MaymayLaw2182的个人专页

今晚專登出咗旺角買BB嘅日用品，行到咁上下亦都比呢一間餐廳嘅聖誕氣氛所吸引住。見到午市套餐都唔貴，即入！✨紐西蘭肉眼牛扒Lunch已經包咗餐湯或者沙律，亦都跟配咗一杯咖啡或者茶，仲有牛扒食(・ω・)ノ牛扒都幾大塊，邊邊位嘅牛脂都幾香，配上洋蔥炒薯仔🥔都幾香口，餐廳指定嘅燒汁亦都唔會過鹹。午市套餐仲可以優惠價加配雞翼同埋窩夫雪糕，雞翼炸得香口惹味，細細份品嚐下都已經滿足到邪惡嘅小念頭。而甜品相信都係呢一間餐廳嘅重點，加$29嘅窩夫🧇蛋香味充足，食落鬆軟，唔再需要加購一份完整嘅甜品黎講都幾划算。✨燒三文魚柳伴香草忌廉汁闊條麵孕婦補充蛋白質嘅最佳選擇，三文魚柳啖啖肉，燒得剛剛好唔會乾身，而香草忌廉汁闊條麵都唔會過分嘅滯膩！✨Salmon Tacos🌮 額外點左一份Tacos，配料滿滿，食嘅時候真係要小心啲！！特別鍾意佢加上咗蜜糖是奶差醬，帶少許辛口更為引人入勝。✨石榴青檸梳打清新嘅選擇，其實都比餐廳其他嘅奶昔所吸引可惜要戒口(˶‾᷄ ⁻̫ ‾᷅˵)有機會一定要試一試！入到餐廳已經好有聖誕嘅氣氛，而且和諧嘅燈光令人感覺非常舒服！！…查看更多

踏入咗皮婚，老公專登搵咗呢一間餐廳同我慶祝，當然唔少得佢嘅甜品畫！！儀式感爆晒棚！！餐廳仲要好好幫我哋即時影咗張相做留念添✨Pizza 2人餐套餐除咗有pizza之外，亦都有一款沙律、餐湯、小食、仲可以七折配嘢飲。✨秘製北京烤鴨薄餅🍕真係有齊薑蔥同青瓜絲，不過中間就用咗鴨胸代替，食落去淡淡芝士濃香，都結合得唔錯。✨黑松露牛肝菌蘑菇湯濃郁嘅菇菌湯，松露味道唔算太重，不過蒜蓉芝士麵包絕對係驚喜小作。✨慢煮雞胸胡麻沙律🥗沙律輕盈，慢煮雞胸用咗手撕雞嘅方式呈現，食落去同樣啖啖肉。✨西班牙蒜油大蝦 配酸種麵包非常非常出色，總共有八條大蝦，色澤鮮紅，食落爽甜，辣油惹味！跟咗酸種麵包🥯減輕負擔感。✨蜜桃果肉芝士奶蓋雖然甜度已經固定，但係飲落去好清甜，奶蓋都做得唔錯夠濃稠✨金沙蟹黃蟹肉Q Q捲捲意粉近期大熱嘅捲捲意粉都加入咗餐廳嘅菜單裏面，今次揀咗呢款，滿滿嘅蟹肉蟹黃，一定要撈一撈先好品嚐～鹹香度適中，意粉嘅口感剛好！✨宇治抹茶千層蛋糕餐廳以甜品畫作為成名作，當然要叫返個甜品，老公亦都預先叫餐廳準備咗玩具總動員同埋慶祝字句～加埋視覺效果，甜品都變得額外好食，確實食到千層嘅效果，宇治抹茶茶味清幽～午市四人同行一人免費逢星期一至五午市惠顧堂食，即享四人同行一人免費，及全單免加一服務費。（以最低價錢的套餐為準，每位客人最低消費一個午市套餐…查看更多

人大咗，好簡單嘅嘢都可以好平凡好開心，就好似車仔麵咁樣，呢間位於土瓜灣嘅小店，多款車仔麵嘅餸你揀，講緊三個餸都只係$45，跟餐跟豆漿都只係$8！其中一碗叫咗魚蛋、蘿蔔、雞翼、豬皮。蘿蔔清甜，雞翼入味，魚蛋爽口；另一碗嘅牛腩都整到好腍，豬紅滑捋捋無異味，炸雞翼仲會額外分開上，外脆內嫩。小食方面，嗌咗魚皮、蠔油生菜、煎釀三寶，價錢合理。時菜都幾多嘢揀，除咗生菜仲有西洋菜、通菜、菜心，煎釀三寶有茄子、豆腐同青椒🫑…查看更多

