Seriouswimmer的个人专页

經過這間餐廳好幾次，終於試咗Sensu下午茶，餐廳環境寧靜簡約，design 特別充滿風格，是與朋友聊天或放空的好地方！今日試咗雞扒炒蛋及Miso奶油螺絲粉，套餐擺盤精緻有心思味道特別，雞扒煎得很香，炒蛋嫩滑！以下午茶來說份量非常充足，配上Americano，係perfect 的下午茶組合，非常抵食，值得一試！是同區性價比餐廳高之一！但略嫌Americano 淡了一點！下次再嚟可以試吓晚餐意粉及特色咖啡及其他特飲！…查看更多

時間飛逝，又來到了一年一度生日的大日子，好友們都知我喜歡開心果及海綿蛋糕，特別於快樂餅店訂造開心果蛋糕。平時我去快樂麪包買傳統嘢，例如我最愛的腿蛋包、蛋撻、紙包蛋糕，從來冇食過佢啲蛋糕，今次真係非常驚喜！估唔到老牌餅店都趕上了開心果的熱潮！蛋糕好大個，實而不華，體現了傳統餅店的務實的態度，原來佢嘅海綿蛋糕都幾好食，中間有一層朱古力開心果脆脆，配上開心果味的忌廉及滿滿的雜果，生果竟然有好多元化，果然食到開心的感覺，快樂滿滿🥰…查看更多

有幸被派往深水埗工作，每日積極搵食 👀 有一天路過這間小店，就被新鮮出爐熱辣辣嘅星星蛋撻吸引住，買咗一個返公司試，味道簡直驚艷！蛋撻香噴噴，外皮超級脆，連唔食酥皮蛋撻嘅我都覺得好impressive!! 之後特登去試吓佢哋嘅麵包，特別推薦肉鬆包同 focaccia ，真心同其他麵包舖嘅唔同，麪包質地軟糯，非常高質，真係一分錢一分貨，回味無窮！為咗呢個包，我之後都會特登去深水埗買麪包，大家經過嘅，都不防買個試吓，支持吓呢間小店啦！…查看更多

多次到訪呢間台灣麵店 ，由大角咀店食到銅鑼灣店開張，店舖雖小，但之前食過麻辣牛肉麵、芋泥芝士蛋餅、醉雞卷、飲品也很不錯，所以對這間舖的蛋餅總是念念不忘，每次經過都想走入去食。今次特別推薦嘅係招牌肉鬆芝士蛋餅，外脆內軟，充滿肉鬆非常足料，加上滿滿半溶的芝士，食起來有拉絲，非常煙靭, 充滿住溫暖嘅感覺！而且蛋皮好味，唔會好乾又唔會食到麵粉味！加上充滿蒜蓉味嘅醬汁，令到成個蛋餅生色不少，性價比高，簡直係蛋餅天花板，充滿台灣嘅味道！😋…查看更多

首先一入坐，QR code menu 與餐牌menu不同，好混亂，雖然店員聲稱換咗點餐系統而已但選擇少咗。我叫咗碗鹽酥雞湯麪，加辣油好似冇加到咁。朋友點了牛肉麵，牛肉尚算可以，但係最大問題係兩個麪都係凍嘅，又凍又硬，好似食梗泥膠咁，碗麵真係唔合格，好難食。連麪都唔識煮，真係不能接受！牛肉麵味道好似冇乜味咁，食咗半碗就一齊放棄咗！另外，蛋餅頭尾嗰兩件好似冇餡咁，－碟六件好似冇咗兩件咁，性價比極低，非常失望。…查看更多

