隻蝦都係鮮味爽口嘅，本身已經食到好飽，但都忍唔到食晒成碗飯☺️🍨時日甜品豆腐雪糕同香芋雪糕都好清甜，完全唔係假甜，紅豆沙味爆珠都好特別，最後嘅甜品都有驚喜，欣賞～😌…查看更多

天氣凍最岩就係食返碗拉麵啦！呢間近油麻地嘅拉麵店店面都好大，加上精緻嘅裝修，非常吸睛嘅 。之前路過都見排長龍，咁岩夜少少成八點幾九點去就有位，於是就試一試 。二人餐包兩碗拉麵、一個小食、一隻糖心蛋同兩個飲品 。濃厚蝦湯拉麵嘅湯底真係非常濃郁，再加咗大量櫻花蝦，令到食落每一啖都有好鮮甜嘅蝦味另外叉燒非常厚身軟腍，唔算好肥但都有肉香 。溏心蛋就好岩我個人口味，我好中意蛋黃半熟嘅濃稠感，而蛋白位置又有醬油嘅甜甜咸咸，整體我覺得算係高質嘅溏心蛋至於主體拉麵就屬於幼身拉麵，食落非常彈牙，亦都好掛汁，唔錯嘅小食方面我就揀咗炸雞，炸得非常香口，唔會乾身，咬落每一口都有雞油香，而且每一舊都大大舊神匠蕃茄蝦湯沾麵嘅湯底就係濃濃嘅蝦湯再加上蕃茄嘅酸甜，惹味得黎就更加開胃呢款叉燒同湯拉麵唔同，燒過嘅多咗陣焦香味，入口更加軟綿，不過肥位多d就容易膩。拉麵就屬於粗身拉麵，而且望落好似係蕎麥麵，食落都係好有彈牙，個人覺得粗麵係更加有口感另外配上一塊少少嘅麵包雖然同碗麵放埋一齊有d不明所以，但塊麵包同個湯非常之夾…查看更多

已經唔知幾多年無落老蘭，好多人都話蘭桂坊沒落，我諗價錢同食物質素係其中一個令人卻步嘅原因 ，雖然話蘭桂坊主要係sell氣氛，但我去過一d酒吧真係酒都無幾款又賣得貴，野食係煮公仔麵同d氣炸小食仲要得幾粒都賣成舊水……睇youtube見到幾個YouTuber都有介紹呢間餐廳，講到好高質又好抵咁，就特登過黎試一試真偽！首先，間酒吧比我嘅感覺一d都唔侷促，枱凳都好闊落，坐得舒服 。另外職員都好有禮貌，係香港職員啊～Menu方面野食飲品都勁多選擇，係蘭桂坊黎講真係不得不讚雖然餐廳叫串燒酒場，但佢仲有飯、冷盤小食、排類、炸物，連生蠔都有酒方面除咗紅白啤酒，仲有Cocktail、清酒、梅酒、果酒、威士忌……每種仲要再有多款牌子或者味道選擇，就呢點已經贏過同地點好多酒吧飲品方面，我就comment一下我當日飲過嘅三款：KIRIN ICHIBAN Frozen Beer麒麟生啤雖然平時都飲開，但將平時表面層泡泡變咗綿密沙冰又幾得意喎！除咗口感特別，層沙冰仲可以keep住杯啤酒嘅凍 。另外我揀咗蜜桃味，飲落就多咗少少果香同甜味，更適合女仔 。Chicago Logo Beer個人係中意試用自己餐廳名嘅野食野飲，Signature嘛而呢款啤酒甜甜地有少少菠蘿味，似果酒多過啤酒，好易入口 。Cocktail Chi 三款signature cocktail都係secret口味，我就隨意揀咗紅色嘅Chi，應該係cranberry口味，酒精味都重，但好明顯呢杯就係岩晒打卡用 。因為我影唔切相，職員仲好好幫我打多次波波食物方面呢到所有野都係即叫整燒，燒物炸物就係熱辣辣，特別串燒都係高質過好多香港嘅日式餐廳，調味火喉都調校得非常好 。我私人推薦以下：白松露薯條平時食開黑松露醬，未試過白松露，估唔到白松露醬係咁濃郁嘅！另外薯條真係比得好大份，呢個份量絕對唔係小食而係正餐，一般西餐廳叫份薯條都唔止呢個價，呢度真係非常抵食蒙古烤羊膝另一大件夾抵食嘅選擇！西餐廳食一份原隻羊膝起碼二百幾蚊，其他串燒舖食羊肉串燒都三十幾四十蚊，仲要細細粒肉，依家成隻膝一百蚊唔洗，仲要燒到岩岩好外脆內軟有夠味，加埋有額外三款調味自己配搭，就個炸蒜我已經覺得好有誠意呢個真心大推！極品即燒乳豬串燒店食到燒乳豬係少有嘅，$78得一舊以為唔值，其實係物超所值呀！一黎其實佢都好大塊，好多肉；二黎佢做得高質，外皮脆過薯片，啲肉又保持到軟熟同keep到肉汁，油脂嘅香味爆出嚟，但又唔會覺得好肥膩，調味亦都剛剛好唔會太鹹 。呢個真係送酒一流總括嚟講呢間酒吧係真係有實力嘅，值得幫佢宣傳，我會為咗佢再嚟蘭桂坊…查看更多