今日難得去廣華做完產檢，拎咗半日假，順便去食返餐好～～～慶祝檢查順利！！作為孕婦梗係要食啲熟嘅嘢，而且最好就包括牛肉，可以補充返鐵質！✨極品 八不壽喜燒套佢嘅套餐全部都非常豐富，小編覺得呢個性價比都相對比較高，裏面包括咗A5佐賀·和牛封門柳·澳洲和牛牛小排(⁎⁍̴̛ᴗ⁍̴̛⁎) 有油脂豐盛入口近乎即溶嘅A5；又有口感細緻但不失牛香嘅封門柳；更有軟腍，油花取中和之道嘅牛小排。必須要讚餐廳嘅解凍做得唔錯，放入鍋底反兩下都已經食得～另外你都可以將野菜拼盤改為優惠價嘅加購，不過小編就保留咗拼盤，始終食啲菜煮個烏冬都係壽喜鍋嘅滿足感(˶‾᷄ ⁻̫ ‾᷅˵)套餐亦都跟配咗清酒或者飲品🥤喜歡信州蘋果汽水，淡淡果香又清爽～✨追加稻庭烏冬必定必定要追加的，滑捋捋嘅烏冬真係朔晒味～✨焗日本蠔·日式年糕·名古屋風味粟米日本蠔好肥美，而且用咗芥末醬汁調味分外開胃，焗得岩岩好之餘食落有蠔汁；日式年糕絕對係煙靭控最好，外脆內軟糯；粟米稱得上惹味，蒜香滿滿⋯…查看更多

最欣賞呢間餐廳嘅菜單經常都會有季節性嘅轉換，佢個火山排骨依然係我食過最好食嘅，不過今日就試吓全新嘅海鮮媽媽麵。✨海鮮媽媽麵兩款湯底可以選擇，好似韓式部隊鍋一樣，不過就轉左泰式嘅風味。裏面有滿滿嘅海鮮、包括魚片、鮮蝦同墨魚，仲有唔少得泰國人最愛嘅媽媽麵、泰式豬腩肉，湯底酸辣平衡得唔錯，面底唔會太腍且掛滿湯汁，豬腩肉雖然浸咗落湯，但係都食到外皮嘅酥脆，而且唔太肥膩！！冬天食返一鍋真係暖笠笠。✨蝦醬炒飯蝦醬炒得好香口，米飯唔會太鹹，加上咗肉鬆、臘腸以及一大嚿厚厚嘅炒蛋，飯桶必點！✨鹽燒鯽魚鯽魚燒得剛剛好，魚肉嫩滑而外皮嘅鹽燒滲透咗落魚肉！✨飛天通菜通菜好似係每次泰國菜必嗌嘅菜式之一，除咗飛天之外亦都有馬拉盞，蒜蓉，青炒～份量嚟講都算大碟✨生菜肉碎包肉碎肥瘦相間，炒得非常惹味，包落生菜🥬勁好味～我仲把食唔晒嘅生菜放咗落鍋底一次過烚～✨泰式奶茶•泰式青檸茶…查看更多

