cherrysiubobo的个人专页

鯖魚好大份啖啖肉，配檸檬汁同佢個酸酸地嘅醬汁，好味！（我本身唔食魚都覺得好食）鰻魚都好味，不過唔係好大條，肉好薄身，比較起上嚟，鯖魚係抵好多。隔離枱有人叫秋刀魚，係勁大條，不過我食唔到咁鯹嘅魚！個刺身先抵，佢原價係$150 一碟，咁跟午餐呢個當然係細碟咗，有三文魚、帶子、甜蝦，好新鮮，三文魚好滑好厚肉！帶子同蝦稍為細咗啲。麵豉湯有蜆肉。出面等位嗰陣見到隔離髮型屋隻狗狗，實在太可愛🐶😍😍😍😍…查看更多

剛剛12月先去完鹿兒島食和牛，好想喺香港回味下！俾我見到呢間有鹿兒島黑毛和牛，即刻心心眼😍新鮮程度雖然無日本咁好，但算保存得唔差。我呢份好肥美，雪花分布絕對係A5級。不過佢啲燒汁好淡，我唯有改為點柚子醋😅場內仲有白飯、味噌湯、沙律任添，仲提供埋圍裙。不過座位超級迫同細，坐得好唔舒服。仲有，塊熱石用到好黑（原色係淺灰色），好明顯無專人刷洗過，我哋食完喉嚨都有啲唔舒服，要飲勁多水😅😅總結： 食就幾好食，不過貴咗啲啲 ($355/200g), 可以節日慶祝先食😬…查看更多

牛池灣街市旺咗好多，呢間原來7點已經坐到爆，好彩早到有位！本人極愛芫茜，每次嚟都必叫呢碟！（滿分）味道唔錯！（95分）$68 好抵（79分）好正嘅潮洲鹵水嘢，可惜個底啲韮菜好老！ （88分）本來啲鮮魷好好𡁻口，可惜啲粉漿炸唔熟，唔脆兼一pat 嘢咁 （60分）總結：整體ok，有啲鑊氣，不過啲嘢越來越細碟，價錢算係抵食！如果星期五晚/假期要訂位！…查看更多

香港有石燒日本和牛，滿心期待，點知。。。放上石板的那尊和牛肉，用叉點拮都拮唔到...大家留意，食石燒牛要技巧，就係一個字：快！要摩打手咁切，切到好薄好薄，如果唔係會咬唔開。。。。之後要摩打口咁食，如果唔係會overcooked....我地試過燒得生啲，同埋燒到剛剛變啡，總之任何程度佢都係硬嘅！結果我地食到擰晒頭，仲吐咗好多渣出嚟...其實和牛應該係入口即溶，而唔係又硬又多筋，好懷疑佢係咪真係和牛.... 又或者唔係最靚嗰啲部位囉...…查看更多

這小店裝修比附近舊舖更高檔, 所以價錢也相對地貴幾蚊。魚旦麵賣相不錯, 湯好番有韮黃, 魚旦都是普通潮州魚旦。飲品有五花茶, 自家制的味道不錯!這裡地點太偏, 而且同一條街的麵檔價錢更便直又好味, 所以這店經常都空空的。其實味道還可以, 可惜...…查看更多

目前九龍城晚市已不再像以前般熱鬧，但這店仍能維持到人頭湧湧！呢個刺身拼盤好食到不得了，生蠔好甜😚，三文魚、帶子入口即溶，赤蝦夠大隻，不過佢馬糞海膽係配青瓜，如果配薄荷葉會更佳。龍蝦外面用火槍燒過，裡面刺身肉黏黏的，第一次食龍蝦刺身，都幾唔錯，不過因為熟嘅龍蝦嗰種肉汁實在太正，所以我都係鍾意食熟嘅！呢隻略嫌細隻咗啲，大隻多啲肉會好啲！食完佢仲會攞埋個頭去燒，燒到好香😍大阪燒唔係咁ok, 粉漿唔夠熟，啲配料冇乜肉！同真正大阪嘅大阪燒好唔同....燒牛舌切到好薄，好爽而且好大塊😍 但佢檸檬切到好薄好細，擠出嘅汁得半滴....炸芝士好香濃，鰻魚飯好食，整體呢間嘢食係唔錯嘅！…查看更多

