Chuluip的个人专页

🥳朋友提議去食下呢間出名漢堡小店，佢話呢間野雖然偏僻，但性價比係完勝，咁就去試一試，可能係星期六同下午2點幾既關係，冇乜人等位，拎飛即入。🥳入到去就即刻叫野食，之後先坐低，野飲就自己拎，咁我地叫完就坐低等拎飯個機仔響。🥳拎到之後真係好震驚，呢個價錢，可以疊到個burger 咁高！足料！我就叫左個雙層芝士漢堡加煙肉，炸燒賣，罐裝有汔檸檬茶。對面就叫左雙層芝士漢堡加大菇，薯條。🥳burger 係厚到咬唔晒，咬第三啖先食到個肉，好juicy ，係好食既，但我加既煙肉係連同重味既牛肉之下，係食唔出有煙肉，直情忘記左自己叫左煙肉。的確包係出色既！🥳之後就係佢竟然有炸燒賣，成件事好local，好正，個魚肉燒賣本身好彈牙，點埋佢提供既蛋黃醬，真係升級左去另一lv。強烈建議大家叫黎食！🥳再食下人地既薯條，係闊粗cut type，方間係真係少見，炸到岩岩好，外脆內軟，不錯。🥳總括黎講，此小店，店面小小，但咁多人排隊食，一定有原因，性價比係真係高，百幾蚊，係食得開心同有質素。會再幫襯，或者會去試下其他分店。…查看更多

🤗今日係爸爸60大壽既生日飯，揀左係屯門既燒肉男，之前有朋友推介過呢間CP值高，所以就試一試佢。🤗今次我地揀左個C餐，4個人有7折，即3xx一位。任食任飲，用QR code 落order。🤗一坐低就黎左個9宮格牛肉盤，幾靚仔。又標好晒係咩肉，可以容易d再叫。🤗C餐最靚個隻肉大概就係咁既樣，3百幾蚊，不過不失。❗️‼️不過重點係。呢間野每枱都放一大樽炸蒜片！炸蒜片加牛肉，實在係太犯規，好脆好香，加晒分！🤗呢度仲有個少少甜品吧，有牛角包窩夫🧇細細地幾可愛。不過牛角包本身有少少咸，所以味道又有dd 奇，不過唔難食既。你想既話仲可以加m字頭雪糕。正呀！🤗總括黎講，呢度係食到好多牛，因為d牛唔算好多脂肪，唔會好滯。另外，佢仲有好多其他小食，炸物前菜個d，款式多味道都唔錯，呢餐飯食得幾開心，炸蒜片贏晒歡心🤭…查看更多

🤩BELLO 我平時堂食就係食意粉多，PIZZA 都有時會叫，我覺得都係好食既，都好RICH 好CHEESY。都係我的喜愛店之一。今日好懶所以就毒係屋企唔出街叫個外賣食，諗下諗下好似好耐冇食過BELLO 就決定叫下，今次都係第一次叫BELLO既外賣，就試試佢。🤩今次叫呢個係夏威夷風情，個PIZZA 上到黎仲熱，滿滿既芝士，食落口D芝士仲拉到絲，個PIZZA 皮係脆，好食既，係上面D料少左DD。外賣平台度叫，埋單82蚊，一個PIZZA一杯奶茶，外賣黎講都係算貴既，不過好食就OKAY。…查看更多