奶奶係林峯嘅忠實粉絲，今晚為咗慶祝佢嘅生日，專登帶咗佢嚟呢一間餐廳食飯順便俾佢打卡✨大澳蝦醬魷魚筒鮮鳳尾蝦炒意粉以大澳蝦醬為基底，鮮香撲鼻。魷魚筒切成薄片，搭配鮮嫩的鳳尾蝦，煙韌得黎又有啲彈牙，意粉吸收左蝦醬嘅鮮味，但又唔會覺得太鹹。✨古早手工煎肉餅蟹肉鹹蛋黃燴意大利飯港式同意大利菜嘅結合，肉餅外脆內嫩，好鍾意佢添加咗馬蹄。米飯嘅鹹蛋黃味道唔算太重，剛好搭配蟹肉的鮮香。✨京式烤鴨薄餅🍕薄餅底係比較脆身，唔係鬆軟個類型，不過勝在鴨肉厚身，芝士都比得充足，咬落同樣啖啖肉。少量香蔥同青瓜夾雜喺當中，更具片皮鴨嘅風味。✨富士芝櫻祭重點推介，整個富士山做得好靚，而且餐廳可以幫你免費寫祝福字句，咁就可以順便慶祝埋生日或者周年(⁎⁍̴̛ᴗ⁍̴̛⁎)講返蛋糕，抹茶味都幾濃，慕絲滑身但唔會過分甜膩，中間嘅提拉米蘇唔算特別重咖啡香，夜晚食都唔驚瞓唔着！最最最鍾意一定係圍喺旁邊嘅曲奇脆脆，增添咗一份口感。晚餐加$28就有餐湯/沙津，時日餐湯係忌廉蘑菇湯，味道較淡身，不過佢可以補差價轉嘢飲又變相幾抵。餐廳以2D嘅裝修設計而打起名堂，但係同一時間呢一個港式情懷都幾特別，而且咁啱遇上林峯嘅應援，裏面有好多林峯嘅佈置，餐廳更加係寵物友善！！！！下次要帶埋Gooci 先得(⁎⁍̴̛ᴗ⁍̴̛⁎)…查看更多

呢排搵緊啲做節餐廳，要容納一家大細又要滿足到各人嘅口味，都唔係咁容易。所以呢排都搵咗幾間中菜同老公試一試先 ✨冰鎮時令蔬果 用上咗西西里嘅蕃茄，裏面釀入咗忌廉芝士以及合桃琥珀，口感清新而且開胃。咁✨醬油生醃蝦、椒鹽溏心鮑魚、葱油海蜇呢個三小拼組合真係開胃菜嘅極致！醃蝦用上赤蝦級別，爽甜帶黏稠感；椒鹽鮑魚酥脆香口得來不失溏心口感；加上海蜇嘅爽脆，值得一試～✨姬松茸竹笙花膠燉菜膽 湯頭鮮甜帶濃郁感，姬松茸嘅菇菌味道相當重身，花膠超大塊，口感適中；竹笙肥大爽脆 ✨蟹黃銀針燴珍寶蟹鉗 果然稱得上為珍寶，超大隻巨型蟹鉗，咬落去啖啖肉，配上蟹黃上湯確係鮮美。✨脆皮乾鮑魚扣遼參鵝掌 用上乾鮑固然會比一般嘅罐頭鮑魚來得硬實，但明顯質素、口感以及香氣都更勝一籌！用咗酥炸嘅方法去處理，但係完全無被醬汁破壞咗整個口感，鵝掌入味易咬。✨南乳吊燒麒麟經過燒烤嘅麒麟魚，外皮金黃薄脆，內裡依然能夠保持魚肉滑嫩，盡顯師傅工架，好鍾意佢中間擺放咗薑蔥以及一個南乳醬汁，兩種配搭各有風味。✨大澳蝦醬啫啫時令菜苗 食落啖啖鑊氣，更用上大澳蝦醬，加添一份香港情懷同風味✨蝦籽濃鷄湯手功拉麵 湯底絕對係精華所在，蝦同雞嘅味道都相當突出，平衡得不錯，手工拉麵煙靭帶點彈牙。✨古早燉鮮奶 •京城石獅子滋潤嘅一道甜品，鮮奶燉得滑捋捋；另外更有香濃嘅芝麻雪糕製成嘅威風凜凜🦁！♨️一週年驚喜訊息♨️現凡透過Mira eShop預訂此套餐，即可享受一週年慶典價，只需$780連服務費及茶水，優惠名額有限，立即預訂！！！！…查看更多

今日專登去咗荃灣店同裝修師傅傾一傾新屋企嘅設計圖，順便食個輕便少少嘅lunch。就近就見到如心廣場，咁啱酒店隔離就有呢一間一直以質素為主嘅咖啡店。✨檸檬汁烤雞煙肉芝士意大利三文治意大利三文治整得鬆軟，裏面嘅烤雞加上咗檸檬汁帶幾分清新，煙肉就有一份鹹香，加上半溶嘅芝士🧀絕對係一個豐盛嘅午餐。✨烤雞菠蘿漢堡配檸檬乳酪醬及焗薯老公今次就揀咗個漢堡包，烤雞肉嫩，菠蘿清甜，用咗檸檬乳酪醬去中和一下油膩感，旁邊伴上焗薯，負擔咁即刻冇咁重。✨熱伯爵茶朱古力隨便嗌個午市套餐都已經跟一杯齋啡！如果唔啱飲，都有另一個飲品加購餐單，跟餐只係加$11就有一杯熱朱古力，午市嚟講都算幾抵！✨檸檬蛋糕平時去開尖沙咀嗰間剩係得藍莓同香蕉蛋糕，反而荃灣就多咗檸檬同埋咖啡合桃嘅選擇！！今次揀咗個清新少少嘅檸檬口味， size同樣巨型，味道唔算好甜。…查看更多