係荃灣一條唔起眼嘅街，發現咗呢間小店，望到餐牌選擇唔多，但似係高級西餐廳d菜式，然而價錢又唔貴，於是就決定試一試 。先試一試個雜菜湯 。以為佢係罐頭湯嘅質素，但意外地濃郁，而且用料非常多，無諗過餐湯都咁用心 。而配襯嘅餐包都唔求其，三種有脆有軟有薄有厚，重點全部都係新鮮熱辣，個牛油醬都加咗黑松露，幾有誠意！之後就食個V8田園沙律 。一上菜我都比個份量嚇一嚇，好少有西餐廳比咁大碟沙律，而且佢唔係只有沙律菜，牛油果、蕃茄仔同新鮮無花果都比好多，配上個酸酸甜甜嘅汁，非常開胃 。到主菜部分，我哋叫咗個煙三文魚千島醬薄餅同蘋果木燒西班牙黑毛豬鞍扒 。薄餅如圖一樣，每一塊都有完完整整一大片煙三魚卷成花花咁，上面有d火箭菜，中間嘅千島醬同芝士一d都唔吝嗇，食落十分惹味 。加上我個人本身中意食薄批，所以薄呢個pizza我好欣賞 。至於個豬鞍扒，我係食到讚不絕口 。一入口有淡淡嘅木香滲出黎，然後係咬落去非常juicy而且軟腍，調味又唔會過重，令人好想一啖接一啖 。雖然佢有個醬提供，但就算唔點個醬都好夠味 。再要讚一讚佢底下嘅薯蓉，佢唔係全部爛晒而係仲有保持一片片薯，而且奶香味好重，感覺上好似多咗個白汁 。成餐飯我哋都非常滿意，CP值都高，大推…查看更多

呢間樓上居酒屋無論係裝修、擺設、環境、燈光都好有日本嘅feel，座位之間有好多空間，當日我就坐bar枱位，雖然枱面相對細d，但我個人係幾中意bar枱位嘅～我一打開份menu我就比menu上嘅圖畫吸引，非常可愛，令人未食已經覺得好有食慾，個明太子蛋卷我就係比張畫吸引而叫嘅。海膽汁燒蠔：蠔肉飽滿，海膽汁意外解鮮甜蠔應該有微微炸過，d邊位脆口，加上表面焦香，非常惹味串燒拼盤：拼盤有豚骨露荀卷、鵪鶉蛋、雞心、五花肉、免治雞肉串同雞翼。呢度嘅串燒唔係落好多味粉，所以唔會食到好咸好口渴，而係真係食到食材本身嘅味道。六款當中，雞心就真係比較少見，食落唔會腥，軟軟哋咁就幾特別，不過我最中意都係免治雞肉串，撈埋雞汁食真係又滑又香沙律：相對比較普通，不過都好食嘅，蔬菜新鮮清甜，入面有一條條脆口嘅，我唔知係咩但幾好味。我仲有叫咗明太子蛋卷同燒喜之次，呢兩樣都係要襯熱食嘅，然後我就一上枱就好心急食咗無影相蛋卷就同menu張畫一模一樣嘅，明太子份量勁多，食落微微咸香微微辣，蛋又夠滑又夠蛋香，呢個蛋卷係我係香港食過最好食嘅蛋卷之一燒喜之次佐酒就一流，魚肉鮮甜，不過當日條魚比較薄身唔算好多肉，可能有少少燒過咗，有d乾，不過味道還可以。雞湯卡邦尼拌烏冬：又係比menu個圖吸引而叫叫嘅！意粉食得多，轉烏冬真係幾特別，而且呢個嘅烏冬係靚烏冬，咬落煙韌，都幾掛汁，至於味道就真係卡邦尼嘅味啦！總括嚟講呢間餐廳都算唔錯，同朋友黎飲杯野吹下水都幾好，d小食幾有驚喜，而懷念日日嘅，黎呢到feel下都有一番風味架～…查看更多