東龍島上有幾間士多，如果大家一落船即刻想叉叉電先，呢度必定係一個好地方！首先厚切餐蛋麵足料好食，用咗出前一丁，而豬扒麵同魚片頭米線都係用心製作！不得不讚嘅係佢嘅柴炭紅豆沙，老闆娘話要一直煮，一直加炭，一路搞，煮到紅豆一粒粒有口感之餘，又有啲起沙！紅豆沙甜度適中，非常好味！西多士亦煎得好好食！睇得出呢度嘅食物雖然係用普通嘅材料，但感受到老闆同老闆娘用心製作的那份溫暖！加上呢度嘅風景，再普通的食物，都變得一啲都唔普通！正呀😄👍🏻👍🏻…查看更多

The lunch set here is just perfect! It starts with appetizer, the salad is great but I choose pumpkin soup this time to keep myself warm in cold weather. We ordered steak and lamb chop which served with fries / baked potato. Both are of high quality and well cooked. The fries are delicious too! The set ends with desserts and drinks. The chocolate cake is wet and not too sweet, it's served with icecream too. This dessert paired with American is just perfect match which tastes bitter sweet like tasting our life. This shop is definitely the best restaurant in High street, it's worth to give a try and support !! …查看更多

喺同事介紹下，我試咗呢間好用心的小店。店舖雖小，但別具風格！二三之間，因為佢喺第二街同第三街之間。一睇cafe嘅logo 同杯墊呢啲細節位，已經覺得店主好有心思，很有格調！Turkish egg 好似pouched egg 嘅煮法，配上Greek yogurt with sourdough toast，感覺好refreshing! 擺盤極具心思，好似太極咁，陰陽調和，同佢嘅食物一樣，配搭得恰到好處！再呷一口iced long black ，簡直係Perfect match！我仲試咗幾個甜品，waffle 好特別好chewy👍🏼Lemon cake雪糕超級好味，加上lemon cream味道好特別！Affogato 令人有一種冰火交融，bittersweet嘅感覺！當大家喺2點3點之間有點疲倦，或者當生活有點混沌，意志有點消沉的時候，不妨嚟呢間小店，嘆杯咖啡，調和一下自己嘅人生！…查看更多

香港有很多出色的人才，都被昂貴的鋪租拖垮了。在友人介紹下，今次試下帽子咖啡。店舖雖小，但性價比高，拉花十分精美。帽子Barista 用心制作每一杯咖啡，如果叫甜品，仲可以做指定的拉花。每當我同友人飲咖啡時，見到 hojicha latte☕️ 或者napoleon 🍰 時都會寄掛著海外的老友，靈機一閃，就請barista 畫她最愛的企鵝，憑🐧寄意啦！雖然等了很久，但人生何嘗唔係從來都需要等待呢？💤 💤 咖啡終於到手了，果然是一杯超越了咖啡的藝術品。拉花嘅精緻度簡直係嘆為觀止，完全唔捨得飲。每個人心𥚃都可能有掛念的誰，尤其是近年很多朋友都選擇了移民。掛念有好多種方式，當有人叫你勿念時，為何不可以好好掛住呢？而我就會選擇品嘗她喜歡的食物和飲料，帶著她的精神，努力地活好每一天！當大家感到疲憊無力時，不妨停一停去呢間小店嘆杯咖啡叉叉電！💪🏼…查看更多

呢杯應該係我香港飲過最好味嘅咖啡，除咗拉花有誠意外，咖啡豆味道獨特 very impressive!平時fruity同nutty，我一定會揀nutty，因為怕fruity酸，但之前喺店長極力推介下，我就試一試。點知飲過一次之後就愛上了，呢杯應該係令我對fruity 改觀的咖啡。呢度好似一個safe haven，每當有任何煩心事，諗唔通嘅問題，可以嚟呢度一個人靜一靜，嘆杯啡，喘息一下。人生苦短，何必再苦呢？得閒嚟呢度chill 下！朝啡晚酒㗎！Cheers🍻🍻 …查看更多