心情沉澱完一輪，都係要食返餐好嘅～完完全全俾佢嘅$8牛舌所吸引，其實抱住中伏嘅心態，但係完全超出預想！✨全港最平$8牛舌芯好似人頭限定一人一碟，梗係嗌到盡！雖然只係$00 ，但係居然有多達十幾片，薄薄哋好容易燒，入口爽彈～✨紫菜牛肉汁飯本身見到個紫菜月見飯勁吸引，可惜懷孕期間唔准食生蛋，不過有牛肉汁嘅✨上九宮格由於單嗌一份肉都要過百蚊，不如試吓呢個九宮格，多款招牌已經包含在內，豬牛雞魚都有齊：和牛一口牛、韓式護心肉、厚切牛舌心、和牛三角腩、和牛五花、手切牛頸脊、栗子豬五花、鮮雞爽肉、活白鱔。建議食咗啲冇咁油膩嘅先，包括係雞肉、護心肉，然後再品嚐肥瘦相間嘅一口牛、三角腩，入口牛脂豐滿帶少許嚼頭；豬五花同牛五花油份最重身，所以小編都特意叫咗一份翠玉瓜，夾住一齊食。另外仲叫多咗一份冷麵，老公話真係好解你，雖然份量唔係好大，但係面條彈口…查看更多

朋友喺英國返嚟，居然話最掛住喺香港嘅串燒😂😂😂我呢個大肚婆當然都捨命陪君子，始終串燒都安全，肯定熟先！！！✨燒鳥餐廳用靚雞肉，所以我都分別叫咗幾款:三黃雞腿肉、雞軟骨以及蜜糖雞全翼。雞肉燒得滑嫩，調味唔會過甚！！✨牛、豚今次揀咗宮崎和牛，入口夠淋，牛脂分布平均，仲夾雜着洋蔥嘅清新；另外亦都揀咗韓式牛肋肉，帶點微微辛口好惹味；牛舌爽彈；和牛棒牛味香濃，仲跟配咗從來米飯同生蛋添～亦揀左豚肉蘋果卷，清爽中帶油脂香；孜然粉燒黑毛豬同樣出色；✨心機卷物·小食雞皮墨魚滑絕對係特色之作，墨魚滑口爽口，加上雞皮嘅邪惡真心正正的。另外亦都嗌咗一份蒜蓉牛油酒煮蜆，肥美嘅蜆肉仲有兩片香脆嘅蒜蓉包，份量而言算好多；汁燒年糕串亦都係煙靭控之選；味淋魚干極為香口✨蔬菜類分別揀咗金菇、萵筍呢一類串燒必點嘅神物！蒜蓉滿滿，金茹好入味～✨甜品食得串燒當然唔少得要有燒菠蘿以及糖不甩燒芝麻湯圓，份量唔多，但係作為一個飯後甜品就剛剛好啦。✨穀物叫咗一份鰻魚炒飯，減輕一下串燒帶嚟嘅油膩感，米飯炒得香甜帶點鑊氣。…查看更多