呢間位於九龍灣大型商廈嘅餐廳真係唔係到返工或者有朋友介紹都唔識黎～門口大大隻字煮住日本師傅主理，一定無死啦！餐廳嘅佈置非常日式，入到去話已經好似去咗日本咁，坐位與坐位之間又唔會好迫，當日下就唔算好多人，佢都安排咗張卡位比我，坐得勁舒服。見到二百幾蚊就有個set連燒物放題，仲可以食兩個鐘，咁抵就一於試下。D前菜同刺身就係普通款式，正正常常，都ok嘅。個人比較中意食個凍豆腐，豆味都幾濃。另外跟餐個湯都好好味，南瓜味重，仲好多蟹肉係入面。關東煮就偏淡，有進步空間。炒飯粒粒分明，味道還可以啦！到任食燒物嘅部分，我一次過每樣叫d，佢就好好咁放晒一碟仲整整齊齊咁，令人食指大動！有幾款我係幾推薦嘅：燒魚（忘記咗影）非常軟滑，雞皮同大腸都脆到好似薯片，帶子鮮甜燒物係即叫即燒嘅，所以一上枱係熱辣辣嘅，但一次過叫太多，慢慢食d野就會變凍，所以最好都係唔好一次叫太多呀～…查看更多

呢間位於內街嘅小店真係比到我十分驚喜～起初以為都係普通壽司卷物，但見到佢幾個signature卷物嘅名咁特別就吸引咗我去試。Menu好清楚講咗每款卷物包含咩材料，仲圖文並茂，有加份魚生刺身嘅，有焗嘅，有炸嘅，有pizza形嘅……真係出名都搵唔到！除咗卷物，呢到仲有提供幾款小食甜品同飲品，開業優惠嘅套餐都幾抵食我試咗兩個套餐，一個配薯條，一個配炸雞！望到份卷物d材料多到呢～真係真材實料架！啖啖都非常滿足。呢個「魚全部都係魚」食落真係有佢個名嘅感覺，滿口魚油香，加上d蟹籽同脆脆，口感更上一層樓！另外個炸雞都幾出色，即炸香口就當然架啦，但係佢入面仲充滿肉汁，而且肉質嫩滑，分分鐘好食過好多炸雞店嘅。呢一款焗嘅食落暖暖哋咁，有微微焦香，d料又係多到成座山咁，真係夾一下都滿到瀉出黎，有少少狼狽但令人一d都唔介意，仲好滿足添！…查看更多