🫡今日就黎左旺角附近搵野食喇，就黎到女人街街口，見到有間食羊既餐廳，就心癢癢想試下。🫡餐廳環境算大，坐位唔算好闊，普通店面，冇咩特別。睇下份menú，係勁既，羊既咩部位都有，特別到連炸羊眼都有得食，呢d咁高級既野唔岩我，我都係食返羊肉面算了🥲🫡我地兩口子就叫左兩碗羊肉面（中辣），4串羊肉串，特色羊肉。🫡第一，叫羊肉面叫中辣，係一個錯既決定，因為辣味完全com 晒陣羊味，真係唔建議大家叫，佢既辣，係整左幾匙羹佢自己整既辣油落去，唔係話辣油唔好味，係真係食唔到羊味，定佢d羊冇羊味？我已經分唔到。🫡第二，特色羊肉，真係細既都100蚊，但我食唔到100蚊既feel，一堆凍左既白烚羊片，一堆辣辣地既粉，一大堆芫荽。到抵有幾特式可以收我100蚊😞定係我唔識，係個幾片羊咁值錢？🫡第三， 羊肉串，一舊肉就一舊羊脂肪，total 4舊一串，size 還好，有羊脂肪所以都食到羊既香。燒都夠火候，都好食既。🫡總括黎講，我應該唔會食第二次。我都係鐘意食d so 味重d 既羊，呢個唔岩我🫣…查看更多

🫡今日同朋友去左太子附近既party room 玩，有住呢頭既朋友就推介我地食呢間韓式炸雞店。佢話平時自己一個叫2人餐外賣可以分到4餐食，仲要叮返熱都仲係脆。🫡聽到咁勁，而我又咁鐘意食炸雞，就緊係抵受唔住佢既誘惑，就叫黎大家食下，我地今次用左panda黎叫左個4人餐for 7個人，諗住食住先，唔夠再叫其他。之後個餐好快就到左，黎到所有野都仲熱辣辣，即刻叫齊人黎開餐。🫡以下相片其實就係4人餐，有18件雞，2個飯卷，一個炸南瓜同炸芝士條，仲有個辣煮年糕，4罐氣水。仲有一大堆side dish 同韓式醬。🫡講真睇落唔多，食落好夠飽，估唔到4人餐可以俾7個人食仲要食淨左少少。份量真係夠勁。🫡炸雞就係得雞脾肉同雞翼，雞脾肉食落啖啖肉，個皮又好脆，點埋佢d醬又真係成件事升華左，我地叫個個甜辣醬同芥末醬都好正，係幾good。另外，我欣賞佢炸南瓜同芝士條，好脆得黎，唔會好油咁，唔錯。🫡總括黎講，我覺得想食炸雞既話又多個選擇，食得過。…查看更多

🙋🏼‍♀️今日去左上水名店鳳嗚居食午飯，同事非常推介所以就黎食晏打卡。🙋🏼‍♀️衰鬼又真係幾好味🤭🙋🏼‍♀️同事叫左個芫茜既，都算爆茜，食到返公司打噶都係芫茜味🤭有料到，望落個湯底都好清，應該係普通清雞湯，都夠味啦芫茜咁大陣味🤭食到同事都好滿足，成隻雞脾俾左佢，正❤️🙋🏼‍♀️我自己第一次食就緊係食d original 野啦，醉香雞米線🍜一黎到飲啖湯先！喂，好味喎！係甜甜地既黃酒味，結果我飲左3,4啖我先開始食野🤭 我既雞就係雞脾2舊，少少雞胸，一隻雞翼，都幾多雞。雞都有用酒煮，入味，好唔錯。米線就幾爽滑，幾大碗，好飽🤣🙋🏼‍♀️所有麵食都有隻碟仔同一小碟辣椒甜豉油，用黎點雞又幾正🫰🏻 🙋🏼‍♀️餐廳既員工好fun，自己一路播歌一路大聲唱，好有士氣同親切感。🙋🏼‍♀️整體黎講，我覺得幾唔錯，店舖細細，位置唔算逼，但就真係要等位，好多人食…查看更多

今日行過路過唔好錯過，餓餓地又見到燒賣皇后，決定幫襯下，我都好耐冇食過。18蚊5粒同22蚊8粒，價錢黎講唔平唔貴。肉質係真係唔明點解好似食酒樓既山竹牛肉多啲，好淋🤭辣椒油係加分point 幾香口總結係，充飢可以一試，過下口引，都係20蚊左右，唔好要求咁高。…查看更多