今晚同同事慶祝生日，而佢正正就係鍾情於西班牙菜。經過一番搜索之後揀咗呢一間餐廳。！！！✨IBERICO HAM PLATTER伊比利亞嘅火腿鹹香度唔算好重，不過勝在夠香。份量比得一啲都唔吝嗇，同一時間亦都上咗下一道菜式。✨REAL TOMATO BREAD BASKET鬆脆嘅麵包配上新鮮嘅蕃茄同蒜頭。職員建議我哋可以加上蒜頭，自己squeeze上新鮮蕃茄汁，再ontop 放上伊比利亞火腿片，再自行配上橄欖油，整個口感鬆脆得來又夠match ！！✨SCALLOP CEVICHE帆立貝開邊，食落鮮甜，底部放上牛油果醬，面頭再灑上蔥花，感覺清新開胃。✨WAGYU BEEF WITH FOIE GRAS BAGUETTE超誇張嘅好食，職員會喺你面前進行火炙，入口除咗有牛脂嘅香氣之外，仲有濃郁又豐腴嘅鵝肝醬滲出，連同Baguette帶點硬身又有點脆口嘅口感，成個設計都俾人耳目一新嘅感覺！！✨SAUTEED PRAWNS WITH GARLIC 大大條已剝殼嘅蝦肉，可以連同蒜蓉及蒜蓉包一同入口品嚐，比起西班牙傳統嘅蒜蓉蝦就相對地冇咁油膩✨CHILLI SCALLOP ON FIRE WITH LOBSTER SAUGE又係充滿着視覺效果嘅一道小菜式，點上火焰🔥令帶子添上一份熱度。用咗龍蝦汁嘅調配，底部放上咗椰菜苗同菇菌，好食！✨SEAFOOD PAELLA 🥘 大大盤嘅海鮮飯，擺放住大蝦、蜆肉、青口以及有無數嘅魷魚粒粒混雜喺米飯當中。食落有海鮮嘅香氣，但係唔會過分嘅鹹身，亦可以自行再加上檸檬汁。✨CHURROS WITH CHOCOLATE SAUGE作為西班牙最出名嘅甜品之一，油炸鬼嘅玉桂味好香，咬落酥脆不油膩，仲有邪惡嘅雲呢拿雪糕以及朱古力醬！絕對係飯後甜品之選。❤️餐廳已經充滿着聖誕嘅氣氛，而且座位闊落，職員嘅態度亦都非常親切！！…查看更多

作為一個沙田友，呢間舖頭新開張已經人頭湧湧，因為佢出色嘅點心，再加上半價嘅宣傳效果，都成功吸引埋我！！！更加適逢雙十一，有三款點心做緊$11，超平(⁎⁍̴̛ᴗ⁍̴̛⁎) 一齊睇吓我今晚食左啲咩。✨羊肚菌燉螺頭燉湯非常足料，菇菌味好濃郁，就連螺頭都燉到淋哂。亦都有烏雞湯、黃皮燉鮑魚、黃皮燉角螺，夠正氣又唔會過於進補。✨酸菜龍蠆一般都係用海鱸魚片，但餐廳揀用龍躉成件事即刻高級咗，魚肉厚身、滑捋捋而且啖啖肉，底部嘅粉絲同萵筍亦好夠份量，辣都唔算好重，值得一試。✨豆漿蟹肉番薯葉苗冇乜餐廳有得食番薯葉，就連自己屋企都會嫌佢污糟唔想洗。用咗豆漿做底，成個感覺超清甜，加上一絲絲嘅蟹肉，絕對係健康之選。✨點心系列老香櫞雪山包、鳳梨雀仔、金魚戲水、黑蒜蝦肉燒賣、粉紅佳人。餐廳以手工點心為名，樣樣都睇得又食得！好似個鳳梨雀仔仲包埋個金絲雀籠，打卡一流，食落去鳳梨餡料酸甜開胃；金魚又係設計感十足，外型係漸層嘅水晶皮，入口蝦肉彈牙；粉紅佳人裏面蘊含住龍蝦肉，咬落去仲爆曬湯汁，重點係11月呢款點心都只係$11，超級超級高質！記住要問餐廳攞埋辣椒油，超級香口～～✨XO醬蝦腸粉色香味俱全，腸粉滑嫩，XO醬落得一啲都唔吝嗇，整體炒得非常入味，加上韭菜同肥大芽菜，口感更佳！！唯一係個底部比較重油份～✨潮汕豆腐魚煎蠔烙食潮州菜又點可以冇蠔餅呢！！餐廳炸得金黃薄脆，蠔肉飽滿，最重要係加咗九肚魚，令到成碟菜式更加鮮甜，幼骨亦都唔太影響進食～✨新鮮黃皮油柑汁真係新鮮嘅味道，黃皮嘅清香加上油甘汁嘅輕微苦澀，真係冇乜地方飲到！！！…查看更多

