pak.louisse的个人专页

老老實實好少會對一間餐廳嘅評價咁高早兩個月同bf 2個一齊去呢間餐廳度慶祝佢生日上網見到呢間餐廳可以寫碟地方同價錢都ok 所以就決定食佢-為咗肯定可以比到驚喜佢我專登早兩日打電話去餐廳確認同埋同佢哋講我想有寫碟嘅服務佢哋仲好識做由到達餐廳去到叫甜品都冇無啦啦走出黎講 個甜品係咪上得😂😂😂😂-嘢食方面見到佢係本身有主菜再加錢會有湯同埋前菜見價錢唔係差太多 所以最尾決定加晒湯同前菜但係我想講如果係兩個人食嘅話建議+1個前菜就夠因為真係只係食佢啲前菜都飽咗😑😑😑唔單止份量好多 味道都唔錯❤️-除咗我哋之外同場亦都見到有幾張枱慶祝緊生日我強烈推介呢一間餐廳比想慶祝紀念日/生日既朋友🤭🤭🤭…查看更多

今日適逢同男朋友一周年所以專登book咗間餐廳同佢慶祝-其實之前都有食過呢間餐廳覺得最特別係個芝士火鍋所以今日決定再次encore另外再加咗個烏冬-感覺上餐廳食物質素同一年前相比好似差咗啲🤔芝士火鍋送嚟嘅時候所有配料都係熱辣辣 跟住餐廳職員會幫手點火令芝士溶化不過可惜嘅位係 芝士火鍋鍋底嘅蠟燭溫度唔夠令到成個火鍋啲芝士醬好似係常溫/偏暖嘅情況only變得怪怪地 而且芝士醬有啲粒粒☹️☹️另外嗰個卡邦尼烏冬可能因為食咗芝士火鍋所以覺得比較肥膩不過fusion野 都幾特別…查看更多

今日咁啱要去銅鑼灣買啲嘢順路食個快嘅午餐所以就去咗呢間餐廳食-一入去 店員就叫比左杯水我哋另外亦都有個水壺 有需要就自己再倒水跟住就自己係用筆剔紙上面落單拉麵有乜選擇軟硬度同埋湯底既濃淡度-服務態度幾好而且上菜速度都好快拉麵味道OK 我選擇咗比較淡嘅湯底 同行朋友食咗普通湯底的確係咸啲😂😂不過唯一美中不足嘅係叉燒得一塊而鵪鶉蛋都係得一粒覺得份量比較少細食既女士食嘅話勉強夠飽但係男士食應該就唔夠而我見到對面枱嘅女士一個人都食咗一碗拉麵再加多個餃子😮所以胃口大啲既朋友黎呢間餐廳 可能要注意下了…查看更多

其實已經係第2次黎2次都係食2人餐 大份抵食-好中意佢既蘑菇忌廉湯係真係有蘑菇碎喺入面前菜叫咗雞翼不過因為我唔太食雞翼 所以四隻入面有三隻都俾咗男朋友食上碟嘅時候熱辣辣佢話都幾好食仲有一碟仔醬 但反而對醬冇咩興趣另外佢個松露油意粉都幾好食不過今次叫咗個牛油果烤雞pizza就遜色咗啲可能自己唔太鍾意蕃茄醬底 所以覺得麻麻地-最後仲有個是日甜品朱古力粉蛋糕(?)蛋糕偏濕但係都有幾點朱古力醬做伴碟😂😂$300買單兩個人 仲有埋甜品同飲品要求唔好咁高既我 收貨了…查看更多

話說 每逢星期六日諗唔到食乜我地一家就會諗起 齊記皆因佢價錢ok 份量又足 仲好好食-每次去到都有好多款選擇 對於有選擇困難症嘅人來講 都幾煩不過我多數都會選擇咕嚕肉同埋椒鹽豬扒呢兩個餸一定冇問題咕嚕肉仲係勁脆身 有咬口2個都係送飯神器另外都有試過食佢既3杯雞好微既辣 連呀媽唔食辣都話可接受 食得好滋味👍🏻另外亦都有時候會叫勝瓜炒肉片 羅漢齋清清地 起碼有啲菜食 唔洗便秘😂😂-價錢方面 因為我地係拎番屋企食 自己煲落飯所以係剩2餸 2盒Total 4餸 100$…查看更多