兩間分店，兩舖相連，我訂枱明明係打去大舖訂，準時去到場内冇坐爆，個侍應係都要我地坐隔離細舖，去到係一間放滿雜物頂住張櫈咁背住坐的格局。。。我們傻眼🙄 然後要求換位，佢話d 大枱係留俾其他人... （咁我book 枱嚟做咩？）嘢食.... 係我食過九龍城中最難食嘅一間....黃咖哩雞肉但個汁綠綠地色...？！ d 薯仔壞咗仲有陣臭味 🤮芒果炒飯佢落錯咗芒果糯米飯 😅炒通菜同冬陰功湯都好重味，點知嚟料😨 飲完成晚口乾到不停灌水.................食完我唔見咗嘢，我再返去搵，點知見到米奇🙀🐀😰記得初初開業，呢間長期排隊，點知越做越求祈。。九龍城我食過無數間泰國食店，每間都各有特色，呢間點解可以差成咁。。。 🤢🤢…查看更多

還是銅鑼灣的花園餐廳比較好食，服務員態度也好好。牛扒多汁夠肉味而且好大份，個人比較喜歡牛柳多過肉眼/西冷！不過龍蝦頭啲膏好似霉霉地？但係個身啲肉好實（食落都幾正），係細舊咗啲，如果大隻啲就好啦😆整體都值得嘅聖誕節嚟講，食到好飽😋…查看更多

開多左咁多分店對我來說是喜訊，經常幫襯珍珠奶茶、鐵觀音雪糕、913 古早味冬瓜茶都好好飲。最正係個雪糕，好甘香茶味而且脆筒勁脆！如果遲d出抹茶雪糕我一定會試！亦都試過913 奶茶（烏龍茶）不過唔夠茶嘅回甘味，只有少少烏龍茶味，揭開蓋直頭杯野係白色望有待改善不過呢度唔見有奶蓋綠茶，呢樣喺其他台式飲品店好常見，希望會推出。佢成日做套餐優惠，啱晒我同老公睇完戲買上屋企嘆等屋企d 綠茶茶葉飲晒會試下呢度d 茶葉！…查看更多

今日打風，落波掛3號之後大概1小時半，到荷里活廣場分店看看開門未。未開都預左啦，但態度洗唔洗咁惡劣？問佢開門未，個四眼男職員啤住我，好惡咁話「未開呀！」，跟住仲擰轉頭啤多我一次去同個同事講野。一直未幫襯過呢間，買開樓下天仁x茶諗住今次試呢間，點知係咁巴閉㗎！去佢Facebook 專頁睇d 留言，原來間野d員工態度出晒名👍🏻 ！…查看更多

夜晚12點幾九龍城的某幾條街還是很熱鬧, 和老公找間茶餐廳食宵夜, 見這大大間的茶記滲著好香o既雲吞麵味, 就入去試下!我們叫了雲吞麵和淨水餃都好好食而且價錢唔貴! 不過凍啡略嫌酸O左D! 我比較喜歡懷舊裝修的茶餐廳, 呢類餐廳D 野食係好食D! 而且呢度好靜, O岩晒同老公拍拖, 又有電視播緊新紥師兄, 一路食一路睇好正!!…查看更多

本想試半板海膽卷，點知佢話賣晒，只有加拿大馬糞海膽卷（貴啲），以及雙拼卷，即海膽拼凡立貝或赤蝦。只好試了海膽拼凡立貝（貴過半板海膽$10），好難食 早知試排長龍的大滿足。…查看更多