元朗嘅天空之城都算係比較僻靜，因為附近無咩商場店舖，我哋假日五點幾黎到一台客都無，以為包場咁款，不過到咗夜晚個場就full晒，但再經過其他餐廳都唔見爆場，就知佢咩料啦四個套餐可供選擇，但因為我哋太想食龍蝦，所以就揀咗原隻龍蝦套餐。揀咗套餐之後就可以親自去揀海鮮！成個感覺就好似去咗鯉魚門咁，缸內嘅海鮮游下游下，比你慢慢揀，店員仲好好咁教我哋揀龍蝦同蠔揀完海鮮就交比店員處理，拎埋醬料然後返埋位等食（其實佢仲有個蔬菜吧比人任拎蔬菜，但個餐太豐富我哋真係食唔落）。首先店員拎咗老火湯同溫泉蛋，個湯比較淡口，無味精。溫泉蛋就係普通溫泉蛋，無咩特別但好食嘅。之後就店員就幫手落粥底，同埋蒸雞啦～個雞好入味好甜，我掛住食都唔記得咗影相。食食下海鮮就黎啦！見到真係哇一聲，即刻瘋狂影相，店又好好幫我哋影合照。等我哋影晒相之前店員就問我哋想食咩先，我哋話龍蝦，佢就幫我哋放隻龍蝦上蒸鍋，然後教我哋點樣set時間同火力。枱面有個list係講咗每一樣嘅要蒸幾耐，第一round打後就係我哋自己蒸d海鮮啦～呢度每一款海鮮都非常鮮甜！隻龍蝦雪白彈牙又有膏，其實完全都唔需要加任何醬料，食佢嘅原汁原味先係最正！每蒸好一樣野拎上碟食兩啖就急不及待要蒸第二樣，需要好忙碌但真係太好食所以好心急不過自己蒸都有樣好就係可以自己控制個速度，同其他食蒸鍋嘅舖頭唔同，其他地方係由店員去蒸，蒸完一樣就即刻整第二樣，好多時都未食完就蒸好第二樣，結果隻碟滿晒d野食又凍晒，但係呢度我哋自己可以計到岩岩好，食完一樣再一樣食完所有海鮮就食個粥底同碗糖水。個粥本身有兩大舊豬骨同d南瓜芋頭，已經好甜，加埋d海鮮流出黎嘅精華，成個層次真係唔同晒雖然話個粥底吸晒d精華，但真係太飽，我都只係食咗幾啖。糖水就係椰汁芋頭西米露，仲要係好足料嗰隻。平時見到足料糖水會好開心，但呢刻真係太飽食唔落了假日黎嘅話佢仲有live band，幾日氣氛架！雖然遠咗少少，但值得黎一試…查看更多

呢間位於觀塘嘅串燒屋唔算係旺區，所以人流都唔多，但CP值真係高，百幾二百蚊就有肉有菜有海鮮，又有自轉燒烤又有網燒，仲要係任飲任食嘅！而且材料都比得好足，唔會話比d碎肉或者質素較差嘅食材黎比人燒。睇下舊羊架肥瘦分明，蠔又大大隻仲加滿蒜，好味！除咗串燒，呢到仲有d即炸小食，係等串燒嘅時間又可以食下熱辣辣嘅小食！我最中意係炸蝦餅，香口彈牙成餐飯都無空檔時間，非常充實不得不提呢到仲有得燒綿花糖！真係唔多地方有得食架！另外呢到有提供自家製飲品，開胃清熱嘅都有，唔洗好似去其他任食燒烤通常都只提供汽水，飲到成肚氣就食唔落野啦！…查看更多

放工就當然想搵個地方chill一chill。呢間銅鑼灣嘅burger店唔算係人口最多嘅Aera，所以都幾僻靜嘅，但搭開巴士嘅都應該會留意佢。呢間算係食burger嘅酒吧，佢嘅店面design都好有酒吧feel，佢亦都真係有酒類提供嘅，呢類餐廳通常都比較多外國人吧佢嘅burger係無薯條提供嘅，但食burger又點可以唔食埋薯條呢～於是我就散叫咗個黑松露薯條。即叫即炸嘅薯條當然好味啦！佢仲有少少味粉，唔點個黑松露醬都已經好惹味！出面食呢款粗身薯條通常都份量好少，但呢到就比得幾足，兩個人share食都夠!至於Burger，因為我唔食牛所以選擇就比較少，但叫咗個肚嘅試下，都唔錯啵！首先佢個包係外脆內軟嘅，口感我中意！入面塊雞排都好入味，不過如果大塊d就更好啦！呢個burger比一般食到嘅Size大少少，所以飽肚感都幾足。之後再加個雞肉餡餅，呢個小食係我最有驚喜嘅！首先佢料好足，一拎上手都幾乎漏出黎，然後啖啖都食到餡料，入面嘅雞肉芝士同醬汁味道又好夾，佢旁邊另外仲有舊芝士，加少少真係錦上添花！我直頭覺得呢個係一個主食唔係小食！…查看更多