琴日腸胃唔太舒服所以想清清地食粥上OpenRice睇 見到呢間位於旺角嘅雞粥好似幾吸引 所以就決定放工食-雖然見啲評價話麻麻但我又覺得環境ok 光猛唔知係咪我哋比較早去到 6點半鐘 店入面冇咩人 可以隨便坐-我哋叫咗▶️1. 雞粥上黎隻色水幾令淡黃 聞落同食落都明顯有雞味聽到隔籬枱想揀雞嘅部份但係侍應話例牌雞先可以選擇如果唔想食胸既朋友要注意❗️▶️2. 艇仔粥白粥底較小粥料但因為本人食粥唔太食料 所以覺得還好但如果想食料既朋友 可能要再加材料落生滾粥度▶️3. 叉燒腸粉正正常常但我嫌個腸粉皮厚咗小小同埋有啲鬆散▶️4. 炸魷魚鬚香口野價錢進取咗小小唔知係咪因為食緊白粥 覺得呢碟野 有啲咸過頭食雞粥既🙎🏽‍♂️就話覺得ok🤔-總括而言我會覺得呢間嘢價錢進取咗啲 （係小食方面）但係粥的確好食…查看更多

話說早幾日你朋友係咁慫恿我食燒肉但係其他食開嘅燒肉店又full booking所以最後搵咗呢間舖頭食-首先第一樣嘢 要講一講服務態度☹️☹️☹️一去到嘅時候 店員問我有冇book位同埋我嘅訂座電話號碼唔知係我講嘢太細聲 定係咩事 明明我見到我個電話號碼係佢booking list度 佢都話睇唔到 跟住叫咗另一個人嚟幫手🙄🙄🙄跟住搞咗一輪 終於搵到我個booking明明我喺OpenRice book 6:30 我唔知點解個店員忽然間勁大聲同我講 下？ 你book 8:30喎後尾我俾返個openrice booking佢睇 先有得入座-環境方面地下比較痴如果有老人家或者小朋友要小心啲-食物方面豬牛羊海鮮都有都有提供熟食肉類方面我覺得冇乜特別 正正常常唔會話特別難食都唔會話特別好食牛舌係我會encore既豬頸肉 冇咩特別 唔太推薦海鮮方面個人推介芝士蒜蓉蠔雖然燒嘅時間比較長但係真係幾好食 有海水味不過注意返燒熟左嘅蠔會變得好細粒同埋我專登選擇遲啲寫食評就係睇吓有冇肚瀉😂😂利伸：冇事仲有熟食推介炸魷魚鬚 同埋 辛辣麵炸魷魚鬚上枱好熱辣辣 夠脆口辛辣麵方面碗嘢顏色唔算太紅但聞落好香同埋食落真係好辣係少有地 係放題店會有咁辣嘅嘢食但又會越食越上癮另外唔太推薦 年糕湯 同阿豬媽靚湯🫠因為湯底係一樣但係兩個湯都好鹹-最後總括而言兩位連加一612$唔算貴 但未必會再encore因為食物唔太有特色 同埋肉類方面…某劣食連鎖店都好過佢🫤🫤🫤…查看更多

話說同事忽然間叫我一齊食呢間嘅外賣仲話好好食咁既然同事一場叫到 冇理由唔食掛所以就叫咗外賣 黃金雞飯喺公司食-講一講價錢先🤑$45包飯包湯包醬汁老老實實我都冇咩特別要求啦😂😂-叫得黃金雞咁首先講咗啲雞先啲雞幾滑 連埋雞皮唯一要挑剔嘅係 明明叫無骨雞但唔知點解會有骨🫠🫠🫠另外值得一提本身有跟兩隻醬初初以為黃色嗰啲係甜酸醬點知食落口係辣醬仲要幾好食🉐搞到我由頭到尾都冇食豉油😂😂😂另外飯嘅份量偏小男士們可能未必夠食❗️-湯品方面$45仲有碗湯我都唔知有咩要求不過可能平日食嘢比較清淡覺得碗湯偏鹹入面亦都冇乜湯料當係一碗普通既湯都叫合格🤣-總括嚟講 呢間嘢價錢取勝雞嘅質素都唔差如果唔係好肚餓 又或者變咗大食我都會encore🤣🤣🤣…查看更多

適逢同👩🏻‍🤝‍👨🏽既紀念品 🙎🏽‍♂️話要好好慶祝下 比啲儀式感我所以就網上book咗呢間餐廳慶祝-順帶一提 呢間餐廳有得free parking 3小時 🚘揸車既朋友記得留意番只要話係book咗餐廳就得-當日係平日 有lunch menu我唔太想食full set包甜品既set lunch所以剩係叫咗2個main 包埋沙律/湯-意粉同埋扒既質素 不過不失都係正正常常既溫泉蛋不過份量方面可能男士會覺得偏向細碟咗啲啲反而我幾中意佢個沙律清清地 啲醬汁唔會太多 搞到勁咸-老實講 黎呢間餐廳 都係食view多好好彩職員幫我地安排咗 坐窗口位忍唔住 打咗一陣卡先正式落order另外 餐廳職員都好主動幫手refill 水值得一讚…查看更多