之前食過呢間印度餐廳嘅晚餐，令我愛上咗印度菜！第二次再到訪呢間印度餐廳，上一次食咗羊，今次就試吓curry fish! Curry Fish with garlic naan, 個咖喱汁裏面有好多洋蔥超好食，個naan 非常新鮮忍唔住食晒! 食印度菜又點可以唔飲Mango Lassi呢？！😋😋😋Lunch 嘅性價比超高, 除咗主菜, 仲有湯同燒雞做前菜, 甜品朱古力撻亦都要讚一讚！餐湯、前菜同甜品都好有誠意㗎，喜歡印度菜嘅你不妨來試一試呀！…查看更多

餐廳門口有張悠閒的藤椅，就吸引咗我入去試一試，希望有種恬靜悠閒度假的感覺。誰不知一入到去，人唔太太多，但被告知用餐時間90分鐘😰，用QR code 落單，感覺冷冰冰，亦即刻有壓力。喺入去之前, 店員仲好熱誠咁俾咗個menu我睇，入到餐廳用QR code看Menu。我想攞返個實物Menu 仔細咁睇，點知店員話實物Menu唔作準, 咁都得嘅?! 咁入去之前又俾人睇😤我叫咗一份三文魚cream cheese panini 及一杯凍75%朱古力咖啡。Panini難食過Starbucks同Pacific Coffee，口感好硬又凍。朱古力咖啡正正常常，隻杯邊有朱古力嘅裝飾，但略嫌太貴同太打卡好主。呢間係百份百打卡為主嘅餐廳，店員態度冷冰冰完全沒有感情。打卡嘅朋友可以試一試，食好西嘅朋友就可以唔使試!🤪…查看更多

人生有順境逆境，只要堅持唔放棄的話，改變一下心態，所有唔好嘅嘢都會變好！疫症期間，灣仔快樂餅店租約期滿，令我感到很失落，連最鍾意食嘅麵包都冇機會再食。誰不知，灣仔快樂餅店重開，仲同順景茶餐廳合作喺銅鑼灣開舖，真係令我好興奮！咬－啖豉油雞髀，再咬一啖菠蘿油，簡直Perfect match，逆境都變順景啦！雞髀味道很好，菠蘿包脆皮，如果個包熱啲仲好！不只快樂，仲有種幸福滿滿的感覺！買咗個橙皮提子包返去食，下次再嚟試吓真係有菠蘿嘅菠蘿包啦！等我呀✊🏼…查看更多

每次到訪華爾登，都有種莫名興奮及回心微笑的感覺。記得3年前，特登去買粗口月餅，因為我喜歡舊式麵包店，就是喜歡它扎扎實實的感覺。今次特登去買月餅，最後一個奶黃月餅俾我買咗，仲咁岩見到真香蕉蛋糕出爐，就試吓佢個真香蕉蛋糕有幾真！感覺好紮實，真係冇用香蕉油整嘅！超級正呀喂！奶黃月餅不含防腐劑，食落去仲有好實在嘅感覺！真係有別於其他大型麵包連鎖店嘅出品！當一間一間舊式餅舖，被這石屎森林壓倒的時候，希望大家繼續支持香港人的創意和堅持。…查看更多

趁第三波疫情稍為緩和，梗係要把握機會喺中秋節前聚一聚。我同好朋友揀咗呢間新店試吓，一入去就已經好chill🤟🏼 我哋叫咗3個set lunch 蜆肉湯意粉、risotto、牛肉闊條麵，食物即叫即做，最喜歡係後上的嘅Flat white。咖啡師用心介紹同講解佢哋嘅咖啡.....咖啡豆係用兩個產地(危地馬拉⋯⋯同唔記得咗🙈）Mix埋一齊，沖嘅時候，只係要頭20秒嘅 Ristretto精華 (希望我冇記錯啦😜）,完全感受到沖咖啡嘅滿腔熱誠。Flat white 完全啱我口味，濃香奶滑，重有回甘，加上服務用心，大家記得試吓佢哋啲咖啡呀！支持小店！💪🏻💪🏻💪🏻…查看更多