收工見冇約人就去search 下上水有咩好野食，之後俾我發現到d特別野，就係呢間位於石湖墟市政大樓既明記美食，入面有個叫做菠蘿蛋既物體，網上寫就係用一塊好薄既蛋皮包住個菠蘿包，又好似幾得意😎所以收工就狗衝，由火車站行去都一直有瓦遮頭，唔怕哂，途經d商場又有冷氣，都易行。去到明記美食，見有位就即刻坐低，淨係叫左個菠蘿蛋（因為諗住食完個菠蘿蛋就去隔離食牛腩面），等左陣都有10分鐘，就到左。其實心諗，點解整咁耐，人地黎遲過我都有野食緊🥲 黎左之後，我終於明點解！首先，個蛋皮非常薄，又唔老，咁煎係有一定既技巧。黎到已經切左，容易食。食落去好香蛋味，而且入面個菠蘿包係㩒扁左黎烘到好脆，菠蘿包個個面又甜甜地，味道其實有d似西多士，味道係夾既，都唔錯幾好味，又幾特別。食完之後結果係滯既，22蚊就食到我好飽，唯有下次先再食牛腩面🤭…查看更多

其實點解好好地間餐廳整到咁靚，但唔執下d食物味道，真係好耐冇試過食到嬲，唔係我一個嬲，係我地成枱4個港女都覺得好難食，直接覺得係冇尊重過食客，食物質素同味道真係寧願食茶餐廳，仲要咁貴！叫左咁多碟野淨係個burger 似返burger，其他野食係冇味，未熟，難食。冇味雞多醬但冇味沙律硬意粉藥水味嘢飲唯一食得落口既burger其實係咪呃人入黎食一次就唔再做生意定點？係廚師同員工都唔覺自己餐廳好難食？真係唔明點解仲可以係中環開多間。如果呢間野想做得耐做得出名，其實應該檢討下食物質素…查看更多

上次食左一次之後，咁岩又去東涌，今次帶多個fd黎。大家都覺得係good food good vibes 😎 因為想介紹個fd，有d食物都想推介佢食就叫左同上次一樣既prawn taco and beef burrito 唔多講，淨出圖先今次就試左呢個chicken quesadillas，醬係一樣比足，quesadillas 既餡係岩岩好，冇爆晒出黎，成件野個balance好好。而且入面既係雞絲，唔係一chunk chunk 既雞，好易食🤤另外再叫左個Chilli fries。因為個fd係薯條控，所以忍唔住叫左呢個。本身我自己對chilli fries 既印象係一Pat 豆既醬再加芝士加薯條咁，但呢個有d意外係個個醬唔係豆，係牛肉絲，好似係碎左既牛腩❤️幾正！其實最勁既係，呢間餐廳玩香料玩得好叻，所有野，都冇一樣係同味，每一碟都有佢特別既味道，而且係好食既！欣賞！220人頭費，大家都夠飽夠滿足，希望遲d出面發展好，有返個靚海景就perfect!❤️…查看更多

去開東涌，由於唔想食得太hea同連鎖店，所以就搵下有冇其他特別野食下，就搵到呢間la vista 既墨西哥餐廳。位置係比較偏，但我地幾個今次揸車入去食，有驚喜！第一，呢個蝦Taco 真係好好食，佢係炸左個炸，炸皮唔算厚，之後個蝦味好出好好味，再加佢既辣醬，食完一舊係真係會想食多舊第二，呢個牛肉burrito，有驚喜。三款正常墨西哥野要比既醬就齊晒，個burrito 細細咁但一d 都唔hea 入面既牛肉唔係肉碎，係似牛扒再切細細舊咁，加埋d醬同佢既調味，真係幾好食❤️第三。呢個好似開花既nachos，好足料，我相信睇相都睇得到，入面既一層一層都有好多溶左既芝士痴住d脆脆，食到最尾個舊都仲有醬有芝士，唔會好齋。最後叫左個churros, 呢個真係麻麻。唔建議食🤭…查看更多