其實今次已經係第二次嚟呢間舖頭第一次去食嘅時候好多人但唔知點解今次去食反而冇乜人唔駛等位🫤🫤-因為我都幾鍾意食麵所以我叫咗一碗麵食上面再加四粒湯餃 揀咗1. 和風粟米豬肉餃💯呢個好難唔好食啲粟米咬落去真係好多汁2.回香豬肉餃其實本身係因為見到隔籬枱叫回香 又好好奇到底係咩嚟所以先叫隻味好熟悉 而回香都好濃只不過我唔係特別鍾意呢隻味3. 黑松露雞軟骨💯見到佢而家做緊優惠$47有一碟黑松露雞軟骨所以作為黑松露怪嘅我就二話不說叫咗成碟上枱嘅時候好熱辣辣 香口又好食清晒成碟先醒起未影相-順帶一提我叫咗湯麵而朋友因為天氣熱 叫咗撈麵湯麵發揮好正常 秘製醬汁另上撈麵方面 因為醬汁已經喺面入面 所以食到最後有啲鹹同酸建議大家去食嘅時候可以汁另上⭐️最後埋單$200有找…查看更多

難得去開元朗 👩🏻‍🤝‍👨🏽梗係去幫襯下大馬路附近既小食店見到呢間野之前好似有人上網推介過即刻走去望下-Menu上面有好多野食牛雜 串燒 燒賣 魚蛋….叫得燒賣皇后 我梗係叫燒賣啦但男朋友話佢肚餓wo咁加多幾粒魚蛋啦-落完單 好快趣就有得食了啲豬肉燒賣幾香口 🉐出面塊皮都唔會好似酒樓咁乾晒但係可能蒸得太耐有啲偏淋同埋家長可能要注意一下❗️真係有豬骨碎😂不過都係得一細粒姐對我黎講 會覺得係真材實料魚蛋我就覺得冇咩特別但係個沙嗲味 真係好推介上面有啲花生粒幾好咬口 ‼️‼️同埋就算連唔食得辣既我 都覺得ok…查看更多

話說嗰日想去D2 Place買野 咁就喺長沙灣附近搵咗一間西餐廳食嘢星期六午市時候居然唔使等位所以就決定咗 係你啦趣意廚！間野既水同埋spare碟都係自助形式要出去自己拎不過我幾鍾意呢種方法 唔需要勞煩到侍應又可以飲到多啲水跟住Menu入面大部份都係40-60$既價錢已經包主菜 餐湯同小食（炸雞/烤雞/pizza)簡單平到我諗緊會唔會中伏好快趣 叫咗2個意粉 跟住加餐小食要炸雞 烤雞各一 再加10$加多個跟餐小食 pizza可惜既係 嗰日嘅Pizza 係茄汁底 （我唔太鍾意食茄汁 不過既然一場嚟到都要試一下）上菜速度幾快 野食都夠熱份菜又多特別炸雞 勁大隻又脆皮 正唔知係咪小食太咸 反而覺得主菜相對淡味不過份量夾夠 okay…查看更多

之前係網上見到有芝士雞煲都想試一試終於搵到機會去試下一去到舖頭 講番book咗枱 好快就入得座一坐低 佢就俾咗調味盤我哋 入面有六種唔同嘅調味料記憶中好似有麻醬 蔥 芫荽 辣椒等等搞掂晒之後就可以用手機落單今次當然係食芝士雞煲 仲要 激量芝士！雞煲上枱個樣幾令仔 打卡able味道都唔差 岩晒我呢啲中意芝士既人本身佢話芝士有微酸 但我唔太覺食完雞煲 其實都6/7成飽 跟住就加水打邊爐 因為有啲飽 所以我地2個叫咗好多菜同菇😂😂😂反而覺得推介佢個娃娃菜 同埋 炸響鈴半份菜 份量好夠響鈴都好正雖然見人地個啲肉都擺盤幾令但實在太飽了下次都要去食下先野飲方面 我同男朋友就叫咗竹蔗茅根 一渣上味道唔錯 係嫌佢味咗小小順帶一提間嘢嘅服務員態度都幾好 又好熱心教我個雞煲幾時食得…查看更多