好掛住台灣嘅小食，台灣嘅夜市呀！依家無得飛，搵間台味濃d嘅餐廳當去咗轉旅行啦！入到餐廳見到個裝修同d相就已經好有回憶，個格局好有台灣一d舊式小店嘅感覺天氣熱辣辣先叫杯野飲啦！呢個芝麻鐵觀音奶茶清清甜甜，芝麻味都好香，但未算好濃，還可以吧～叫咗兩個去台灣必食，亦係餐廳推薦嘅兩個小食：鹽酥雞同蛋餅！鹽酥雞應該係即叫即炸嘅，食落非常香口，調味亦到好適中，唔會死咸，而且份量又多，真係好抵食個蛋餅亦都唔錯，我本身中意食芋泥，所以好欣賞呢個蛋餅，佢入面仲有芝士同肉鬆，都幾足料架！上枱即食仲有拉絲提供嘅嗰個準帶帶少少蒜味，少少咸咸地，雖然我唔知係咩汁，但出奇地好夾個蛋餅。再叫兩個主食：滷豬扒便當同大腸麵線。兩個份量都好足，不過我中意個飯多d。豬扒滷完仲帶有少少酥香，個滷汁咸甜咸甜，我中意！而個麵線都比較淡口，所以一般。不過整體黎講呢間餐廳都係大件夾抵食，真係好似去台灣食野咁，野食味道又好，環境又好…查看更多

本身行行下街落大雨想搵個屋簷避下，見到小食店好似幾受歡迎，望下佢個menu又好似幾吸引，特別係有我最中意嘅芋泥食，咁就係到買份小食順便避雨啦呢度嘅食物全部都係即叫即整，小店店面唔大，人手亦都唔算多，所以要d時間等都明白嘅，不過都要一讚店員好有禮貌，而且小食店只做外賣，店員會將食物包到靚一靚咁遞上你手，唔會因為外賣行多一陣就倒瀉晒走晒樣。呢個芋泥肉鬆三文治非常足料，芋泥係自家製嘅，綿得黎又帶有小小芋頭粒，咬落有口感，而且唔會好甜，只係食到芋頭本身嘅香糖，加埋肉鬆嘅配襯，麵包又烘得香口，成件事令人非常滿意再叫多個芝士火腿肉鬆蛋餅。一眼落就好有台灣嘅感覺蛋餅用料同樣好足，每一啖都食到晒三種材料，岩岩整起即食仲有小小拉絲！+$5有自家製飲品，我就試咗奶茶同薏米水，兩個都係微甜，我特別中意薏米水，清熱又去濕，好適合炎炎夏日飲呢d街坊小食店係香港真係愈黎愈少，亦都睇得出佢哋好有心去做，即使只係一份三文治佢哋都唔會求其。唔想下下都只幫襯一色一味嘅大財團，真係要多多支持一下呢d後生仔…查看更多

All day breakfast (Dinner set $98)個dinner set跟湯同飲品，無咩特別就唔describe啦，但個all day breakfast就真係大份到食兩餐都夠有waffle、茄汁豆、炒蛋、雞排、腸仔、薯條、煙三文魚、蕃茄同沙律菜，超級營養豐富！其實呢d食材同平時食嘅all day breakfast差唔多，但呢個價錢又咁大份就真係難得啦～魚蝦蟹拼盤（跟dinner set $58）唔知個all day breakfast咁大份，我哋仲加錢跟個小食，點知連份小食都唔「小」囉一大件炸魚、兩件炸蝦同大大舊炸軟殼蟹，真係作為主菜都得！新鮮炸起嘅炸物特別好食，呢類炸海鮮平時出面食一係就貴，一係就細細粒幾啖食完，依家$58就咁豐富，真心抵紅豆抹茶刨冰（$59）食咸食食到飽一飽，再加上真係太多炸物有少少熱氣感，黎個刨冰下下火先。呢到嘅刨冰係日式嗰款，比較有一粒粒冰嘅夾口。同樣都係好足料，成座山咁大嘅刨冰，加上好多抹茶醬同紅豆，山頂仲有一球雪糕，食完真係透心涼…查看更多