今日專登去中環街市有個小朋友嘅展覽！！順便喺附近落腳食個飯，但係中環物價偏高，所以專登走進呢一間小巷裏嘅小店，食一餐溫暖嘅晚餐。✨餃子大阪燒除咗傳統煎餃之外，餐廳亦都提供咗兩款嘅特色煎餃🥟加上大阪燒嘅醬汁以及奶芝醬，整體更為香濃，但絕對唔會蓋過餃子嘅粟米豬肉香！餃子煎得卜卜脆，口感令人鍾情！✨餃物椰鍋 天氣轉涼之下一碗湯餃最能夠滿足身體嘅需求，鍋物用上新鮮嘅椰子肉，湯頭清甜到不得了～六大隻飽滿嘅蒜心餃子，再加上芋絲、椰菜等等嘅配料，相當豐富。✨小食系列為酒而炸雞軟骨串相當香口，口感極好；吉列炸蠔大大粒，外皮酥脆，唔會過分油膩；花枝丸爽彈！強烈推薦叫啲店員俾埋沙律醬你～～✨荔枝梳打餐廳直接俾成罐梳打水你自行調配～除咗荔枝口味之外，亦都有柚子可以選擇！…查看更多

今日去觀塘睇傢俬，夜晚順便起附近樓下食飯，見到呢間餐廳光猛，空間感闊落，而且有好多隻招財貓！！✨蒜蓉蘑菇西冷牛扒🥩講緊一個晚市都只係$80內就有西冷牛扒食，小編表示非常滿足！！而且夜晚仲已經包埋餐湯以及熱飲。雖然價錢好平，但係牛扒足足有前臂咁長，超大塊仲要好厚肉，焗薯仔更加用上錫紙，中間加上胡麻醬，正架！✨蒜香吊燒雞茶餐廳都有吊燒雞食，仲要係皮脆內嫩，蒜香滿滿！一定要點埋佢個泰式辣醬會更加惹味。想讚一讚呢間小店連碗白飯都特別巨大！！✨熱百香果蘆薈天氣轉涼，專登叫咗杯熱飲，百香果清新得來非常暖胃。✨雪山紅豆冰極具份量嘅紅豆冰，紅豆蓉綿密清甜，加上海量嘅忌廉，完全係滿足啊。見到佢而家全日外賣自取都有九折優惠！！！…查看更多

旺角必食！！！仲要有超特價優惠！！！推介佢以下呢一個二人餐。泰式咖喱2人餐呢個二人餐性價比真係好高，已經符合到可以加一蚊有優惠小食(・ω・)ノ✔️一蚊小食有椰汁糕、青木瓜沙律、生蝦以及海蜇可以選擇，性價比而言，當然係生蝦！！！一蚊有四大條，仲用冰鎮住添。✨泰式咖喱炒白貝咖喱相當香濃，質地濃稠又帶點滑身，白貝好大隻，而且清洗得好乾淨～✨蒜蓉炒通菜除咗蒜蓉之外，亦都可以揀泰式或者馬拉盞，而且仲有雜菜選擇，顧客就相對地有彈性去選擇！無肉不歡嘅朋友仲可以免費轉泰式豬手。✨冬陰功海鮮湯雖然係套餐跟配嘅冬陰功，但係都好足料，有巨型青口、蝦、蜆肉，魷魚魷魚，酸同辣嘅比例剛好，而且唔會太鹹～同時香茅同青檸嘅味道都好出！！！✨蒜蓉包跟餐有兩碗白飯，但係由於有咖喱嘅關係，小編就揀咗蒜蓉包(˶‾᷄ ⁻̫ ‾᷅˵)牛油味勁香，焗得超級脆卜卜，10萬個推薦！！✨青檸冰、香茅冰餐廳已經跟配咗兩杯嘢飲，如果唔鍾意嘅話亦都可以額外加錢轉飲品～✨生菜包（豬）額外叫咗一份生菜包，肉碎炒得香辣惹味，豬肉唔算太肥，但係又有足量嘅油脂香！重點係餐廳用上有機生菜，多一份健康。✨泰式炒金邊粉金邊粉炒得唔會太乾，亦唔會太濕，酸味拿捏得唔錯！！食落真係好有泰國當地嘅原汁原味。✨串燒叫咗一串和牛同一串雞全翼，好喜歡佢個沙嗲汁，特別香口又充滿着花生嘅香氣，而和牛就用咗泰式青辣醬去沾滿！…查看更多